COVID-19: Te Tai ni Manga Tarai Bwaai Aika Kakawaki Riki n te Euangkerio
Rinanon taian rongorongo, a tia n riki taai aika kangaanga. Te bong aei, ti a bane ni kaitaraaki ma te kangaanga ae moan te korakora man te COVID-19. Ti a tia n ongo taekana n te tai ae okioki, aikai taai aika aki rereke. A mwaiti aika a raraoma ibukin marurungira ao marurungia raora aika tangiraki. Tia bane n tia n namakina te kangaanga ni kaubwain te aba ao karawawataaki aika riki man te aoraki aei. E taraa n akea te bwai ae nakoraoi. Ao te mwakuri ni mitinare ao te mwakuri n te tembora a bane n tia n rootaki. A mwaiti aomata aika namakina te karawawataaki ma te mwakuri ni kanakoraoa te mwakuri n te mweenga.
Kaitarakin bwaai aika aki ataaki raoi e kona ni kariki namakin aika kararaoma ke ni kanakonano—ko bae n tia n namakina aei. Ma n tain te kamangaongao aei, iai te kantaninga iai! N aki tabe ma te aki koaua ao bitaki, bwaai aika a riai ao ni kakawaki n te euangkerio a tuai bitaki:
-
Waaki n taromauri ao bobotaki tao atia ni katokaki n te tai ae uarereke ke n tianaki, ma maiuakinan te euangkerio e aki! Ti kona n reitinako n taromauri, kabwarabwara, ao ni kamwakura te euangkerio ni mweengara.
-
Te Atua e bon mena n Ana karawa.
-
Natina, Iesu Kristo, e teimatoa n tei bwa atuun te mwakuri aei. E atai kangaanga n te aonaaba n raonaki ma ara kekeiaki. E a tia ni berita, “I aki kitani ngkami ni motiki romi” (Ioane 14:18). E kanakoa te Tamnei ae Raoiroi bwa e na raoniira.1
-
E a tia te Atua ni weteia burabeti, taan mamata, ao taan kaotioti. Ao rinanoia, e a tia ni katuka te bwai ae ti kainnanoia n totokoa te kataaki ae matoatoa.2 Iangoa taekan te karikiram ae boboto n te mweenga, n raonaki ma bitaki ake tabeua, are e a tia ni buokiira ni katauraoi ibukin te tai aei ao ni maiu ao n ibuobuoki ni kawai aika rietaata ao ni mimitong riki.3 Bitaki aikai aki riki n aki akaka—a bane ni karikaki iroun te Atua ae atai bwai ao n tangira.
N aki tabe ma te kamangaongao, ao ma bwaai aikai n ara iango, ti kona ni manga taraa oin raoi te euangkerio, are raonaki ma te onimaki iroun te Uea Iesu Kristo.
Ma ti na kanga ni kamwakura te onimaki anne? Mai moana, e a tia te Uea ni kariaia Ana reirei bwa a na rinanon kakaewenako ake akea kaekaia ni kabane. Oin ara onimaki a riki n nene ngkana ti na kamwakura te rinerine ao ni waaki nako n akea te nanououa. Unimwaane Neil L. Andersen man te Kooram n Abotoro n te Tengaun ma Uoman e manga taekina te bwai aei, ni kangai, “Ko aki atai bwaai ni kabane, ma ko ataa ae tau!”4
Karakinan Nibwaai ma tarina ngke a kataia n anai bwaatua aika buraati bon te katooto n te bwai aei. A ataia bwa tera ae a kainnanoia ni karaoia: anai bwaatua! Iai naba aia iango ae raoiroi bwa bukin tera. A bon aki ataia bwa a na kanga ni karaoia. Imwin aki rekena inanon uoua te tai (taraa 1 Nibwaai 3:10–27), e aki kona Nibwaai n onimakina oin korakorana. Irarikin are e na kabwara nanona, e kataia teuana riki te tai. Taraa aron bonganan ana taeka Nibwaai nakon am kangaanga n te bong aei:
“I kairaki iroun te Tamnei, n aki atai moa baika I riai ni karaoi.
“E ngae n anne ao I waaki nako” (1 Nibwaai 4:6–7).
Irarikin titiraki aika mwaiti ni maiura, ngkana ti “waaki nako” n aron Nibwaai, n onimaki iroun te Atua ao n iri Ana taeka ni burabeti ao n ti taraa te onimaki, E na kairiira ao ni kakorakoraira. N tabetai te iango n te waaki aei, a na riki ara titiraki ni kan oota bwa moan n iango aika kakawaki.
Ti a karikirakea ara onimaki iroun Iesu Kristo, ara onimaki irouia Ana tabonibai, ao ara tangira ibukin temanna ngkai ti kaitara te tai ae na roko. Raraoma ao kangaanga n te tai aei ni kabuta te aonaaba a kona n riki bwa aara ae tabu ni kaan riki Nakoina. Ngkana ti karaoia, Ana rau ae kakukurei e na kaon tamneira, riki inanon te kamangaongao, ao ti na karekea te korakora ao kaeka aika ti kainnanoi.