iTukutuku Butakatakata—Na Cava e ka Vou ena 2017?

Vakavoui ni Lewenivola ni 2017

E vuqa na qasenivuli kei ira na iliuliu ni itabagone era sa taroga tiko, “Na cava e ka vou?” Sa mai vakavoutaki na Ia Mo Lako Mai, Mo Muri Au ena 2017 vata kei na vosa, vidio, kei na sereivakatagi buta katakata ni koniferedi ni Lotu se qai oti toka ga oqo. Sa rawa vei ira na qasenivuli kei ira na itabagone mera kunea na lewenivola walega oqo ena Gospel Library app kei na mataveilawa ni Ia Mo Lako Mai, Mo Muri Au . Sa umani tu ena taba ni veivula yadua e vuqa na ituvatuva ni vuli ena rawa me vakatavulici ena dua na vula, ka 146 na ituvatuva oqori sa tu kina na ivurevure vou eso se vakavoutaki kei na veitaviqaravi ni vuli. Ni ra vakasamataka vakatitobu na qasenivuli na gagadre ni nodra itabagone, era na raica ni vakasama makawa ni itaviqaravi sa mai vakatavulici ena sala vou vei ira na vuli vou sa na mana talega me vakataka na kena vakatavulici na itaviqaravi vou ka vakavoutaki.

Tomani ni Vakatorocaketaki ni Qasenivuli

E sa vakaturi mera vakarautaka na veitabanilotu ena noda vanua na tomani ni veituberi vei ira na qasenivuli ni Ia Mo Lako Mai, Mo Muri Au mera taleva ka vaqaqacotaka na ivakavuvuli eso ni veivakatavulici ena sala ni iVakabula. Na soqoni vakavula ni matabose ni qasenivuli ena veitabanalevu kei na tabana, Veivakavulici ena Sala ni iVakabula, vata kei na wase “Mo Tekivutaka” ena mataveilawa ni Ia Mo Lako Mai, Mo Muri Au ena yaco me ivurevure yaga sara. Sa rawa talega vei ira na qasenivuli kei na iliuliu era buta vinaka tu ena Ia Mo Lako Mai, Mo Muri Au mera veivuke kivei ira na qasenivuli ni itabagone era se qai kacivi vou ga.

iTukutuku Vakavula ena Mekasini ni Lotu

Ena veivula, sa rawa mo raica na itukutuku ena mekasini New Era kei na Liaona e tokona na ulutaga vakavula e tiko ena Ia Mo Lako Mai, Mo Muri Au.

Kakua ni Guilecava!

Sa vakarautaki tu e vuqa na ivurevure vakayagataki voli me vukei ira na qasenivuli kei na iliuliu mera vakavakarau ena vakatavulici ni nodra itabagone. Na Veivakatavulici ena vidio sa vakarautaka na veimataqali sala mera vakaitavitaki kina na itabagone ena vuli. Era sa vakarautaki tu na vidio oqo ena tutu ni yasa imatau ni idusidusi ni lesoni ka vakakina ena iwase ni mataveilawa ni “Vakasama ni Vuli kei na Veivakatavulici”. E vuqa na lesoni e tuvai toka ena Ia Mo lako Mai, Mo Muri Au era oka tiko kina na isema ki na mataveilawa vou ni iTaviqaravi ni iTabagone, ka ra tiko kina e sivia e 160 na vakasama ni itaviqaravi kei na veivuke eso me baleta na tuvanaki ni itaviqaravi mana eso era yavutaki mai na gagadre ni itabagone. Me kena ikuri, na DVD Ia Mo Lako Mai, Mo Muri Au ka umani tu kina na vidio eso me vakayagataki ena kalasi kei na veituberi ni qasenivuli e sa tiko ena veisitoa ni Lotu (era se bera ni kuri na vidio vou ki na DVD). Sa rawa ni ra lavetaki talega na veividio oqo.