Koe Tohi ae Balofita ko Sakalaia

¶ 1 I HONO valu oe mahina, mo hono ua oe ta‘u a Talaiasi, nae hoko mai ae folofola a Jihova kia Sakalaia koe foha o Belekia, koe foha ia o Ito, koe balofita, o behe,

2 Kuo mamahi aubito a Jihova ki hoo mou gaahi tamai.

3 Koia ke ke behe kiate kinautolu, Oku behe e Jihova oe gaahi kau tau; Tafoki mai akimoutolu kiate au, oku behe e Jihova oe gaahi kau tau, bea teu tafoki atu au kiate kimoutolu, oku behe e Jihova oe gaahi kau tau.

4 Oua te mou hage ko hoo mou gaahi tamai, aia nae kalaga ki ai ae kau balofita i mua, o behe, Oku behe e Jihova, oe gaahi kau tau, Tafoki mai anaini mei ho mou gaahi hala kovi, mo hoo mou gaahi faiaga kovi; ka nae ikai te nau ogo‘i, be fanogo kiate au, oku behe e Jihova.

5 Ko hoo mou gaahi tamai, koefe akinautolu? Bea koe kau balofita, he oku moui akinautolu ke taegata?

6 Ka ko eku gaahi lea, mo eku gaahi fekau, aia naaku tuku ki he kau balofita, ikai naa nau hoko ki hoo mou gaahi tamai? Bea naa nau foki mai, mo nau behe, Hage koia nae finagalo a Jihova ke fai kiate kitautolu, o fakatatau ki ho tau gaahi hala, bea moe tau gaahi faiaga, koia be kuo ne fai kiate kitautolu.

¶ 7 I hono uofulu ma fa oe aho i hono hogofulu ma taha oe mahina, ae mahina ko Sibate, i hono ua oe ta‘u o Talaiasi, nae hoko mai ae folofola a Jihova kia Sakalaia, koe foha o Belekia, koe foha o Ito, koe balofita, o behe,

8 Naaku mamata i he bo, bea vakai, koe tagata nae heka ki ha hose kulokula, bea nae tuu ia i he lotolotoga oe gaahi akau koe maile, aia nae i he telea; bea nae muimui iate ia ae faga hose kulokula, nae bulebule mo lavatea.

9 Bea naaku behe ai, E hoku eiki, kohai akinautolu na? Bea nae behe mai e he agelo naa ma talanoa mo au, Teu fakaha kiate koe a hono uhiga.

10 Bea nae tali mai e he tagata, aia nae tuu i he lotolotoga oe gaahi akau koe maile, o ne behe, Ko kinautolu ena, kuo fekau atu e Jihova ke fealuaki fano i mamani.

11 Bea nae tali ekinautolu ki he agelo a Jihova, aia nae tuu i he lotolotoga oe gaahi akau koe maile, o behe, Kuo mau fealuaki fano i mamani, bea vakai, oku nofo lelei be a mamani kotoabe, bea oku fiemalie.

¶ 12 Bea nae toki tali e he agelo a Jihova, o beheage, E Jihova oe gaahi kau tau, e fefe hono fuoloa mo hoo taealoofa ki Jelusalema, bea moe gaahi kolo o Juta, aia kuo ke houhau ki ai i he ta‘u ni e fitugofulu?

13 Bea nae tali aki e Jihova ki he agelo nae talanoa mo au, ae gaahi lea lelei, moe gaahi lea fakafiemalie.

14 Koia nae behe ai kiate au e he agelo naa ma talanoa, Kalaga, akoe o behe, Oku behe e Jihova oe gaahi kau tau, oku ou fuaa koeuhi ko Jelusalema, bea mo Saione i he fuaa oku lahi.

15 Bea oku ou mamahi aubito ki he gaahi buleaga oku fakafiemalie: he nae kei jii be eku mamahi, ka naa nau fakatubu be ae mamahi.

16 Koia oku behe ai e Jihova; kuou foki mai moe aloofa ki Jelusalema, e laga hoku fale i ai, oku behe e Jihova oe gaahi kau tau, bea e falo atu ae afo ki Jelusalema.

17 Toe kalaga foki, o behe, Oku behe e Jihova oe gaahi kau tau; e toe folofolahi atu a hoku gaahi kolo, koe mea i he monuia; bea e toe fakafiemalie‘i e Jihova a Saione, bea te ne toe fili a Jelusalema.

18 Bea naaku toki haga hake hoku mata, beau mamata, bea vakai, koe nifo‘i ulu e fa.

19 Bea neu fehui ki he agelo, aia naa ma talanoa mo au, Koeha ena? aia naa ne behe mai, Koe gaahi nifo ena, aia kuo ne fakahe‘i a Juta, mo Isileli, bea mo Jelusalema.

20 Bea nae fakaha e Jihova kiate au ae kau tufuga e toko fa.

21 Bea naaku behe ai e au, Kuo ha‘u akinautolu ke fai ae ha? Bea ne folofola mai, o behe, Koe gaahi nifo ena aia ne ne fakahe‘i a Juta, bea koia nae ikai faa haga hake e ha tagata a hono mata: ka kuo ha‘u akinautolu na ke maumau‘i akinautolu, mo li atu kitua ae gaahi nifo oe kau Jenitaile, akinautolu nae hiki hake ho nau nifo ki he fonua o Juta, ko hono fakahe‘i.