Taro dau Tarogi Wasoma

Na cava beka?

Na cava na iVurevure ni Vuli baleti Ira na iTabagone ni: Ia Mo Lako Mai, Mo Muri Au?Na iVurevure ni Vuli baleti Ira na iTabagone ni: Ia Mo Lako Mai, Mo Muri e dua na lewenivuli vou ka na vukei ira na qasenivuli ena nodra veivakavulici ena ivakarau ni iVakabula ka vukei ira na itabagone me taucoko nodra saumaki mai ki na kosipeli.

Na kalasi cava soti ena vakayagataka na Ia Mo Lako Mai, Mo Muri Au? Na veikuoramu ni matabete i Eroni, kalasi ni Goneyalewa, kei na kalasi eso ni Matawilivola ni Sigatabu me baleti ira na itabagone yabaki 12 ki na 18 era na vakayagataka na lewenivuli me baleta na veidusimaki ena Sigatabu.

Na ivolavakarau cava soti sa vakaisosomitaka na Ia Mo Lako Mai, Mo Muri Au ? Na ivolavakarau eso oqo sa na sega tale ni vakayagataki: Matabete i Eroni iVolavakarau 1 (34820), Matabete i Eroni iVolavakarau 2 (34821), Matabete i Eroni iVolavakarau 3 (34822), Goneyalewa iVolavakarau 1 (34823), Goneyalewa iVolavakarau 2 (34824), Goneyalewa iVolavakarau 3 (34825), O Ira na Peresitedi ni Lotu (31382), kei na Vakarautaki ni Bula Vakalou (31384).

Evei meu raica kina?

Evei meu raica kina na Ia Mo Lako Mai, Mo Muri Au? Na ituvatuva ni vuli me baleta na Ia Mo Lako Mai, Mo Muri Au era na kunei ena initaneti. E rawa talega ni ra solia vei iko o ira na veiliutaki eso na kena ilavelave tabaki.

Vakacava ke dau vakaiyalayala ga na noqu rawa ni curu ena initaneti? Kevaka era lewe levu na qasenivuli kei na iliuliu ena iwasewase e yalani na nodra rawa ni curu ki na Initaneti, e rawa ni ra digitaka na iliuliu ena iwasewase me ra tabaka ka veisoliyaka na ilavelave ni Ia Mo Lako Mai, Mo Muri Au. E rawa talega vei ira na veiliutaki ena tabanalevu se tabana me ra digitaka me ra tabaka na ilavelave ni lesoni yadua mai na initaneti me baleti ira na qasenivuli era gadreva.

Na gauna cava meu sa na tekivu vakayagataka kina na Ia Mo Lako Mai, Mo Muri Au? Sa dodonu me ra tekivu veivakavulici na qasenivuli mai na Ia Mo Lako Mai, Mo Muri Au ena Janueri ni 2013. Sa rawa ni o tekivu vulica na ituvatuva ni vuli kei na kena iyaragi veiwekani ena gauna sara ga oqo.

Na vosa cava ena vakarautaki kina?Na Ia Mo Lako Mai, Mo Muri Au ena vakarautaki ena 23 na vosa oqo: Vaka Jaina, Danish, Dutch, Valagi, Viti, Finnish, Varanise, Jamani, Hungary, Indonesia, Itali, Japani, Korea, Mongolia, Norway, Potukali, Rusia, Samoa, Sipeni, Sweden, Thai, Toga, kei Ukraine.

Vakacava na vosa tale eso? Ena veitabanalevu kei na tabana era vosataka na lewena eso tale na vosa me ra na vakayagataka tiko mada ga na lewenivuli taumada ni itabagone ena gauna era vakasamataka tiko kina na iliuliu ni Lotu na kena vakarautaki na Ia Mo Lako Mai, Mo Muri Au ena so tale na vosa.

