គំនិតដើម្បីធ្វើការបម្រើប្រចាំថ្ងៃ
យើងអាចធ្វើឲ្យរដូវកាលបុណ្យគ្រីស្ទម៉ាស់នេះកាន់តែមានភាពសប្បាយរីករាយ ដោយការបង្ហាញសេចក្តីស្រឡាញ់ដូចគ្នាដែលព្រះយេស៊ូវបានធ្វើនៅអំឡុងការងារបម្រើកាលទ្រង់មានព្រះជន្មនៅលើផែនដី ។ ប្រសិនបើលោកអ្នកមិនប្រាកដពីរបៀបធ្វើ ទេ នោះយោបល់ទាំងនេះអាចជាជំនួយដ៏ល្អដើម្បីចាប់ផ្តើម ។
ាថ្ងៃទី ១
សូមឲ្យពន្លឺរបស់អ្នកភ្លឺចែងចាំងឡើង
ព្រះយេស៊ូវគ្រីស្ទបានប្រទាន និងបង្ហាញសេចក្តីស្រឡាញ់ចំពោះមនុស្សទូទៅ ។ យើងក៏អាចធ្វើដូចទ្រង់បានដែរ ។ សូមគិតដល់អ្វីដែលអ្នកអាចផ្តល់ឲ្យដោយសេចក្តីស្រឡាញ់នៅរដូវកាលនេះ ។
ថ្ងៃទី ២
អំណោយរបស់ពួកហោរា
ព្រះយេស៊ូវគ្រីស្ទបានប្រទានពរដល់មនុស្សនៅក្នុងការងារបម្រើរបស់ទ្រង់ ។ តើអ្នកអាចជួយនរណាម្នាក់នៅថ្ងៃនេះដើម្បីបំភ្លឺថ្ងៃរបស់ពួកគេដោយរបៀបណា ?
ថ្ងៃទី ៣
ព្រះរាជកុមារព្រះគ្រីស្ទ
ព្រះយេស៊ូវគ្រីស្ទ ជាព្រះរាជបុត្រានៃព្រះ ។ ការប្រសូតរបស់ទ្រង់គឺជាអំណោយមួយសម្រាប់មនុស្សលោក ។ សូមមើលវីដេអូព្រះរាជកុមារព្រះគ្រីស្ទជាមួយមនុស្សជាទីស្រឡាញ់ ។
ថ្ងៃទី ៤
ស្រឡាញ់អ្នកជិតខាងរបស់អ្នក
ព្រះយេស៊ូវគ្រីស្ទស្រឡាញ់មនុស្សគ្រប់គ្នា ។ សូមចាប់ផ្តើមការសន្ទនា ឬ បង្កើតទំនាក់ទំនងជាមួយនរណាម្នាក់ដែលអ្នកមិនដែលស្គាល់ ។
ថ្ងៃទី ៥
តមអាហារដើម្បីជួយសម្រាលទុក្ខ
ការតមអាហារ ឬ និយាយម្យ៉ាងទៀតថា ការអត់ទទួលទានអាហារមួយ ឬ ពីរពេល ហើយបរិច្ចាគទឹកប្រាក់ដែលពុំប្រើប្រាស់ក្នុងការតមអាហារនោះ ជួយនរណាម្នាក់ដែលខ្វះខាត ។
ថ្ងៃទី ៦
អនុស្សាវរីយដ៏អស្ចារ្យ
សូមស្វែងរករូបថតមួយសន្លឹកនាថ្ងៃបុណ្យជាតិដ៏សប្បាយជាមួយមនុស្សជាទីស្រឡាញ់ ហើយចែកចាយពីមូលហេតុដែលអ្នកស្រឡាញ់រូបថតនោះ ។
ថ្ងៃទី ៧
ការថែទាំសុខភាព
សូមបង្ហាញសេចក្តីស្រឡាញ់ទៅនរណាម្នាក់ដែលបានថែរក្សាអ្នក ឬ សមាជិកគ្រួសារម្នាក់នៅឆ្នាំមុន ។
