Sau, Mulimuli Mai ia te A’u
E mafai faapefea ona ou saunia i le taimi nei ia avea ma se ava ma se tina amiotonu?

E mafai faapefea ona ou saunia i le taimi nei ia avea ma se ava ma se tina amiotonu?

O le saunia ia avea o se ava ma tina amiotonu, e ao ona taulai atu le tamaitai talavou i le Faaola ma i le atinaeina o uiga mama faaKeriso. O loo ta’ua i le folafolaga o le aiga faapea o “faaipoipoga ma aiga manuia, e faavae ma tumau i mataupu faavae o le faatuatua, tatalo, salamo, faamagaloga, faaaloalo, alofa agalelei, galuega, ma gaoioiga faafiafia tuufaatasi. … O uluai matafaioi paia a tina o le faafaileleina lea o a latou fanau” (“O Le Aiga: O Se Folafolaga i le Lalolagi,” Ensign po o le Liahona, Nov. 2010, 129).

Saunia oe lava ia faaleagaga

O le a se mea sa e faia, ma o le a se mea o e faia, e saunia ai e avea ma se ava ma se tina? O faapefea ona faamanuiaina lou olaga e au sauniuniga?

O le a se mea o faia e tamaitai talavou i lau vasega (pe o le a se mea e mafai ona latou faia) e sauniuni ai mo le faaipoipoga ma tulaga faatina? O a ni fesili atonu o latou mauaina e uiga i sauniuniga mo le faaipoipoga ma tulaga faatina?

Ia suesue ma le agaga tatalo ia mau ma punaoa nei. O le a se mea o e lagona o le a fesoasoani i tamaitai talavou e saunia ai ina ia avea ma se ava ma se tina?

Faataoto 31:10–31; Alema 56:47–48; Moronae 7:45–46; MF&F 88:123–25 (Uiga lelei o se tamaitai amiotonu)

MF&F 88:78–80, 118; 90:15 (Saili le aoaoina)

Joy D. Jones, “O Se Tupulaga e Mafai Ona Tetee Atu i le Agasala,” Ensign po o le Liahona, Me 2017, 87–90

K. Brett Nattress, “E Leai Se Olioli Sili Atu Nai lo le Iloa ua Latou Iloa,” Ensign po o le Liahona, Nov. 2016, 119–21

Jeffrey R. Holland, “Faauta o Lou Tina,” Ensign po o le Liahona, Nov. 2015, 47–50

M. Russell Ballard, “Tina ma Fanau Teine,” Ensign po o le Liahona, May 2010, 18–21

“Aoga,” Mo Le Malosi o le Autalavou (2011), 9-10

Vitio: “Tulaga Faatinā: O Se Paaga e Faavavau ma le Atua”; “Alofa i Fanau a le Atua”; “Faamoemoega o se Tina”; “Tina i Isaraelu”

3:47
1:37
2:59
2:43

Aoao atu i le ala a le Faaola

A maea se aso o aoaoga, e valaaulia e le Faaola Ona soo e o i le fale ma saunia i latou lava e toe o mai ma aoao atili. O le a se mea e mafai ona e faia e uunaia ai tamaitai talavou e o mai saunia i le vasega e aoao faatasi?

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma, ma o le a fesoasoani e saunia i latou ina ia aoao atili.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

  • Faaali se vitio se tasi po o vitio uma o loo fautuaina atu i le otootoga lenei.Fesili atu i tamaitai talavou, “O le a se mea o e faia e saunia ai ina ia avea ma se ava ma se tina amiotonu?”

  • Toe fai faatasi le autu a Tamaitai Talavou. Uunaia ni nai tamaitai talavou e faasoa mai po o le a le uiga ia i latou o le fuaitau “faamalosi i le aiga ma le auaiga”.

