Tuanga 30
Te eeuanga tei orongaia mai na roto ia Iosepha Timeti te Peroveta, kia David Whitmer, Peter Whitmer, Tamaiti, e John Whitmer, i Fayette, New York, Tepetema 1830, i muri mai i nga rā e toru o te uipaanga maata i Fayette, i na ra, i mua ake ka takatakake ei te au ereta o te Akonoanga (History of the Church, 1:115–116). Ko teia au mea tei neneiia, e toru eeuanga te reira i te taime mua, kua kapitiia ra te reira ki roto i te tuanga okotai e te peroveta no te neneiangaia i te mataiti 1835 o te Te Apiianga e te Au Koreromotu.
1–4, Kua akoia a David Whitmer no tona paruparu i te tavini meitaki anga; 5–8, Ko Peter Whitmer, Tamaiti, ka aru atu aia ia Oliver Cowdery no te angaanga tutu ki te ngati Lamana; 9–11, Ko John Whitmer te kapikiia nei aia kia tutu i te evangelia.
1 I na, te karanga atu nei au kia koe, e David, kua mataku koe i te tangata nei e kare koe i irinaki mai kiaku no te maroiroi mei tei tau ia koe.
2 I na ra, ko toou manako tei runga te reira i te au mea o te ao nei, e kare i runga i te au mea iaku nei, ko Tei Anga ia koe, e te angaanga i kapikiiaʼi koe; e kare oki koe i akarongo mai ki toku Vaerua, e ki tei tutara ki rungaʼo ia koe, i na ra, kua akarongo koe ki te aronga taku i kore i akaue atu.
3 No reira, kua vaioia koe kia pati noou uaorai mei toku nei rima, e kia akamanako i te au mea tei rauka ia koe.
4 E ko toou ngutuare, tei ko ïa i te ngutuare o toou metua tane, kia tae rava ki te tuatau e oake atu ei au i tetai au akaueanga akaou kia koe. E ka rave koe i te angaanga a te akonoanga, e ki mua katoa i te ao nei, e ki te au ngai katoatoa e pini uake. Amene.
5 I na, te karanga atu nei au kia koe, e Peter, kia aere koe i toou aerenga ma toou taeake ko Oliver; kua tae oki te tuatau mei taku i manako i roto iaku kia amama koe i toou vaa kia akakite i taku evangelia; e no reira, auraka e mataku, e akarongo ra ki te reo e te tuatua ako a toou taeake, tana ka oronga atu kia koe.
6 E kia manamanata katoa koe no tona au manamanata, e ma te taki i toou ngakau ki runga kiaku na roto i te pure e te akarongo, ei akaoraanga nona e noou katoa; kua oronga oki au kiaia i te mana kia akatupu i taku akonoanga ki rotopu i te ngati Lamana;
7 E kare aku tangata ke atu i iki ei konitara ki rungaʼo iaia i roto i te akonoanga, no runga oki i te au angaanga o te akonoanga, mari ua ko tona taeake ko Iosepha Timeti, Tamaiti.
8 No reira, e akarongo mai ki teia au mea nei, e kia maroiroi i te akonoanga i taku au akaueanga, e ka akameitakiia koe ki te ora mutukore. Amene.
9 I na, te karanga atu nei au kia koe, e taku tavini e John, kia akamata koe mei teia taime e aere ua atu kia akakite i taku evangelia, mei te reo rai o te pu ra.
10 E ka rave i taau angaanga i ko i toou taeake ia Phillip Burroughs, e tena ngai katoa e pini uake, ae, i te au ngai ka rongoia ake koe, kia tae ki te taime e akaue atu ei au ia koe kia aere mei kona.
11 E ka rave i taau angaanga katoatoa no Ziona, ma toou vaerua katoa, mei teianei atu; e ka amama ua atu oki koe i toou vaa no toku nei akakoroanga, ma te kore e mataku i ta te tangata nei ka rave mai, no te mea tei vaitata oki au ia koe. Amene.