O Poloaiga

“Manatunatu i le tulaga manuia ma le fiafia o i latou o e e tausi i poloaiga a le Atua” (Mosaea 2:41).

O poloaiga o tulafono ma tulaga manaomia ua tuuina mai e se Tama Faalelagi alofa i Ana fanau e faamanuia ai i latou, puipuia ai i latou, ma taitaiina ai i latou e toe foi atu ai ia te Ia. A tatou tausia poloaiga, e faaali atu ai lo tatou alolofa i le Tama Faalelagi ma Lona Alo o Iesu Keriso. A o tatou usiusitai i poloaiga ma salamo pea lava pea, o le a avea atili ai i tatou e pei o le Faaola ma ua faamanuiaina i tatou i le fiafia, filemu, molimau, ma le mafutaga a le Agaga Paia. O le usiusitai i poloaiga e fesoasoani tatou te faataunuu ai lo tatou valaauga paia o ni afafine o le Atua.

Otootoga e Filifili mai ai i le Masina Lenei

• E mafai faapefea ona ou i ai i le lalolagi ae le ni o o le lalolagi?

• E mafai faapefea ona ou teteeina ponokalafi?

• E faapefea e mea ou te tautala ai ona aafia ai a’u ma i latou o loo siomia a’u?

• Aisea tatou te anapopogi ai?

• Aisea ua poloaiina ai i tatou e tausia le paia o le aso Sapati?

• Aisea e taua ai ona faamaoni?

• Aisea tatou te totogi ai sefuluai?

Mutuale

Mafaufau pe mafai faapefea ona e fuafuaina ni gaoioiga e fesootaʻi ma mea o loʻo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.

Alualu i Luma o le Tagata Lava Ia

O gaoioiga nei mai le Alualu i Luma o le Tagata Lava Ia e faatatau i lesona o loo i le iunite lenei:

O mea faatonuina e fai mo le tulaga faatauaina o le Filifiliga ma le Tali Atu mo A’u Lava 2, 3, ma le 7

O mea faatonuina e fai mo le tulaga faatauaina o le Amio Sa’o 2, 3, 4; galuega faatino o le tulaga faatauaina 5

O mea faatonuina e fai mo le tulaga faatauaina o le Mama 2 ma le 4