E mafai faapefea ona ou faia ia anoa atili a’u tatalo?

E alofa le Tama Faalelagi ia i tatou ma e finagalo tatou te fesootai atu ia te ia e ala i le tatalo. A tatou tatalo, e tatau ona tatou ta’u atu i le Tama Faalelagi lagona o o tatou loto. E le tatau ona tautu i upu ma fuaitau e leai se uiga. O le tatalo faamaoni, mai le loto, e mafai ai ona tatou latalata atu i lo tatou Tama Faalelagi.

Saunia oe lava ia faaleagaga

O a ni ou aafiaga anoa i le tatalo? O a ni mea na aoaoina ai oe i nei aafiaga e uiga i le fesootai atu i le Tama Faalelagi? O le a se mea ua e faia ina ia anoa atili ai au tatalo?

O anafea na e faalogo ai o tatalo tamaitai talavou o lau vasega? E mafai faapefea ona e fesoasoani ia i latou ia anoa atili a latou tatalo? E mafai faapefea ona fesoasoani ia i latou i le taimi nei ma le lumanai lo latou malamalama i le ala e fesootai ai ma le Tama Faalelagi?

A o e sauniuni, suesue ma le agaga tatalo punaoa nei. O le a se mea e te manao ia iloa e tamaitai talavou e uiga i le tatalo?

Luka 22:41–42; Helamana 10:5; MF&F 46:30–31 (E tatau ona tatou sailia le finagalo o le Atua pe a tatou tatalo)

3 Nifae 14:7; MF&F 9:7–8 (E vaavaalua le tatalo ma le taumafaiga faamaoni)

3 Nifae 17–19 (Na tatalo Iesu Keriso faatasi ma sa Nifae ma aoao atu ai e uiga i le tatalo)

Moronae 10:3–5 (Tatalo ma le faatuatua, se loto faamaoni, ma le faamoemoega tonu)

Carol F. McConkie, “O Le Manaoga Faamaoni o le Loto,” Ensign po o le Liahona, Nov. 2016, 25–27

Juan A. Uceda, “Ua Aoao Mai i Tatou e le Alii o Iesu Keriso ina ia Tatalo,” Ensign po o le Liahona, Nov. 2016, 30–32

David A. Bednar, “Ole Atu ma le Faatuatua,” Ensign po o le Liahona, Me 2008, 94–97.

David A. Bednar, “Tatalo e le Aunoa,” Ensign po o le Liahona, Nov. 2008, 41–44.

“Tatalo,” Faamaoni i le Faatuatua (2004), 167–72

Vitio: “Meaai e Tatau ai: Aafiaga”

Aoao atu i le ala a le Faaola

Sa alofa le Faaola ma tatalo mo i latou sa Ia aoaoina. A tatou iloa ma alolofa ia i latou tatou te faiaoga ai, tatou te tatalo mo i latou i o latou igoa ma mo luitau patino ma avanoa atonu o feagai ma i latou.

Vitio: “Faamalosia o Matou Aiga”

Matamata atili

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Tagai i isi manatu e aoao mai ai ma aoao atu.

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

• Faasoa atu le tala mai le saunoaga a Elder Juan A. Uceda “Ua Aoao Mai i Tatou e le Alii o Iesu Keriso ina ia Tatalo.” O le a se mea na iloa e tamaitai talavou na faamomoiloto e uiga i lenei tala? O a nisi aafiaga o le tatalo sa e oo i ai pe na oo i ai tamaitai talavou? 

• Usu faatasi o se vasega, pe faitau ni viiga e uiga i le tatalo (faaaoga le faasinoupu autu o loo i le faaiuga o le tusipese e sue ai se viiga talafeagai). O a ni mea ua aoao e tamaitai talavou e uiga i le tatalo mai nei viiga?

Aoao faatasi

Tagai i isi manatu e aoao mai ai ma aoao atu.

O gaoioiga taitasi o loo i lalo o le a fesoasoani i tamaitai talavou e malamalama ai i le ala e fai ia anoa atili a latou tatalo. O le mulimuli ai i musumusuga a le Agaga, ia filifili se mea se tasi pe sili atu o le a sili ona aoga i lau vasega:

• Tusi ia igoa o sui o le Aiga Atua i luga o le laupapa. Valaaulia tamaitai talavou e faaaoga le saunoaga a Sister Carol F. McConkie “O Le Manaoga Faamaoni o le Loto” e lisi ai pe faapefea ona faaaofia sui taitasi o le Aiga Atua pe a tatou tatalo. Fai atu i tamaitai talavou e vaai mo tali i fesili nei i le saunoaga a Sister McConkie: “Aisea tatou te tatalo ai i le Tama Faalelagi?  O le a le uiga o le tatalo i le suafa o Iesu Keriso? E mafai faapefea e le Agaga Paia ona uunaia a tatou tatalo?” Valaaulia i latou e fai se lisi o mea e mafai ona latou faia e faia ai ia atili ona anoa a latou tatalo. Atonu latou te faaali atu lisi nei i totonu o o latou aiga ma filifili se mea se tasi e taulai i ai i vaiaso taitasi.