ថ្ងៃទី ៨
ការយកចិត្តទុកដាក់យ៉ាងពេញលេញ
ព្រះយេស៊ូវគ្រីស្ទស្រឡាញ់មនុស្សគ្រប់គ្នា ហើយបានយកចិត្តទុកដាក់នឹងពួកគេយ៉ាងពេញលេញ ។ ចំណាយពេលតែឯងជាមួយមនុស្សជាទីស្រឡាញ់ម្នាក់ ។
ថ្ងៃទី ៩
បំភ្លឺមែកធាងគ្រួសារ
សូមផ្តល់ការគោរពដល់បុគ្គលទាំងឡាយដែលបានកើតមកមុនអ្នក ។ សូមរៀនសូត្រអំពីបុព្វការីជនរបស់អ្នក និងកត់ត្រានៅលើ FamilySearch.org ។
ថ្ងៃទី ១០
ពេលវេលាពិសេស
ព្រះយេស៊ូវគ្រីស្ទមាននូវរបៀបដ៏អស្ចារ្យដើម្បីធ្វើឲ្យអ្នកដទៃទទួលអារម្មណ៍ថាមានការរាប់អាន ។ សូមស្វែងរករបៀបមួយដើម្បីធ្វើឲ្យនរណាម្នាក់មានអារម្មណ៍ពិសេស ។
ថ្ងៃទី ១១
រូបមន្តដើម្បីនាំឲ្យមានភាពរីករាយ
ព្រះយេស៊ូវគ្រីស្ទបានទំនាក់ទំនងជាមួយមនុស្សដទៃ នៅពេលទទួលទានអាហាររួមគ្នា ។ សូមចែករំលែកអាហារមួយពេល ឬ រូបមន្តធ្វើម្ហូបដែលអ្នកចូលចិត្តជាមួយអ្នកដទៃ ។
ថ្ងៃទី ១២
កក់កៅអីទុក
សូមចែករំលែកអំណរអំពីការប្រសូតរបស់ព្រះយេស៊ូវគ្រីស្ទ ។ សូមអញ្ជើញនរណាម្នាក់ដែលអ្នកយកចិត្តទុកដាក់ឲ្យចូលរួមក្នុងពិធីថ្វាយបង្គំនាបុណ្យគ្រីស្ទម៉ាស់ជាមួយអ្នកនៅថ្ងៃអាទិត្យក្រោយ គឺថ្ងៃ ទី១៩ ខែធ្នូ ។
ថ្ងៃទី ១៣
អំណោយទាននៃការអធិស្ឋាន
ព្រះយេស៊ូវគ្រីស្ទបានអធិស្ឋានទៅព្រះដោយស្មោះ ។ សូមដាក់គោលដៅមួយដើម្បីអធិស្ឋានរាល់ព្រឹកនាសប្តាហ៍នេះ ហើយទទួលអារម្មណ៍សេចក្តីស្រឡាញ់របស់ព្រះ ។
ថ្ងៃទី ១៤
ពាក្យជូនពរនៅបុណ្យគ្រីស្ទម៉ាស់
ព្រះយេស៊ូវគ្រីស្ទឈោងទៅជួយមនុស្សនៅជុំវិញទ្រង់ ។ សូមសួរសុខទុក្ខនរណាម្នាក់ថ្មីនាថ្ងៃនេះ ។
ថ្ងៃទី ១៥
តារាចែងចាំង
សូមចុះផ្សាយនៅលើបណ្តាញផ្សព្វផ្សាយសង្គមអំពីនរណាម្នាក់ដែលសំខាន់ក្នុងជីវិតរបស់អ្នក ។
ថ្ងៃទី ១៦
ផ្តល់ម្ហូបអាហារដល់ជនទ័លក្រ
អ្នកក៏អាចផ្តល់ម្ហូបអាហារដល់ជនទ័លក្រដូចជាព្រះយេស៊ូវគ្រីស្ទផងដែរ ។ សូមធ្វើអាហារដ៏ឆ្ងាញ់មួយពេលឲ្យទៅនរណាម្នាក់នាថ្ងៃនេះ ។