Au na vulica vakacava me baleta na Ia Mo Lako Mai, Mo Muri Au? Sa dodonu vei ira na iliuliu ena iwasewase kei na noda veivanua me ra veikilaitaki ira ena Ia Mo Lako Mai, Mo Muri Au. E okati ena mata oqo na vidio yaga eso ka vakamacalataki kina na ivakavakayagataki ni vakasama ena,Ia Mo Lako Mai, Mo Muri Au, me baleta na kena vakarautaki na itaviqaravi ni vuli, kei na dua na ivoladusidusi vou, Vakavulica na Kosipeli ena iVakarau ni iVakabula. Me kena ikuri, era na vakarautaka na veiliutaki mai na iwasewase kei ira ena veivanua na veituberi me ra vakaveikilaitaki kina na iliuliu kei na qasenivuli ki na Ia Mo Lako Mai, Mo Muri Au ni bera ni cava na 2012.

Ena tarai au vakacava kevaka au qasenivuli?

Na sala cava ena veisautaka kina na ituvaki ni noqu vakavakarau kei na veivakavulici na Ia Mo Lako Mai, Mo Muri Au? Na idusidusi ni vuli ena Ia Mo Lako Mai, Mo Muri Au e sega ni vakamacalataka na veika kece e dodonu mo tukuna ka cakava ena kalasi. Ia, e vakatura na ivolanikalou kei na ivurevure tale eso me vukei iko ena nomu vulica vakataki iko na ivunau, ka muria e vica na vakasama mo digidigi mai kina me vukei ira na itabagone me ra kila vakataki ira na ivunau. Na veivakavulici ena sala oqo e sega ni sa vosa tu ga o qasenivuli ia e dua na veivosaki ka veidusimaki kina na Yalotabu. Era na sureti na itabagone me ra vakaitavi vakalevu cake sara ena vuli kei na veivakavulici.

Meu kila vakacava na ka meu vakavulica e veimacawa yadua?Na Ia Mo Lako Mai, Mo Muri Au e vakarautaki ki na veiwasewase ya 12 na vula. Na iwasewase yadua e oka kina e vica vata na ituvatuva me da digidigi mai kina—ena sega ni rawa ni o vakavuvulitaka kece. Digitaka na ituvatuva ka yavutaki ena nodra gagadre na itabagone. E rawa ni ko vakayagataka me sivia e dua na macawa ena dua na ituvatuva ke ganita.

Au na kila vakacava na nodra gagadre na itabagone? Mo kila na nodra gagadre na itabagone, dau vakarogoci ira ni ra tukuna eso na ka ka taro ena gauna ni kalasi. Dau kauwaitaka na nodra bula. Dau veitalanoa kei ira na itubutubu, veiliutaki, kei ira na qasenivuli tale eso. Kei na ka bibi duadua, vakasaqara na veituberi ni Yalo Tabu. Moica na nomu veivakavulici me sala vata kei na Yalotabu kei na nodra gagadre kei na lomadra na itabagone.

Na ivurevure cava tale au na gadreva? Me ikuri ni ivolanikalou kei na nodra vosa na parofita bula, sa dau talevi wasoma ena loma ni ituvatuva ni vuli, ka sa tu talega na kena ilavelave ka vakakina ena initaneti na ivurevure eso oqo:

Meu vakaraitaka vakacava na vidio ena kalasi? E vuqa na vidio e vakaturi tiko ena ituvatuva e rawa ni ra lavetaki (eso e sega, ena vuku ni vakatatabu mai vua e nona). Na vidio e lavetaki mai e rawa ni vakaraitaki ena dua na misini vakalivaliva dau veikauyaki. Kevaka e sega ni rawa ni lavetaki e dua na vidio, e rawa ni o vakaraitaka ga ena initaneti ena nomu vakayagataka na isema ni initaneti vakawalesi ni nomudou valenilotu.

Na sala cava tale e rawa ni tarai au kina?

