2021
Nanlimbasug sa Pagtuon sa Dali, Sunod Kanako sa Imong Kaugalingon? Ania Ang Pipila ka mga Sugyot alang sa Bag-ong Tuig
Disyembre 2021

Digital Lamang: Batan-ong mga Hamtong

Nanlimbasug sa Pagtuon sa Dali, Sunod Kanako sa Imong Kaugalingon? Ania Ang Pipila ka mga Sugyot alang sa Bag-ong Tuig

Ni Annelise Gardiner

Mga Magasin sa Simbahan

Wala mobati nga imoha gayud nga nasabtan ang tanang butang diha sa Dali, Sunod Kanako? Ania kami aron sa pagtabang!

Sa sunod tuig—2021—mao ang ikatulo nga tuig sa Dali, Sunod Kanako alang sa tibuok Simbahan. Unta kitang tanan mga hanas na sa pagkakaron, dili ba?

Kon kamo sama nako, tingali ang tubag niana nga pangutana mao, “Dili pa!” Ug OK ra kana!

Ang Dali, Sunod Kanako alang sa tanan, apan usahay mahimong lisud hunahunaon kon walay laing tawo nga imong ikauban sa pagtuon. Unsa kaha ang mga single adult? Unsaon man ninyo paghimo og diskusyon uban sa inyong kaugalingon? Unsa man kon ang imong kauban sa pagpuyo dili gusto nga moapil?

Aron matabangan kitang tanan sa atong pagtuon sa Dali, Sunod Kanako , among gipundok kining usa ka lista sa mga ideya sa pag-awhag sa inyong kamamugnaon:

  • Ang Dali, Sunod Kanako nga mga Grupo—Mopundok og usa ka grupo sa mga higala o mga sakop sa pamilya sa ma personal man o sa online aron maghimamat ug maghisgut sa Dali, Sunod Kanako nga mga kasulatan alang niana nga semana. Pagtakda og oras ug dapit aron mag-abut nga virtual o sa pisikal nga paagi kada semana. Mahimo pa gani kamo nga mogamit og mensahe sa grupo o chat diin makapaambit kamo og mga panghunahuna sa usag usa sa tibuok semana.

  • Ang mga Home Evening—Kon magplano og usa ka home evening alang sa imong pamilya o sa ward sa mga single (virtual o sa personal), paghunahuna og mga leksyon ug mga kalihokan nga mahimong ilakip ngadto niana nga semana sa Dali, Sunod Kanako nga mga basahunon. (Tan-awa sa ubos alang sa usa ka pananglitan nga ideya sa home evening.)

  • Mga Pahinumdom sa Telepono—daghang mga batan-ong hamtong nga nagpuyo nga walay kauban o uban lamang sa pipila ka mga tawo. Ang walay pamilya nga ikauban sa pagtuon, usahay mahimong lisud ang paghinumdom sa pag-abli sa Dali, Sunod Kanako matag adlaw. Sulayi ang paghimo og usa ka pahinumdom o magpa-alarm diha sa imong telepono aron mahatagan ka pa og dugang pag-aghat nga imong gikinahanglan.

  • Mga Kapanguhaan sa Media—Ang Simbahan nagtanyag og daghang multimedia nga mga kapanguhaan nga makatabang nimo sa pagtuon sa Dali, Sunod Kanako. Kini naglakip sa mga pakigpulong sa kinatibuk-ang komperensya (teksto, audio, ug video), Brigham Young University speeches (teksto, audio, ug video), mga Church podcast (audio, video), ug uban pang Media sa Ebanghelyo (mga video, litrato, musika, ug audio). Pangitaa kining tanan nga mga kapanguhaan sa mga app sa Simbahan (Gospel Library, Gospel Media), ChurchofJesusChrist.org, ug speeches.byu.edu ug gamita ang matang sa media nga makakat-un kamo sa labing maayo!

