Pagtagamtam sa Kahayag

Elder Lynn G. Robbins

Sa Kapangulohan sa Seventy

Usa ka Gabii uban ni Elder Lynn G. G. Robbins

Tibuok Kalibutan nga Debosyonal alang sa mga Young Adult • Mayo 3, 2015 • Salt Lake Tabernacle

Mga kaigsoonan, welcome niining Tibuok Kalibutan nga Debosyonal alang sa mga Young Adult, ug espesyal nakong gi-welcome kadtong mogradwar niining tuiga sa seminary—usa ka dalaygon nga kalampusan ug ebidensya sa inyong hugot nga pagtuo ug gugma sa Ginoo. Modapit ko ninyo sa pagsunod sa ehemplo sa uban nga ania ning gabhiona ug padayon sa inyong tinguha sa espirituhanong pagkat-on diha sa lokal nga institute sa relihiyon o sa usa ka unibersidad sa Simbahan. Mosaad ko ninyo nga padayon kamong makadawat og importanteng giya alang sa tanang mga desisyon sa inyong kinabuhi, ingon man ang paghimamat sa mga tawo kinsa adunay dakong epekto sa inyong kinabuhi.

Karon inyong madungog ang akong pagsaksi sa Ginoong Jesukristo ug sa Iyang ebanghelyo. Inyong madungog ang akong paggamit sa mga pulong “Nasayud ako.” Gusto kong ihulagway kaninyo kon giunsa nako pagkasayud nga Siya ang literal nga Anak sa Dios, ang Manunubos ug Manluluwas sa kalibutan, ug nga ang Iyang ebanghelyo tinuod.

Gusto usab nakong motabang kaninyo sa pagdiskubre nga ang inyong kaugalingong pagpamatuod sa Ginoong Jesukristo ug sa Iyang ebanghelyo mas lig-on pa kay sa inyong gihunahuna.

Asa man Ang Akong Pagpamatuod diha sa Sukdanan sa Hugot nga Pagtuo [Faith Spectrum]?

Gusto nakong sugdan pinaagi sa pagpabuhat kaninyo og pagtimbang-timbang sa kaugalingon diha sa inyong hunahuna. Tan-awa ang linya niini nga paghulagway ug graduhi ang inyong pagpamatuod niini nga sukdanan sa hugot nga pagtuo:

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Sa pinakaubos mao ang ateista [atheist]. Atong graduhan og zero ang ateista [atheist]. Sa pinakataas sa sukdanan mao ang 10, o ang pag-angkon og hingpit nga kasayuran kabahin ni Jesukristo ug sa Iyang ebanghelyo. Asa man ninyo ibutang ang inyong kaugalingon niini nga sukdanan? Nagtuo ko nga daghan ninyo mohatag sa iyang kaugalingon og ubos nga grado kay sa unsay angay.

Hinumdumi ang grado nga inyong gihatag sa inyong kaugalingon aron makita kon mouswag ba kini atol niining presentasyon samtang maghisgut kita og mga paagi sa pagpalambo sa pagtuo nga makalig-on sa pagpamatuod ug sa unsang paagi ang matag usa makapauswag kanato diha sukdanan sa hugot nga pagtuo ug makasinati og mas dakong kalinaw ug kalipay.

Si Alma nagdapit sa matag tawo sa paghimo sa unang lakang diha sa sukdanan sa hugot nga pagtuo pinaagi sa “pagsulay sa akong mga pulong, ug pagbansay sa usa ka tipik sa hugot nga pagtuo, oo, bisan kamo kutob ra sa pagtinguha sa pagtuo” (Alma 32:27; emphasis gidugang).

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Tinguha

Ang mosunod nga pagpasabut naghulagway sa kaalam sa pagbaton og tinguha sa pagtuo.

Niadtong 1623 ang French nga henyo, mathematician, ug imbentor nga si Blaise Pascal natawo. Lakip sa uban niyang mga nadiskubrihan mao ang matematika nga teoriya sa kalagmitan [mathematical theory of probability], nga maoy gibasihan sa teoriya sa maalam nga pagpili [rational choice theory]—usa ka inutok nga paagi sa paghimo og labing maayong mga desisyon. Uban sa teoriya sa pagdesisyon [decision theory], si Pascal nakaobserbar nga sa dula sa kinabuhi ang mga tawo dili makalikay sa labing dakong sugal sa kinabuhi: kon duna o wala bay Dios. Nailhan kini isip Sugal ni Pascal [Pascal’s Wager], diin ang kinabuhi sa tawo—o sa mas piho, ang iyang kinabuhing dayon—maoy pusta sumala sa gipakita niini nga paghulagway:

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Sa mga ulohan sa kolum adunay duha ka mga opsyon: aduna bay Dios o wala. Diha sa laray duna usab duha ka mga opsyon: Mahimo akong mopili sa pagtuo o sa dili pagtuo.

Ang posible nga moresulta nga mga kombinasyon mao ang mosunod:

Kon adunay Dios ug ako motuo ug molihok base niana, ako makapanunod sa kinabuhing dayon.
Kon motuo ko ug wala diay Dios, walay mawala kanako.
Kon ako dili motuo ni motahud o mosunod sa Dios ug Siya anaa, dili ko makaangkon og kinabuhing dayon.
Kon dili ko motuo ug walay Dios, wala koy makuha.
Ang Sugal ni Pascal nag-angkon nga ang labing maayong desisyon mao ang pagtuo nga adunay Dios ug ang buangon lamang ang mopusta nga walay Dios tungod kay ang tanan mawala kaniya ug wala siyay makuha.

