Berglind Guðnason
Árnessýsla, Iceland
Berglind (tuanmiin̄) ippān sister eo an Elín (tuanbwijmaron̄). Ke Berglind eaar pād ilo m̧wilaļ in aer in kōmālij me eaar ioone, eaar en̄jake ke eban wōnm̧aanļo̧k kake. Jen an kwaļo̧k apan̄ eo an n̄an baam̧le eo im ro m̧ōttan, eaar lo jetōb im en̄jake in kōmour kōn kein jipan̄ ko Jemedwōj Ilan̄ eaar litok.
Mindy Selu, Ripija
Iaar deplo̧ke aer in kōmālij jen ke iaar 13. Ilo juon iien, men ko raar nana ļo̧k ke iaar kajjieon̄ in bōk mour eo aō. Iaar en̄jake bwe elukkuun jej tokja ilo iien eo. Iaar ļōmņak, “Iban kar m̧ōņōņō. Iban tōprak ilo jabdewōt.”
Ekar wōr juon iien ke iaar ļōmņak in etal jen Kabun̄ in ekar uwaak eo n̄an būrabōļōm̧ ko aō kōnke iaar en̄jake ejej tokja ilo jabdewōt men. Epidodo n̄an kōm̧m̧ane ta eo kwojjab kōņaan kōm̧m̧ane ilo Iceland. Kabun̄ in elukkuun dik ijin. Ekar n̄a im ajri ro jeiū im jatū wōt ilo kūlaaj ko am ilo Kabun̄ in ilo amim kar ruttoļo̧k. Iaar ajimakeke im ālkin jidik iien iaar jab kōņaan etal im jar.
Elōn̄ armej ilo Iceland rej kowaan kabun̄. Armej rej jino kadōk ilo iiō ko reddik. Iaar po ilo menin, im ikar jāniknik jidik ilo mour eo aō. Iaar jab m̧ōņōņō kake, ak ej juon m̧ōttan en̄jake eo aō im iaar ekkatak jān e. Iaar riiti juon kōnono jen Elder Jeffrey R. Holland im eaar em̧m̧an ta eo eaar ba: “Men ko an m̧okta ej menin in ekkatak kake ak jab mour kake. … N̄e em̧ōj ad ekkatak ta eo jaar ekkatak … , innām jen reim̧aanļo̧k, jen keememej bwe tōmak ej iien otemjej jitōn̄ļo̧k ilju jeklaj.”1
Juon raan ke eaar likkuun ben n̄an n̄a, iaar riiti kōjeraam̧m̧an in petriak eo aō. Ke ij riiti, iaar kile bwe ewōr aō ilju im jekļaj. Ewōr juon an Anij karōk n̄an eō, im Ej lukkuun iakwe eō. Etal n̄an jar, bōk kwojkwoj eo, riiti jeje ko rekwojarjar, im jar raar bōktok eļap meram im m̧ōņōņō n̄an mour eo aō. Tokālik iaar kile, “Menin elukkuun jipan̄ eō.” Ej iien eo iaar jeļā ij iien otemjej aikuji gospel eo ilo mour eo aō. Ālkin aō diplo̧ki aolep men otemjejļo̧k, ijeļā bwe gospel eo eaar lo̧mo̧o̧ren mour eo aō, im ij lukkuun m̧ōņōņō kake.
Kōnono kōn aer in kōmālij eo aō n̄an baam̧le eo aō im ro m̧ōtta eaar lukkuun jipan̄ eō. Eaar bar tōl ļo̧k n̄an eļapļo̧k jipan̄. Iaar jab kōņaan bōk uno ak etal n̄an therapy. Iaar ba n̄an eō make, “Ewōr aō Anij.” Ak Anij eaar letok elōn̄ kein jipan̄ ko jet, āinwōt uno im therapy, n̄an kōj n̄an kōjerbali ilo men ko jet an jetōb.
Ke iaar riiti jeje ko aō rekwojarjar aolep raan im jino epaakeļo̧k Anij ilo jar, iaar bōk elōn̄ kōjeraam̧m̧an ko im revelesōn ko me jibadbad eo aō ej n̄an jipan̄ ro jet. Iaar en̄jake elōn̄ iaad rej ioon nan̄inmej in kōmālij im jej kajjieon̄ in noje. Aer in kōmālij im apan̄ ko aō raar katakin eō bwe em̧m̧an ļo̧k n̄an kōnono kake im kwaļo̧k n̄an ro jet. Eo m̧ōtta ej kab ba n̄an eō kōn apan̄ eo an kōn aer in kōmālij. Komro eaar kōnono kake im kom̧ro eaar lukkuun meļeļe kake doon.
