Lofituina o le Mala o Mea ua Amio A’i (Vaisu)

Saunia e Kevin Theriot, PhD

Tautua a le AAG mo Aiga

O le malamalama i amioga ua masani ai o se laasaga taua e le lofituina ai. Ae tatou te faalagolago foi i le Alii ma talitonu e mafai ona Ia faamalolo i tatou.

Afai o tauivi se tasi ma se amioga ua masani ai, e taua le iloa o loo i ai le faamoemoe. E i ai tagata i aso taitasi i le lalolagi atoa ua mafai ona maua le saolotoga mai fualaau faasaina poo amioga masani o loo noatia ai i latou. E manaomia se taumafaiga patino tuufaatasi, o se malamalamaaga i tulaga ese ia i latou o loo taofia ai i latou i le lio o amioga masani, faatasi ai ma le talitonuga e mafai e le Atua ona musuia i latou i o latou ala patino i le saolotoga.

I le 38 tausaga o fesoasoaniga i tagata e lofituina ai amioga ua masani ai, ua ou iloa ai le agai i luma o lo tatou malamalamaaga ma auala e foia ai amioga ua masani ai i le faagasologa o tausaga. E malosi lou manatu o lenei taaviliga o le a faaauau pea i tausaga a sau. A o feagai pea i latou i le mataupu o amioga ua masani ai ma fesili e luitau ai, ua faaauau pea ona tatou faia o ni tulaga lelei. O lea o faamatalaga o loo tuuina atu iinei e faavae i mea ua tatou malamalama ai i le taimi nei, faatasi ai ma le talitonuga o le malamalama ma le tomai faaopoopo o le a faaauau pea ona oo mai i le lumanai.

Malamalamaaga i Amioga ua Masani Ai (Vaisu)

Ou te iloa o se tauiviga faamomoiloto le feagai pea ma le vaisu, ae o le laasaga muamua o le malamalamaaga o oe lava i le vaisu. O nisi nei o manatu autu e aumai ai se malamalamaaga i le mataupu:

O le vaisu e amata i le muai fesootai i se mea ae faaiu i le faalagolago i ai i lena mea. Poo fea lava o i ai le tagata i luga o se laina fua faasolo, e mafai lava ona latou faaaoga le faitalia e saili ai lo latou auala e aluese ai mai le amioga faalagolago masani ai.
O le faaigoatusi o se tagata o se tasi ua faalagolago i amioga ua masani ai e tuuitiitia ai lo latou alualu i luma mo se taimi umi. E faapitoa ona moni lenei mea i le faasologa amata o lenei amioga. O le igoatusi “o loo toe faaleleia” e foliga mai o se fesoasoani sili atu. E pei o le faapea mai, “Ua ou filifili e faalagolago i le Faaola ma Lana Togiola ina ia avea atili ai e faapei o Ia” nai lo le, “Ua ou tumau ai i le agasala e faavavau.”
O amioga faalagolago masani ai e i ai ni ona vaega: faalesoifuaga (faia faaletoto, gaoioiga o le faiai, mf.), faalelagona (taua o le tagata lava ia, amioga, popolega ua mavae le matautia, mf.), faaletagata (matua, uo, aganuu, mf.), ma le faaleagaga (sauniga faalelotu patino ma le aiga, mf.). O le tuufaatasiga o nei vaega taitasi, ma o latou malosiaga moomia, e masani ona tulagaese faapitoa e pei lava ona i ai mea taitasi. Atonu e manaomia e vaega taitasi le gauai faapitoa, ma tulaga taitoatasi mo le tagata atoa ina ia tuusaoloto ai i latou mai amioga le talafeagai.

Faalesoifuaga

Faalelagona

Faaleagafesootai

Faaleagaga

Faailoga i le Ala o Amioga Faalagolago e Masani ai

O faailo nei e iloa ai atonu ua agai atu se tagata i le ala e fausia ai se masani, sosoo ai ma le faamalosi, ona faalagolago ai lea.

Nanautaiga: Ua faaitiitia lo latou fiafia i gaoioiga mo le soifua maloloina aua ua faasolo ina pulea e le vailaau faasaina poo amioga.
Faateleina le sasau: Ua faasolo ina latou mananao tele.
Faalilolilo: Ua faatupulaia pea le musua e faailoa atu i nisi a latou faaiuga ma amioga.
Faafitiga: Ua latou pepelo ia i latou lava e uiga i lo latou ola faalagolago pea ma ua talitonu ia latou lava pepelo.
Lagona o le aveesea: Pe a faafitia lo latou maua o fualaau faasaina poo amioga, ua mou atu lo latou lagona faaletagata.
Toe foi i tua: E ui i lo latou iloa o aafiaga leaga i o latou olaga, latou te toe foi lava i fualaau faasaina poo amioga.