Ang nawala nga anak makiglalis nga ang nawala kaniya mao ang tsansa nga “mokaon, moinom ug maglipay” (2 Nephi 28:7)—kabus nga benepisyo kon imong ikonsiderar ang pwedeng maangkon. Siya mahimong “makabaton sa kalipay sa [iyang] mga buhat sa mubo nga higayon, [apan] sa hinay-hinay ang katapusan moabut” (3 Nephi 27:11). Ang iyang mga damgo sa paglulinghayaw ug paghudyaka nahimong makahahadlok nga adlaw sa dihang sa katapusan nasinati niya ang negatibong mga sangputanan sa iyang mga buhat ug madiskubrehan sa iyang kaugalingon nga ang “pagkadautan dili mahitabo nga mahimong kalipay” (Alma 41:10) ug unya, sa adlaw sa paghukom, sa dihang siya “mokumpisal sa atubangan sa Dios nga ang iyang mga paghukom mga makiangayon” (Mosiah 16:1). Miabut ang higayon nga iyang nahibaloan nga siya nagumon sa In due course he learns that he has been duped by the master of illusion with his sugarcoated brand of pleasure-disguised misery. Busa, “ayaw itugot sa imong kasingkasing sa pagkasina sa mga makasasala” (Mga Proverbio 23:17).

Salamat na lang kay adunay ikaduha nga tsansa alang sa nawala nga anak nga lalaki, nga maoy usa sa mahinungdanong mga leksyon nga gusto sa Manluluwas nga atong makat-unan gikan niini nga sambingay (tan-awa sa Lucas 15:11–32).

Itanom ang Binhi—Sugdi sa Pagkat-on

Gihulagway ni Almaw sa unsa nga paagi nga ang tawo nga dunay tinguha makasugod sa iyang pagpadayon sa hugot nga pagtuo:

“Tuguti kini nga tinguha nga molihok diha kaninyo, gani hangtud kamo motuo sa paagi nga kamo makahatag og luna alang sa usa ka bahin sa akong mga pulong.

““Karon, kita motandi sa pulong ngadto sa usa ka binhi. Karon, kon kamo mohatag og luna, [tugoti nga ang] binhi … ma tanom diha sa inyong kasingkasing” (Alma 32:27–28; emphasis gidugang).

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Ang pagtanom sa binhi nagpasabut nga milihok na ka sa tinguha uban sa dinasig nga pagkakuryuso sa eksperimento. Imo nang gisugdan ang proseso sa pagkat-on.

Sumala sa mga kasulatan, kini nga proseso sa pagkat-on kinahanglang mopadayon sa duha ka mga paagi: ““Ug sa ingon sa tanan nga walay hugot nga pagtuo, pangitaa ninyo nga makugihon ug magtudlo sa usag usa sa mga pulong sa kaalam; oo, pangitaa ninyo gikan sa labing maayo nga mga basahon ang mga pulong sa kaalam; pangitaa ang pagtulun-an, gani; tinguha ang pagtuon, bisan pinaagi sa pagtuon ug usab pinaagi sa hugot nga pagtuo” (D&P 88:118; emphasis gidugang.

Ang mga kasulatan nagtudlo usab kanato sa duha ka mga agianan sa pagkat-on diin ang Espiritu magtudlo kanato:

“Oo, tan-awa, Ako mosulti kanimo diha sa imong hunahuna ug diha a imong kasingkasing, pinaagi sa Espiritu Santo nga moabut diha kanimo ug nga mopuyo diha sa imong kasingkasing.

“Karon, tan-awa, kini mao ang espiritu sa pagpadayag” (D&P 8:2–3; emphasis gidugang).

Pagtakdo sa mga Pamaagi sa Pagkat-on ug sa mga Agianan sa Pagkat-on

Sa dili pa mobalik ngadto sa sukdanan sa hugot nga pagtuo, gusto nakong ihulagway ang koneksyon tali sa duha ka pamaagi sa pagkat-on ug sa duha ka mga agianan sa pagkat-on. Ang paggamit sa duha ka agianan makahatag kaninyo og mapuslanong mga ideya kon unsaon nato paglambo subay sa sukdanan sa hugot nga pagtuo.

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Sa dihang nakat-on si Joseph Smith sa pag-ampo pinaagi sa pagtuon, nagbasa siya sa Biblia, ““Kon aduna man kaninyoy nakulangan og kaalam, papangayoa siya sa Dios nga nagapanghatag ngadto sa tanang mga tawo sa madagayaon gayud ug sa walay pagpamoyboy, ug kini igahatag kaniya”” (Santiago 1:5).

Si Joseph nakakat-on sa pag-ampo pinaagi sa hugot nga pagtuo sa dihang siya misunod sa iyang pagtuo ug miadto sa Sagradong Kakahoyan ug nag-ampo.

Sa ibabaw sa biswal mao ang duha ka mga agianan sa pagkat-on—ang hunahuna ug kasingkasing.

