Sau, Mulimuli Mai ia te A’u
E faapefea ona faaatoatoa e matafaioi a alii ma tamaitai le tasi ma le isi i totonu o aiga?

E faapefea ona faaatoatoa e matafaioi a alii ma tamaitai le tasi ma le isi i totonu o aiga?

E ala i le foafoaga paia, na tuuina mai e le Tama Faalelagi i le alii ma le tamaitai ni meaalofa ma ni tomai e fesoasoani ia i laua e faataunuu ai matafaioi eseese o se tane ma le ava “O le tulaga tane po o le fafine o le tagata o se vaega taua lea o le mua’i olaga, olaga faitino, ma le faasinomaga e faavavau ma le faamoemoega. …I le fuafuaga paia, e tatau ona pulefaamalumalu tama i o latou aiga i le alofa ma le amiotonu ma o i latou e tuuina atu mea e manaomia o le olaga ma le puipuiga mo o latou aiga. O le uluai matafaioi a tina o le faafaileleina lea o a latou fanau. O nei matafaioi paia, e ao i tama ma tina o na fesoasoani le tasi i le isi o se paaga tutusa” (“O Le Aiga: O Se Folafolaga i le Lalolagi,” Ensign po o le Liahona, Nov. 2010, 129).

Saunia oe lava ia faaleagaga

O a ni faataitaiga sa e vaaia o ni tina ma ni tama o e na faaatoatoaina e le tasi le isi i o latou matafaioi? Na faapefea ona uunaia lou aiga e le iloaina o nei matafaioi faavavau?

E faapefea ona e fesoasoani i tamaitai talavou ia malamalama i o latou matafaioi paia o ni tina o i le lumanai? O le a se mea e mafai ona e faia nei e saunia ai mo lena matafaioi?

Ia suesue ma le agaga tatalo ia mau ma punaoa nei. O a ni mau ma ni lauga o le a fesoasoani i tamaitai talavou ina ia malamalama i matafaioi faifaatasi a tane ma ava?

Faataoto 22:6; MF&F 68:25; 121:41–43; Mose 5:1(Tiutetauave o matua)

Alema 53:21; 56:47–48 (Na aoaoina le autau talavou e o latou tina)

MF&F 25 (O le fautuaga ia Ema Samita e faatatau i le lagolagosua i lana tane)

“O Le Aiga: O Se Folafolaga i le Lalolagi,” Ensign po o le Liahona, Nov. 2010, 129

Linda K. Burton, “O Le A Tatou O Ae Faatasi i Luga,” Ensign po o le Liahona, Me 2015, 29–32

L. Tom Perry, “Mauaina o le Filemu Tumau ma le Fausiaina o Aiga e Faavavau,” Ensign po o le Liahona, Nov. 2014, 43–45

D. Todd Christofferson, “O Le Malosiaga Amiotonu o Tamaitai,” Ensign po o le Liahona, Nov. 2013, 29-32

O mea e fai mo le tulaga faatauaina o le Taua o le Tagata Lava Ia 4, Alualu i Luma o le Tagata Lava Ia (2009), 31

Vitio: “O Tamaitai i o Tatou Olaga”

2:43

Aoao atu i le ala a le Faaola

Na faatuatuaina, saunia, ma tuuina atu e le Faaola ni tiutetauave taua ia i latou sa Ia aoaoina. E faapefea ona e fesoasoani i tamaitai talavou o e aoaoina ia lagona lou faatuatuaina o i latou ao latou saunia mo o latou tiutetauave taua o ni ava ma tina o le lumanai?

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

  • Faasoa atu i tamaitai talavou le autu o lenei lesona. Aisea latou te manatu ai o se autu taua lenei e talanoaina?

  • Aumai ni mea faitino se lua e faaaoga faatasi e ausia ai se sini masani (e pei o se penitala ma se pepa po o se samala ma se fao). Valaaulia ia tamaitai talavou e faamatala ia eseesega o le va o mea faitino ma auala e faaaoga faatasi ai. Faamatala atu ua tofu alii ma tamaitai ma tiutetauave eseese lea e faapaleniina (pe “faaatoatoa”) ai e le tasi le isi ina ia faataunuu ai faamoemoega o le Atua. Valaaulia ia tamaitai talavou e faamatala mai ni auala e faaatoatoa ai e alii ma tamaitai ia le tasi ma le isi.

