Jeļā Em̧m̧an ak Ejabwe

Jān Steven C. Harper

Rikaki in Bwebwenatoon Kabun̄ in im Katak ko, Brigham Young University

Erkein rej jet iaan bwebwenato ko kōn membōr ro jinointata ilo Kabun̄ in ro rekar ron̄ kōn naan in kam̧ool ko jān rikam̧ool ro an Bok in Mormon.

Kōmeļeļe ko jān Dan Burr

Ron̄ naan in kam̧ool jān rikam̧ool eo an Bok in Mormon emaron̄ kein karuo em̧m̧an tata jān lo pileij gold ko ak juon enjeļ. Membōr ro jinointata an Kabun̄ in ekar wōr aer iien.

Ta kein ilaļ rej bwebwentoon jejjo membōr ro rekar kōnono kōn rikam̧ool ro an Bok in Mormon. Jenaaj lo, ijoke, āinwōt an Būreejtōn Russell M. Nelson kar katakin, bwe bōk juon naan in kam̧ool kōn Bok in Mormon “em̧m̧an, ak ejabwe!”¹

Rebecca Williams: “Tōmak Naan ko Aer”

Rebecca Swain Williams ekar ron̄jake jejjo rikam̧ool ro an Bok in Mormon ilo Ohio jinoin 1830. Ekar kwaļo̧k naan in kam̧ool eo an n̄an jemān im būratōr eo an: “Ikar ron̄ ejja bwebwenato eo wōt jān jet uwaan baam̧le eo an [Smith] im jān rikam̧ool ro jilu. Ikar ron̄ aer kwaļo̧k ilo kweilo̧k ko ke rekar lo juon Enjeļ Kwojarjar ej walaļtak jān lan̄ im bōktok pileij im likūt im̧aan mejāer.”

Ke ro uwaan baam̧le eo an rekar jum̧ae naan in kam̧ool eo an, Rebecca ekar jab jook. Ekar wōnm̧aanļo̧k wōt im iakwe er, jar kōn er, im kaorōk naan in kapilōk ko an jemān rem̧m̧an. Ekar barāinwōt wōnm̧aanļo̧k im kam̧ool n̄an e bwe rikam̧ool ro an Bok in Mormon rekar kwaļo̧k m̧ool eo: “Rej em̧m̧aan ro rem̧m̧an im Rekar lo juon enjeļ an Anij im ej kōnono ippāer.”²

Ilo jem̧ļo̧kin ļo̧k 1830, juon iien iakweleel ilo Kabun̄ in, Rebecca eaar pād wōt ilo an tōmak, ekar kāālet n̄an mour kōn bun̄ten ko ilo Bok in Mormon.³

William McLellin: “Kar ekkar … bwe en Kwaļo̧k Mool eo”

Juon jibbon̄ ilo 1831 juon rikaki in jikuul etan William McLellin ekar ron̄ ke jet em̧m̧an remootļo̧k n̄an Missouri n̄an kwaļo̧k kōn bok eo ekāāl me rekar kōmeļeļeik āinwōt “juon Revelesōn jān Anij.” Ekar kōkairiir bwe en tin ron̄jake er. Ekar ron̄jake an David Whitmer kwaļo̧k an kam̧ool bwe ekar “lo juon Enjeļ Kwojarjar ekar kwaļo̧k m̧ool eo kōn bok in n̄an e.” Ekar lukkuun ikdeleel n̄an jeļā eļan̄n̄e naan in kam̧ool ko aer rekar m̧ool Ekar ļoor er 400 miles (644 km) n̄an Independence, Missouri, ijo ekar ioon im rikam̧ool ro jet im ekar kajjitōkin er, ekoba Martin Harris im Hyrum Smith.⁴

William ekar kajjitōkin Hyrum iumin elōn̄ awa ko “Ikar kajjitōk ilo dipdikin meļeļe kōn itok eo an bok in,” William ekar rekoote. Jibbon̄ eo tok juon, ālkin aō jar n̄an bōk tōl kōn m̧ool eo, ikar kile bwe ekar “menin aikuj āinwōt juon em̧m̧an eo em̧ool n̄an kile m̧ool eo im m̧ool eo an Bok in Mormon.”⁵

Ilo iiō ko tokālik, tōmak eo an William kar idajon̄jon̄e im kar kajoor wōt kōn kāālōt ko im kōn jum̧ae ko me Rikwojarjar ro rekar jelmaeiki. Ke Rikwojarjar ro ilo Jackson County, Missouri, kar po ippān rinana ro, ļeo m̧ōttan William etan Hiram Page, juon iaan Rikam̧ool ro Rualitōk, em̧m̧an ro rekar den̄ļo̧k e kōn alal im to ro me rekar ba renej kōtļo̧k e n̄e enej kariab Bok in Mormon “Ewi wāween aō kariab ta eo ijeļā ke em̧ool?” Hiram ekar ba, im rekar bar m̧ane ļo̧k wōt.