Pagkonektar sa Pagkat-on pinaagi sa Pagtuon ngadto sa Hunahuna

Kon kita magtinguha nga makat-on pinaagi sa pagtuon, ang Ginoo mamulong ngadto sa atong mga hunahuna pinaagi sa dinasig nga mga hunahuna. Apil sa ubang posible nga mga pulong kalabut sa koneksyon sa “Pagtuon” ug “Hunahuna,” kita makadugang sa mosunod nga mga pulong, nga naghulagway unsaon sa pag-ugmad sa binhi:

Tanom

Mga Hunahuna
Interes
Pagkakuryuso
Susiha
Pagtuon
Mosiksik
Ikonsiderar:
Mga Pangutana
Pamalandong

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Ang dinasig nga mga pangutana makahimo sa tawo sa pagpamalandong, ug ang pagpamalandong ubos sa impluwensya sa Espiritu modala kanimo sa sunod nga ang-ang sa pagkat-on, diin ang pagtuon mokonekta sa kasingkasing.

Pagkonektar sa Pagkat-on pinaagi sa Pagtuon ngadto sa Kasingkasing

Ang imong pagpamalandong nag-amuma sa binhi, ug kini magsugod sa paggitib, ug kamo magsugod pag-angkon og mga pagbati nga dinasig sa Espiritu. Ang kasingkasing, o dinasig nga mga pagbati, nga mousab sa usa ka hunahuna ngadto sa usa ka pagtuo.

Mogitib

Mga Pagbati
Mga Pagtuo
Pagsabut
Lamian
Natandog Pag-ayo nga Kasingkasing
Dugangi ang pagtuo ug paglaum
Nadasig sa paglihok

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Si Alma nag-ingon niini nga paagi: “Kon kini usa ka tinuod nga binhi, o usa ka maayo nga binhi, kon kamo dili molabay niini pinaagi sa inyong pagkawalay pagtuo, nga kamo mobatok sa Espiritu sa Ginoo, tan-awa, kini mosugod sa pagtubo diha sulod sa inyong mga dughan; ug kon kamo makamatikod niining nagtubo nga mga tinguha, kamo magsugod pag-ingon diha sa inyong kaugalingon—Kini kinahanglan nga usa ka maayo nga binhi, o nga ang pulong maayo, kay kini misugod pagpadako sa akong kalag: oo, kini misugod sa pagdan-ag sa akong salabutan, oo, kini misugod sa pagkaanindot ngari kanako” (Alma 32:28; emphasis gidugang).

Samtang sagad natong makonektar ang pulong nga pagsabut sa hunahuna, daghang mga kasulatan ang mikonektar sa pagsabut ngadto sa kasingkasing, sama sa: “Ug ang ilang mga kasingkasing nabukas ug sila nakasabut diha sa ilang mga kasingkasing sa mga pulong nga iyang giampo” (3 Nephi 19:33). Sa dihang namulong siya kabahin Santiago 1:5, ang batan-ong Joseph miingon, “Walay bisan unsa nga tudling sa kasulatan nga mituhop uban sa labaw nga gahum ngadto sa kasingkasing sa tawo kay sa nahimo niini nga panahon ngari kanako” (Joseph Smith—Kasaysayan 1:12).

Uban niadto nga mga matang sa pagbati, si Alma miingon, “Karon tan-awa, dili ba kini makadugang sa inyong hugot nga pagtuo? Ako moingon nganha kaninyo, Oo; bisan pa niana wala kini molambo ngadto sa hingpit nga kasayuran” (Alma 32:29; emphasis gidugang).

Dili pa kini hingpit nga kasayuran. Hinoon, uban sa kasingkasing nga natandog, kini modasig kanato sa paghimo og laing lakang diha sa sukdanan sa hugot nga pagtuo. Alang ni Joseph, kini midasig niya sapaglihok ug dawaton ang pagdapit diha sa kasulatan nga mag-ampo. Siya dili “makadawat og saksi hangtud human sa pagsulay sa [iyang] hugot nga pagtuo” (Ether 12:6).

Pagkonektar sa Pagkat-on pinaagi sa Hugot nga Pagtuo ngadto sa Hunahuna

Ang pagkat-on pinaagi sa hugot nga pagtuo nagkinahanglan sa paglihok sa mga pagbati ug mga gituohan.¹ Ang Manluluwas mihatag niini gayud nga pagdapit nga magkat-on pinaagi sa hugot nga pagtuo sa dihang Siya miingon, “Kon tuyoon ni bisan kinsa ang pagbuhat sa sa kabubut-on sa Dios, iyang mahibaloan kon ang akong gitudlo gikan ba sa Dios o nagsulti ba lamang ako sa kinaugalingon kong pagbulot-an” (Juan 7:17; emphasis gidugang). Niini nga bersikulo ang Manluluwas nagtudlo kanato nga ang pagbuhat mao ang buhat sa hugot nga pagtuo nga nag-usab sa pagtuo ngadto sa kasayuran. Sa mga dili motuo Siya nag-awhag, “Bisan kon dii kamo motuo kanako, tuohi ninyo ang mga buhat: aron kamo mahibalo: aron kamo mahibalo, nga ang Amahan ania kanako, ug ako anaa sa Amahan” (Juan 10:38; emphasis gidugang).

