Perofeta ma Faaaliga

“Matou te talitonu i mea uma na faaali mai e le Atua, mea uma ua ia faaali mai nei, ma matou te talitonu foi o le a ia faaali mai le tele o mea silisili ma le tāua tau i le Malo o le Atua” (Mataupu Faavae o le Faatuatua 1:9).

O le a fesoasoani otootoga o lenei iunite i tamaitai talavou taitoatasi e aoao ai ia iloa le siufofoga o le Alii pe a Ia talanoa atu i ai e ala i tusitusiga paia, perofeta soifua ma aposetolo, ma faaaliga patino e ala i le Agaga Paia i lona loto ma lona mafaufau. Fesoasoani i tamaitai talavou e aoao ia alofa ma talitonuina le upu a le Alii a oo ina latou feagai ma tofotofoga po o faaiuga faigata —i le taimi nei ma le lumanai—o le a latou iloa lava ma otometi foi ona liliu atu i tusitusiga paia, tatalo, ma upu a perofeta soifua mo se taitaiga.

Otootoga e Filifili mai ai i le Masina Lenei

• Aisea e taua ai le faalogo ma mulimuli i perofeta soifua?

• E faapefea ona ou maua faaaliga faaletagata lava ia?

• E mafai faapefea ona ou faia ia anoa atili a’u tatalo?

• Aisea e taua ai le suesue i tusitusiga paia?

• E mafai faapefea ona ou faamalosia la’u molimau?

• E mafai faapefea ona fesoasoani ia te au se faamanuiaga faapeteriaka?

Mutuale

Mafaufau pe mafai faapefea ona e fuafuaina gaoioiga ia e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o le Mutuale. Galulue ma au peresitene o vasega e filifili ma fuafua gaoioiga talafeagai ia e faamalosia ai mea na aoaoina e tamaitai talavou i le Aso Sa.

Alualu i Luma o le Tagata Lava Ia

O mea faatonuina nei e fai mai le Alualu i Luma o le Tagata Lava Ia e faatatau i lesona o loo i le iunite lenei:

• O mea faatonuina e fai mo le tulaga faatauaina o le Faatuatua 1

• O mea faatonuina e fai mo le tulaga faatauaina o le Taua o le Tagata Lava Ia 2

• O mea faatonuina nei e fai mo le tulaga faatauaina o le Filifiliga ma le Tali Atu mo A’u Lava 5

• Galuega faatino mo le tulaga faatauaina o le Mama