Autalavou Matutua
IaMaufetuuna‘i Faalelagona
E alaala le tusitala i Seville, Sepania.
Ou te lei oo lava i se atuatuvalega seia oo ina ou toe foi i le fale mai lau misiona, o lea sa ou le mautinoa ai pe faapefea ona agai i luma.
Atapue na faaali e tagata faataitai
Sa mulimuli lo’u olaga i se fuafuaga.
O le a lata ona faamaeaina la‘u misiona. I le aluga o le 18 masina talu ai, sa faamalosia ai la‘u molimau, ma ua faalauteleina la’u vaaiga mamao i le ata o le faaolataga. Ou te lei lagonaina lava se latalata atili i lo‘u Faaola ma lo’u Tama Faalelagi. Sa foliga fiafia le olaga.
Ioe, sa matou oo ma lou aiga i le tele o o matou tofotofoga, ae o le aotelega, sa ou fiafia lava ma sa tele ni fuafuaga mo le mea o le a sosoo mai. Ae ina ua ou sau lea i le fale. Ma o le faateia sa fai si ogaoga Sa ou tauivi e toe fetuunai le olaga o aso uma. Sa ou popole pea lava peae uiga i le faia o filifiliga lelei ma le atoatoa i lo‘u usiusitai.Sa ou tuuina le tele o le mamafa ia te au lava ia e tumau ai i le tulaga maualuga faaleagaga lea sa ou maua i lau misiona atoa ona sa ou fefe afai ou te le faia, o le a ou toe solomuli faaleagaga.
A o faateleina le mamafa o lagona na ou tuuina i luga o a’u lava ia, sa amata ona ou lagonaina le atuatuvale ma osofaiga o le fefe ma le le mautonu. Sa oo ina faateleina pea le oo mai, ma sa iu ina ou lagonaina e pei ua ou malemo.
Ae paga lea, sa ou nanaina ou lagona mai lou aiga ma uo. Sa ou iloa o le atuatuvale ma le lagona le mautonu e le o ni mea e maasiasi ai, ae sa ou lagonaina le le mafai ona pulea ma le leiloa, ma ou te lei iloa pe faapefea ona faailoa atu mea sa ou oo i ai e saili ai se fesoasoani.
O le mea e faafetai ai, o loo i ai pea le Alii e taiala i tatou pe a tatou liliu atu ia te Ia. Ina ua uma ni mafaufauga loloto ma tatalo, sa ou lagonaina le uunaiga e faasoa atu i lo‘u tuagane ma lona toalua. Sa la fesoasoani ia te au ia iloa ou te leo “valea” e pei ona ou mafaufauina ma o tauiviga faalelagona e mafai ona tupu i soo se tasi.
Sa molimau mai Sister Reyna I. Aburto, Fesoasoani Lua i le Au Peresitene Aoao o le Aualofa e uiga i lenei upumoni: “A‘u uo pele, e mafai ona tupu i soo se tasi o i tatou—aemaise lava pe afai, i le avea ai ma tagata talitonu i le fuafuaga o le fiafia, ua tatou tuuina avega le talafeagai i o tatou lava luga e ala i le mafaufau faapea e manaomia ona tatou atoatoa i le taimi nei. O ia manatu e mafai ona lofituina. O le ausiaina o le atoatoa o se faagasologa o le a tupu i lo tatou olaga faitino ma tala atu—ma e na o le alofa tunoa o Iesu Keriso [e mafai ai].”1
O se Kosi Musuia
A o ou tatalo i le Tama Faalelagi mo le taitaiga, sa ou iloa ai e tatau ona ou tuuina atu se avanoa i punaoa ua Ia saunia mo i tatou , ma sa manaomia ona ou aoao ma suia mo le lelei sili atu. O le mea e faafetai ai, i lena taimi sa ou maua ai le avanoa e auai ai i le kosi o le maufetuunai faalelagona a le Ekalesia. Sa foliga mai na oo mai le avanoa i le taimi sa‘o, ma ou te le talitonu o se mea na tupu faafuasei.
I le tusi lesona o le vasega, o le maufetuuna‘i faalelagona ua faauigaina faapenei:
-
“O le tomai e fetuunai ai i luitau faalelagona ma le lototele ma le faatuatua e totonugalemu ia Iesu Keriso.
-
“Fesoasoani ia te oe lava ma isi i le mea sili e te mafaia.
-
“Aapa atu mo se fesoasoani faaopoopo pe a manaomia.”2
I se isi faaupuga, o le maufetuunai faalelagona o se mea tatou te manaomia uma .
