Fausiaina o le Malo o le Atua i Aso e Gata Ai

“O le mea lea, ia alu i luma le malo o le Atua, ina ia oo mai le malo o le lagi” (Mataupu Faavae ma Feagaiga 65:6).

O tamaitai talavou i lau vasega na auina mai i le lalolagi i lenei taimi faapitoa e fesoasoani e saunia le lalolagi mo le Afio Mai Faalua o le Faaola. Ua ia i latou ni meaalofa faapitoa ma taleni e finagalo le Alii ia i latou e faaaoga e fesoasoani ai i le fausiaina o Lona malo ma faasoa atu Lana talalelei. O lesona i lenei iunite o le a fesoasoani ia i latou e atiae na meaalofa a o latou saunia e avea ma ni taitai ma faiaoga i le Ekalesia ma le malo o le Atua.

Otootoga e Filifili mai ai i le Masina Lenei

• E mafai faapefea ona ou valaaulia isi tagata e o mai ia Keriso?

• E mafai faapefea ona ou avea ma se uso o auaunaga e sili ona lelei?

• O le a le finagalo o le Tama Faalelagi ia te a’u i le faaaogaina o a’u meaalofa faaleagaga?

• E mafai faapefea ona ou saunia e faatulaga se aiga e totonugalemu ia Keriso?

• O le a se mea e mafai ona ou faia e fesoasoani ai i tagata fou o le Ekalesia?

• E mafai faapefea ona ou fesoasoani atu i a’u uo ua le o toe toaaga mai ina ia toe foi mai i le lotu?

• O le a le Siona?

• E mafai faapefea ona ou fesoasoani i le faanatinatiina o le galuega a le Alii?

Mutuale

Mafaufau pe mafai faapefea ona e fuafuaina ni gaoioiga e fesootaʻi ma mea o loʻo aoaoina e le autalavou. Ua avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga lelei o le Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.

Alualu i Luma o le Tagata Lava Ia

O gaoioiga nei mai le Alualu i Luma o le Tagata Lava Ia e faatatau i lesona o loo i le iunite lenei:

O mea faatonuina e fai mo le tulaga faatauaina o le Taua o le Tagata Lava Ia  7

O mea faatonuina e fai mo le tulaga faatauaina o le Galuega Lelei  7

Mo Le Malosi o le Autalavou

O tulaga faatonuina nei mai le Mo Le Malosi o le Autalavou e fesootai ma lesona i lenei iunite:

Aiga

Uo