Vakaraitaki Vidio

Na media e rawa ni iyaya ni cakacaka vakasakiti me vukea na nomu vakavulica na kosipeli. E vuqa na lesoni ena Ia Mo Lako Mai, Mo Muri Au e tiko na kena vidio ka rawa ni o vakaraitaka me vukea na vuli. Ia, kevaka o vinakata mo vakaraitaka e dua na vidio mai na isema ni Initaneti e valenilotu, ena cegu, tatao, ka cavuka sara beka na nomu vidio. Ena gadrevi mo lavetaka rawa na nomu vidio ni se vo levu tu na gauna kevaka o via vakayagataka ena nomu kalasi.

E vica na ka e rawa ni o cakava mo lavetaka ka sarava kina na vidio ena nomu valenivuli. Na kena e vinaka duadua ena vakatau mai na misini e tu, na levu ni nomu kalasi, kei na iyaya ni vidio e tu ena nomu valenilotu.

iMatai ni Digidigi: Laptop

1. Kilikitaka na isema ni vidio mai na ituvatuva ni lesoni ena nomu laptop.

2. Ni sa vakavodo na vidio, o na raica e dua na isema ni Lavelavetaki e rukuna. Kilikitaka Download.

3. Digitaka na kena ilevu o via lavetaka. Na faile lelevu e dau balavu cake na kena lavetaki, ia ena vinaka na kena iyaloyalo.

4. Ni o sa digitaka oti na ilevu ni dua na faile, sa na rawa ni lavetaki koya ga vakaikoya na vidio. Ke vakakina, vaqara ena nomu kato ni Lavelavetaki.

5. Ena rawa ni o digitaka na vanua mo maroroya kina na faile. E vakaturi mo maroroya ena nomu destop (desktop) me rawarawa na nomu kunea, ia e rawa ni o maroroya ena dua ga na vanua e rawa. O na vinakata beka mo vakayacana tale na faile ena dua na yaca me vukea na nomu nanuma na veika e tu ena vidio. Ni o sa vakayacana tale na faile ka raica na vanua mo maroroya kina, kilikitaka na Save.

6. Mo qai kauta mai na nomu laptop ki na kalasi ka vakaraitaka na vidio sa lavetaki tu kina.

iKarua ni Digidigi: Tablet or Smartphone

Kevaka e tiko e dua na nomu smartphone se Apple se Android tablet, e rawa ni o lavetaka na vidio mai na LDS.org (muria na iwalewale vata e vakamacalataki ena “iMatai ni Digidigi,” e cake) se ena Gospel Library app.

Mo lavetaka na vidio mai na Gospel Library app (misini vaka-Apple):

1. Raica na iwasewase ni Manage Library ena Gospel Library app.

2. Digitaka na Videos mai na menu.

3. Digitaka na Youth: Come, Follow Me.

4. Lako ki na vidio o vinakata.

5. Tabaka na ibulukau ni lavelavetaki, sa na tekivu me lavetaki ki na nomu misini na vidio.

6. Ni o sa lavetaka oti na vidio, lesu tale ki na menu itikotiko. E rawa ni o raica na vidio e lavetaki mai ena iwasewase ni Vidio ni nomu laiberi.

Me lavetaki na vidio mai na Gospel Library app (misini vaka-Android):

1. Lako ki na ituvatuva ni vuli, ka digitaka na ibulukau niMedia Playback ena tutu imatau e cake.

2. Digitaka na Download Media.

3. Ni o digitaka tale na vidio ena gauna ka tarava, ena vakaraitaki mai me vaka ni faile lavetaki mai na nomu misini ka sega ni lako tiko ga mai na initaneti.

iKatolu ni Digidigi: DVD

1. Ena nomu kompiuta, kilikitaka na isema ni vidio ena ituvatuva ni lesoni.

2. Ni sa lavetaki na vidio, o na raica e dua na isema ni kena Lavetaki e rukuna. Kilikitaka Download.

3. Digitaka na ivakarau ni faile o vinakata me lavetaki. Na faile lelevu e dau balavu cake na kena lavetaki, ia ena vinaka na kena iyaloyalo.

4. Ni o sa digitaka oti e dua na ivakarau ni levu ni faile, ena rawa ni lavetaki koya ga na vidio. Ke vakakina, vaqara ena nomu kato ni Lavelavetaki.

5. Ena rawa ni o digitaka na vanua mo maroroya kina na faile. E vakaturi mo maroroya ena nomu destop (desktop) me rawarawa na nomu kunea, ia e rawa ni o maroroya ena dua ga na vanua e rawa. O na vinakata beka mo vakayacana na faile ena dua na yaca me vukea na nomu nanuma na veika e tu ena vidio. Ni o sa vakayacana tale na faile ka raica na vanua mo maroroya kina, kilikitaka na Save.

6. Ni o vakayagataka na parokaramu vakompiuta ni lavetaki DVD (sa na tu rawa beka ena nomu kompiuta na parokaramu vakompiuta, ka levu sara na parokaramu sega ni saumi era tu ena initaneti), cakava e dua na DVD kei na kena menu me rawa kina ni o lako kina ka vakaraitaka na faile mai na nomudou DVD ni valenilotu. (Muria na idusidusi ena parokaramu vakompiuta ni lavetaki DVD.)

E rawa ni o vakasamataka mo raica e dua ena nomu tabanalevu se iteki e rawa ni cakava na DVD me baleti ira kece na qasenivuli.