Jejjab aolep iien kile ta apan̄ an ro jet, ak iaar baj etetal bajjōk jet iien im kalimjōk armej ro jet im jeļā bwe Anij ejeļā kajjojo im kōjwōj aolep. Ej iakwe kōj im ejeļā lukkuun ta jej diplo̧ke. Im jemaron̄ jipan̄ doon.
Kōn apan̄ eo aō kōn aer in kōmālij, iaar jeļā n̄an kajjitōk, “Ta imaron̄ ekkatak jān apan̄ in?” ijeļo̧kin “Etke ewōr ippa apan̄ in?” Em̧m̧an ippa Ether 12:27, me ej ba bwe meninm̧ōjņo̧ ko remaron̄ erom̧ kajoor eļan̄n̄e ewōr ad tōmak ilo Jisōs Kraist. Iien otemjej menin ej kaenōm̧m̧an eō.
Jaar aolep kāālet n̄an itok n̄an laļ in. Jaar jeļā jenaaj kar diplo̧ke apan̄. Im em̧ool en̄in ej kōm̧m̧an bwe mour in en em̧m̧an. Kōnke jejeļā ewōr men ko rem̧m̧an rej itok. Jej jeļā bwe eļan̄n̄e jej ļoor Rilo̧mo̧o̧r ilo aolep apan̄ an mour, jemaron̄ bōk mour indeeo im aolep kōjeraam̧m̧an ko me rej kōttar kōj.
Iaar kile jon̄an aō kar oktak jen aer in kōmālij eo aō. Pinmuur eo an Rilo̧mo̧o̧r ej m̧ool, būruwō em̧ōj an oktak, im em̧ōj aō kajoor. Ij en̄jake ānwōt juon armej eoktak jen kar m̧okta. Armej rej kile im ba, “Kooktak.” Juon leddik jen jikuuļ eaar ba, “Ij lo juon oktak im juon meram ilo kwe.” Ekabwilōn̄lōn̄ bwe ejjab juon membōr in Kabun̄ in, im kom̧ro ejjan̄in kar kōnnaan m̧oktaļo̧k.
Ke aer in kōmālij eo aō eaar pād ilo nana, armej raar ba n̄an eō, “Enaaj em̧m̧an.” Iaar m̧ōk in ron̄ ak, āinwōt an kabwilōn̄lōn̄, em̧ool.
Ak kwoj aikuj kōnaan em̧m̧anļo̧k. Iaar jeļā bwe kwoban em̧m̧anļo̧k n̄e kwojjab kōm̧m̧an jabdewōt. Kwoj aikuj in m̧ōņōņō im tōmak bwe kwoj eo eaorōk im ewōr am̧ ilju im jekaj. Eaorōk n̄an keememej bwe kwoj aorōk ippān elōn̄ armej, ekoba Jemedwōj Ilan̄. Aolep repād n̄an jipan̄ eok.
Ikar jab ļōmņak in kar m̧ōņōņō āinwōt aō kiiō. Jet iien ij apan̄, ak kōn kein jipan̄ ko an Jemedwōj Ilan̄ eaar litoki n̄an eō, imaron̄ e. Kiiō n̄e ij en̄jake aō make dum̧ļo̧k ilo aer in kōmālij, ij ba n̄an eō make iaorōk, ewōr armej n̄an kōnnaan ippāer, im men ko renaaj em̧m̧anļo̧k.
Jelm̧ae aer in kōmālij eaar kōm̧m̧an bwe Berglind en jeļā wāween ad maron̄ jipan̄ doon kōn apan̄ ko. “Anij ejeļā kajjojo iaadwōj, Ej iakwe kōj, im Ejeļā lukkuun ta eo jej aolep jelm̧ae. Im jemaron̄ jipan̄ doon.”
Berglind eaar lo apan̄ in ilo e make kōn apan̄ ko an. Eaar ba, “Pinmuur eo an Rilo̧mo̧o̧r em̧ool.” “Būrowō em̧ōj an oktak, im em̧ōj aō kajoor. Ij en̄jake ānwōt juon armej eoktak jen kar m̧okta.
“Ke iaar riiti jeje ko aō rekwojarjar aolep raan,” im jino epaakeļo̧k Anij ilo jar, “iaar bōk elōn̄ kōjeraam̧m̧an ko im revelesōn ko me jibadbad eo aō ej n̄an jipan̄ ro jet. Em̧m̧an ippa Ether 12:27, ijo ej ba bwe m̧ōjņo̧ ko remaron̄ erom̧ kajoor eļan̄n̄e ewōr ad tōmak il Jisōs Kraist. Iien otemjej menin ej kaenōm̧m̧an eō.”