Sa paghisgot sa pagkasayud, si Alma miingon:

“Ug karon, tan-awa, tungod kay kamo nakasulay sa pagsusi, ug mitanom sa binhi, ug kini mibukad ug migitib, ug misugod pagtubo, kamo kinahanglan nga masayud nga ang binhi maayo.

“Ug karon, tan-awa, hingpit ba ang inyong kasayuran? Oo, ang inyong hingpit niana nga butang, ug ang inyong hingpit nga pagtuo nahikatulog kini tungod kay kamo nasayud, … ang inyong pagsabut misugod na pagdan-ag, ug ang inyong salabutan misugod paglambo” (Alma 32:33–34; emphasis gidugang).

Ang paglihok sumala sa inyong hugot nga pagtuo mihatag kaninyo og kasayuran.

Lakip sa ubang mga pulong nga atong makonektar sa pagkat-on pinaagi sa hugot nga pagtuo ug sa hunahuna, atong madugang ang mosunod:

Pagtubo

Pagbuhat
Kahibalo (hingpit nianang butanga)
Pag-ampo
Paghinulsol
Kausaban sa kinaiya
Pagsunod
Mga Kasinatian
Tagamtam

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Si Alma migamit sa verb pagtagamtam sa ka talagsaon kaayo nga paagi samtang siya nagpasabut nga pagtagamtam sa kahayag. Paminaw:

“O unya, dili ba kini matuod? Ako moingon nganha kaninyo, Oo, tungod kay kini mao ang kahayag; ug kon unsa ang may kahayag, kini maayo, tungod kay kini masabtan, busa kamo kinahanglan masayud nga kini maayo, ug karon tan-awa, human kamo makatagamtamniini nga kahayag ang inyong kasayuran hingpit ba?

“Tan-awa ako moingon nganha kaninyo, Dili; ni kamo mobiya sa inyong hugot nga pagtuo, kay kamo lamang mibansay sa inyong hugot nga pagtuo diha sa pagtanom sa binhi nga kamo unta mosulay sa pag-usisa aron masayud kon ang binhi maayo” (Alma 32:35–36; emphasis gidugang).

Ang pagtagamtam sa kahayag ang naghatag kaninyo sa hingpit nga kasayuran niana nga butang, o pagksayud nga ang binhi maayo. Ang kahayag nagdapit kaninyo sa pagduol ngadto kang Jesukristo, “ug sa gahum sa Dios nga nagbuhat og mga milagro diha [kaninyo] … ug [nagkabig kaninyo] ngadto sa Ginoo” (Alma 23:6).

Pagkonektar sa Pagkat-on pinaagi sa Hugot nga Pagtuo ngadto sa Kasingkasing

Si Alma nagpadayon: “Ug tan-awa, samtang ang kahoy misugod na pagtubo, kamo moingon: Kita moalima niini uban ang dako nga pag-amping, … … uban sa dako nga kakugi, ug uban sa pailub, naglantaw sa bunga niini. …

“… Tan-awa, dili madugay kamo mopu-pu [o motagamtam] sa bunga diin bililhon kaayo” (Alma 32:37, 41–42; emphasis gidugang

Pag-allima ug Pagtagamtam

Pagkakabig
Pagkahimo
Usa ka dakong kausaban sa kasingkasing
Bunyag
Espiritu Santo
Mga panalangin
Kalipay
Tinguha sa pagpakigbahin
Mamahimong Sama kang Jesukristo

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Ang pagtagamtam sa bunga makapauswag kanato diin ang pagkat-on pinaagi sa hugot nga pagtuo ug sa kasingkasing nag-abut. Dinhi atong madiskubrihan alang sa atong kaugalingon nga ang bunga, sa pagkatinuod, tam-is ug bililhon. Ang pagsunod ni Jesukristo, ug pagbuhat sa Iyang kabubut-on, nagtugot kanato nga makatagamtam sa Iyang Pag-ula ug sa ebanghelyo sa daghang mga paagi. Sayo sa proseso ang atong mga kasingkasing natandog. Karon “usa ka dako nga kausaban [sa] kasingkasing” ang nahitabo, sama sa gihulagway ni Alma (Alma 5:12), ug ang Espiritu mao mohimo sa atong kasinatian ug kahibalo ngadto sa pagkakabig.

Kon kita “nakabig ngadto sa Ginoo” (Alma 23:8), “ kita nagsunod sa Manluluwas pinaagi sa pagpabunyag ug sa pagdawat sa gasa sa Espiritu Santo. Samtang kita “motagamtam sa mga bunga” sa ebanghelyo, makasinati kita og mga panalangin ug sa ingon kamaya ug kalipay nga kita gusto nga mopakigbahin niini sa uban, sama sa gibuhat ni Lehi: ““Ug sa diha nga ako mikaon sa bunga niini kini mipuno sa akong kalag sa tuman nga hingpit nga kalipay; busa, ako mitinguha nga ang akong banay mokaon usab niini; kay ako nasayud nga kini madanihon labaw sa tanan nga mga bunga”” (1 Nephi 8:12).

