Ni’ Be’dindíín dóó Ye’íina’ Nilį́
Yisda’iinííł yizhchǫ́ǫ bee agháo bééhaniih dóó bahane’ ayóó’oo’nǫ́ǫ éí Ánii Ahaní’deet’ą́, Luke biyi’ naaki góne’. Shí yee’ Joseph dóó Mary nléí Bethlehemgóó yi’ashígíí baa íi’niishtáhgo shii’ hahódibį́į́h, bii’ alchozhí, Átaa’ Jesus Christ jooba á’diilyáo yizhchį́, nda’niłkaadí, dóó diyíngo ndaal’a’í dine’é t’áa’anółtso “Ayóó’adaat’éii baa nihił dahózhǫ́” … deiiłní (Luke 2:10).
Bínahagha’ bił haa hoolzhiizh bii’dí ninéiidlaií t’áá Mormon biNaaltsoos biyi’ Yisda’iinííł yizhchǫ́ǫ baa hane’ígíí t’áała’íi at’é. Shí díí ałtsé Yéshmish azlį́’ígíí baa ho’nííshne’. Nihí díí ahoonííł niil’ǫ́ǫ, Nihí áadi atáh náakai nahalǫ́ǫ dóó t’áa t’óó saad deiyísinółts’ą’í.
Shí éiyá Áyi’sizį́į Diyiníí ní dóó na’áłchiní God Bizaad hazho’ó nihíł iishją́ íidoolíłígíí biká sodiszin (nół’į́ 1 Nephi 19:23) dóó Yéshmish bit’áa’aaníí nihijéí dabiyi’ doolééł.
Samuel Laman Dine’é nilǫ́ǫ
Zarahemla bikéyah biyi’dóó lą’í náakaigo índa Yisda’iinííł bi’niichǫ́ǫ baa hane’ deezti’. Samuel Laman Dine’é nilǫ́ǫ iiná łáhgo ánalnééh dóó Christ yigáhii dine’é yee yił aho’niilne’ígíí yiniiyé niyá. K’ad t’áa zhǫ́ǫ 10 nihí nááhai nohsin dóó God yá yáłti’í dine bitáhdoo nisóozį́įgo náás yee’ kodahódoonííł nǫ́ǫ yisołts’ą́ą́’.
Samuel koní: “Jókon, bee wóh’į́ dadoołééł; ashdla’ náahaigo lą́ą dóó jókon, Diyin God biYe’ niyáago índa t’áa’at’é bízhi’ yee dabóodlą́nígíí yá ni’doolééł.
“Dóó jókon, Shí díí yigáah góne’ nihích’į’ yit’į́ doolééł dishní; jó’akon, yá’ąąshdi ayóó’at’áo nda’deezdíín dooleeł, honáasii’ tł’éé’ yii’ bi’niichį́nii eíí dóo chahwiidóołhił da, honáasii’ dine’é bich’į’ eíí t’áhdii jį́ dooleeł.
“Díí bąą, akǫ́ǫ́ jį́ dóó tł’éé’ dóó jį́ azlį́į’di, éí t’ááła’í yiską́ gi’at’é dóó t’áa bii’ tł’éé’ hazlį́į’ da; yá’ąąsh biyi’dí ayóó’at’áo ada’deezdíin doolééł; dóó díí bee nihił éédahodóozį́į́ł. …
“Dóó jókon, sǫ’ ániidíí hadóógaał … ; dóó díí ałdó’ bee nihił éédahodóozį́į́ł (Helaman 14:2–5).
Yisda’iinííł Yizhchį́
Náás hoozhishdi, “Bá yadaałti’í adahódoonííł daanínę́ę yéego behoolnííł; t’áh yiwóhgo ga’ daat’į́ dóó dine’é bitáhgoo ał’ąą’ at’áo hadaałt’é anídaalyaa” (3 Nephi 1:4).
T’áashǫǫ ashdla’ ałtso náákai dóó nihí daats’í k’ad 15 nihéédaakai. Samuel ádahodoonííł ninée nihił béédahózin yę́ęni’ diíshjį́įgoo akǫ́ǫ́ haadahoot’é.