Aoao faatasi

O le a fesoasoani gaoioiga taitasi nei i tamaitai talavou e saunia ai ia avea ma ava ma tina amiotonu. I le mulimuli ai i le taitaiga a le Agaga Paia, filifili se gaoioiga se tasi pe sili atu o le a sili ona aoga mo lau vasega:

  • E mafai ona e mafaufau i se lesona o meafaitino o le a fesoasoani i tamatai talavou e malamalama ai i le uiga o le tetee atu i le agasala? Mo se faataitaiga, e mafai ona e aumaia se faamalu ma se momi i le vasega ma faaali atu le auala e tetee ai e le tasi meafaitino le vai ae o le isi na te mimitiina. E faapefea la ona faatatau lenei faatusatusaga i le tetee atu i le agasala? Valaaulia tamaitai talavou e suesue i le lauga a Sister Joy D. Jones “O Se Tupulaga e Mafai ona Tetee Atu i le Agasala” ma fai se lisi o mea e mafai ona latou faia pe a avea i latou ma tinā e tausi a’e se fanau e tetee atu i le agasala. E mafai faapefea e le faia o mea i luga o a latou lisi ona saunia i latou i le taimi nei e avea ma ni āvā ma ni tinā amiotonu?

  • Valaaulia tamaitai talavou e faitau e uiga i le tina o Elder K. Brett Nattress i lana saunoaga “E Leai Se Olioli Sili Atu Nai lo le Iloa ua Latou Iloa.” O a ni uiga o i a Sister Natress e mananao tamaitai talavou e faataitai a o latou sauni mo le tulaga faatina? O le a lana mea sa fai e tausia ai se aiga amiotonu? E mafai ona e faaali atu se vitio se tasi pe sili atu o loo fautuaina atu i le otootoga lenei ma talanoaina fesili masani. O a ni faataitaiga o ni matua amiotonu ua vaaia e tamaitai talavou? O a ni mea o lagona e tamaitai talavou e mafai ona latou faia ia mulimuli ai i nei faataitaiga i le taimi nei? 

  • Tuu atu ia tofu tamaitai talavou taitasi ma ni nai fuaiupu e faitau mai nisi o mau o loo fautuaina atu i lenei otootoga. Valaaulia tamaitai talavou taitasi e tusi se ata po o se faatusa pe tusi se fuaiupu puupuu e suitalaga i ni uiga o se ava ma se tina amiotonu o loo maua i ana mau na atofaina atu. Faasoa atu i le vasega ia ata po o ni fuaiupu, ma talanoaina faatasi le auala e mafai ai e se tamaitai talavou ona maua nei uiga. Fai atu i tamaitai talavou e faasoa mai ni faataitaiga o ni tina e pei ona faamatalaina mai i le Faataoto. O faapefea ona faamanuiaina aiga o nei tina? Aisea ua matua taua ai i le Alii se “ava amio lelei” (tagai Faataoto 31:10)?

  • Fai atu i tamaitai talavou e tusi i luga o le laupapa se lisi o ni tamaitai amiotonu o i tusitusiga paia (mo se faataitaiga, o Ruta, Eseta, Eva, Hana, Ema Samita, ma isi). Valaaulia i latou e filifili se tasi o tamaitai mai le lisi ma faitau e uiga ia te ia mai tusitusiga paia (faaaoga le Taiala i Tusitusiga Paia). Uunaia ia tamaitai talavou e faasoa mai ni uiga amio lelei sa latou iloaina ma faamemelo i ai mai nei tamaitai ma le auala e mafai ai ona fesoasoani nei uiga e saunia ai i latou ina ia avea ma ava ma tina amiotonu.

  • Iloilo faatasi tala e uiga i faataitaiga a tina i le saunoaga a Elder Jeffrey R. Holland “Faauta o Lou Tina.” Fai atu i tamaitai talavou e tusi o latou manatu e uiga i mea latou te faamemelo i ai i o latou tina po o ni uiga o o latou tina latou te fia faataitaia ao latou saunia e avea ai foi i latou ma ni tina. Fai atu i nisi o i latou e faasoa mea sa latou tusiaina. Afai e mafai, valaaulia ni tina o tamaitai talavou e auai i lenei talanoaga.

Fai i tamaitai talavou e faasoa mai mea sa latou aoaoina i le aso. Pe ua latou malamalama i le auala e saunia ai mo o latou matafaioi i le lumanai o ni ava ma ni tina? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Atonu e te manao e fuafua faatasi ma tamaitai talavou se gaoioiga o le Mutuale lea o le a faamalosia ai mea sa latou aoaoina i totonu o le vasega. Mo se faataitaiga, e mafai ona latou aoao ma faataitaia ni tomai faatausiaiga.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.