Ang “makabig ngadto sa Ginoo,” sa literal nga paagi, mao ang dako nga kausaban ug transpormasyon nga mahimong sama ni Jesukristo, pinaagi sa “[pagtugyan] ngadto sa mga pagdani sa Balaang Espiritu, ug [nagsalikway sa] iyang kinaiyanhon nga pagkatawo ug [nahimong] usa ka santos pinaagi sa pag-ula ni Kristo ang Ginoo” (Mosiah 3:19). Sa mas kompleto nga pagsabut sa pulong, ang atong pagkakabig dili mahingpit hangtud nga kita mitubo sa espirituhanong paagi “ngadto sa sukod sa gidak-on sa kahupnganan ni Kristo” (Mga Taga-Efeso 4:13). Kini mahimong usa ka tibuok kinabuhi nga tinguha ug panaw sa hugot nga pagtuo diha Kaniya ug uban sa Iyang grasya o balaang tabang (tan-awa sa 2 Nephi 25:23).

Kini nga tibuok kinabuhi nga pagkakabig klarong magkinahanglan og padayong pag-amuma aron malikayan ang makalawos nga epekto nga gihulagway ni Alma: ““Apan kon kamo mopasagad sa kahoy, ug dili maghunahuna sa iyang pag-alima, tan-awa kini dili mogamot; ug kon ang kainit sa adlaw moabut ug mosunog niini, … kini malawos” (Alma 32:38).

“Busa, kamo kinahanglan gayud mopadayon sa unahan forward uban ang pagkamakanunayon kang Kristo, magbaton sa usa ka hingpit nga kahayag sa paglaum, ug usa ka gugma sa Dios ug sa tanan nga mga tawo. Busa, kon kamo mopadayon sa unahan, magbusog sa pulong ni Kristo, ug molahutay hangtud sa katapusan, tan-awa, sa ingon miingon ang Amahan: Kamo makabaton og kinabuhi nga dayon” (2 Nephi 31:20; emphasis gidugang.

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Kining dakong kausaban ug pagkakabig wala magpasabut nga wala na kitay mga pangutana. Hinoon, human makatagamtam sa kahayag, ang mga pangutana kinahanglan magsilsil kanato og tinguha sa pagpadayon sa pagkat-on kay sa maoy hinungdan sa pagduha-duha nga makalawos sa atong nagtubo nga hugot nga pagtuo. “Ug bisan kinsa nga motuo diha sa akong ngalan, sa walay pagduha-duha,, ngadto kaniya Ako mopamatuod sa akong mga pulong” (Mormon 9:25).

Ang mga pangutana maayo. Sila makahimo kanato sa pagpamalandong, pagsiksik, ug pag-ampo. Si Joseph Smith nagpadayon nga adunay mga pangutana sa tibuok niyang kinabuhi. Hapit matag seksyon sa Doktrina ug mga Pakigsaad gipadayag pinaagi kaniya isip resulta sa usa ka pangutana nga iyang gidala ngadto sa Ginoo sa pag-ampo, pagtulun-an ngadto sa laing pagtulun-an, ug lagda ngadto sa laing lagda. Kini ang sama nga paagi nga nakat-on ang Manluluwas: ““Ug siya wala makadawat sa kahingpitan sa sinugdanan, apan nakaangkon og grasya ug dugang pa nga grasya, hangtud nga siya nakadawat sa kahingpitan” (D&P 93:13).

Usa ka Hingpit nga Kasayuran

Mobalik ta sa atong sukdanan sa hugot nga pagtuo, atong sulatan ang pinakatumoy nga “hingpit nga kasayuran kabahin ni Jesukristo ug sa Iyang ebanghelyo.”

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Atong susihon ang mga pulong nga “hingpit nga kasayuran.” Nagpasabut sa “pagtagamtam sa kahayag,” si Alma mitudlo nga “ang inyong kasayuran hingpit niana nga butang” (Alma 32:34). Sa mosunod nga bersikulo, tan-awa ang paggamit ni propetang Mormon sa samang mga pulong, “hingpit nga kasayuran,” samtang siya midugang sa iyang pagsaksi sa samang kahayag:

“Kay tan-awa, akong mga kaigsoonan, kini gihatag nganha kaninyo ang paghukom, nga kamo unta masayud sa maayo gikan sa dautan; ug ang paagi sa paghukom ingon ka yano, nga kamo mahimo nga masayud uban sa usa ka hingpit nga kasayuran, ingon nga ang kahayag sa adlaw gikan sa kangitngit sa kagabhion.”

“Kay tan-awa, ang Espiritu ni Kristo gihatag ngadto sa matag tawo, nga siya masayud sa maayo gikan sa dautan; busa, ako mopakita nganha kaninyo sa paagi sa paghukom; kay ang matag butang nga modapit sa paghimo sa maayo, ug sa pagdani sa pagtuo diha kang Kristo, gipadala pinaagi sa gahum ug gasa ni Kristo; busa kamo mahimo nga masayud uban sa usa ka hingpit nga kasayuran nga kini gikan sa Dios. …

“Ug karon, akong mga kaigsoonan, tungod sa kamatuoran nga kamo nasayud sa kahayag diin kamo mahimo nga mohukom, kansang kahayag mao ang kahayag ni Kristo, tan-awa nga kamo dili mohukom sa sayop nga paagi” (Moroni 7:15–16, 18; emphasis added).

