E mafai faapefea ona ou i ai i le lalolagi ae le ni o o le lalolagi?

“I se tasi taimi na tele lava ona tutusa tulaga faatonuina o le Ekalesia ma tulaga faatonuina o malo, o lea ua i ai se va tele i lo tatou va, ma o loo faatupulaia pea lena va” (Thomas S. Monson, “Mana o le Perisitua,” Ensign po o le Liahona, Me 2011, 66). E finagalo le Alii ia tatou tutumau pea ma le faamaoni i Ona tulaga faatonuina ma ia le auai i mea leaga o le lalolagi. O le taimi lava e tasi, ua Ia finagalo ia avea i tatou ma aafiaga lelei ia i latou o loo siomia i tatou.

Saunia oe lava ia faaleagaga

O a nisi o tulaga faatonuina a le lalolagi e le o gatasi ma tulaga faatonuina a le Ekalesia? O anafea na e filifili ai e tulai mo mea tonu? E faapefea e au amioga ona aafia ai lou olaga ma soifuaga o isi?

E faapefea ona taumafai le lalolagi e faaaafia le ala o loo malamalama ai tamaitai talavou i tulaga faatonuina a le Alii? E faapefea ona e fesoasoani i tamaitai talavou ia saunia e tetee atu i faaosoosoga? E faapefea ona latou maua le malosi ma le lototoa e tutu ai na o i latou?

O a mau ma isi punaoa o le a fesoasoani i tamaitai talavou e iloa ai o a latou faataitaiga e mafai ona fesoasoani ai i isi e tumau i le faamaoni i tulaga faatonuina a le Alii?

2 Tupu 6:14–17 (Ua iloa e le auauna a Elisaia e le na o ia)

Mataio 5:14–16 (E tatau ona faasusulu atu lo tatou malamalama)

Ioane 15:19; 1 Nifae 8:24–28 (O i latou o e mulimuli ia Keriso e masani ona amusia ma itagia e le lalolagi)

1 Nifae 15:23–25; Alema 34:39; Helamana 5:12; MF&F 27:15–18; 87:8 (E faapefea ona i ai i le lalolagi ae le ni o o le lalolagi)

Neil L. Andersen, “Manumalo i le Lalolagi,” Ensign po o le Liahona, Me 2017, 58–62

Mark A. Bragg, “Tupu Susulu Pea Lava Pea Seia oo i le Aso e Atoatoa Ai,” Ensign po o le Liahona, Me 2017, 36–38

Neill F. Marriott, “Faasoaina Atu o Lou Malamalama,” Ensign po o le Liahona, Nov. 2014, 117–20

“Savali i le Autalavou mai le Au Peresitene Sili,”Mo Le Malosi o le Autalavou (2011), ii–iii

Vitio: “Uluola i le Mea ua E Toto Ai” “Ia Lototele e Tu Na o Oe,” “O Le Atotupe Leiloa,” “195 Ofu”

NaN:NaN

4:20

2:41

5:11

Aoao atu i le ala a le Faaola

Na valaaulia e le Faaola Peteru ia molimau e ala i le fesili, “Se a la outou upu ia te Au po o ai Au?” A o tali atu o ia, na pai mai le Agaga i lona loto ma sa faamalosia lana molimau. O a ni fesili o le a valaaulia ai tamaitai talavou i lau vasega e molimau atu ma faatagaina le Agaga e faamalosia ai a latou molimau?

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Fesili i tamaitai talavou pe na latou faalogo ea i le fuaitau “Ia tatou i ai i le lalolagi ae le ni o o le lalolagi.” O le a le uiga o lenei mea ia i latou? O a ni aafiaga e mafai ona latou faasoa mai e faatatau i lenei mataupu faavae? Valaaulia i latou e faasoa atu ni auala sa i ai le Faaola i le lalolagi ae sa le o sē o le lalolagi. O le a le taimi sa feagai ai o Ia ma faaosoosoga ma manumalo ai? Fautuaina i latou ia faasoa atu mau o loo faaalia ai le auala na teena ai e Iesu Keriso faaosoosoga. E faapefea e Lana faataitaiga ona musuia tamaitai talavou?
Faaali atu se tasi o vitio o loo fautuaina atu i lenei otootoga ma valaaulia tamaitai talavou e mafaufau loloto i le fesili lenei ao latou matamata i le vitio: E faapefea ona tatou ola i le lalolagi e aunoa ma le avea ai ma se tasi o le lalolagi? Tuu atu se taimi ia i latou e talanoaina ai a latou tali ma faasoa atu ni aafiaga sa latou mauaina e fesootai ma le vitio.