ថ្ងៃទី ១៧
អ្នកគង្វាលសម្ងាត់
នរណាម្នាក់ដែលបានណែនាំអ្នកដោយសេចក្តីស្រឡាញ់ដូចព្រះយេស៊ូវគ្រីស្ទបានធ្វើ ។ សូមថ្លែងអំណរគុណដល់ពួកគាត់ដោយផ្ទាល់ ឬជាសាធារណៈ ។
ថ្ងៃទី ១៨
បទចម្រៀងដែលមានតម្លៃឲ្យចែកចាយ
តន្ត្រីពិសិដ្ឋលើកតម្កើងយើង ។ សូមចែកចាយបទចម្រៀងដែលលើកតម្កើងទៅកាន់នរណាម្នាក់ ។
ថ្ងៃទី ១៩
ព្រះគម្ពីរប៊ីប និងអ្នក
ការប្រសូតរបស់ព្រះយេស៊ូវគ្រីស្ទ គឺជាមូលហេតុដែលយើងធ្វើបុណ្យគ្រីស្ទម៉ាស់ ។ សូមអានដំណើររឿងអំពីការប្រសូតនៅក្នុងលូកា ២ នៃព្រះគម្ពីរប៊ីប ។
ថ្ងៃទី ២០
ពេលវេលារួមគ្នា
សូមចំណាយពេលជាមួយបុគ្គលដែលអ្នកស្រឡាញ់ដោយផ្ទាល់ ឬពីចម្ងាយក៏បាន។
ថ្ងៃទី ២១
ការចែកចាយពន្លឺ
សូមបង្រៀនដូចព្រះយេស៊ូវគ្រីស្ទបានបង្រៀន ។ សូមធ្វើឲ្យអ្នកដទៃរំជួលចិត្តដោយការចែកចាយការបង្រៀនរបស់ទ្រង់ ។
ថ្ងៃទី ២២
អំណោយទានមកពីព្រះ
ព្រះយេស៊ូវគ្រីស្ទបានបង្ហាញអំណរគុណ ហើយយើងក៏អាចធ្វើដូចជាទ្រង់ដែរ ។ សូមចែកចាយអំណោយទានដែលព្រះបានប្រទានដល់អ្នក ។
ថ្ងៃទី ២៣
សូមធ្វើនំចំណីទ្វេដង
សូមធ្វើនំចំណីជូនទៅនរណាម្នាក់ ។ ការចែករំលែកនឹងប្រទានពរដល់អ្នក និងអ្នកទទួលផងដែរ ។
ថ្ងៃទី ២៤
ស្រឡាញ់ម៉ាក់ និងប៉ា
ព្រះយេស៊ូវគ្រីស្ទបានបង្ហាញសេចក្តីស្រឡាញ់ចំពោះព្រះមាតាបិតារបស់ទ្រង់ ។ ការបង្ហាញសេចក្តីស្រឡាញ់ចំពោះឪពុកម្តាយរបស់យើង ទាំងទង្វើ និងគំនិត គឺជាពរជ័យ ។
ថ្ងៃទី ២៥
ព្រះយេស៊ូវជាពន្លឺនៃពិភពលោក
សូមចែកចាយខគម្ពីរមួយដែលបង្ហាញពីមូលហេតុដើម្បីប្រារព្ធធ្វើពិធីបុណ្យគ្រីស្ទម៉ាស់ ។ យោបល់ – យ៉ូហាន ៣:១៦; កិច្ចការ ៤:១០-១២
ថ្ងៃទី ២៦
ពន្លឺ ឆ្នាំ ២០២២
សូមបំភ្លឺពិភពលោកដោយសេចក្តីស្រឡាញ់របស់ព្រះយេស៊ូវគ្រីស្ទនាថ្ងៃនេះ និងរាល់ថ្ងៃនៅឆ្នាំក្រោយ ។ សូមចែកចាយគោលដៅរបស់អ្នកលើបណ្តាញផ្សព្វផ្សាយសង្គម ។