Ang duha ka mga propeta nagpamatuod nga kini mao ang Kahayag ni Kristo nga naghatag kanato og hingpit nga kasayuran sa kamatuoran. Bisan ang mga tawo sa kalibutan nakaila nga sila adunay pagbati sa husto ug sayop. Ilang giila ang Kahayag ni Kristo sa paggamit sa pulong conscience, nga naggikan sa Latin nga pulong conscientia, o “kahibalo sulod sa kaugalingon.”,”²

Uban niana nga kahayag isip atong silyo sa kamatuoran, kita mopadayon sa pag-uswag diha sa sukdanan sa hugot nga pagtuo pagtulun-an ngadto sa laing pagtulun-an, ug lagda ngadto sa laing lagda (tan-awa sa 2 Nephi 28:30; D&P 98:12; 128:21), “ug pinaagi sa gahum sa Espiritu Santo kamomahimo nga masayud masayud sa kamatuoran sa tana nga mga butang” (Moroni 10:5; emphasis gidugang).

Sa dili madugay ato na gayud masulayan ang eksperimento ni Alma aron mapahinumduman kamo unsa ang matagamtaman sa kahayag ug sa unsang paagi kini naghatag kaninyo og hingpit nga kasayuran.

Ang Katugbang Nagpadayag sa Kamatuoran

Sa dili pa mopadayon niini nga eksperimento, importante nga mailhan ang laing mahinungdanong elemento sa proseso. Gitudloan kita sa 2 Nephi 2 nga “kinahanglang gayud … … nga adunay katugbang sa tanan nga mga butang” (2 Nephi 2:11). Ang katawhan “motilaw sa kapait, aron sila masayud sa paghatag og bili sa maayo” (Moises 6:55). Ang panglawas, sama pananglit, mao ang pagtuon sa mga katugbang niini, kasakit ug sakit; ang kagawasan, pagtuon sa pagpanglupig ug pagkaulipon; ang kalipay, pagtuon sa mga kasub-anan; ug uban pa. Ug sama sa gamay nga milagro sa aniniput, ang kahayag dili mahatagan og bili kon walay kangitngit sa palibut.

Ang katugbang importante sa atong edukasyon ug kalipay. Kon walay katugbang, ang kamatuoran magpabiling nakatago bisan kon yano kining makita, sama sa pagbaliwala sa hangin hangtud sa higayon nga kamo maghangak alang niini. Tungod kay ang Kahayag ni Kristo kanunayng anaa, daghang mga tawo wala makamatikod sa Espiritu sa ilang kinabuhi, sama sa mga Lamanite 3 Nephi 9:20 nga “gibunyagan uban sa kalayo ug uban sa Espiritu Santo, ug sila wala masayud niini.”

Ang katugbang wala lamang nagpadayag o nagpakita sa kamatuoran apan nagpakita usab sa gahum, kalipay, ug katam-is niini. Sama pananglit, kinahanglan pang makasinati og lisud nga mga pagsulay ang anak nga nawala aron makaamgo sa kanindot sa kinabuhi sa ilang panimalay nga iyang gibiyaan ug gibaliwala sa iyang kabatan-onan.

Pinaagi lamang sa kasakit ug mga sakit nga atong mahatagan og bili ang atong panglawas. Isip biktima sa pagpanglimbong, ibahandi nato ang kaligdong. Nakasinati og inhustisya o kapintas, ihambin nato ang gugma ug kamabination—tanan uban sa “hingpit nga kasayuran,” kay nakatilaw sa bunga sa matag usa pinaagi sa kahayag nga anaa kanato. Ang hingpit nga kasayuran moabut sa sunod-sunod nga bunga, pinaagi sa katugbang sa tanan nga mga butang. Ang pagkamasulundon sa mga sugo sa Dios nagsaad og hingpit nga kalipay, pagtubo, ug paglambo pinaagi katugbang, dili paglikay niini. “Ang linaw nga dagat dili makahimo og batid nga maglalawig”³

Ikonsiderar kining maalam nga pamahayag gikan ni Propeta Joseph Smith: “Pinaagi sa pagmatuod sa pagsupak, ang kamatuoran mapakita.”⁴

Ug kini gikan ni Brigham Young: “Ang tanang kamatuoran maprubar ug mapakita pinaagi sa mga katugbang niini”⁵

Ang Eksperimento sa Hugot nga Pagtuo

Karon—himoon ko kamong partisipante sa eksperimento pinaagi sa pagpakonsiderar kaninyo sa pipila ka mga sugo sa unsay angay kanato, o Kristohanong mga hiyas, ikumpara sa katugbang niini. Samtang ikonsiderar ninyo ang matag usa, ang Kahayag ni Kristo diha kaninyo mopamatuod nganha sa inyong hunahuna ug inyong kasingkasing nga ang matag Kristohanon nga hiyas tam-is, samtang ang katugbang niini pait:

Gugma batok sa kasilag, kalagot, pagsupak
Pagkamatinuoron batok sa mga bakak, pagpanikas, pangawat
Pagpasaylo batok sa panimalos, kasuko, kayugot
Pagkamabination batok sa kabangis, kasuko, dili mabination
Pailub batok sa pagkadaling masuko, init og ulo, dili masinabtanon
Pagkamapainubsanon batok sa garbo, dili matudloan, mapahitas-on
Tigpasiugda sa kalinaw batok sa mabingkilon, malalison, masulog-sulogon
Kakugi batok sa kakapoy, kaundangon, kabadlungon.

