Aisea e taua ai le ola mama?

O le ola mama o le mama mai feusuaiga ma e aofia ai le mama a’ia’i o manatu, upu, ma amio. O uiga militino feusuai ua faauuina e le Atua mo le foafoaina o fanau ma mo le faaalia o le alofa i le va o le tane ma le fafine. Ua poloai mai le Atua e faapea, ia faapolopolo uiga feusuai mo le faaipoipoga. Afai tatou te mama mai feusuaiga, ua tatou agavaa mo le mafutaga a le Agaga Paia, ma ua puipuia i tatou mai faatamaiga faalelagona ma faaleagaga o le agasala o le feusuai.

Saunia oe lava ia faaleagaga

Ua faapefea ona faamanuiaina oe i le ola i le tulafono o le legavia?

O a aoaoga faavae o le a sili ona fesoasoani i tamaitai talavou ina ia lagona ai le taua o le legavia? O a aoaoga sese o loo fetaiai ma i latou e tuuitiitia ai le taua o le legavia?

Ia suesue ma le agaga tatalo ia punaoa nei. E mafai faapefea ona e fesoasoani i tamaitai talavou ina ia malamalama ma lagona le taua o le legavia?

Kenese 39:7–21 (Sa sola ese Iosefa mai agasala o feusuaiga)

1 Nifae 10:21 (E tatau ona tatou mama ina ia mafuta ai ma le Atua)

Alema 39:1–13 (O agasala o feusuaiga e sili ona inosia)

Moronae 9:9 (O le ola mama o le mea e sili ona pele ma taua)

MF&F 46:33; 121:45–46 (O le taua o le mama)

Linda S. Reeves, “O Le Mana o Folafolaga e Tausia,” Ensign po o le Liahona, Nov. 2015, 9–11

Boyd K. Packer, “O Le Fuafuaga o le Fiafia,” Ensign po o le Liahona, Me 2015, 26–28

David A. Bednar, “Matou Te Talitonu i le Nofomama,” Ensign po o le Liahona, Me 2013, 41–44

Jeffrey R. Holland, “Ina Faapaiaina Ia Outou e Outou,” Ensign, Nov. 1998, 75–78; Liahona, Oke. 2000, 40–43

Jeffrey R. Holland, “Fesoasoani ia i Latou o Loo Tauivi ma le Tosina Atu i Itupa Tutusa,” Ensign po o le Liahona, Oke. 2007, 42–45

“ Ofu ma Foliga Vaaia,” “ Mama Atoatoa i Tulaga Feusuai,” Mo le Malosi o le Autalavou (2010), 6–8, 35–37

“Legavia,” Faamaoni i le Faatuatua (2004), 87–92

Vitio: “Filifili Ina Ia Mama”; “Legavia: O A Tapula'a?”; “Talitonuga Moni”

4:20

NaN:NaN

3:52

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

I nai aso ao lei faia le vasega, valaaulia tamaitai talavou e matamata i le vitio “Filifili Ina Ia Mama” . I le amataga o le vasega, valaaulia ia tamaitai talavou e faasoa mai ni mea sa latou aoaoina po o ni a latou fesili o i ai.

4:20
Valaaulia se tamaitai talavou e uu i luga se ata o Iosefa o loo tetee atu i le ava a Potifara (tagai i le Tusi Ata o le Talalelei, 11) ma faamatala mai faapuupuu le tala i a latou lava upu. O le a se mea na fai e Iosefa e tumau ai i le mama? O le a se mea na iu lava ina tupu na avea ma taunuuga o le faamaoni o Iosefa? O le a se mea semanu e tupu pe ana faapea na te le faamaoni i ana feagaiga? Aisea e taua ai e tumau i le mama?

