Huluʻi ʻo e Vitioó

ʻE lava ke hoko ʻa e mītiá ko ha tokoni fakaʻofoʻofa ki hoʻo akoʻi e ngaahi tefitoʻi moʻoni ʻo e ongoongoleleí. ʻOku lahi ha ngaahi lēsoni ʻi he Haʻu, ʻo Muimui ʻIate Aú ʻoku ʻi ai hano ngaahi vitiō ʻe lava ke ke hulu ke tokoni ke toe lelei ange ʻa e akó. Ka neongo ia, kapau te ke feinga ke huluʻi ha foʻi vitiō ʻi he ʻInitaneti ʻo e falelotú, ʻe lava ke toutou tuʻu fakataimi pea aʻu ʻo tuʻu ʻaupito hoʻo vitioó. ʻE fie maʻu ke ke download ki muʻa e vitioó kapau ʻokú ke fie fakaʻaongaʻi ia ʻi hoʻo kalasí.

ʻOku lahi ha founga ki hono download mo huluʻi e vitioó ʻi homou loki akó. ʻOku makatuʻunga pē ʻa e founga lelei tahá ʻi he meʻangāue ʻoku maʻú, tokolahi hoʻo kalasí pea mo e nāunau fakavitiō ʻi homou falelotú.

Founga 1: Laptop

1. ʻI hoʻo laptop, lomiʻi he fehokotaki ʻi he fokotuʻutuʻu ʻoku ʻoatu he lēsoní.

2. ʻI he taimi ʻoku load ai vitioó, ʻe ʻasi atu ʻi lalo ha fehokotaki ke download. Lomiʻi ʻi he Download.

3. Fili e lahi ʻo e faile ʻoku ke fie download. ʻOku lahi ange taimi ʻoku fie maʻu ki hono download ʻa e ngaahi faile lalahi angé, ka ʻoku ʻata lelei ange ia.

4. Kapau te ke fili e lahi ʻo ha faile, ʻe lava ke ʻotomētiki pē ʻa e download ia e vitioó. Kapau ʻe pehē, peá ke kumi hake ia ʻi he folder ʻoku hū ki ai hoʻo Download.

5. ʻE lava ke ke fili e feituʻu ʻokú ke fie seivi ki ai e failé. ʻOku mau fokotuʻu atu ke ke seivi ia ki hoʻo desktop ke faingofua hono maʻú, ka ʻe lava ke ke seivi ia ʻi ha faʻahinga feituʻu pē. ʻE lava ke ke toe fakahingoa foʻou ʻa e failé ʻaki ha hingoa te ke manatuʻi ʻaki e foʻi vitiō ko iá. Ko ʻene ʻosi pē hoʻo toe fakahingoa foʻou ʻa e failé mo fakamahinoʻi e feituʻu ʻokú ke fie seivi ki aí, lomiʻi leva ʻi he Save.

6. Te ke lava leva ʻo haʻu mo hoʻo laptop ki he kalasí ʻo huluʻi e vitiō kuo download.

Founga 2: Tablet pe Smartphone

Kapau ʻoku ʻi ai haʻo Apple pe Android tablet pe smartphone, ʻe lava ke ke download ʻa e vitioó mei he LDS.org (muimui pē ki he sitepu tatau ʻoku fakamatalaʻi atu he “Founga 1,” ʻi ʻolungá) pe fakafou ʻi he Gospel Library app.

Ke download e vitioó mei he Gospel Library app (Apple devices):

1. ʻAlu ki he konga ko e Manage Library ʻi he Gospel Library app.

2. Fili ʻa e Videos mei he fakahokohokó.

3. Fili ʻa e Toʻu tupú: Haʻu, ʻo Muimui ʻIate Au .

4. Kumi hake e vitiō ʻokú ke fie maʻú.

5. Lomiʻi ʻa e kī download pea ʻe kamata download leva e vitioó ki hoʻo device.

6. Hili hoʻo download ʻa e vitioó, toe foki pē ki he home menu. ʻE lava ke ke maʻu e vitiō ne download ʻi he konga ki he vitioó ʻi hoʻo laipelí.

Ke download e vitioó mei he Gospel Library app (Android devices):

1. Kumi hake ʻa e lēsoni fakaakó pea fili ʻa e Media Playback ʻi he tuliki toʻomataʻu ki ʻolungá.

2. Fili ʻa e Download Media.

3. Ko hoʻo toe fili hoko pē ʻa e vitioó ʻe hulu pē ia ʻo hangē ha faile ne download ki hoʻo device kae ʻikai mei he ʻInitanetí.

Founga 3: DVD

1. ʻI hoʻo komipiutá, lomiʻi he fehokotakiʻanga vitiō ʻi he lēsoní.

2. Ko e taimi ʻe load ai e vitioó, te ke sio ʻi lalo ai ki ha fehokotakiʻanga ke Download. Lomiʻi ʻi he Download.

3. Fili ʻa e lahi ʻo e faile ʻokú ke fie download. ʻOku fuoloa ange hono download e ngaahi faile lalahí, ka ʻoku ʻata lelei ange ia.

4. Hili hoʻo fili e lahi ʻo e failé, ʻe lava ke ʻotomētiki pē download ia ʻa e vitioó. Kapau ʻe pehē, peá ke kumi hake ia ʻi he folder ʻoku faile ai hoʻo ʻū faile kuo download.

5. ʻE lava ke ke fili ʻa e feituʻu ʻokú ke loto ke seivi ki ai ʻa e failé. ʻOku mau fokotuʻu atu ke ke seivi ia ki hoʻo desktop ke faingofua hono kumí, ka ʻe lava ke ke seivi ia ki ha faʻahinga feituʻu pē. ʻE lava ke ke toe fakahingoa foʻou ʻa e failé ʻaki ha hingoa ʻe tokoni ke ke manatuʻi e foʻi vitioó. Ko ʻene ʻosi pē hono fakahingoa foʻou e failé mo fakamahinoʻi e feituʻu ʻokú ke fie seivi ki aí, lomiʻi ʻi he Save.

6. ʻI hoʻo fakaʻaongaʻi e polokalama hiki DVD (mahalo kuo ʻosi maʻu ia ʻi hoʻo komipiutá pea ʻoku lahi mo e ngaahi polokalama taʻetotongi ʻe maʻu mei he ʻinitanetí), hiki ha foʻi DVD ʻoku ʻi ai hano fakahokohokó (menu) ke ke lava ʻo fekumi ai mo huluʻi e ngaahi failé ʻi he mīsini DVD homou falelotú. (Muimui he ngaahi fakahinohino ʻoku ʻoatu he polokalama hiki DVD).

ʻE lava ke ke kumi ha taha homou uōtí pe siteikí ʻe lava ke ne hiki ha ngaahi foʻi DVD maʻá e kau faiakó kotoa.