Duna lay pipila ka Kristohanong mga hiyas, apan igo na sa klarong pagpakita sa kaepektibo sa eksperimento sa binhi.

Sa pagpamalandong niini nga lista inyong maamguhan nga kamo nakaila sa gahum, kamatuoran, ug katam-is sa matag hiyas, sa tinagsa, pinaagi sa liboan ka mga “nanghimatuod nga mga kasinatian. Ang maayong bunga moabut uban sa iyang kaugalingong tiunay nga pruweba ug panghimatuod—ang lami niini. Ang pruweba anaa sa pagkaon, bunga human sa usa ka bunga ug pagtulun-an ngadto sa laing pagtulun-an, ang matag usa uban sa “hingpit nga kasayuran.” Tingali mao kana ang gipasabut ni Apostol Pablo sa dihang siya miingon,Sulayi ninyo ang tanang butang; sagupa ninyo ang maayo” (1 Mga Taga- Tesalonica 5:21; emphasis added). Kon gilakip ninyo kini ug ang ubang mga hiyas sa inyong kinabuhi, mas miuswag kamo diha sa sukdanan sa hugot nga pagtuo kay sa unsay inyong hunahuna.

Hinoon, kini mao lamang ang akong tawgon nga terrestrial, o himaya-sa-bulan, nga pagpamatuod. Ang maayo nga tawo nga mahadlukon sa Dios sa bisan unsang relihiyon adunay sama niini nga pagpamatuod tungod kay sila usab adunay Kahayag ni Kristo, nga gipamulong ni Mormon, ug midawat og usa ka bahin sa Iyang ebanghelyo.

Ang Eksperimento sa Hugot nga Pagtuo—Sunod nga Ang-ang

Ang celestial, o himaya-sa-adlaw, nga pagpamatuod moabut samtang ang tawo nagtinguha sa “kahingpitan sa Amahan” (tan-awa sa D&P 76:75–78; 93:19). Kon ang usa ka tawo nabunyagan ug takus sa gasa sa Espiritu Santo, siya makadawat og mas dakong pagtuga sa Kahayag ni Kristo, sumala niini nga bersikulo sa Basahon ni Mormon: “Kon mao kini ang tinguha sa inyong mga kasingkasing, unsay anaa kaninyo batok sa pagpabunyag diha sa ngalan sa Ginoo, … nga siya unta mobu-bu sa kabuhong sa iyang Espiritu diha kaninyo,” (Mosiah 18:10, emphasis gidugang).

Si Presidente Dieter F. Uchtdorf mitudlo kanato ngat “Kon mas ipaduol nato ang atong kasingkasing ug hunahuna ngadto sa Dios, mas dugang nga langitnong kahayag ang ihatag kanato.”⁶

““Ug siya nga nakadawat sa kahayag, ug magpadayon diha sa Dios, makadawat og labaw pa nga kahayag; ug kana nga kahayag mag-anam og labaw kahayag ug labaw sa kahayag hangtud sa hingpit nga adlaw” (D&P 50:24).

Ako dili kinahanglang mosulti kaninyo nga ang mas dakong kahayag makapalambo sa inyong panglantaw—nasayud mo niana. Si Propeta Joseph Smith miingon, “Kon ang tawo mas nagkaduol sa pagkahingpit, mas klaro ang iyang panglantaw, ug mas dako ang iyang mga kalipay.”⁷

Uban sa mas dakong kahayag aron makakita, atong dad-on ang eksperimento ngadto sa celestial nga lebel, ug itandi ang pipila sa mga doktrina nga talagsaon sa Ang Simbahan ni Jesukristo sa mga Santos sa Ulahing mga Adlaw niadtong makita sa ubang dapit ubos sa nag-awup nga kahayag:

Ang Dios mao ang atong Amahan, ug kita gilalang diha sa Iyang panagway batok sa dili literal nato nga Amahan; Siya dili masabtan, dili mailhan.
Ang Iyang balaang organisasyon nga may mga propeta ug apostoles batok sa pagbiya sa Iyang gi-establisar nga sumbanan
Ang Ginoo usa ka Dios sa kahusay, nagdumala pinaagi niadtong mga naghupot sa yawe sa priesthood batok sa kalibug, nagkaguliyang nga mga tingog, “dili tinuod nga mga espiritu” (D&P 50:2)
Awtoridad sa priesthood ug gitawag sa Dios batok sa usa ka degree sa teyolohiya; napili, gisuhulan o gitudlo sa kaugalingon.
Mga ordinansa ug mga pakigsaad batok sa magpuyo lamang og maayong kinabuhi.
Ang mga bata walay sala batok sa bunyag sa mga masuso
Ang Basahon ni Mormon, ikaduhang saksi batok sa Biblia, bugtong saksi
Mga buhat sa templo alang sa mga patay batok sa pagdagkot og kandila ug pag-ampo alang sa mga patay
Mahangturon nga kaminyoon ug mga pamilya batok sa hangtud ang kamatayon mobulag kanato

Makapalamdag nga itandi ang kamatuoran ngadto sa katugbang. Makatabang kini nga mapadayag ang klaro, kanang nakatago bisan kon yano kining makita. Makaamgo kita nga mas daghan kita og nasayran kay sa unsay atong gihunahuna. Kini modasig kanato nga padayong “magmakugihon sa pagpangita diha sa kahayag ni Kristo … ug … maghupot sa matag maayo nga butang” (Moroni 7:19).

