Faaipoipoga ma le Aiga
“O le faaipoipoga i le va o le alii ma le tamaitai ua faauuina e le Atua ma … o le aiga o le totonugalemu lea o le fuafuaga a Lē Foafoa mo le taunuuga e faavavau o Lana fanau” (“O Le Aiga: O Se Folafolaga i le Lalolagi,” Ensign po o le Liahona, Me 2017, 145).
O otootoga i lenei iunite o le a fesoasoani i tamaitai talavou ina ia malamalama i le taua o le aiga i o latou lava olaga ma i le fuafuaga a le Tama Faalelagi mo Lana fanau. O upumoni latou te mauaina i lenei iunite o le a fesoasoani ia i latou ina ia puipuia ai le faaipoipoga ma le aiga e faasaga i osofaiga ma taufaasese a le fili. O nei upumoni o le a fesoasoani foi ia i latou e faamalosia ai o latou aiga i le taimi nei ma saunia ai e fausia ni aiga amiotonu o ni tane ma ni tama amiotonu i Siona.
Otootoga e Filifili mai ai i le Masina Lenei
Mutuale
Mafaufau pe mafai faapefea ona e fuafuaina gaoioiga lea e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.
Alualu i Luma o le Tagata Lava Ia
O gaoioiga nei mai le Alualu i Luma o le Tagata Lava Ia e faatatau i lesona o loo i le iunite lenei:
O mea faatonuina e fai mo le tulaga faatauaina o le Amio Atua 3 ma le 5
O mea e fai mo le tulaga faatauaina o le Taua o le Tagata Lava Ia 4
O mea faatonuina e fai ma galuega faatino mo le tulaga faatauaina o le Mama