E faapefea ona ou maua faaaliga faaletagata lava ia?

E tofu aia i tatou i faaaliga patino e taialaina ai o tatou olaga. Ina ia maua faaaliga patino, e tatau ona tatou saunia e ala i le ola agavaa ma suesue ma mafaufau loloto i tusitusiga paia. Afai tatou te saili ma ole atu, o le a faaali mai e le Atua Lona finagalo e ala i le Agaga Paia.

Saunia oe lava ia faaleagaga

E faapefea ona e iloa ua e mauaina se faaaliga patino? Ua faamanuiaina faapefea lou olaga ina ua e aoao e iloa faaaliga patino?

Aisea e te manatu ai e taua i tamaitai talavou i lau vasega ona iloa le ala e maua ai faaaliga patino? E faapefea ona e fesoasoani ia i latou ia iloa faaaliga patino?

A o e sauniuni, suesue ma le agaga tatalo ia mau ma punaoa nei. O le a se mea ua musuia oe e faasoa atu i tamaitai talavou?

1 Tupu 19:9–12; Helamana 5:30; MF&F 6:14–16, 23; 8:2–3; 11:12–14 (Auala e talanoa mai ai le Agaga ia i tatou)

Ioane 14:26–27 (E mafai ona fesoasoani le Agaga Paia ia i tatou e manatuaina mea ma lagona le filemu)

Eteru 2–3; MF&F 9:7–9 (E tatau lava ona vaavaalua faaaliga patino ma o tatou mafaufauga ma suesuega)

Ronald A. Rasband, “Agaga e Taitai Mai,”Ensignpo o leLiahona,Me 2017, 93–96

Henry B. Eyring, “Faaaliga Faifai Pea,” Ensign po o le Liahona, Nov. 2014, 70-73

Richard G. Scott, “Faapefea ona Maua Faaaliga ma Musumusuga mo Lou Lava Olaga Patino,” Ensign po o le Liahona, Me 2012, 45–47

“Aoao ia Iloa Uunaiga a le Agaga,” Talai La’u Talalelei (1999), 96–97

“Faaaliga,” Faamaoni i le Faatuatua (2004), 32–37

Vitio: “Patterns of Light: Spirit of Revelation,” “Hearing His Voice”

3:6

3:56

“Agaga e Taitai Mai, ”Viiga, nu. 78

Aoao atu i le ala a le Faaola

Na valaaulia e le Faaola i latou sa mulimuli ia te Ia e faatino le faatuatua ma ola i upumoni na Ia aoaoina. Sa taulai atu o Ia e fesoasoani i Ona soo ia ola i le talalelei ma o latou loto atoa e ala i le tuuina atu ia i latou o aafiaga mamana e aoao ai. E mafai faapefea ona aoao atu tamaitai talavou e faatino le faatuatua ma ola ai i upumoni latou te aoaoina?

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.

Faasoa atu ni aafiaga

I le amataga o vasega taitasi, valaaulia ia tamaitai talavou e faasoa mai, aoao atu, ma molimau atu e uiga i aafiaga na latou maua i le faaaogaina o mea sa latou aoaoina i lesona o vaiaso ua mavae atu. O le a uunaia e lenei mea se liua patino ma o le a fesoasoani ai i tamaitai talavou ia iloa le taua o le talalelei i o latou olaga i aso uma.

Faailoa atu le aoaoga faavae

Filifili mai manatu nei pe mafaufau ni ou lava manatu e faalauiloa atu ai le lesona o lenei vaiaso:

Fai i tamaitai talavou e faitau pe usu ia fuaiupu uma e tolu o le “Ia Taitaiina e le Agaga” (Viiga, no. 143) ma vaavaai mo upu o loo faamatala mai ai le ala e talanoa mai ai le Agaga Paia ia i tatou. O a nisi upu e mafai ona mafaufau i ai tamaitai talavou e faamatala ai le ala e fesootai mai ai le Agaga Paia ia i tatou?
Tusi i luga o le laupapa “Ou te iloa ou te mauaina faaaliga patino pe a ________________.” Fesili i tamaitai talavou pe faapefea ona latou faaumaina lenei fuaiupu. Valaaulia i latou e mafaufau loloto pea i lenei faaupuga i le taimi o le lesona ma vaavaai mo ni tali faaopoopo.

