O Auala e 5 e Nofomau ai ia te Oe le Konafesi

Saunia e Chakell Wardleigh

Mekasini a le Ekalesia

O le aiga o loo tatalo faatasi

Ia Aperila ma Oketopa taitasi, ua ia i tatou le avanoa matagofie e faalogologo ai i perofeta o aso nei o tuuina mai ia i tatou tima’iga tuusao mai le Atua. Latou te saunia ma le tatalo a latou savali e faatatau tonu mo i tatou—e taitaiina ai, aoao ai, tali mai, ma faamafanafanaina i tatou.

Ae pe a maea le konafesi aoao ma ua tuanai ni nai aso, ua faasolosolo ina faigata ona manatua mausii faapitoa, autu, musumusuga, po o tali na tatou maua. Afai tatou te lagona ua tatou le alualu i luma, atonu o le a tatou lagona le lotovaivai a o fotuai mai le isi konafesi aoao.

Aua lava le fefe! E iai le auala e mafai ona tatou taofia ai lapataiga mai le Atua i o tatou loto mai le tasi konafesi aoao i le isi:

1. A mae’a le konafesi, filifili se upusii se tasi, lesona, mataupu faavae, poo se lauga atoa foi na musuia oe.

2. Faasoa atu lenei ma lou aiga ma tusi i lalo i se nofoaga o le a e vaai i ai i aso uma.

3. Fausia se sini i le auala e te faatinoina ai lena mataupu faavae i lou olaga i aso taitasi.

4. Ia lagolago e le tasi le Isi O le tali atu i isi o se faaosofiaga sili lea!

5. Pe a oo mai le isi konafesi aoao, nofo i lalo ma lou aiga ma fefaasoaai mea sa e aoaoina ma faamanuiaga ua e maua mai le ola ai i lenei mataupu faavae.

Afai tatou galulue agai atu i o tatou sini faaleagaga patino, o le a faamalosia a tatou molimau ma latalata atili ai i le Tama Faalelagi.

Faataitai iai i le aso!

Aoao Atili

• Faitau i le fautuaga a Peresetene Dieter F. Uchtdorf i le ala e saunia ai e maua tali patino ma faaaliga i le konafesi aoao i lenei tusiga “O le Afioga a le Atua i Ana Fanau” i le Liahona.