O Nei Fesili e 7 e Mafai Ona Faasaoina Lau Faaipoipoga (E tusa lava pe lei Amataina)
“Ua ta alolofa le tasi i le isi, o lea e tatau ai ona ta fealofani!” Atonu e te le faalogo i le tele o tagata o fai leotele atu lena mea—ae e toatele tagata e mafaufau i ai, pe afai na ona le manatu lava i ai.
Pe afai ua e i ai i se sootaga lena e mafai ona oo atu i le faaipoipoga, e faigofie le talitonu (po o le faamoemoe le faavaea!) e faapea o au tulaga faatonuina ma sini o le a solo lelei lava e fatu ai se aiga fiafia. Ae o nisi taimi e le faapena le faigofie. O le a faamanuiaina oe mai se lesona lelei lava o le F&T ma oe lava ia, lau uo tama po o le uo teine, po o se toalua faatoa faaipoipo e uiga i mea e te manao moni lava i ai ma le vaaiga o ia te oe mo lou aiga i le lumanai.
Mo le toeitiiti lava (pe faatoa) faaipoipo: Tali fesili o loo i lalo faatasi ma lau uo ia iloa ai pe o loo tutusa mea lua te mananao i ai ma talanoaina pe faapefea ona sili atu le lotogatasi i a oulua sini.
Afai e te le o mautinoa nei se tasi e fai faatasi lenei vaega, aua le popole; e faatatau pea lava fesili ia te oe! E ala i le atiina ae o lau lava vaaiga i le taimi nei, o le a sili atu ona vave ona e iloaina pe o au fuafuaga e ogatasi ma se toalua e mafai ona maua i le lumanai.
Mafaufau ma talanoaina fesili nei:
-
O le a le ta vaaiga atoatoa mo se olaga faaleaiga ma lo ta aiga e faavavau? O le a le mea e sili ona taua ia i taua taitoatasi?
-
O a ni sini e mafai ona ta faatutuina o le a fesoasoani ia i taua e ausia ai lenei vaaiga?
-
Pe o i ai ni feteenaiga i le va o vaaiga e lua o loo ia i taua mo le olaga faaleaiga? Aisea ua i ai na feteenaiga? Pe ua ta malilie uma e galulue faatasi?
-
Pe o le a faapefea ona ta lagolagoina le tasi ma le isi ia ta aoga, galuega, ma le olaga faaleaiga?
-
O le a faapefea ona ta faasoaina ma/pe vaevae galuega i le fale?
-
O a ni mea ua ta naunau e ositaulaga mo o ta aiga?
-
O le a faapefea ona ta faatinoina matafaioi eseese i le aiga, ae faatumauina pea se paaga tutusa?
O lau vaaiga e le faapea e tatau ona tutusa atoatoa lava ma lau soa, ae faaalu le taimi e talanoa ai i eseesega e te lua vaaia. E ala atu i le galulue agai i se vaaiga e tutusa, e mafai ona sili atu le lotogatasi i le lua sootaga.