William ekar kajoorļo̧k kōn naan in kam̧ool eo an Hiram im ekar lukkuun meļeļe im mijak. Ke William ekar ron̄ bwe em̧m̧aan ro ilo jikin eo rekar leļo̧k nōbar n̄an ro renej bōkļo̧k e im Oliver Cowdery, rekar em̧m̧akūt jān jikin eo im em̧m̧ooj ilo bulen wōjke ko ippān David Whitmer. Ijeņ William ekar kajjitōkin ruo iaan rikam̧ool ro jilu. Ijjan̄in kar ello visōn ilo mour eo aō, ekar ba, ak kom̧ em̧m̧aan raņ em̧ōj ami, im kōn menin kom̧ lukkun jeļā ilo ejjeļo̧k pere. Kiiō kojeļā bwe mour ko ad rej pād ilo kauwōtata aolep iien, eļan̄n̄e jenaaj po ippān rinana ro. Kwaļo̧k n̄an n̄a ilo am̧ mijak Anij, Bok in Mormon ej ke m̧ool?

Brother Wiliam, Oliver ekar ba, “Anij ekar jilkintok enjeļ ro rekwojarjar n̄an kwaļo̧k m̧ool in ukook eo an n̄an kōj, im kōn menin kōm jeļā. Im men̄e rinana ro rekar m̧an kōm, aeet jej aikuj mej ilo ad kwaļo̧k m̧ool eo.

David ekar ba, “Oliver ekar ba n̄an eok lukkun m̧ool eo, bwe jen jab maron̄ po ilo m̧oņ. Ilo m̧ool, ta eo ij ba n̄an eok ej m̧ool!”⁶

David, Martin, Hiram, Oliver, im William kajjojo iaaer rekar jeļā bwe Josep Smith ekar ukōt Bok in Mormon kōn kajoor eo an Anij. Rekar jeļā bwe gospel eo mekar jeiki ioon pileij gold rej m̧ool Ak tokālik rekarkōtļo̧k illu eo aer ippān Josep en ļapļo̧k m̧ae iien rekar bōjrak jān aer mour kōn katak ko ilo Bok in Mormon.

Ilo aō kar kam̧oole kāālōt ko aer, Rikanaan Josep ekar kwaļo̧k an kam̧ool ejjab wōt bwe Bok in Mormon em̧ool—“bok eo ejim̧we tata jān bok otemjej ioon laļ, im bwe ej dekā in jabōn em̧ n̄an tōmak in ad”— im juon armej enaaj epaakeļo̧k Anij jān an mour ekkar n̄an katak ko ie, jān jabdewōt bok ko jet.”⁷

Sally Parker: “Kajoor ilo Tōmak”

Sally Parker ekar juon ritūrūn Lucy Mack Smith ilo Kirtland, Ohio. “Ekar ba n̄an bwebwenato tok, Sally ekar je. Ke ekar kajjitōk ippān Lucy eļan̄n̄e ekar lo pileij ko, [Lucy] ekar ba ekar jab, ejjab tōlļo̧kin bwe en lali, ak ekar jibwi im kotaki im ikar tōmak bwe aolep men ko ekar ba kōnke ikar jokwe itūrūn iumin rualitōk allōn̄ im ekar juon iaan kōrā ro rem̧m̧an tata

Ilo 1838, Sally ekar ron̄ ke Hyrum Smith ekar waļo̧k an bar kam̧ool: “Ekar ba ekar lo pileij ko kōn mejān im ekar kotaki kōn pein.”⁸

Ilo jem̧ļo̧kin ļo̧k 1830, elōn̄ armej rekar etal jān Kabun̄ in, Sally Parker buromōj kōn aer etal jān kabun̄ in im kāālōt bwe en pād wōt im mour kōn katak ko ilo Bok in Mormon “Meļeļe eo aō n̄an dāpdep wōt ilo tōmak eo aō eo me ej āinwōt juon ine jiddik in mustard, Sally ekar je “Ij en̄jake kajoor eo an ilo buruō kiiō Eļap aō kajoor ilo tōmak āinwōt ļo̧k n̄a ke jekar peptaij im kōļmenļo̧kjeņ eo aō rej juon wōt. Meļeļein n̄an dāpdep wōt ilo gospel in n̄an mej.”⁹

Rhoda Greene: “Ekar pād ippān Jetōb an Anij”

Lucy Mack Smith ej kōnono ilo kweilo̧k eo eļap ilo 1845, ālkin an aolep rikam̧ool ro ilo baam̧le eo an kar mej kōn nan̄inmej ak kar m̧an er. Ekar kwaļo̧k juon bwebwenato jān mijen eo kein kajuon an ļaddik eo nejin etan Samuel.

