Aisea e taua ai sauniga o le malumalu?

O sauniga o le malumalu e taitai atu i faamanuiaga silisili ua avanoa mo fanau a le Tama Faalelagi. O nei sauniga e saunia ai i tatou e ola faavavau ma le Tama Faalelagi ma o tatou aiga pe a mavae atu lenei olaga. Latou te faamanuiaina i tatou i le mana faaleagaga ma le taitaiga i lenei lalolagi. I le malumalu, e mafai foi ona tatou maua sauniga e manaomia e fai ma sui o tuaa o e na maliliu e aunoa ma le avanoa e maua ai nei sauniga mo i latou lava.

Saunia oe lava ia faaleagaga

Na faapefea ona taitaia ma faamanuiaina lou olaga e sauniga o le malumalu? Na faapefea ona aumaia faalatalata oe i le Tama Faalelagai i le auai atu i nei sauniga?

O a ni aafiaga o sauniga o le malumalu na maua e tagata o le korama? E faapefea ona latou fesoasoani le tasi i le isi e aoao e uiga ma maua ai se molimau i sauniga o le malumalu?

Ao e sauniuni, ia suesue ma le agaga tatalo ia mau ma punaoa nei. O le a se mea o le a uunaia ai alii talavou ina ia agavaa mo ma auai atu i sauniga o le malumalu?

MF&F 84:19–22 (O le mana faaleatua o loo faaalia e ala mai sauniga o le perisitua)

MF&F 131:1–4 (O le feagaiga fou ma le faavavau o le faaipoipoga)

Kent F. Richards, “O Le Mana o le FaaleAtua,” Ensign po o le Liahona, Me 2016, 118–20

Thomas S. Monson, “Faamanuiaga o le Malumalu,” Ensign po o le Liahona, Me 2015, 91-93

Quentin L. Cook, “O A’a ma Lala,” Ensign po o le Liahona, Me 2014, 44–48

“Malumalu,” Faamaoni i le Faatuatua (2004), 105–09

Vitio: “O Malumalu o se Sulu Taiala”

2:50

Aoao atu i le ala a le Faaola

Na masani ona maua atu le Faaola o loo aoao atu i totonu o le malumalu. Na Ia aoao mai foi e ala mai i Ana perofeta o aso nei faapea o sauniga o le malumalu e taitai atu i tatou i faamanuiaga silisili o loo maua e ala i le Togiola. Afai o le a e malamalama i le taua o sauniga o le malumalu, o le a sili atu ona mafai ona e uunaia ma le lelei ia alii talavou ina ia saunia ia maua sauniga o le malumalu mo i latou lava.

Tuu atu i alii talavou e taitai

O se tasi o le au peresitene o le korama (po o se fesoasoani i le epikopo i le korama a le ositaulaga) e taitaia le fonotaga a le korama.Na te taitaia alii talavou i le fefautuaai faatasi e uiga i pisinisi faalekorama, aoao i latou i o latou tiute faaleperisitua (mai tusitusiga paia ma le tusi Tiute i le Atua ), uunaia i latou e faasoa atu o latou aafiaga i le faataunuuina o o latou tiute i le Atua, ma valaaulia se faufautua po o se isi tagata o le korama e aoao atu se lesona o le talalelei.E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Aumai se mea faitino po o se ata i le vasega ma fesili atu pe faapefea ona fesootai i le lesona o le vaiaso ua tea. Iloilo faatasi le aoaoga faavae na aoaoina i le vaiaso ua tea.
Valaaulia se alii talavou e uu i luga se ata o le malumalu ma faamatala mai pe aisea e taua ai sauniga o le malumalu ia te ia.

Aoao faatasi

O le a fesoasoani gaoioiga taitasi nei i tagata o le korama e malamalama ai i le auala e taua ai sauniga o le malumalu. I le mulimuli ai i le uunaiga a le Agaga, filifili se tasi po o le sili atu o le a sili ona aoga mo lau korama:

