Ko Nga Tikanga O Te Whakapono
O te Hahi o Ihu Karaiti o te Hungo Tapu o nga Ra o Muri nei.

1. E whakapono ana matou ki te Atua, ki te Matua ora tonu, ki tana Tama, ki a Ihu Karaiti, ki te Wairua Tapu ano hoki.

2. E whakapono ana matou tera e whiua nga tangata mo o ratou hara ake, e hara i te mea mo to Arama haranga.

3. E wtiakapono ana matou e taea ano e te whakamarietanga a te Karaiti, te whakaora nga tangata katoa e ngohengohe ana ki nga ture me nga tikanga o te Rongo-pai.

4. E whakapono ana matou ko nga tikanga o taua Hongo-pai: tuatahi, ko te whakapono ki te Ariki ki a Ihu Karaiti; tuarua, ko te Ripenetatanga: tuatoru, ko te Iriiringa rumaki hei murunga hara; tuawha, ko te Whakapakanga o nga ringaringa mo te hoatutanga o te Wairua Tapu.

5. E whakapono ana matou kua takoto te tikanga kia karangatia te tangata e te Atua, ki te kauwhau i te Rongo-pai, ki te mahi hoki i ona tikanga, ki runga i te poropititanga me te whakapakanga ringaringa, o nga tangata kua whakaritea hei pera.

6. E whakapono ana matou ki taua whakaritenga ano i whakaritea ai te Hahi i mua; ara, ki nga apotoro, ki nga poropiti, ki nga hepara, ki nga kai whakaako, ki nga kai kauwhau i te Rongo-pai, ki era atu ano hoki.

7. E whakapono ana matou ki te homaitanga o nga reo ke, ki te mahi poropiti ano hoki, ki nga whakakitenga, ki nga kitenga, ki nga mana whakaora, ki te whakamaoritanga i nga reo, ki era atu ano hoki.

8. E whakapono ana matou ko te Paipera te kupu a te Atua; ara, ko te wahi i tika te whakamaoritanga; e whakapono ana ano hoki matou ko te Pukapuka a Moromona te kupu a te Atua.

9. E whakapono ana matou ki nga mea katoa kua whakakitea mai e te Atua i mua, ki nga mea ano hoki e whakakitea mai nei e ia inaianei; a e whakapono ana ano matou tera e maha nga tino tikanga utu nui o te rangatiratanga o te Atua e whakakitea mai ano e ia.

10. E whakapono ana matou ki te huihuinga katoatanga o Iharaira, ki te whakahokinga mai ano hoki o nga hapu kotahi tekau, ki te hanganga o Hiona ki runga ki tenei tuawhenua (ki Amerika), ki te kingitanga tangatatanga a te Karaiti ki runga ki te whenua, ki te whakahoutanga ano hoki o te whenua, ki to rironga hoki i a ia o tona kororia pararaiha.

11. Kua kiia e matou kei a matou te tikanga ki te karakia atu ki te Atua Kaha Rawa i runga i te whakaaetanga o o matou ake hinengaro: a ka tuku atu i taua tikanga ano ki nga tangata katoa, ahakoa karakia ratou pehea, ki hea, ki te aha ranei.

12. E pai ana matou ki te haere i raro i te mana o nga kingi, o nga tumuaki, o nga rangatira, o nga kai whakahaere tikanga; a e pai ana hoki matou ki te ngohengohe, ki te whakahonore, ki te tautoko hoki i te ture.

13. A e hiahia ana matou kia tika, kia pono, kia he kore, kia atawhai, kia u ki te pai, ki te mahi pai ano hoki ki nga tangata katoa; ara, e whai ana matou i ta Paora whakatupatoranga, E whakapono ana matou ki nga mea katoa, e tumanako atu ana matoti ki nga mea katoa, kua manawanui matou ki nga mea maha, a e hiahia ana matou ki manawanui ki nga mea katoa. Ki te mea he mea pai, he mea ataahua rauei, he mea korerotia paitia ranei, he mea whakamoemititia ranei, e whai ana matou i aua mea.—Na Hohepa Mete.