Aoao faatasi

O le a fesoasoani gaoioiga taitasi nei i tamaitai talavou e malamalama ai pe faapefea ona latou i ai i le lalolagi ae le ni o o le lalolagi i latou. I le mulimuli ai i le taitaiga a le Agaga, filifili se tasi pe sili atu e aoga mo lau vasega:

I luga o le laupapa, tusi le “Manumalo i le lalolagi o le … ” ma le “Manumalo i le lalolagi e taunuu i le … ” Fai atu i tamaitai talavou e suesue le lauga a Elder Neil L. Andersen “Manumalo i le Lalolagi” ma saili nisi auala e faamaea ai fuaiupu nei. Talanoa i mea ua latou maua. Vave valaaulia se tasi o tamaitai talavou e sau saunia e faasoa le tala e uiga ia Elder Bruce D. Porter mai le lauga a Elder Andersen (pe matamata a o faamatalaina e Elder Andersen le tala i le vitio o lana lauga). Faamata o a ni lagona o isi tagata i lenei tofotofoga e tasi? Na faapefea ona manumalo Elder Porter i le lalolagi?
O se tasi o auala e fesoasoani ai i tamaitai talavou e malamalama ai i le auala e maua ai le malamalama i se lalolagi pogisa o le aumaia lea o ni moliuila se tolu i le vasega. Vaevae le vasega i ni vaega se tolu ma tofi i vaega taitasi e faitau se tasi o vaega o le lauga a Elder Mark A. Bragg “Tupu Susulu Pea Lava Pea Seia oo i le Aso e Atoatoa Ai.” A maea ona suesue e tamaitai talavou le lauga, tape moli ma tuu atu i vaega taitasi se tasi o moliuila. A o latou faasoa mai mea na latou aoaoina, e mafai ona latou kiina o latou moliuila ma tuu i totonu o le ogatotonu o le potu. E faapefea ona fesoasoani puna o le malamalama taitasi ia i tatou i se lalolagi pogisa?
Fai atu i tamaitai talavou e tusi se lisi i luga o le laupapa o nofoaga e latou te lagona e paia. Faitau faatasi le Mataupu Faavae ma Feagaiga 87:8 , ma fesili atu i tamaitai talavou po o a ni o latou manatu i le uiga o le tutu i nofoaga paia. Valaaulia i latou e mafaufau loloto i le fesili lenei a o latou matamata i se tasi o vitio o loo fautua atu i lenei otootoga. O a ni malamalamaaga faaopoopo latou te maua mai i le tutu i nofoaga paia mai lenei vitio? O a mea e mafai ona latou faia ina ia sili ai ona paia o latou aiga, o latou aoga po o alalafaga?
Valaaulia tamaitai talavou e faitau mau o loo lisi atu i lenei otootoga (taitoatasi pe o se vasega) ma talanoa mea ua latou aoaoina e tusa ai ma le manumalo mai faaosoosoga. E faapefea ona latou ola i tulaga faatonuina a le Alii pe a faaosooso i latou e le lalolagi e fai mea e ese mai pe taufaifai ia i latou mo le i ai o ni tulaga faatonuina maualuluga? O a ni o latou lagona ina ua latou ola i tulaga faatonuina o le Alii ma tetee atu i faaosoosoga? O a aafiaga e mafai ona latou faasoa mai?
Valaaulia tamaitai talavou taitasi e filifili se tasi o tulaga faatonuina i le Mo le Malosi o le Autalavou po o se tasi o tulaga faatauaina i le Alualu i Luma o le Tagata Lava Ia. Fai atu ia te ia e suesue ona tulaga faatonuina po o tulaga faatauaina ma faasoa atu i le vasega sona otootoga ma pe faapefea i le ola ai ona fesoasoani ia te ia e i ai i le lalolagi ae le se o o le lalolagi.
Fai atu i se tamaitai talavou e sau saunia i le vasega e faasoa atu mea sa aoao mai e Sister Neill F. Marriott e uiga i le faatosinaga o malumalu i o latou siosiomaga “Faasoaina Atu o Lou Malamalama.” Valaaulia tamaitai talavou e suesue i le lauga a Sister Marriott mo ni fuaiupu lea e uunaia i latou o le avea ma se malamalama i isi i se lalolagi e foliga mai ua faateleina ai le pogisa. Tuu atu ia i latou se avanoa e faitau leotele ai a latou fuaiupu ma faasoa atu pe aisea e anoa ai ia i latou. Atonu e mafai ona tou filifili e fuafua faatasi se gaoioiga o le Mutuale lea e faia ai e tamaitai talavou se pepa lautele e i ai se savali e faailoa atu ai fuaiupu sa latou filifilia.

Fai i tamaitai talavou e faasoa atu mea sa latou aoaoina i le aso. Pe o latou malamalama i le i ai i le lalolagi ae le ni o o le lalolagi? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Galue i mea faatonuina e fai o tulaga faatauaina o le Filifiliga ma le Tali Atu mo Au Lava 2 po o le 3 i le Alualu i Luma o le Tagata Lava Ia.
Matamata pe faasoa atu vitio o loo lisi atu i lenei lesona ma se tasi o le aiga po o se uo ma faasoa atu o latou lagona.

Afai e talafeagai, valaaulia tamaitai talavou e faasoa atu mea ua latou lagona o musuia ai i latou e fai ona o se taunuuga o lenei lesona.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.