Ia te au lava ia, o lenei vasega musuia o se faailoga manino lea e silafia e le Tama Faalelagi ia tofotofoga o loo tatou feagai nei o ni tagata o le Ekalesia a Iesu Keriso. E finagalo o Ia ia mafai ona fesoasoani ia i tatou ia agai pea i luma i luga o le ala e toe foi atu ai ia te Ia. O le vaaia o le tele o vaega matagofie o lenei kosi na fesoasoani ou te iloa ai le loloto o le silafia e le Tama Faalelagi o i tatou taitoatasi ma o tatou manaoga taitoatasi, ma sa vave ona ou lagonaina le filemu a o amata ona ou suesue. Ua aoao mai e le kosi ia upumoni manino ma mamana e faavavau ia e mafai ona faaaoga i o tatou olaga pe a feagai ma faafitauli o le soifua maloloina faalemafaufau, pe o i tatou lava po o se tasi tatou te alolofa i ai.
O se tasi o aoaoga na taia ai au o loo maua i le mataupu 9, “Aumaia o le Malosi i Isi.” O lenei mataupu o le mea lea na fesoasoani ia te au e aapa atu ai mo nisi fesoasoani. O loo aoao mai ai le mataupu faavae o le auauna atu o le tasi i le isi. Sa ou aoaoina le taua tele o le auauna atu i isi e ala i le faamaoniaina o o latou lagona, ma manatu ma aapa atu ma le iloa ma le malamalama. Sa ou iloaina foi e tatau ona ou talitonuina isi e fesoasoani mai ia te au i ou tauiviga.
Ina ua mafai ona ou faata‘ita’ia nei manatu ma tatala atu i lo‘u aiga ma uo e uiga i a’u tauiviga o le soifua maloloina faalemafaufau, sa ou te‘i i lo latou agaalofa ma le le faamasino mai. Sa ou maua le tele o le lagolago mai ia i latou.
Ou te lagona e pei o lo‘u popolega semanu e oo i se liliuga loloto atu ma le pogisa pe ana ou le faasoaina atu o’u luitau i e pele ia te a‘u. Ma o lenei aafiaga na fesoasoani ia te aue aapa atu ai ma alofa atu i isi e uiga foi i o latou popolega ma faafitauli.
E Mafai Ona Tatou Faasaga atu ma le Faamoemoe i le Lumanai
E malie ia te au pe na faapefea i lou toe foi mai i lau misiona, sa ou popole tele i le aveesea o le “tulaga faaleagaga” lea na ou maua i le taimi o lau misiona, aua ua ou iloa nei o le toe foi mai i le fale ua na o se amataga lea o se mataupu fou e mafai ona ou maua ai ni auala foue faaloloto ai lou faatuatua.
O au sootaga patino ma le Tama Faalelagi ma Iesu Keriso ua tuputupu ae ma faalolotoina tele talu ona ou sau i le fale, aemaise lava ona o mataupu faavae sa ou aoaoina i lenei ala o le maufetuunai faalelagona ma e ala i le faalagolago i le Tama Faalelagi ma le Faaola mo se fesoasoani. Ua lagonaina le sili atu o le moni ma le i ai i lo‘u olaga i aso uma.
Ua ou aoaoina ma taliaina lena mea i le avea ai ma fanau a le Atua, tatou te fesuisuiai pea lava pea, aoao, ma suiai se isi tulaga e sili atu. Ae e ala i suiga o o tatou olaga,e le masuia le Tama Faalelagi. E lei faamoemoe o Ia o le a ou atoatoa i lau misiona, ma Na te le o faamoemoeina lena mea i le taimi nei. E alofa o Ia ia te a‘u ma finagalo ia faaauau pea ona ou taumafai malosi agai atu ia te Ia ma faia le mea sili ou te mafaia i la’u malaga toe foi atu ia te Ia.
I le taimi nei, ona sa ou faaaogaina lenei ala o le maufetuunai faalelagona, e le faapea ai la ua le toe i ai sou popole po o ni osofaiga po o ni taimi o le atuatuvale pe a ou lagonaina le lofituina i le fefe i le lumanai. O loo oo mai pea i nisi taimi. Ae o lenei ua ou iloaina nei mamanu ma ua ou aoaoina ni meafaigaluega e fesoasoani e talanoaina ai i se auala sili atu ona maloloina, e faaleleia ai le tulaga lelei o lou olaga i aso taitasi.
I le faaiuga, o lenei kosi na aoaoina au i le taulimainao mea e faaaoga mo taimi ou te oo ai i popolega ma luitau. Sa aoaoina ai au ia i ai le onosai ma le agaalofa mo au lava ia ma lou le atoatoa. Ma sa ou aoao ia malamalama i le alae silasila mai ai le Atua ia te au ma ia le faamatauina e meae le mailoa o le lumanai.
E ala i le fesoasoani faapolofesa ma le faalelagi, ua ou iloa ai ua ia i tatou meafaigaluega e tatau ai e iloa ai pe faapefea ona “faatino … ma ia lē faamalosia” (2 Nifae 2:26) e ala i o tatou lagona ma lagonaa o faaauau pea ona tatou agai atu ia Keriso.