• Valaaulia tamaitai talavou e sue i tusitusiga paia se faataitaiga o le tatalo o loo uunaia ai latou (afai e moomia, fautuaina le faitauina o mau o loo lisiina i lenei aotelega), pe faaali le vitio “Meaai e Tatau Ai: Aafiaga.” Fai i ai e faasoa mai mea latou te maua ma mea ua latou aoaoina e uiga i le tatalo mai le faataitaiga.

• Tuu atu ia tofu tamaitai talavou ma se mau e uiga i le tatalo (e pei o mau o loo fautuaina atu i lenei otootoga). Fai i tamaitai talavou e tusi i lalo se mataupu faavae e uiga i le tatalo na latou aoao mai i a latou mau ma se faataitaiga o lena mataupu faavae mai o latou olaga po o olaga o isi. Valaaulia i latou e faasoa atu mea na latou aoaoina i se tasi tamaitai talavou i le vasega. O a mea na aoao e tamaitai talavou mai isi e mafai ona fesoasoani latou te faia ai ia atili anoa a latou tatalo?

• Tuu atu ia tofu tamaitai talavou ma se vaega mai se tasi o saunoaga a Elder David A. Bednar o loo fautuaina mai i lenei otootoga. Valaaulia tamaitai talavou e vase le fautuaga faatino o loo tuu mai e Elder Bednar e fesoasoani tatou te faia ai a tatou tatalo ia atili ona anoa. Fai i ai e faasoa mai mea ua latou maua. Ona valaaulia lea o i latou e manatu faapea o loo latou aoaoina se tasi ia tatalo. O a mea o le a latou aoao atu, ma pe faapefea ona latou aoaoina atu? Fuafua e faatino se tulaga e mafai ona aoao atu ai.

• Vaevae ia mataupu e 17, 18, po o le 19 o le 3 Nifae i tamaitai talavou. Fai i tamaitai talavou e faitau a latou vaega ma faasoa mai mea ua latou aoaoina e uiga i le tatalo mai le faataitaiga a Iesu Keriso ma aoaoga mai faataitaiga a Ona soo. O a mea e mafai ona latou faia e mulimuli ai i nei faataitaiga i a latou lava tatalo?

• Tofi tamaitai talavou taitoatasi e suesue se tasi o mataupu faavae o le tatalo o loo talanoaina i le Faamaoni i le Faatuatua,itulau 167–72, po o faamatalaga e uiga i le tatalo o loo i le Lomifefiloi o le Tusi Paia. Fai i tamaitai talavou e aoao le vasega i mea ua latou aoaoina. Fautua atu i latou e faasoa atu ni faataitaiga faaletagata lava ia pe a aoao atu.

Fai i tamaitai talavou e faasoa mai mea sa latou aoaoina i le aso. Pe ua latou malamalama i le ala e fai ai ia anoa atili a latou tatalo? O a ni o latou lagona ma ni uunaiga? Pe o i ai ni a latou fesili faaopoopo? Mata e aoga pe a faaaluina se isi taimi i lenei aoaoga faavae?

Motugaafa faafaiaoga

“A maea ona tuuina mai e le tasi tagata le tali i se fesili pe tuuina mai sona malamalamaaga, ona valaaulia lea o isi e faaopoopo atu i ai i le manatu faaalia pe faailoa mai foi se isi manatu e ese mai ai. Afai e tuuina atu e se tasi se fesili, ia toe tuusao atu i isi nai lo le taliina e oe lava. Mo se faataitaiga, e mafai ona e fesili atu, ‘Pe i ai se tasi e manao na te taliina lena fesili?’” (O Le Aoao Atu, E Leai Se Isi Valaauga e Sili Ai [1999], 70).

Ola i mea o tatou aoaoina

Tagai i isi manatu e aoao mai ai ma aoao atu.

Ia valaaulia tamaitai talavou e mafaufau pe o a ni auala o le a latou ola ai i mea ua latou aoaoina i le asō. Mo se faataitaiga, e mafai ona latou:

• Fai se sini patino e faaleleia atili a latou tatalo faaletagata.

• Faatumu le mea 1 e fai mo le tulaga faatauaina o le Faatuatua i le Alualu i Luma o le Tagata Lava Ia.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.