1. E hoolohe, a e nana, he leo me he leo la o kekahi mea i hoouna ia mai mailuna mai, ka mea ikaika a mana hoi, a o kona hele ana aia no ia i na welelau o ka honua, he oiaio, ka mea nona ka leo i na kanaka—E hoomakaukau oukou i ke alanui o ka Haku, e hana i Kona mau kuamoo a pololei.

2. Ua haawi ia na ki o ke aupuni o ke Akua i kanaka maluna o ka honua, a mai ia wahi mai e kaa aku ai ka Euanelio i na welelau o ka honua, e like me ke kaa ana o ka pohaku uuku i kalai lima ole ia mai ka mauna mai, a hiki i ka piha ana o ka honua holookoa ia ia;

3. He oiaio, he leo e kala ana—E hoomakaukau oukou i ke alanui o ka Haku, e hoomakaukau oukou i ka ahaaina a ke Keikihipa, e liuliu no ke Kane-mare;

4. E pule i ka Haku, e kahea aku i Kona inoa hemolele, e hoike aku i Kana mau hana kamahao mawaena o na kanaka;

5. E kahea aku i ka Haku, i laha aku ai Kona aupuni maluna o ka honua, i hookipa mai ai na kanaka o ka honua ia mea, a i makaukau ai no na la e hiki mai ana, na la hoi o ke Keiki a ke Kanaka e iho mai ai iloko o ka lani, i hoaahu ia me ke alohilohi o Kona nani, e hui me ke aupuni o ke Akua i kukulu ia ae maluna o ka honua;

6. No ia mea, e hele aku ke aupuni o ke Akua, i hiki mai ai ke aupuni o ka lani, i hoonani ia ai Oe, e ke Akua, ma ka lani a pela no ma ka honua, i hoopio ia ai Kou mau enemi, no ka mea, Nou ka hanohano, ka mana, a me ka nani, no ka wa mau loa a mau loa. Amene.