Aoao faatasi

O le a fesoasoani gaoioiga taitasi nei i tamaitai talavou ia iloa ai matafaioi felagolagomai o alii ma tamaitai i totonu o aiga. I le mulimuli ai i le taitaiga a le Agaga, filifili se tasi po o le sili atu o le a sili ona aoga i lau vasega:

  • Faatasi ai ma se faatagaga mai le epikopo, valaaulia se ulugalii ua faaipoipo e asiasi atu i lau vasega. Faitau faatasi le vaega ua faaulutalaina “Siitiaina ma Fesoasoani i o Tatou Matafaioi e Faaatoatoa ai Isi” mai le lauga a Linda K. Burton “O Le a Tatou O Ae Faatasi i Luga.” O le a se mea ua aoaoina e tamaitai talavou e uiga i le lagolagoina e alii ma tamaitai o le tasi ma le isi i totonu o aiga? Talosaga atu i le ulugalii o loo asiasi mai ina ia talanoa e uiga i le auala sa la tau fesoasoani ai i le tasi ma le isi e faataunuu o laua matafaioi. Mafaufau e faasoa atu le auala na fesoasoani ai le faaipoipoga ia te oe po o tagata o lou aiga ina ia lelei atili atu.

  • Fai atu i tamaitai talavou e fai se lisi o tiutetauave e faamoemoe le Alii e faataunuuina e tama ma tina. Ina fesoasoani e faia lenei lisi, valaaulia i latou e suesue i le parakalafa lona fitu o le “O Le Aiga: O Se Folafolaga i le Lalolagi” ma ni vaega talafeagai o le saunoaga a Elder L. Tom Perry “Mauaina o le Filemu Tumau ma le Fausiaina o Aiga e Faavavau” ma le saunoaga a Elder D. Todd Christofferson “O Le Malosiaga Amiotonu o Tamaitai.” O le a se mea e mafai ona latou aoao mai nei punavai e uiga i matafaioi paia o tama ma tina? E faapefea ona faaatoatoaina e nei matafaioi le tasi ma le isi? E faapefea ona ese nei aoaoga mai mea o loo aoaoina e le lalolagi? Valaaulia ia tamaitai talavou e faasoa mai ni faataitaiga o taimi na latou molimauina ai le faataunuuina e matua o o latou mataifaioi felagolagomai.

  • Faailoa mai ni mau o loo aoao maia ni tiutetauave o matua, e pei o mau ia o loo faatatau i ai le lesona lenei, ma vaevaeina i tamaitai talavou. Valaaulia ia tamaitai talavou taitasi e faasoa mai lana mau ma faamatala ia tiutetauave o loo ta'ua. Valaaulia i latou e faasoa mai auala o loo felagolagomai ai ia tane ma ava i le faataunuuina o nei tiutetauave ma faataitaiga na latou vaaia i le faataunuuina ai faatasi e matua o o latou matafaioi.

  • Fai atu i tamaitai talavou e mafaufau i le uiga o upu lua vaega ao latou matamata i le vitio “O Tamaitai i o Tatou Olaga.” Fai atu ia i latou e lisi mai ni auala e mafai ai ona avea i latou ma “fesoasoani” i a latou tane o le lumanai (tagai Kenese 2:18). Fai atu i tamaitai talavou e galulue taitoatasi pe galulue o se vasega i mea e fai o le tulaga faatauaina o le Taua o le Tagata Lava Ia e 4 i leAlualu i Luma o le Tagata lava Ia ma tusi i totonu o a latou api talaaga ni o latou lagona e uiga i lo latou matafaioi o se ava o loo galulue felagolagomai ma lana tane i le lumanai.

    2:43

  • Valaaulia ia tamaitai talavou e faitau le Mataupu Faavae ma Feagaiga 25 ma saili ia mea na talosagaina ai Ema Samita e fai e lagolago ai lana tane ma mea na fetalai le Alii o le a faia e lana tane e lagolago ai ma faamanuiaina ai o ia. O a ni faataitaiga e mafai e oe po o tamaitai talavou ona faasoa atu i tagata o e o mulimuli i lenei fautuaga i la latou faaipoipoga? Uunaia ia tamaitai talavou e tusi e uiga i le ituaiga o mafutaga faaleulugalii latou te mananao ia mauaina i se aso ma po o le a le mea e mafai ona latou faia i le taimi nei e saunia i ai. Fai atu i nisi o i latou e faasoa mai mea sa latou tusiaina.

Fai i tamaitai talavou e faasoa mai mea sa latou aoaoina i le aso. Pe ua latou malamalama i matafaioi felagolagomai o alii ma tamaitai i aiga? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Ola i mea ua tatou aoaoina

Valaaulia ia tamaitai talavou e mafaufau i le auala o le a latou ola ai e ala i mea ua latou aoaoina i le asō. Mo se faataitaiga, e mafai ona latou:

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.