តើអ្វីទៅជាការបំភ្លឺពិភពលោក ?
« ដូច្នេះ ចូរឲ្យពន្លឺរបស់អ្នករាល់គ្នា បានភ្លឺនៅមុខមនុស្សលោកយ៉ាងនោះដែរ ដើម្បីឲ្យគេឃើញការណ៍ល្អដែលអ្នករាល់គ្នាប្រព្រឹត្ត រួចសរសើរតម្កើងដល់ព្រះវរបិតានៃអ្នករាល់គ្នាដែលគង់នៅស្ថានសួគ៌ » ។ —ម៉ាថាយ ៥:១៦
តើអ្វីទៅជាការបំភ្លឺពិភពលោក ?
#បំភ្លឺពិភពលោកគឺជាការអញ្ជើញមកពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយដើម្បីផ្លាស់ប្តូរគ្រីស្ទម៉ាស់ទៅជារដូវកាលនៃការបម្រើ ។ វាគឺជាទង្វើដែលធ្វើនៅទូទាំងពិភពលោកដើម្បីជ្រោតជ្រាបដល់ដួងចិត្ត និងផ្លាស់ប្តូរជីវិតទាំងឡាយដោយការធ្វើអ្វីដែលព្រះយេស៊ូវបានធ្វើ ៖ ផ្តល់អាហារឲ្យជនស្រេកឃ្លាន លួងលោមដល់ជនដែលឯកោ ទៅសួរសុខទុក្ខអ្នកឈឺ និងជួបទុក្ខលំបាក និងបង្ហាញចិត្តសប្បុរសដល់មនុស្សគ្រប់គ្នា ។ ព្រះយេស៊ូវ មានបន្ទូល ៖ « អ្នករាល់គ្នាជាពន្លឺនៃលោកិយ » ( ម៉ាថាយ ៥:១៤ ) ។ #បំភ្លឺពិភពលោកគឺជារបៀបដ៏អស្ចារ្យដើម្បីឲ្យពន្លឺរបស់យើង—និងពន្លឺរបស់ទ្រង់—ភ្លឺចិញ្ចែងចញ្ចាំង ។
#បំភ្លឺពិភពលោករាល់ថ្ងៃ
នៅពិធីបុណ្យគ្រីស្ទម៉ាស់រៀងរាល់ឆ្នាំ សាសនាចក្រធ្វើការខិតខំយ៉ាងខ្លាំងដើម្បីផ្សព្វផ្សាយសារលិខិត និងបេសកកម្មនៃការ #បំភ្លឺពិភពលោក ។ លោកអ្នកអាចចូលរួមដោយការគិតអំពីអ្នកដែលលោកអ្នកអាចបម្រើរាល់ថ្ងៃ ។