E faapefea ona ou leoleo i lou mama?

O le mama o se mamanu o le mafaufau ma le amio e faavae i tulaga faatonuina e tatau ai. E aofia ai le ola mama. Ua tatou ola i se lalolagi ua faaitiitia ma osofaia ai le mama. E mafai ona tatou leoleo lo tatou mama e ala i le aloese mai manatu, gagana, ma amio le mama. O ponokalafi e sili atu ona matautia. A o tatou “oofu i ofutau atoatoa mai le Atua” (tagai Efeso 6:11–17) ma faalagolago i le malosi o le Alii, e mafai ona puipuia i tatou lava mai osofaiga a le tiapolo i le mama ma tausia o tatou manatu ma amio ia mama a’ia’i.

Saunia oe lava ia faaleagaga

Mafaufau pe faapefea e le ola ai i se olaga mama ona aumai le filemu ia te oe. O a aafiaga o le ponokalafi i le lalolagi ma i aiga? E faapefea lou avea ai o se leoleo i le mama?

E faapefea e le gagana, amioga, ma foliga vaaia o tamaitai talavou ona aafia ai isi? E faapefea ona auai tamaitai talavou i ponokalafi? O a mataupu faavae o le talalelei ma tulaga puipuia e mafai ona fesoasoani ia latou tausia ai o latou manatu ma amioga ia mama?

O a mau ma lauga o le a fesoasoani i tamaitai talavou e tausia ai o latou manatu ma amioga ia mama?

Kenese 39:1–12; Roma 12:21; 2 Timoteo 2:22; Moronae 10:30; MF&F 27:15–18; 121:45–46 (E tatau ona vave liliuese mai le faaosoosoga ia manao lasi ma nai lo lena ia faatumu o tatou mafaufau i manatu mama)

Isaia 1:18; Helamana 12:23; MF&F 58:42–43 (E mafai ona faamagaloina i tatou pe afai tatou te salamo)

Mataio 5:27–28; Roma 6:12; Alema 39:3–9; MF&F 42:23 (O le manao lasi o le agasala ma e i ai ona faasalaga matuia)

1 Nifae 17:3; Mosaea 24:14; Alema 26:12 (O le a faamalosia i tatou e le Atua i lo tatou taumafai e tausi i poloaiga)

Jeffrey R. Holland, “Ia Le Toe Ulu mai I Lo’u Agaga Le Ita Mai ia te Au,” Ensign po o le Liahona, Me 2010, 44–46; tagai foi i le vitio “Mataala i Ou Ala”

2:47

Quentin L. Cook, “ E Mafai Ea Ona Outou Lagonaina Nei?” Ensign po o le Liahona, Nov, 2012), 6–9

Elaine S. Dalton, “Leoleo o le Mama, ” Ensign po o le Liahona, Me 2011, 121–24; tagai foi i le vitio “Leoleo o le Mama”

2:1

Linda S. Reeves, “Puipuiga mai Ponokalafi—o se Aiga e Taulai Atu ia Keriso,” Ensign po o le Liahona, Me 2014

“Faafiafiaga ma Ala o Faasalalauga” ma le “Mama Atoatoa i Tulaga Feusuai,” Mo le Malosi o le Autalavou (2011), 11-13, 35–37

“Legavia,” Faamaoni i le Faatuatua (2004), 87–92

“Ponokalafi,” Faamaoni i le Faatuatua (2004), 189–90

Vitio: “Ola Mama: O Fea e Tuaoi Ai?”

NaN:NaN

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Tusi i luga o le laupapa, “E mafai ona tatou leoleo i lo tatou mama e ala lea i le aloese mai mafaufauga, gagana, ma amioga le mama. O a ni fautuaga e mafai e tamaitai talavou ona tuuina atu e fesoasoani ai i se tasi e tutumau i le mama i le lalolagi o aafiaga leaga?
Faitau faatasi le tala i le tamaitai talavou o tuuina atu fautuaga i se Ofagapi fou i le lauga a Sister Ann M. Dibb “Ia Outou Lototetele.” Fesili i tamaitai talavou po le a le mea latou te faia pe a siosiomia i latou e aafiaga leaga.

Aoao faatasi

O gaoioiga taitasi o loo i lalo o le a fesoasoani i tamaitai talavou e aoao ai le ala e tausia ai o latou manatu ma amioga ia mama. I le mulimuli ai i le Agaga, filifili se tasi pe sili atu e aoga mo lau vasega:

Vaevae tamaitai talavou i ni vaega laiti, ma tuu atu i vaega taitasi se tasi o seti o mau o loo fautuaina i lenei otootoga. Fai atu ia i latou ia faitau a latou mau na tuuina atu ma faasoa atu ma le vasega atoa mea na latou aoao mai nei mau e uiga i le tumau ai i le mama.
Valaaulia tamaitai talavou e matamata i le vitio “Leoleo o le Mama” pe faitau le lauga o le ulutala lava e tasi. A o le i amataina, vaevae tamaitai talavou i ni vaega se tolu. Faatonu le vaega muamua e saili po o le a le uiga o le tausia o le mama, o le vaega lona lua e suesue i le fautuaga na tuuina mai e Sister Dalton, ma le vaega lona tolu e sailiili mo faamanuiaga e ala mai i le tausia o le mama. Valaaulia se tasi o tamaitai talavou mai vaega taitasi e tusi i luga o le laupapa mea na maua e la latou vaega, ma faasoa atu e le vaega le uiga ia i latou. O a ni mea na latou aoao mai le savali a Sister Dalton o le a fesoasoani ina ia latou tausia o latou manatu ma amioga ia mama? O le a le uiga o le “amioga tatau faatonuina e le gata i ou laei, ae faapea foi i lau gagana, au galuega, ma lou faaaoga o fesootaiga faanei onapo”?