“Ndi áadi ła’ yee hadaasdzí’ígíí eíí Samuel, Laman Dine’é nilį́įgo saad yee haadzí’ą́ą be’doolní-łígíí biláagoo ayiiłką́.
“Dóó áadoo bik’is yik’i bił dahóózhǫǫd, kódaanǫ́ǫ: Jókon bilá yooską́, dóó Samuel bizaad t’áa be’alyáa da; Díí bąą, díí doole’é baa nihił dahózhǫ́ dóó deinóhdlą́nii t’áadoo biniiyéhi da.
“Dóó ahoodzáii eíí kéyah t’áa’at’é yikáá’goo há dahodiiłdláád; dóó dine’é da’oodlą́nee áádoo yéego yaa yíniił daniizį́į́’, doole’é bee há da’íisdzí’ę́ę dóo beda’ólne’ lágo danizin.
“Ndi jókon, bí éiyá jį́ dóó tł’éé’ dóó jį́ dooléełę́ę yiká hada’asííd jo’éí t’áała’í jį́ dooléełgo t’áadoo éí tł’éé’ hodooléeł da, dóo t’áa biniiyéhigoo eíí da’óodlą́ą dahígíí bił béédahodoozį́įł yiká.
“K’ad ahoodzaií eíí dóo da’óodlą́nigii ła’ajį́ yée ndahaz’ą́, t’áa’at’é áají be’ó’ool’į́į́ł dayood-lą́nigii ts’ída nidooltsíł t’áa hazhó’ó bee’ééhózin ts’ída be’alyáago t’éiyá, jo’éí bá yałti’í Samuel yee haadzí’ę́ę” (3 Nephi 1:5–9).
Nihiísh doochííł bi’ééhózin yiba’ nahaaztą́nigii t’áa haa daníłsogo bik’í da’iitą́ dóó ałdó nahódi’dootsíł’igii? Nihí dóó shiísh nihe’oodlą́ dabidzíil dóó dóo naha’áa da, índa dóo hidii’ááł dóó ałhiih ndiidáał da?
Áadi, índa, Christ doochííł bi’ééhózin shąą’ Samuel ninę́ę yiiltsą́. Da’oodlą́ daiijoodláo dóó 15 daats’í nihéédaahaigo, johonaa’éí íiyáo danół’į́ ndi t’áadoo chahóołhéel da.
“Dine’é áádoo i’íi’ą́ągo t’áadoo chahóołhelíi biniinaa t’óó yik’éeh tsídadoolyiz. …
“Dóó Diyin God biYe’ hodíínaaígo doogáłígíí eíí bił béédahoozin; aoo’, … dine’é t’áa’at’é … t’áa íiyisíí tsídadeesyízgo eíí ni’jį’ ahinéezdee’. …
Dóó ahoodzaií eíí akwe’é tł’éé’ haleehę́ę eíí t’áadoo chahoołhéel da, ndi ałni’ni’an gi’at’áo adinidíín. Dóó ahoodzaií eíí abinígo johonaa’éí hanáádzah, … dóó Átaa’eíí jį́ ts’ída doochíłígíí eíí bił béédahózin, bi’ééhózin yit’į́ alyaaígíí biniinaa.
“Dóó aoo’, éí ahoodzaií, t’áa’ałtsoní, ádaałyazhijį’, bá yadááłti’í bizaad bik’éhgo.
“Dóó ałdó’ éí ahoodzaií eíí sǫ’ aniidíí ła’ haayá, saadę́ę bik’éhgo” (3 Nephi 1:15, 17, 19–21).
Jesus bi’dizhchį́įgo díí kéyah yikáá’ da’oodlą́nígíí yee ayáá haakai. Yisda’iinííł bi’niichį́ bi’ééhózin t’áa’óol yéego be’íina yee yisdáayii’eezh.
Yisda’íinííł daaztsą́ dóó Náádiidzáh
K’ad eíí 30jį’ ałtso nidááhai dóó nihí éí 50jį’ niháádaahai. Niihí éiyá Samuel yee na’neezta’ę́ę yéego t’áhdii beedáałniih dóó anii nááhkaigo Átaa’ doochííł bi’ééhózin yit’į́ alyáo danhi-diisná’ę́ę.