E rawa vakacava ena Ia mo Lako Mai, Mo Muri Au me vukei au niu itubutubu?Na Ia Mo Lako Mai, Mo Muri Au e sureti ira na itabagone me ra wasea vei ira ena nodra matavuvale na veika era vulica tiko. Ni o solia vei ira na nomu gone na madigi me ra vakayacora vakakina, ena tubu cake na nodra vakabauta, nodra ivakadinadina, kei na nodra rawa ni wasea na kosipeli. E rawa talega ni o tarai ira yani na qasenivuli kei na iliuliu mo vukea me ra kila vakavinaka cake na nodra gagadre na nomu gone ka me rawa ni solia na lesoni me vaka na gagadre oqori. Na nodra vidio na itabagone kei na itubutubu era tu ena lds.org/youth/learn.

E rawa vakacava ena Ia Mo Lako Mai, Mo Muri Au me vukei au niu dua na Matabete i Eroni se goneyalewa?Na Ia Mo Lako mai, Mo Muri Au e sureti iko mo taura me nomu itavi na vuli—ena nomu lako mai ki na kalasi ka sa vakarau tu mai mo vuli, vakasaqara na ivolanikalou kei na nodra vosa na parofita, taro, vakavulica ka vakamacalataka na dina ni kosipeli vei ira nomu ilala kei na matavuvale, ka wasea na ivakarau sa tara tiko kina nomu bula na kosipeli. Ena tubu me qaqa cake na nomu ivakadinadina ni o cakacakataka na veika o vulica ka tauyavutaka na itovo dodonu, oka kina na masu yadua kei na vulici ni ivolanikalou, bulataka na ivakatagedegede ni Lotu, ka sureti ira eso tale me ra bulataka na kosipeli ena vosa kei na ivakaraitaki. E rawa ni o kunea na vidio eso ka vakaveikilaitaki ira na itabagone ki na Ia Mo Lako Mai, Mo Muri Au.

E rawa vakacava ena Ia Mo Lako Mai, Mo Muri Au me vukei au niu qasenivuli ni semineri? Ena dau vakavulici tikoga vakaveitaravi ena semineri na ivolanikalou ka vakayagataki kina na ivolavakarau ni semineri, ia o sa vakayaloqaqataki mo vakamatautaki iko ena Ia Mo Lako Mai, Mo Muria Au me rawa ni o vakila kina na veika era vulica tiko ka sotava tiko na itabagone ena nodra kuoramu kei na kalasi ena vei-Sigatabu. Ena veivanua e rawa kina, sa dodonu vei ira na qasenivuli ni semineri kei ira na iliuliu ena tabanalevu kei na qasenivuli me ra veitokonitaka na kena vakaukauwataki na nodra dui sasaga me vaqaqacotaki kina na itabagone.

Na veisemati cava beka e dodonu me vakayacori?

Me ra semata vata vakacava na qasenivuli na nodra dui sasaga? Na nodra vukei na itabagone me ra saumaki mai ena gadrevi kina na nodra sasaga cokovata na qasenivuli kece sara ni itabagone (Matabete i Eroni, Goneyalewa, Matawilivola ni Sigatabu, kei na semineri). E dodonu me ra dau veitalanoataka na nodra gagadre na itabagone ka ra raica me veivuke na lewe ni veitalanoa oqori ena kena vakatulewataki na veika me vakavulici. E rawa ni lewa na qasenivuli me ra semata vata na nodra lesoni vakamacawa me vakalevutaki kina na kena mana vei ira yadua na itabagone kei na kalasi. E rawa talega ni ra semata me ra wasea na vakasama kei na iwalewale eso ni veivakavulici.

E rawa vakacava ki na Ia Mo Lako Mai, Mo Muri Au me semati ki na Muavata? Era sa vakayaloqaqataki na iliuliu me ra tuvalaka na itaviqaravi ni Muavata ka semati ki na ulutaga vakaivunau ena veivula ena Ia Mo Lako mai, Mo Muri Au. Na itaviqaravi eso oqori ena vakarautaka vei ira na itabagone na madigi me ra vakayagataka kina na veika era sa vulica ena Sigatabu. Ena so na gauna, e rawa ni veiganiti ena Muavata na itaviqaravi vakaturi ena ituvatuva ni vuli.