E mafai faapefea ona ou fesoasoani atu i au uo ua le o toe toaaga mai ina ia toe foi mai i le lotu?

I le avea ai ma se vaega o la tatou tautinoga ia “tutu o ni molimau a le Atua i taimi uma ma i mea uma, ma i nofoaga uma” (Mosaea 18:9), tatou te aapa atu i uo ma tuaoi o le Au Paia o Aso E Gata ai ua le o mai i le lotu. E mafai ona tatou fesoasoani ia i latou e ala i le mautinoa lea ua latou lagonaina lo tatou alofa mama ma le popole e ala i le faasoaina atu o a tatou molimau i upu ma amioga ma le faaaofiaina o i latou i a tatou gaoioiga.

Saunia oe lava ia faaleagaga

O le a se mea e te faia e aapa atu ai i tagata ua le toaaga mai e te iloa? O a aafiaga e mafai ona e faasoa atu i tamaitai talavou?

E faapefea ona tausia e tamaitai talavou tagata o a latou vasega ua le toaaga mai? O a nisi auala e mafai ona latou aapa atu ai i nei tamaitai talavou?

O a mau ma lauga o le a fesoasoani i tamaitai talavou e aoao ia iloa le ala e fesoasoani ai ia latou uo ua le toaaga mai?

Luka 15 (Faataoto i le mamoe na se, tupe na leiloa, ma le uii faamaumau oa)

Luka 22:32; Ioane 21:15–17; 1 Peteru 5:2–4 (Ua poloaiina i tatou e le Alii e faamalosia e le tasi le isi)

Alema 31:34–35; MF&F 18:10–16 (Ua tele lava le taua o agaga)

S. Mark Palmer, “Ua Silasila Atu Iesu ia te Ia, ua Alofa Atu ia te Ia,” Ensign po o le Liahona, Me 2017, 114–16

Mervyn B. Arnold, “I Le Laveai: E Mafai Ona Tatou Faia,” Ensign po o le Liahona, Me 2016, 53–55

Brent H. Nielson, “Faatalitali mo le Atalii Faamaumau Oa,” Ensign po o le Liahona, Me 2015, 101–3

Gordon B. Hinckley, “ O Le Faatuatua e Fuli ai Mauga, ” Ensign po o le Liahona, Nov. 2006, 82–85

Vitio: “Help Others Come Back to Church,” “The Faith of Youth: The Ennis Family”

1:54

3:35

Aoao atu i le ala a le Faaola

Na fesoasoani le Faaola ia i latou na Ia aoaoina ia faateleina le faaleagaga ma ia liua e ala i le valaauliaina o i latou e galulue i le faatuatua. E mafai faapefea ona e faaali atu i tamaitai talavou o loo e aoaoina o loo i ai lou talitonuga i la latou gafatia e ola ai i le talalelei?

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Faaali se tasi o vitio ua fautuaina atu i lenei otootoga ma fai atu i tamaitai talavou e faasoa mai a latou manatu e uiga i le fesoasoani atu i isi ia toe o mai i le lotu.
Tusi le autu o le lesona i le laupapa.Valaaulia tamaitai talavou e tusi i se fasi pepa se auala se tasi e mafai ona latou fesoasoani ai i se uo ua le toaga mai ia toe foi mai i le lotu. Ao mai pepa ma tufa atu i isi tamaitai talavou. Valaaulia i latou e faasoa mai manatu mai pepa. Fai i tamaitai talavou ia mafaufau i le taimi o le lesona i se tasi latou te iloa e le o toaga i le Ekalesia ma vaai mo auala e mafai ona latou fesoasoani ai i lena tagata.

Aoao faatasi

O gaoioiga taitasi nei o le a fesoasoani i tamaitai talavou e malamalama ai pe faapefea ona fesoasoani i a latou uo ua le toaaga mai ia toe foi mai i le lotu. I le mulimuli ai i le taitaiga a le Agaga, filifili se tasi pe sili atu e aoga mo lau vasega:

Faaali atu i tamaitai talavou se ata o se leoleo mamoe ma se mamoe, e pei o le ata Iesu o loo Sapaiina se Mamoe ua Se (Gospel Art Book [2009], no. 64). Fai atu i tamaitai talavou e faalogologo mo upu po o fuaitau e faamatala ai le alofa o Iesu Keriso mo Lana mamoe a o latou lagiina pe faitau le “Pele i le Leoleo Mamoe” (Viiga, nu. 135). Ina ia fesoasoani i tamaitai talavou e saili ni auala e mafai ai ona latou fesoasoani i le Faaola e faapotopoto mai i latou ua leiloloa, e mafai ona e fai atu ia i latou e toe iloilo lesona e fa na faasoa mai eElder S. Mark Palmer i le faaiuga o lana saunoaga “Ua Silasila Atu Iesu ia te Ia, ua Alofa Atu ia te Ia.” E mafai faapefea e nei lesona ona fesoasoani ia i tatou a o tatou aapa atu i a tatou tagata o le aiga ma uo ua le toe malolosi? O a isi mataupu faavae e mafai e tamaitai talavou ona mafaufau i ai o le a fesoasoani?
Fai i tamaitai talavou e mafaufau i se taimi na leiloa ai sa latou mea e matua taua lava. O le a se mea na latou faia e taumafai ai ia maua lena mea? Atofa atu ia tofu tamaitai talavou ma se tasi o faataoto e tolu o i le Luka 15. Fai atu ia te ia e toe faamatala le faataoto i ana lava upu ma faasoa mai se fuaitau e aotele ai mea na aoao mai e le Faaola i le faataoto. O a mea ua aoao mai e tamaitai talavou mai faatinoga a le leoleo mamoe, le fafine, ma le tama i nei faataoto? E mafai faapefea ona latou mulimuli i nei faataitaiga a o latou taumafai e fesoasoani ia i latou ua “leiloloa” mai le Ekalesia? Fai i tamaitai talavou e faasoa mai soo se aafiaga a uo po o tagata o le aiga ua toe foi mai ina ua mavae ona le toaaga mai, pe afai latou te lagona le toafimalie e fai.
I se taimi i luma mai, valaaulia se tamaitai talavou e faitau le lauga a Elder Mervyn B. Arnold “I Le Laveai: E Mafai ona Tatou Faia.” Fai atu ia te ia e sau saunia e faasoa mai se tala se tasi pe lua mai le lauga na faafiafiaina ai o ia. Fai atu i tamaitai talavou e talanoa i le auala e ono faatatau ai lenei tala ia i latou o se vasega. O ai o latou iloaina e le o auai mai i le lotu? E mafai faapefea ona latou galulue faatasi o se vasega e fesoasoani i lena tagata ia faalatalata atu i le Faaola? E mafai foi ona e valaaulia tamaitai talavou e vaavaai mo le mataupu faavae autu i le lauga a Elder Arnold. Mata o latou iloa le tagata sa faataitaia nei mataupu faavae? O a mea e mafai ona latou faia e pei ai o nei tagata?
Faasoa atu le tala o le tuafafine o Elder Brent H. Nielson mai lana lauga “Faatalitali mo le Atalii Faamaumau Oa” pe faasoa atu sou aafiaga na e fesoasoani ai i se uo po o se tagata o le aiga ua le o toe malosi mai ina ia toe foi mai i le lotu. Valaaulia tamaitai talavou e faitau le Alema 31:34–35 ma le MF&F 18:10–16. O a mea ua aoao mai e nei mau e uiga i lagona o le Tama Faalelagi i Ana fanau? Fesoasoani i tamaitai talavou e fai se lisi o tamaitai talavou ua le toaaga mai i le uarota, ma talanoaina o se vasega le taua tele o i latou taitoatasi ma mea e mafai ona latou faia e valaaulia ai na tamaitai talavou e toe foi mai.
Faaali le vitio “ Fesoasoani Atu i Isi e Toe Foi Mai i le Ekalesia.” Valaaulia tamaitai talavou e vaai mo mataupu faavae ua aoao mai e Elder Bednar o le a fesoasoani ia i latou ia sili atu le lelei i le valaauliaina o a latou uo ua le toaaga mai ia toe foi mai i le lotu. Aisea e avea ai le galuega o talafaasolopito o aiga o se auala lelei e valaaulia ai uo ua le toaaga mai ia auai i le lotu? O a isi gaoioiga e mafai ona faataunuu ai le mea ua faamatalaina e Elder Bednar?

1:54

Fai i tamaitai talavou e faasoa mai mea sa latou aoaoina i le aso. O a ni o latou lagona po o ni uunaiga o i ai? Pe ua latou malamalama pe faapefea ona fesoasoani i a latou uo ua le toaaga mai? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faatumu ia mea faatonuina e fai mo le tulaga faatauaina o le Galuega Lelei 7 i le Alualu i Luma o le Tagata Lava Ia.
Tatalo mo le uunaiga pe faapefea ona fesoasoani i se uo po o se tagata o le aiga ia toe foi mai i le lotu ma valaaulia lena tagata e sau i le lotu po o se gaoioiga a le Mutuale.
Ia tulitatao soo se fuafuaga na latou faia i le aso ina ia aapa atu i se tagata o le vasega ua le toaga mai.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.