Fai atu i alii talavou e faamaea le fuaiupu lenei ma faasoa atu a latou tali i le vasega: “Pe a ou alu i le malumalu, __________.” O a nisi tali latou te mauaina i le lisi o loo i le saunoaga a Elder Kent F. Richards “O Le Mana o le FaaleAtua”? E mafai foi ona latou suesue i le lauga ma tagai mo ni tali i le fesili “Aisea e taua ai sauniga o le malumalu?” Fai atu i alii talavou e faasoa mai se aafiaga lata mai nei sa latou mauaina i le auai ai i le malumalu. O a ni faamanuiaga sa latou mauaina mai le galuega faalemalumalu?
Valaaulia ia alii talavou e vaavaai mo faamanuiaga lea e oo mai e ala i le tapuai i le malumalu i le saunoaga a Peresitene Thomas S. Monson “Faamanuiaga o le Malumalu.” O a faamanuiaga ua oo atu ia i latou a o latou auai atu i le malumalu ma auai i sauniga o le malumalu? E mafai foi ona e faasoa mai ni aafiaga mai lou lava olaga e faailoa mai ai le auala na faamanuiaina oe e sauniga o le malumalu.
Faaali se ata o se ulugalii ua faaipoipo i luma o se malumalu (tagai i le Tusi Ata o le Ekalesia, 120). Fai atu i tagata o le korama e faitau faatasi mai le MF&F 131:1–4 ma vaavaai mo faamanuiaga ua folafola mai ia i latou o e ulu atu i le feagaiga fou ma faavavau o le faaipoipoga. O a faamanuiaga o le a taofia mai ia i latou o e le ulu atu i lenei feagaiga? E faapefea ona ese le vaaiga a le Alii e uiga i le faaipoipoga mai le vaaiga a le lalolagi? Faasoa atu lau molimau i alii talavou e uiga i faamanuiga o loo avanoa ia i latou ma o latou aiga i le lumanai pe a latou auai i sauniga o le malumalu.
Faaali le vitio “O Malumalu o se Sulu Taiala” ma fesili atu i alii talavou pe aisea latou te manatu ai na naunau le aiga a Mou Tham ina ia faia ni osigataulaga tetele e o ai i le malumalu. O a ositaulaga sa latou faia pe na vaaia o faia e isi ia auai ai i le malumalu ma maua ona faamanuiaga?

2:50
Vavae le korama i vaega e lua, ma fai atu i le isi afa e vaai faalemafaufau faapea o i latou o tuaa ua maliliu o le isi afa. Fai atu ia i latou e vaai faalemafaufau faapea na latou maliliu e aunoa ma le papatisoina peitai ua latou taliaina le talalelei i le lalolagi o agaga. Fai atu ia i latou taitoatasi e tusi se savali i o latou tuaa o loo soifua ma avatu i se tasi o alii talavou i le isi afa o le korama. Fai atu i tagata o le korama e faitau leotele mai ia savali. Tusi i luga o le laupapa le autu o le lesona lenei, ma valaaulia alii talavou e mafaufau i le fesili lenei a o latou faitauina ia parakalafa lona tolu ma le lona fa o le vaega ua faaulutalaina “Tekinolosi o Tala Faasolopito” i le saunoaga a Elder Quentin L. Cook “O A'a ma Lala.” Fai atu ia i latou e faasoa mai ni o latou manatu.

Fai atu i alii talavou e faasoa mai mea na latou aoaoina i le aso. Pe ua latou malamalama i le taua o sauniga o le malumalu? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Motugaafa faafaiaoga

“Pe a tatou feiloai faatasi e aoaoina mataupu o le talalelei, e tatau ona faia i se agaga o le faaaloalo.” ... O le le faaaloalo e fetaui lelei lava ma faamoemoega o le tiapolo e ala lea i le taofiofia o auala o faaaliga e le gata i le mafaufau ae faapea foi i le agaga” (Boyd K. Packer, i le O Le Aoao Atu, E Leai Se Isi Valaauga E Sili Ai [1999], 89).

Valaaulia e faatino

O le alii talavou o loo taitai e faaiuina le fonotaga. E mafai ona ia:

Taitai le korama i le fuafuaina o se malaga i le malumalu e faia papatisoga mo e ua maliliu, ma aveina igoa o o latou lava aiga pe afai e mafai. E mafai foi ona ia valaaulia uso o le korama e faaaoga mea na latou aoaoina i le aso e fautuaina ai isi uso o le korama ia saunia e auai i le malumalu faatasi ma i latou.
Fesili atu i uso o le korama pe o le a so latou manatu i le mea e tatau ona latou faia ona o mea na latou aoaoina i le aso.