2:1
Fesili atu i tamaitai talavou pe aisea ua latou manatu ai o ponokalafi e aafia ai le agaga. Faitau o se vasega le vaega e faasino i Tusi ma Ata Mataga i le Faamaoni i le Faatuatua. I le faaiuga o palakalafa taitasi, faaalu se taimi e talanoa ai le taua o mea sa faitauina. (Mo se faataitaiga, e mafai ona e talanoa ma tamaitai talavou i nofoaga eseese po o mea tutupu e mafai ai ona faafeagai i latou ma ponokalafi. O a ni mea latou te fai e puipuia ai mai ponokalafi? Valaaulia i latou e fuafua ni mea latou te fai pe a oo mai faafuasei nei mea.) A maea le palakalafa lona tolu, talanoa le mana o le Togiola ma le ala e auai ai le epikopo po o le peresitene o le paranesi i le auala o le salamo. Valaaulia tamaitai talavou e vaai le epikopo pe afai ua latou aafia i ponokalafi.
Tuu atu ia tofu tamaitai talavou taitasi ma se kopi o le saunoaga a Elder Jeffrey R. Holland “Ia Le Toe Ulu Mai i Lo'u Agaga Le Ita Mai ia te Au” po o le saunoaga a Sister Linda S. Reeves “Puipuiga mai Polokalafi—o se Aiga e Taulai Atu ia Keriso,” ma fai atu ia i latou e vaai faalemafaufau faapea o loo latou faia se talanoaga ma a latou tama teine e 12 tausaga o le lumanai e uiga i le mafuaaga e matua matautia ai ponokalafi ma le auala e aloese mai ai. (E mafai foi ona latou matamata i se tasi o ata vitio o i lenei otootoga Tuu atu ia i latou e vaavaai mo faamatalaga o le a fesoasoani ia i latou i lenei talanoaga. Valaaulia i latou e fai ni paga ma faasoa atu tali na latou maua. Valaaulia i latou e tusi i lalo mea o le a latou faia ia aloese mai ponokalafi i lo latou soifuaga o totoe.
Valaaulia tamaitai talavou e vaai faalemafaufau ua latou maua le avanoa e tau atu ai i se tasi o le Korama o Aposetolo e Toasefululua e uiga i luitau o loo feagai ma le autalavou o aso nei e faatatau i ponokalafi. Pe o le a sa latou tala e fai atu ia te ia? Tuu atu i tamaitai talavou taitasi se kopi o palakalafa e ono mai le saunoaga a Elder Quentin L. Cook “E Mafai Ea Ona Outou Lagonaina Nei?”amata mai le fasi fuaitau “Feusuaiga le mama ma mafaufauga eleelea.” Fai atu i le afa o le vasega e vaai mo ma faasoa atu le mea na aoao mai e Elder Cook mai se alii talavou e 15 ona tausaga, ma fai atu i le isi afa e vaai mo ma faasoa atu le fautuaga ua tuuina mai e Elder Cook. O a ni mea e mafai ona fai e tamaitai talavou e fesoasoani ai e avea o latou aiga ma “nofoaga e malu ai” mai ponokalafi?
Valaaulia ia tamaitai talavou e vaai faalemafaufau faapea o loo i ai sa latou uo o loo tauivi ma ponokalafi po o ata mataga. O le a sa latou tala e fai atu e fesoasoani ai ia te ia? Fai atu i tamaitaii talavou taitasi e faitau “Faafiafiaga ma Ala o Faasalalauga” i le Mo le Malosi o le Autalavou po o vaega ua faaulutalaina “Sailia le Malosi e Tetee ai i le Agasala” mai le tamaitusi Teuteu ou Manatu i le Mama . O le a se mea e faasoa atu e tamaitai talavou mai lenei mataupu ma la latou uo? O a nisi mau e mafai ona fesoasoani i se tasi o loo tauivi ma le ponokalafi?(Mo se faataitaiga, tagai i mau o loo fautuaina atu i lenei otootoga.)

Fai i tamaitai talavou e faasoa mai mea sa latou aoaoina i le aso. Pe ua latou malamalama i le auala e tausia ai o latou manatu ma amioga ia mama? O a ni o latou lagona po o ni uunaiga? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faatumuina ni mea faatonuina e fai o le tulaga faatauaina o le Mama 2 ma le 4 i le Alualu i Luma o le Tagata Lava Ia.
Fuafua mea o le a latou faia pe afai latou te feagai ma se mea e taitai atu ai i manatu le mama.