Ua Na’o Tusiga Faatekinolosi: Autalavou Matutua
Sagisagi Atu ia Faamauina
E ui ina sa suia a ma fuafuaga, ae sa ma vavalalata atili ma faapea foi i le Atua.
Atapue na tuu i luga e le au faataitai
E alaala le tusitala i Kantō, Iapani.
Na tuu e faamauina i ma’ua ma la’u uo i le masina lenei i le Malumalu o Sapporo Iapani. Ona amata lea ona suia tulaga ona o le koronavairasi. Faatasi ai ma ni le mautonu taitasi, o le a ou saili mo le taitaiga a le Atua e ala i le tatalo, faitauina o tusitusiga paia, ma le faalogologo i lauga o konafesi aoao. Sa ou faia pea lava pea lea faiga a o ou faia faaiuga mo le lumanai. Na iu lava ina tapunia ia malumalu. O le taimi nei o loo ma faatalitali pea ina ia faamauina. Ae ua ou vaai i le auala o loo fesoasoani mai ai le Atua ia i ma’ua i lenei taimi faigata.
O Faamanuiaga i le totonugalemu o le Le Mautonu
O le mea moni, sa faigata lenei aafiaga. Ae sa ou oo foi i le tele o faamanuiaga. O le tusitusi i se api o talaaga na fesoasoani ou te iloa ai na faamanuiaga ma o loo faataunuuina moni lava i lenei taimi faigata.
O se tasi o faamanuiaga ua ou vaai i ai o le faatupula’ia o le malosi o le ma sootaga ma la’u uo. E eseese mea ma sa ma nonofo ai, ola a’e i ni olaga mavaevae, ma sa le mafai ona matou faatasitasi. Ae sa tonu ia i ma’ua e tatalo faatasi ma talanoa e uiga i mea sa ma aoaoina mai i a ma suesuega o le talalelei. Sa ma faia faatasi ni faaiuga. E ui lava ina sa ma nonofo eseese ese i le tino, ae sa faalolotoina a ma’ua fegalegaleaiga, ma sa foliga mai sa latalata mai o ia.
Aga’i i Luma
Mulimuli ane, sa tonu ia i maua e faaipoipo i le malo. Ou te le iloa pe o afea o le a mafai ai ona faamauina i ma’ua i le malumalu, ae ou te sagisagi pea i ai.
Ou te talitonu e tele mea e mafai ona ma aoao mai i lenei faama’i oti i le lalolagi. Ou te talitonu e i ai se fuafuaga a le Alii mo lo tatou lelei e faavavau, po o le a lava le mea e tupu i le lalolagi o loo siomia ai i tatou— “ona ua alofa o ia i le lalolagi, ua faapea ona ia tuu ifo ai lona lava soifua ina ia mafai ona ia aumai o tagata uma ia te ia” (2 Nifae 26:24).
Ou te talitonu e finagalo le Alii e fesoasoani mai ia i tatou uma ia maua le fiafia i lenei tulaga matuia. Ua uma ona ou maua le filemu i le vaavaai mo faamanuiaga ua ou maua. Afai o e feagai ma ni tofotofoga faapena i le taimi nei lava, aua le faanoanoa. E oo lava i lenei faama’i oti, e mafai lava ona malosi ai lau molimau.