Samuel náásdi Christ dadootsáał bi’ééhózin yit’į́ dooléełígíí tágijį́ yéego chahałheełdoo (nół’į́ Helaman 14:27; 3 Nephi 8:3).
“Dóó éí ahoodzaií eíí kéyah t’áa’at’é bikáa’goo chahałheeł ditą́ silį́į́’, honáasii’ akwe’é kéédahat’į́į́ t’áadoo daneeznanígíí eíí chahałheeł yildoyę́ę t’áa beehóziní;
“Dóó akwe’é adinídiin adin, chahoołhélii biniinaa, doonídi akad, tsin, bee didoojéhii dadiiltłáa da … , akó akwe’é eíí bee adínidiin dooléełígíí adin;
“Dóó akwe’é bee i’díídiin dóo ła’ yiiltsą́ą da, kǫ’, i’dííłdiin, johonaa’éí, óoljee’, sǫ’ adaat’eií, t’óó bá hadzoo kéyah t’áa’at’é bikáá’goo éiyá chahałheeł.
“Dóó éí ahoodzaií eíí tágijį́ éí bee akóhoot’éego eíí akwe’é adinidiin dóo ła’ yiiltsą́ą da” (3 Nephi 8:20–23).
Tágijį́ chahałhéełígíí biyi’ dashą́’ haahoot’ée nit’ę́ę’ ya’, dóó t’áa bita’ hoo’áahí, dine’é 2,500 bił Bountiful bikéyah biyi’gi Átaa’ Bíghan si’ą́ąjį’ ałah soolį́į́’? dóoladó’ Yisda’iinííł yá’ąąshdę́ę́’ adah yigáłígíísh nihíni’ biyi’di dáah’į́ dóó koní, “Jókon,Shí Jesus Christ nishłį́. … Shí nihokáá’ dine’ébe’dadindíín dóó be’íina’ nishłį́”? (3 Nephi 11:10–11; italics added).
Díí Átaa’ Bíghangi ałhííkaii, Yisda’iinííł naaki ałtsé saad yee Ádaa hoolne’ígíí éí “be’dindíín.” Samuel adindíín bi’ééhózin yidootséeł. Yisda’iinííł bi’niichį́įgo bi’ééhózin yit’į́ alyaa. Akó dine’é ałhíikai bitáhgoo chahałhéeł dóó ndáaldzidę́ę t’áa’aaníí adinidíín bee nahjį’ kódzaa, azhą́ Jesus Christ binahjį’.
Késhmish ałtsé Mormon biNaaltsoos biyi’ baa hane’íí bee bik’i’diitą́ dóó yiwóhgo eíí Jesus Christ “adindíín éiyá chahałhéeł biyí’ bee hool’in” nilį̨́įgo baa akóniizin (nół’į́ D&C 10:57–61). T’áa dah hinii’náágóó, t’áa ałtsoní bii’ yiikáhgoo, dóó t’áa nihí dadínitahgoo, Jesus Christ adindíín nilǫ́ǫ eíí nahadzí bee ádiih, akót’é dóó kójoo nihíłní, dóó bihóozyéél dóó bi’ił hózhǫ́ nihíi’ halééh.
Yéshmishgo t’óo ahayóí bee éedeilniih dóó náás bee i’íil’į́įł baa ahíneikáh adindíín ał’ąą’ at’áo—tsin bąąhgoo, hooghan biyi’ dóó binąągoo da’diltl’í’,bikáá’adą́nóo ak’ah dadiltł’i’. t’áa ééhaniih ńdeiil’áahgoo Bí éí t’áa’ałtsoní ye’ádanídíín nilį́.
Atįį tł’éé’goo neehóol’ní
Hool’in doo’óodįįh.
Laanaa dóó nádzid t’áa nléídę́ę́’
Tł’ée’go Nił yad íikai.
(“O kin Dah łidá Bethlehem,” Hymns, góne’ 208).
Jesus eíí Bethlehemgi yizhchį́ dishní, ni’ bikáá dine’é yá kanaayá dóó na’nitin łah yiilaa, dóó nihíTaa’ naadiidzáh, Díijį́ Hiná. Jesus Christ bízhi’ baa hasti’ígíí binahjį’ adishní, áámen.