Aoao faatasi

O le a fesoasoani gaoioiga taitasi nei i tamaitai talavou e malamalama ai pe faapefea ona mauaina faaaliga. I le mulimuli ai i le taitaiga a le Agaga, filifili se tasi pe sili atu e aoga mo lau vasega:

Fai ni koluma se fa i luga o le laupapa i manatu e fa o le saunoaga a Elder Ronald A. Rasband “Agaga e Taitai Mai” e avea ma ni ulutala. Iloilo faatasi ia vaega taitasi, valaaulia tamaitai talavou e tusi i totonu o koluma mea ua fautua mai Elder Rasband e mafai ona latou faia e maua ai faaaliga faaletagata lava ia. E i ai se tagata i le tou uarota o se tagata e muai tali atu [i faalavelave faafuasei], e pei o se fuimu po o se leoleo? Afai e i ai, valaaulia o ia e talanoa atu i le vasega e faatatau i le uiga o le avea ma se tagata e muai tali atu i se faalavelave faafomai po o se faalavelave faalenatura. E faapefea ona saunia o ia e tali atu i nei tulaga? Fai atu i tamaitai talavou e talanoaina mea ua latou aoaoina mai lenei talanoaga e uiga i le auala e avea ai ma tagata faaleagaga e muai tali atu.
Faitau faatasi ia parakalafa muamua e tolu o le saunoaga a Peresitene Henry B. Eyring “Faaaliga Faifai Pea.” Fai atu i tamaitai talavou e lisi mai ni nai tulaga lea e manaomia ai e i latou po o se tasi latou te iloa se faaaliga patino. Fai atu i tamaitai talavou e faitau pe matamata ni vaega o le saunoaga a Peresitene Eyring ma faasoa mai mea sa latou aoaoina. Valaaulia i latou e mafaufau loloto i mea o le a latou faia e sailia ai se faaaliga patino.
Tusi i luga o le laupapa ia mau ua fautuaina atu i le otootoga lenei. Fai i tamaitai talavou taitoatasi e faitau se tasi o mau ma faailoa mai po o a mea o loo aoao mai ai e uiga i le ala e mafai ai ona fesootai mai le Agaga Paia ia i tatou. Fai i tamaitai talavou e tusi i luga o le laupapa i autafa o le mau mea na latou maua. Valaaulia i latou e faasoa mai soo se aafiaga sa latou mauaina lea na talanoa mai ai le Agaga Paia ia i latou i se tasi o auala nei.
Fai se kopi o le siata o loo i itulau 101–02 o le Talai La’u Talalelei mo tamaitai talavou taitoatasi. Valaaulia o ia e iloilo le siata ma ona faamatalaga i le ala e fesootai mai ai le Agaga Paia ia i tatou. Valaaulia tamaitai talavou e tusi e uiga i se taimi na ia maua ai ni lagona, mafaufauga, po o ni uunaiga o loo faamatala mai i le siata. Valaaulia nisi o i latou e faasoa mai mea sa latou tusia, i le vasega.
Faaali le vitio “Hearing His Voice,” ma fai i tamaitai talavou e vaavaai mo mea na faia e talavou o i lenei vitio e saunia ai i latou lava mo le mauaina o faaaliga patino. O a nisi auala e mafai ai ona tatou saunia i tatou lava? (tagai 3 Nifae 17:2–3; MF&F 9:7–8). Fautuaina tamaitai talavou e talia ia luitau o loo taliaina e talavou i le vitio, ma valaaulia i latou e faasoa mai o latou aafiaga i se vasega i le lumanai.

3:56

Fai i tamaitai talavou e faasoa mai mea sa latou aoaoina i le aso. Pe ua sili atu so latou malamalama i le ala e maua ai faaaliga patino? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Ola i mea ua tatou aoaoina

Valaaulia tamaitai talavou e mafaufau pe o le a faapefea ona latou ola i mea ua latou aoaoina i le aso. Mo se faataitaiga, e mafai ona latou:

Faamaea le mea faatonuina e fai e 5 mo le tulaga faatauaina o le Filifiliga ma le Tali Atu mo Au Lava i le Alualu i Luma o le Tagata Lava Ia.
Tusi i lalo musumusuga faaleagaga po o uunaiga latou te maua i le aluga o le vaiaso ma faatino. E mafai ona latou tusia i a latou api talaaga mea na tutupu ina ua latou mulimuli i uunaiga ma pe o a faamanuiaga sa latou mauaina.

Faasoa atu i tamaitai talavou mea o le a latou suesueina i le vaiaso a sau. O le a se mea e mafai ona latou faia e saunia ai e aoao? Mo se faataitaiga, e mafai ona latou faitauina se lauga, matamata i se vitio, pe suesue i se mau e faatatau i le lesona o le vaiaso a sau.

Gaoioiga a le Autalavou e Fesootai i ai

Fuafua se gaoioiga a le Mutuale lea o le a fesoasoani i tamaitai talavou e faaaoga ai mea sa latou aoaoina i lenei lesona.