Samuel, juon iaan Rikam̧ool ro Rualitōk, kar loļo̧k m̧weo mōn Rhoda Greene, eo me ļeo pāleen ekar pād ilo mijen eo an n̄an bar juon kabun̄. Samuel ekar kajjitōk ippān Rhoda n̄e ekōņaan juon bok. “Ej juon Bok in Mormon me būratōr eo aō Josep ekar ukōte jān pileij ko rekar eno̧o̧j iumin laļ,: ekar kōmeļeļeiki.

Rhoda ekar m̧ōņōņō in bōk juon kape n̄an riit im kwaļo̧k n̄an ļeo pāleen. Ke Samuel ekar bar rool ļo̧k tokālik, Rhoda ekar ba n̄ane ke ļeo pāleen ejjab itok limoin, im ejjab maron̄ wiaki bok eo. Kaburomōjmōj eo, Samuel ekar bōk bok eo im rool. Rhoda ekar ba n̄an Lucy Samuel tokālik bwe Samuel ekar bōjrak jidik im kalimjōke. “Ejjan̄in kar ello em̧m̧aan rōt in, Lucy ekar ba ilo iien kōnono eo an ilo kweilo̧k eo eļap. “Ekar jeļā bwe epād ippān Jetōb an Anij.”

“Jetōb ekar bōbraeiki eō jān aō bōk bok in,” Samuel ekar ba n̄an Rhoda, eo ekar bukwelōlō im kajjitōk ippān Samuel bwe en jar ippān. Ekar bōk bok eo, riiti, im ekar bōk juon an naan in kam̧ool kake. Kōn menin, āliktata, baj ļeo pāleen. Rekar kāālōt n̄an pād wōt im mour kōn katak ko ilo aolepān mour eo an.

“Kōn menin jerbal eo ekar ijjino,” Lucy ekar kam̧ool, “innem ekar ajedeed āinwōt juon ineen mustard.”¹⁰

Rhoda Greene ej juon jibūn rietto. Ikar ellowetak kōn naan in kam̧ool kōn Bok in Mormon im kar rekoote naan in kam̧ool ko an rikam̧ool ro im ro rekar ron̄ kōn er. Ikar kajoorļo̧k kōn kāālōt ko aer n̄an dāpdep wōt kōn ta eo Bok in Mormon ej katakin kōj.

Kajjojo iaad jemaron̄ erom rikam̧ool raan kein kōn Bok in Mormon, n̄e Jetōb Kwojarjar ej kallikar n̄an kōj kōn m̧ool ko an bok eo. Ejjab to jān iien eo m̧okta jān aer kar etal n̄an mijen eo aō, ikar riiti Bok in Mormon, innem bukwelōlō im jar ak kōn lukkuun kōttōpar, juon bōro em̧ool, im tōmak ilo Jisōs Kraist. (lale Moronai 10:3–4). Ikar en̄jake juon kajoor eļap ekar kwaļo̧k bwe, “Em̧ōj am̧ jeļā kadede ke em̧ool.” Ekar itok ilo aeņōm̧m̧an eo me ijjan̄in kar kōņaan kōjekdoone. Ijjeļā bwe Bok in Mormon ej m̧ool.

Menin ejjab bwe, mekarta. Būreejtōn Russell M. Nelson eaar katakin: “Jabdewōt iien ij ron̄jake an jabdewōt, ekoba n̄a make, ba, ’Ijeļā bwe Bok in Mormon ej m̧ool,’ ikōņaan ba, “Menin em̧m̧an, ak ejjabwe!’ Jej aikuj in en̄jake, jān ijo ‘em̧wilaļ ilowaan’ buruwōd, bwe Bok in Mormon eo ej lukkuun naan ko an Anij. Jej aikuj en̄jake lukkuun m̧wilaļ in bwe jejjab maron̄ mour juon raan ilo an ejjeļo̧k.”¹¹ Katak ko an Būreejtōn Nelson rej m̧ool. Kijejeto ko aō rej wōnm̧aanļo̧k wōt n̄an aō mour kōn katak ko ilo Bok in Mormon me rekar kepaakeļo̧k eō n̄an Anij eļapļo̧k jān jabdewōt men ko.

Kakeememej ko

1. Russell M. Nelson, “Bok in Mormon eo: Eļan̄n̄e en kar Ejjeļo̧k Elmen Nej Kar Mour eo Am̧? Kweilo̧k eo Eļap, Nob. 2017, 63).

2. Rebecca Swain Williams n̄an Isaac Swain, Youngstown, New York, June 12, 1834, spelling standardized. Lale transcription and pija in leta ko ilo Janiece Johnson, “Give Up All and Follow Your Lord,” BYU Studies, vol. 41, no. 1 (2002), 97–102.