I se faaopoopoga, o le tagata e taitoatasi e masani o se tagata sili ona leaga e fuafaatatau poo fea tonu o i ai o ia i luga o le laina fua faasolo o le vaisu ina ua amata ona amio ai. Afai o e manatunatu poo i ai se tasi e pele ia te oe i luga o la auala e avea ai ma vaisu, e tele punaoa o loo maua e fesoasoani, i lou nuu e faapea foi i luga o le initoneti.

Sailia o Togafitiga

O le matafaioi mo le suiga e pau i tagata taitoatasi. E ui o le aiga ma uo e mafai ona lagolago, e le mafai ona latou aia i le filifiliga saoloto a leisi tagata. Afai e leai se naunautaiga o le tagata e suia, e leai se ituaiga togafitiga o le a manuia.
O le ala e toe faaleleia ai e mafai ona eseese mo tagata taitoatasi. Ona o le malosiaga ma le vaivaiga fesootai o mea faapitoa e fa e pei ona taua (faalesoifuaga, faalelagona, faaleagafesootai, ma le faaleagaga), e leai se togafitiga faapitoa e tasi e aoga mo tagata uma O suesuega patino, fautuaga ma tagata tomai faapitoa, ma le tautinoga e tutumau seia maua se vaifofo o le a taitaiina i le manuia.
E ui o le vaisu e le foia e mafai ona faatamaia le olaga o le tagata, o i latou uma e pele ia i latou ua aafia ai foi i se tulaga leaga. O nei tagata alolofa ma lagolago e manaomia foi e i latou se lagolago ma le tausia lelei.

E ui o loo i ai i le Atua le mana e aveesea ai lenei luitau mai tagata ua aafia ai pe afai latou te faataga o Ia ina ia faia o lea, o Ia i Lona atamai e faavavau e i ai ni mea mo i latou e aoao ai a o latou galulue ma Ia ina ia maua se fofo. Toeitiiti o i latou taitoatasi ua tuu saoloto mai o latou vaisu ua mafai ona molimau i le aoaoga ua latou maua mai le manumalo patino mai amioga leaga.

Mo Tagata o le Aiga ma Uo

E le tatau ona manatu ane i le vaisu e le gata ua na o se amioga vaivai ae o se luitau felefele e toeitiiti feagai ma soo lava se tagata. Afai e te iloa se tasi o tauivi ma se vaisu, e tele lava nisi o itu e ao ona e mafaufau e fai ma nisi e le tatau ona fai. E ui o fautuaga o loo i lalo e le o se lisi atoatoa ma o le a fesuisuiai e fuafua i tulaga patino, e ao ona e mafaufau i mea taitasi ma le agaga tatalo:

O se puipuiga itiiti e sili nai lo le tele o le togafitiga. O le muai lapataiga o le muai puipuiga. E ui lava i le o e pele ia te oe, faailoa mai. E tele tagata e fesili mai pea ia te au pe o le a le mea e tatau ona latou tau atu ma le auala e tau atu ai. O la’u tali masani lava e faapea, “O soo se mea lava e sili atu nai lo leai o se mea!” O le leai o se tala o se tasi lenei o mea sili ona leaga e te faia. Tatalo mo le lototele ma le loto matala, ona tatala lea o lou fofoga ma tautala atu, e tusa lava pe latou te le fia faalogo mai.
O se tagata lelei o se aiga poo se uo e uunaia ma fesoasoani ia i latou e alolofa i ai ina ia latou faia ni filifiliga lelei. Latou te faatauanau foi e aloese mai le faia o filifiliga leaga.
Ua tuuina mai e tusitusiga paia ala moomia mo i latou o e ua agai ifo e ua pele ia i latou i le auala o le vaisu. “E aoai atu i taimi e tatau ai ma le maatiati, pe a uunaia ai e le Agaga Paia; ma ona faaali atu ai lea pe a mavae, o se alofa faateleina” (MF&F 121:43).
Ia fai oe ma se tagata faaoso fiafia lelei. E le mafai e tagata faaoso fiafia ona tauave se manumalo poo se toilalo patino. Ua malamalama i latou o la latou matafaioi o le faafiafia, e uunaia, ma ia lelei. E ui ina i ai naunau lo latou agaga i le tauvaga, ma manao ina ia manumalo, latou te le tauvale pe a le manuia la latou taumafaiga.
“Suesue i ai i lou mafaufau” (MF&F 9:8) o se vaega taua o le fesoasoaniga ia te oe lava ma le tagata o loo e alofa i ai. Aoao e uiga i le vaisu ina ia e malamalama lelei i lona uiga moni, le auala e togafitia ai, ma mea e te faia e fesoasoani ai.