Seksen 37
Revelesen i go long Profet Joseph Smith na Sidney Rigdon, klostu long Fayette, New York, Disemba 1830. Long hia Bikpela i givim nambawan komanmen bilong bung long dispela taim.
1–4, Bikpela i singautim ol Seint long bung long Ohio.
1 Lukim, mi tokim yupela olsem em i no gutpela long mi olsem yu bai tanim tok moa inap yu go long Ohio, na dispela em bikos long ol birua bilong yupela na tu bilong yupela yet.
2 Na gen, mi tokim yupela olsem yu no ken go inap yu autim toktok pinis long gospel bilong mi long ol dispela hap, na strongim pinis sios long ol wanem hap sios i stap, na moa yet long Colesville; long wanem, lukim, ol i beten long mi wantaim planti feit.
3 Na gen, wanpela komanmen mi givim i go long yu sios, olsem em i gutpela long mi olsem ol bai bung wantaim long Ohio, long dispela taim olsem wokman bilong mi Oliver Cowdery bai kambek long ol.
4 Lukim, dispela em i gutpela save, na larim olgeta wanwan manmeri makim long laik bilong ol yet inap mi kam. Em tasol. Amen.