3. Bar lale Janiece Lyn Johnson, “Rebecca Swain Williams: Steadfast and Immovable,” Ensign, Apr. 2011, 38–41.

4. Lale The Journals of William E. McLellin: 1831–1836, ed. Jan Shipps and John W. Welch, (1994), 29–33.

5. The Journals of William E. McLellin, 33, capitalization standardized.

6. Ilo William E. McLellin’s Lost Manuscript, ed. Mitchell K. Schaefer (2012), 165–67.

7. Joseph Smith, epād ilo Kadkad in Bok in Mormon. N̄an meļeļe kōn katak in, lale Scott C. Esplin, “Getting ‘Nearer to God’: A History of Joseph Smith’s Statement,” in Living the Book of Mormon: Abiding by Its Precepts, ed. Gaye Strathearn and Charles Swift (2007), 40–54.

8. Ilo Janiece L. Johnson, “‘The Scriptures Is a Fulfilling’: Sally Parker’s Weave,” BYU Studies, vol. 44, no. 2 (2005), 116, 115.

9. Ilo Johnson, “‘The Scriptures Is a Fulfilling,’” 117.

10. Lucy Mack Smith, “This Gospel of Glad Tidings to All People,” in Jennifer Reeder and Kate Holbrook, eds., At the Pulpit: 185 Years of Discourses by Latter-day Saint Women (2017), 24.

11. Russell M. Nelson, “Bok in Mormon eo: Eļan̄n̄e en kar Ejjeļo̧k Elmen Nej Kar Mour eo Am̧?” 63.

Kanaan ko an Rikam̧ool ro

2 Nipai 27:12 “N̄e bok eo naaj leļo̧k n̄an ļeo iaar kōnono kake, bok eo enaaj ņojak jān mejān laļ, bwe en ejjeļo̧k mej enaaj lo e ijello̧kun wōt jilu rikam̧ool renaaj lo e, jān kajoor in Anij, ijello̧kun e eo im bok eo naaj leļo̧k; im renaaj kam̧ool kōn m̧ool in bok eo im men ko ilowaan.”

Ether 5:2–3 “Im lo, kwo m̧aron̄ utiej bwe kwo m̧aron̄ kwaļo̧k pileij ko n̄an ro renaaj jipan̄ n̄an bōk tok jerbal in;

“Im n̄an jilu naaj kwaļo̧k n̄an er jān kajoor in Anij; kōn menin renaaj jeļā ilo lukkuun m̧ool bwe men kein rem̧ool.”

Baam̧le eo an Rikanaan Josep āinwōt jet Rikam̧ool

Joseph Smith Sr. ekar en̄taan im kalbuuj iumin emen raan ko in an kole ijjeļo̧kin an kariab Bok in Mormon.

Lucy Mack Smith ekar ron̄ naan in kam̧ool ko an rikam̧ool ro jilu—Martin Harris, Oliver Cowdery, and David Whitmer—barāinwōt ļaddik eo nejin Josep. Ālkin an enjeļ eo kar kwaļo̧k pileij gold ko im kam̧ool ko kōn Rikam̧ool ro Jilu ilo 1829, Josep ekar ba n̄an jinen: “Irooj ekar kōm̧m̧an bwe pileij ko ren waļo̧k n̄an rein jilu ijjeļo̧kin n̄a eo me ikar lo juon enjeļ im inaaj aikuj kwaļo̧k aō kam̧ool kōn m̧ool ko kōn ta eo ikar ba” (“Lucy Mack Smith, History, 1844–1845,” page [11], book 8, josephsmithpapers.org).

Samuel Smith ekar kam̧ool n̄an Brigham Young, “Ijeļā bwe bok in ej juon revelesōn jān Anij, kar ukook jān menin letok im kajoor an Anij,” Millennial Star, vol. 25, no. 23 [June 6, 1863], 361).

Hyrum Smith, eo ekar pād ilo jikin kalbuuj Liberty Jail ippān Joseph, ekar ba: “Kar m̧an eō im joļo̧k ilo kalbuuj, im likūt eō iumin allōn̄ kōn wōt tōmak eo aō, im kōn aō ‘naan in kam̧ool kōn Jisōs Kraist.’ Mekarta, ij kam̧m̧oolol Anij bwe ikar en̄jake aō pojak n̄an mej, ijjeļo̧kin aō kariab e men ko ikar lo kōn meja, me pā ko peiū rekar jibwi [pileij ko ko me Bok in Mormon ekar ukook jān e], eo me ikar kwaļo̧k aō kam̧ool kake n̄an ijokwe me inaaj pād ie” (“To the Saints scattered abroad,” Times and Seasons, vol. 1, no. 2 [Dec. 1839], 23; bar lale M. Russell Ballard, “Brothers Bound by Love and Faith,” Ensign, Sept. 1994, 65).