Aoao faatasi

E mafai ona fesoasoani gaoioiga taitasi nei i tamaitai talavou e aoao ai e uiga i le tulafono o le legavia. I le mulimuli ai i le taitaiga a le Agaga, filifili se tasi po o le sili atu o le a sili ona aoga i lau vasega:

Valaaulia nisi o tamaitai talavou e fai ni mau e uiga i le legavia (e pei o mau na o loo fautuaina atu i lenei otootoga); valaaulia isi e faitau le “Mama Atoatoa i Tulaga Feusuai” i le Mo le Malosi o le Autalavou; ma valaaulia le vaega o totoe e faitau le “Legavia” i le Faamaoni i le Faatuatua. Fai atu ia i latou e vaavaai mo tali i le fesili “Aisea e taua ai le legavia i le Alii?” ma faasoa mai mea sa latou mauaina. E faapefea ona eseese ia mataupu faavae i nei mau ma punaoa mai mea o loo aoaoina e le lalolagi e uiga i le legavia? O a ni mea o loo aoaoina e tamaitai talavou mai nei punaoa lea e mafai ona fesoasoani ia i latou ia iloa ai le pepelo o vaaiga a le lalolagi?
Faaali le ata vitio “Legavia: O A Tapula'a?” A uma le vitio, fai atu i tamaitai talavou e faamatala mai ni faatusatusaga (e pei o le afu, vaalele, po o le alakaita [alligator]) lea na aoao ai i latou e uiga i le tulafono o le legavia. O a nisi mea sa latou aoaoina mai lenei vitio? Valaaulia i latou e mafaufau i ai ma faasoa mai nisi faatusatusaga lea aoao ai i latou i le taua o le legavia.

NaN:NaN
Valaaulia ia tamaitai talavou e matamata i le “Filifili Ina Ia Mama” po o le “Talitonuga Moni,” e vaavaai ai mo ni tali i le fesili “Aisea e taua ai le legavia?” Fai atu ia i latou e faasoa mai o latou manatu ma faatusatusa i vaaiga na faaali mai i le vitio ma mea o loo manao le lalolagi ia talitonu i ai tamaitai talavou. O le a se mea e mafai ona fai e tamaitai talavou e lagolagoina ai e le tasi le isi i a latou taumafaiga ina ia usiusitai i le tulafono o le legavia?

4:20

3:52
Vaevae tamaitai talavou i vaega. Tuu atu i vaega taitasi se tasi o vaega o le saunoaga a Peresitene Boyd K. Packer “O Le Fuafuaga o le Fiafia,” le saunoaga a Elder David A. Bednar “Matou Te Talitonu i le Nofomama,” po o le saunoaga a Sister Linda S. Reeves“O Le Mana o Folafolaga e Tausia.” Tuu atu i vaega taitasi e suesue a latou vaega ma tali i le fesili “Aisea e taua ai le mama mai feusuaiga?” Valaaulia i latou e faasoa mai ni faamatalaga po o ni upu moni sa latou iloaina e anoa pe taua foi. E mafai faapefea ona latou faaaogaina mea sa latou aoaoina e fesoasoani ai i a latou uo ina ia malamalama i le mafuaaga e taua ai ia i latou le ola mama po o le legavia?
Fai atu i tamaitai talavou e faaaoga le vaega o “Ofu ma Foliga Vaaia” i le Mo le Malosi o le Autalavou e tali ai fesili e pei o le “O a tulaga faatonuina a le Alii e faatatau i le tauagafau?” “Aisea e taua ai mo oe le mulimuli i nei tulaga faatonuina?” ma le “E faapefea ona atagia mai pe faatosina e le tauagafau o o tatou uiga e faatatau i le tulafono o le legavia?” Fai atu ia i latou e faasoa mai a latou tali ma mafaufau loloto i mea e mafai ona latou faia e mulimuli atoatoa atili ai i nei tulaga faatonuina.
Fesili atu i tamaitai talavou pe faapefea ona latou fesoasoani i se uo o loo tauivi ma se tosina atu i itupa tutusa. Valaaulia i latou e vaavaai mo ni manatu i le tusiga a Elder Jeffrey R. Holland “Fesoasoani ia i Latou o loo Tauivi ma le Tosina Atu i Itupa Tutusa.” Fautuaina i latou e tusi se tusi e mafai ai ona fesoasoani i le latou uo. Fautuaina i latou e tusi se tusi e mafai ai ona fesoasoani i le latou uo.

Fai i tamaitai talavou e faasoa atu mea sa latou aoaoina i le aso. Pe ua latou malamalama lelei atili i le tulafono o le legavia? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faatumuina se tasi o mea faatonuina e fai o le tulaga faatauaina o le Mama (Alualu i Luma o le Tagata Lava Ia, 69–71).
Fai se lisi o mea o le a latou faia ma aloese mai le faia ina ia mafai ai ona tumau i le mama mai feusuaiga.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.