O le a le ata o le faaolataga?

Na saunia e le Tama Faalelagi se fuafuaga ina ia mafai ai ona tatou avea faapei o Ia. O le ata o le faaolataga e aofia ai le Foafoaga, o le Pau, le Togiola a Iesu Keriso, ma tulafono uma, o sauniga, ma aoaoga faavae o le talalelei. O lenei fuafuaga ua mafai ai ona faaatoatoaina i tatou e ala i le Togiola, maua le atoaga o le fiafia, ma ola e faavavau i le afioaga o le Atua.

Saunia oe lava ia faaleagaga

E faapefea ona aafia au filifiliga ma lau vaaiga e uiga i le olaga ona o lou iloa o le fuafuaga a le Tama Faalelagi? O a ni itu o le ata o le faaolataga e te manao e aoao atili i ai?

E mafai faapefea ona fesoasoani le malamalama i le ata o le faaolataga i tamaitai talavou i le faia o filifiliga taua?

Ia suesue ma le agaga tatalo ia mau ma punaoa nei. O le a se mea o le a fesoasoani i tamaitai talavou e malamalama ai i le ata o le faaolataga?

1 Korinito 15:20–22 (O le a oti tagata uma)

Eperu 12:9 (o le Atua o le Tama o o tatou agaga)

Faaaliga 20:12–13; 2 Nifae 9:10–11; Alema 5:15–21 (O le a toetutu tagata uma ma tutu i luma o le Atua ina ia faamasinoina)

2 Nifae 2:22–25 (O Le Pau o Atamu na oo mai ai le ola faaletino)

Alema 34:32–33 (O le olaga lenei o le taimi lea e salamo ai)

Alema 40:11–14 (O le tulaga o tagata pe a maliliu)

Alema 42:5–15 (Ua aoao e Alema lona atalii o Korianetona e uiga i le ata o le faaolataga)

MF&F 76:30–113 (Faamatalaga o malo o le mamalu)

Weatherford T. Clayton, “O Le Fuafuaga Mamalu a lo Tatou Tama,” Ensign po o le Liahona, Me 2017, 26–29

Thomas S. Monson, “O Le Ala Atoatoa i le Fiafia,” Ensign po o le Liahona, Nov. 2016, 80–81

“Ata o le Faaolataga,” Faamaoni i le Faatuatua (2004), 115–17

Vitio: “O Loto o Alii o le a Toilalo ai i Latou”

3:27

Vitio: “O Le Ata o le Faaolataga”; tagai foi i le DVD Punaoa Vaaia o le Mataupu Faavae ma Feagaiga

4:19

Aoao atu i le ala a le Faaola

Sa fesiligia e le Faaola ni fesili sa faaosofia ai i latou sa Ia aoaoina ina ia mafaufau loloto i ai. Sa Ia fiailoaina faamaoni a latou tali. E mafai faapefea ona e faaaogaina fesili e fesoasoani atu ai i tamaitai talavou ia mafaufau loloto e uiga i upumoni o le talalelei?

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni o oe lava manatu e faalauiloa atu ai le lesona o lenei vaiaso:

Tusi i luga o le laupapa le “O le a le ata o le faaolataga?” Fai atu i tamaitai talavou e fautua atu nisi o auala e mafai ona latou taliina ai le fesili lenei. Ia uunaia i latou e faaauau ona mafaufau i a latou tali a o latou aoao e uiga i le ata o le faaolataga i le lesona o le asō.
Aumai ni ata po o ni mea faitino se tolu e faatusa i le Foafoaga, o le Pau, ma le Togiola (mo se faataitaiga, kelei mo le Foafoaga, ma se apu mo le Pau, ma se ipu o le faamanatuga mo le Togiola). Fai atu i tamaitai talavou e faasoa atu mea latou te iloa e uiga i nei mea na tutupu ma le pogai ua taua ai.

Aoao faatasi

O gaoioiga taitasi o loo i lalo o le a fesoasoani i tamaitai talavou e aoao e uiga i le ata o le faaolataga. O le mulimuli ai i le musumusuga a le Agaga, filifili se gaoioiga se tasi pe sili atu o le a sili atu ona aoga mo lau vasega:

Fai atu i se tasi o tamaitai talavou e sau saunia e faasoa mai se tala mai le saunoaga a Peresitene Thomas S. Monson “O Le Ala Atoatoa i le Fiafia.” O le a faapefea ona tali e tamaitai talavou ia fesili nei e uiga i le ata o le faaolataga pe afai o latou talanoa atu i se uo e ese lana faatuatuaga: O fea na tatou o mai ai? Aisea ua tatou i ai iinei? O fea tatou te o i ai pe a uma lenei olaga? Valaaulia i latou e faaaoga le saunoaga a Elder Weatherford T. Clayton “O Le Fuafuaga Mamalu a lo Tatou Tama” ma mau e saunia ai le tali i se tasi o fesili. Aisea e taua ai le iloa o tali i nei fesili?
O ni nai aso o muamua atu, ia fai atu i nisi o tamaitai talavou e o mai saunia e aoao atu i le vasega e uiga i se vaega o le ata o le faaolataga (e pei o le muai olaga, olaga i le tino, lalolagi o agaga, ma isi lava) e faaaoga ai le Talai La’u Talalelei po o le Faamaoni i le Faatuatua. Tusi se ata faafaatusa o le ata o le faaolataga i luga o le laupapa (mo se faataitaiga, tagai i le Talai La’u Talalelei,54), ma ia valaaulia ia tamaitai talavou taitoatasi e aoao atu lana autu atofaina. Fai atu i tamaitai talavou po o le a se eseesega ua faia i o latou olaga ina ia iloa ai e uiga i le ata o le faaolataga.
Tofi atu i tamaitai talavou taitoatasi se fuaitau se tasi pe sili atu o mau o loo i lenei otootoga. Fai atu i ai e faitau lana vaega e iloa ai po o le a le vaega o le ata o le faaolataga o loo faatatau i ai le fuaitau. Ia valaaulia o ia e faasoa atu se mea ua ia aoaoina mai lana fuaitau. E faapefea e lo tatou iloa e uiga i le ata o le faaolataga ona aafia ai le ala tatou te vaai ai ia i tatou lava? isi? Le lalolagi o loo siomia i tatou?
Faitau faatasi o se vasega le Alema 12:30 ma le Alema 42:13–15. Ia valaaulia tamaitai talavou e vaavaai mo ni fuaitau o loo faaaoga e faamatala ai le ata o le faaolataga. O le a se mea o aoao mai e nei fuaitau e uiga i le fuafuaga? Faaali le vitio “O Loto o Alii o le a Toilalo ai i Latou,” ma fai atu i tamaitai talavou e vaavaai pe na faapefea ona faamanuiaina Elder Russell M. Nelson ona o se malamalamaaga i le ata o le faaolataga. Ia valaaulia tamaitai talavou e faasoa atu ni auala ua faamanuiaina ai i latou e lenei malamalamaaga.

3:27
Ia valaaulia tamaitai talavou e faitau le Alema 42:5–15, ma vaavaai mo fuaitau o loo faaaoga e Alema e faamatala ai le fuafuaga a le Atua mo Lana fanau. A latou maua se fuaitau, fai i ai e tusi i luga o le laupapa. O a ni mea o loo aoao mai ia i tatou e nei fuaitau e uiga i le fuafuaga a le Tama Faalelagi?
Ia mautinoa ua tofu tagata o le vasega ma se kopi o le Faamaoni i le Faatuatua, ma ia tofi atu i tamaitai talavou taitoatasi se numera mai le va o le 1 ma le 3. Ia fai atu ia i latou na tofia i le numera 1 ia aoao mea uma e mafai ona latou aoaoina mai le Faamaoni i le Faatuatua e uiga i le muai olaga (itulau 115–16); fai atu ia i latou o le numera 2 e aoao e uiga i le olaga i le tino (itulau 116); . ma fai atu ia i latou o le numera 3 e aoao e uiga i le olaga pe a mavae le oti (itulau 116–17). Tuu atu ia i latou e galulue i vaega o o latou numera, e tapena se otootoga puupuu o mea latou te aoaoina, ma faailoa atu i le vasega atoa. Ia valaaulia tamaitai talavou e vaai faalemafaufau pe ono faapeī o latou olaga pe ana faapea latou te le maua lenei malamalama e uiga i le ata o le faaolataga.

Fai atu i tamaitai talavou e faasoa atu mea ua latou aoaoina i le aso. Pe ua latou malamalama lelei i le ata o le faaolataga? O a ni o latou lagona po o ni manatu o i ai? E i ai ni a latou fesili faaopoopo? Mata e aoga le faaalu o se isi taimi i lenei aoaoga faavae?

Ola i mea o tatou aoaoina

Ia valaaulia tamaitai talavou e mafaufau pe o a ni auala o le a latou ola ai i mea ua latou aoaoina i le asō. Mo se faataitaiga, e mafai ona latou:

Faasoa atu lo latou agaga faafetai mo le ata o le faaolataga.
Aoao atu se mea ua latou aoaoina e uiga i le ata o le faaolataga i se uo po o se tagata o le aiga. A o latou aoao atu, e mafai ona latou faaaogaina se siata po o se ata ua latou fatuina o le ata o le faaolataga.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.