  • Pagpaambit—Usa sa pinakamaayong paagi sa pagpalambo sa inyong pagkat-on sa ebanghelyo mao ang pinaagi sa pagpaambit kon unsay inyong nakat-unan. Personal nga mopaambit, diha sa imong journal, diha sa teksto, sa telepono, o gani sa social media. Ipadayon ang panag-istoryahay.

Sa 2021 magtuon kita sa Doktrina ug mga Pakigsaad diha sa Dali, Sunod Kanako. Ania ang pipila ka mga ideya alang sa pagtuon sa piho niining basahon sa kasulatan:

  • Ang mga Pagpadayag diha sa Konteksto—Ang Mga Pagpadayag diha sa Konteksto nga basahon naglangkob og background nga impormasyon diha sa mga tawo ug sitwasyon nga gihisgutan sa Doktrina ug mga Pakigsaad. Makita nimo kini nga basahon diha sa Gospel Library app ug sa ChurchofJesusChrist.org.

  • Ang Dali, Sunod Kanako nga suporta nga mga artikulo—Matag bulan ang mga magasin sa Simbahan naghatag og mga artikulo aron sa pagdugang ug paglig-on sa imong pagtuon sa Dali, Sunod Kanako. Imong ma-access ang mga magasin pinaagi sa Gospel Library app, ChurchofJesusChrist.org, ug pinaagi sa magasin nga naimprinta.

  • “Doktrina ug mga Pakigsaad” Gospel Topics essay—Ang Simbahan adunay mga Gospel Topic mga panghitabo sa daghang hisgutanan sa kasaysayan sa Simbahan, lakip na sa Doktrina ug mga Pakigsaad. Matag panghitabo naglakip og usa ka mubo nga pagpasabut sa hilisgutan ingon man usab sa mga link ngadto sa tukma nga mga pakigpulong sa kinatibuk-ang komperensya, mga kasulatan, ug ubang media sa Simbahan. Makakita ka sa Doktrina ug mga Pakigsaad nga panghitabo (ug uban pa) sa ChurchofJesusChrist.org/topics ug sa Gospel Library app.

  • Mga Santos: Ang Istorya sa Simbahan ni Jesukristo sa Ulahing mga Adlaw mga volume 1 ug 2—Ang bag-ong mga libro sa Mga Santos nga gisulat sa mga historian sa Simbahan naglakip sa mga istorya sa unang mga miyembro sa Simbahan ug gisulat sa dali nga mabasa , matang sa nobela nga format. Kamo mahimong magbasa o maminaw niini nga mga libro diha sa Gospel Library app (o mopalit og pisikal nga kopya kon gusto nimo) ug usab maminaw o motan-aw sa Mga Santos nga podcast sa ChurchofJesusChrist.org o sa Latter-Day Saints Channel nga app.

Kitang tanan adunay lain-laing kahimtang sa kinabuhi, apan ang talagsaong butang kalabut sa ebanghelyo ni Jesukristo nga kini alang sa tanan! Ang Dali, Sunod Kanako makatabang kanato sa pagdiskubre ug paggamit sa ebanghelyo sa atong kaugalingong indibidwal nga kinabuhi ug mga sitwasyon. Ang atong katapusang tumong sa paggamit sa Dali, Sunod Kanako dili kinahanglang makakompleto sa matag kalihokan ug ideya sa pagtuon nga gihatag didto. Hinoon, kita kinahanglang magtinguha nga mapuno sa mga kasulatan—ang pulong sa Dios.

Tingali kini nga lista naglakip og usa o duha ka ideya nga mohaum sa inyong sitwasyon, o tingali midan-ag kini nga mga ideya og pipila ka personal nga pagpadayag sa inyong kaugalingon kon sa unsang paagi kamo makatuon sa Dali, Sunod Kanako. Sa bisan hain nga paagi, ayaw paghunong, ug “motan-aw ngadto sa [Ginoo] sa matag hunahuna; ayaw pagduha-duha, ayaw kahadlok” (Doktrina ug mga Pakigsaad 6:36).