E mafai faapefea ona ou faamalosia lo’u aiga?

“E maua le fiafia i le olaga faaleaiga pe a faavae i aoaoga a le Alii o Iesu Keriso. O… aiga manuia e faavae ma tumau i mataupu faavae o le faatuatua, tatalo, salamo, faamagaloga, faaaloalo, alofa, agalelei, galuega, ma gaoioiga faafiafia tuufaasi” (“O Le Aiga: O Se Folafola i le Lalolagi, ” Ensign po o le Liahona, Nov. 2010, 129). A o tatou fesoasoani i o tatou matua i le ausiaina o nei sini, o le a mafai ona tatou fesoasoani i o tatou aiga ia maua le fiafia lea e finagalo i ai le Tama Faalelagi mo i tatou.

Saunia oe lava ia faaleagaga

O a ni aafiaga sa e maua ma lou aiga lea na aumaia ia te oe le fiafia? O a ni faamanuiaga na e vaaia i lou aiga a o e mulimuli i aoaoga a le Faaola?

O le a se mea o e iloa e uiga i le olaga faaleaiga o se tamaitai talavou o e aoaoina? E faapefea ona e fesoasoani i tamaitai talavou ia malamalama e sili ona fiafia aiga pe a latou taumafai e mulimuli i aoaoga a le Faaola?

Ia suesue ma le agaga tatalo ia mau ma punaoa nei. O a mataupu faavae o loo maua i tusitusiga paia ma upu a perofeta o le a musuiaina ia tamaitai talavou e faamalolosia o latou aiga?

1 Nifae 8:12 (Sa manao Liae i lona aiga ia aai i le fua o le laau o le ola)

1 Nifae 16:14–32 (Ua faamalosia e Nifae lona aiga)

MF&F 88:119 (Mamanu mo se aiga amiotonu)

“O Le Aiga: O Se Folafolaga i le Lalolagi,” Ensign po o le Liahona, Nov. 2010, 129 (tagai foi i le Faamaoni i le Faatuatua [2004], 59–61)

Bonnie L. Oscarson, “O Tagata e Puipuia le Folafolaga o Aiga,” Ensign po o le Liahona, Me 2015, 14–17

David A. Bednar, “Ia Matua Maelega ma Mafaufau i le Aiga,” Ensign po o le Liahona, Nov. 2009, 17–20.

“Aiga,” Mo Le Malosi o le Autalavou (2011), 14–15

“ O Se Lagi Se Aiga,” Viiga, nu. 179

“O Loo Tautalagia Iinei Le Alofa,” Tusipese a Tamaiti, 102

Vitio: “E Ala i Mea Iti”

NaN:NaN

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Fai i tamaitai talavou e mafaufau i ni mea atonu e faia e se aiga e puipuia ai lo latou fale mai mala faaletino (e pei o le afi po o se gaoi). O a mala faaleagaga o lamatia ai aiga? O le a se mea e mafai e tamaitai talavou ona fai e fesoasoani ai i le puipuiga o o latou aiga mai nei mea matautia?
Fai i tamaitai talavou e tusi i le laupapa ni upu se tele e mafai ona latou mafaufau i ai i se minute se tasi pe lua e faamatala ai ni mea e aumai ai i o latou aiga le fiafia.

Aoao faatasi

O le a fesoasoani gaoioiga taitasi nei i tamaitai talavou e aoao ai i le ala e faamalosia ai a latou molimau. I le mulimuli ai i le taitaiga a le Agaga, filifili se tasi po o le sili atu o le a sili ona aoga i lau vasega:

Fai i tamaitai talavou e faitau ni vaega o le lauga a Bonnie L. Oscarson “O Tagata e Puipuia le Folafolaga o Aiga.” I lana lauga, na aoao mai ai e Sister Oscarson faapea “e mafai e i tatou uma—o tamaitai, alii, autalavou, ma le fanau, nofofua pe faaipoipo—ona galulue ia avea ma fatuaigatausi. E tatau ona ‘faia o tatou aiga’ ma nofoaga o le faatulaga tatau, malutaga, paia, ma ia saogalemu” (Ensign po o le Liahona, Me 2015, 17). Fai atu i tamaitai talavou e sue i le lauga a Sister Oscarson, e vaavaai ai mo se upusii e mafai ona latou faapiipiiina i o latou fale po o potu lea e uunaia i latou e faamalosia o latou aiga. O le a se mea e mafai ona latou faia i le taimi nei e fesoasoani ai i o latou aiga ina ia paia, faatulaga tatau, ma ia saogalemu?
Faatasi ai o se vasega, faitau le parakalafa lona fitu o le “O Le Aiga: O Se Folafolaga i le Lalolagi,” vaavaai mo mataupu faavae lea e mafai ona fesoasoani i tamaitai talavou ia ausia le fiafia i le olaga faaleaiga. Fai atu i tamaitai talavou taitasi e faitau le 1 Nifae 16:14–32 ma faasoa mai ni auala na faaaoga ai e le aiga o Nifae nei mataupu faavae. Fai atu ia i latou e faasoa mai ni aafiaga sa latou mauaina lea na aoao ai i latou i le taua o nei mataupu faavae i le olaga faaleaiga.
Fai i tamaitai talavou e faalogo mo ni auala e faateleina ai le alofa i le aiga a o latou usuina pe faalogologo i le pese “O Se Lagi se Aiga” (Viiga, nu. 179) po o le “O Loo Tautalagia Iinei Le Alofa” (Tusipese a Tamaiti, 102-03). Fai i ai e faasoa mai mea ua latou maua. Valaauina i latou e faasoa mai se aafiaga lea na latou maua ai le fiafia ona sa latou faaalia le alofa pe ona sa latou fesoasoani e faateleina le alofa i totonu o o latou aiga.
Fai atu i tamaitai talavou e faitau “Aiga” i le Mo le Malosi o le Autalavou pe matamata i le vitio “E Ala i Mea Iti” ma saili ni mea e mafai ona latou faia e faamalosia ai o latou aiga. O a faataitaiga o iloa e tamaitai talavou e uiga i aiga i tusitusiga paia o e na mulimuli pe lei mulimuli foi i nei mataupu faavae? Valaaulia ia tamaitai talavou e vaavaai i le faasino upu o le Mo le Malosi o le Autalavou ma talanoa pe faapefea e le ola ai i isi tulaga faatonuina o i lenei tusi ona fesoasoani e valaaulia le Agaga i o latou aiga. Valaaulia i latou e filifili se mea e tasi o le a latou faia i le faagasologa o le vaiaso a sau e faamalosia ai o latou aiga.

NaN:NaN
Vaevae le vasega i ni vaega se tolu, ma fai atu i vaega taitasi e faitau e uiga i se tasi o fautuaga na tuuina mai e Elder David A. Bednar i lana lauga “Ia Matua Maelega ma Mafaufau i le Aiga.” Fai atu i vaega taitasi e faasoa mai i le vasega se mea sa latou aoaoina, faamatalaina ni mea patino e mafai ona latou faia e faatatau ai fuatuaga a Elder Bednar i o latou aiga. Uunaia i latou e faasoa mai ni faataitaiga sa latou vaaia o tagata o le aiga o loo faia ni mea na fautuaina mai e Elder Bednar.

Fai i tamaitai talavou e faasoa mai mea sa latou aoaoina i le aso. Pe ua latou malamalama i le auala e fesoasoani ai e faamalosia o latou aiga? O a ni o latou lagona po o uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Vaavaai mo ni auala e faamalolosia ai o latou aiga e ala i le tuuina atu o se auaunaga. E mafai ona avea lenei auaunaga o se mea faigofie e pei o le sauniaina o se meaai, fesoasoani i le faiga o meaaoga a sou tei, pe na o le faalogologo lava. Fai atu ia i latou e faasoa mai a latou aafiaga i le vaiaso a sau.
Faamaumau i totonu o a latou api talaaga ni auala sa latou tuuina atu ai se lagolagosua i o latou aiga.
Faatumu se gaoioiga mai le Polokalama o le Alualu i Luma o le Tagata Lava Ia o le a fesoasoani ai e faamalolosia o latou aiga, e peio mea faatonuina e fai o le tulaga faatauaina o le Amio Atua 3 po o le 5, galuega faatino o le tulaga faatauaina o le Taua o le Tagata Lava Ia, po o le o mea faatonuina e fai o le tulaga faatauaina o le Mama 2

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.