“Dalaygon Kadtong Wala Managpakakita, Ngani Nanagpanoo” (Juan 20:29)

Karon atong susihon ang laing makaikag nga aspeto sa hugot nga pagtuo ug pagpamatuod.

Ang Giya ngadto sa mga Kasulatan nag-ingon nga ang “[tinuod] nga hugot nga pagtuo kinahanglang masentro kang Jesukristo aron kini makagiya sa usa ka tawo ngadto sa kaluwasan. …

“[Kini] naglakip sa paglaum sa mga butang nga dili makita, apan tinuod[Mga Hebreohanon 11:1].”⁸

Dili ba makapaikag nga ang tinuod nga hugot nga pagtuo diha ni Jesukristo mao ang “pagtuo bisan wala makakita” samtang ang kalibutan nagtuo sa katugbang, nga ang “pagkakita mao ang pagtuo.”

Ang kinaiyanhong tawo makadiskubre sa kalibutan pinaagi sa lima ka mga balatian, nangita og mga timailhan isip pruweba. Apan ang mga kasulatan puno sa mga ehemplo niadtong nakadawat sa pagpakita sa presensya ug gahum sa Dios pinaagi sa lima ka mga balatian nga wala makadawat og malungtarong pagkakabig:

Si Laman ug Lemuel nakakita og anghel (tan-awa sa 1 Nephi 3:29). Sila nakadungog tingog sa Ginoo ngat “mipanton nila sa hilabihan” (1 Nephi 16:39). Sila mibati sa gahum sa Dios sa dihang gituy-od ni Nephi ang iyang kamot ug “ang Ginoo mipakurog kanila” (1 Nephi 17:54). Sila nakatilaw ug nakasimhot: “Ako mohimo sa inyong pagkaon nga matam-is, aron kamo dili magluto niini” (1 Nephi 17:12). Bisan sa daghang mga pagpadayag pinaagi sa lima ka mga balatian, si Laman ug Lemuel mirebelde. Ang pagkakita pagtuo ba kanila?
Sa dihang gigiyahan ni Moises ang mga anak sa Israel pagawas sa Ehipto, nakasaksi sila og mga hampak, mga gilis sa kalayo, pagtunga sa Pulang Dagat, nakatilaw og manna—mga kasinatian uban sa tanang lima ka balatian (senses). “Ug bisan pa nga sila giagak, ang Ginoo nga ilang Dios, ilang Manunubos, nag-una kanila, naggiya kanila sa adlaw ug naghatag og kahayag sa gabii, ug naghimo sa tanan nga butang alang kanila diin angay madawat sa tawo, sila nagpatig-a sa ilang mga kasingkasing ug mibuta sa ilang mga salabutan, ug mibiay-biay batok kang Moises ug batok sa tinuod ug buhi nga Dios” (1 Nephi 17:30). Ang pagkakita dili gayud pagtuo alang kanila!
Daghan pang susama nga mga ehemplo sa kasulatan, apan ang makalibug nga ehemplo sa tanan mao ang sa kabus sa espirituhanon kinsa misalikway sa Manluluwas diha mismo sa Iyang atubangan. “Bisan tuod dahgan ang mga lilagro nga iyang nahimo sa ilang atubangan, ngani wala sila mosalig kaniya” (Juan 12:37; tan-awa usab sa D&P 138:26).

Daghan kaayo ang mga ehemplo nga sukwahi sa giingon nga ang pagkakita mao ang pagtuo. Kadtong naglaum og usa lang ka talagsaong kasinatian nga makatabang sa pagmugna sa ilang pagpamatuod wala makaamgo nga ang mas dakong pagpamatuod ug pagsaksi sa Espiritu moabut kanato matag adlaw, sa daghang gagmay nga mga paagi, sama sa katapusang higayon nga gilinyahan ninyo ang inyong mga kasulatan. Hunahunaa kini. Ang rason nga gilinyahan ninyo ang inyong mga kasulatan tungod kay nakadawat kamo og impresyon, usa ka ideya, usa ka “Aha!” Ang usa ka dinasig nga impresyon usa ka pagpadayag.

Laing ehemplo sa pagpadayag mao kon ikaw giaghat nga magmabination o mobuhat og maayong buhat, “kay ang matag butang nga modapit sa paghimo sa maayo … … gipadala pinaagi sa gahum ug gasa ni Kristo” (Moroni 7:16). Ang Kahayag ni Kristo kanunay nga anaa! Nagtagamtam kamo niini matag adlaw. Ug gikan niining mga pag-aghat, kini nga “gagmay nga mga butang[,] magagikan ang mga dagko” (D&P 64:33).

“Pinaagi sa Gahum sa Espiritu Santo Kamo Mahimo nga Masayud sa Kamatuoran sa Tanan nga mga Butang” (Moroni 10:5)

Makahunahuna ba kamo og usa ka tawo diha sa Basahon ni Mormon kinsa nakakita og anghel ug mituo? Tingali naghunahuna kamo ni Alma ang Batan-on. Usa ka anghel nagpakita kaniya ug sa mga anak nga lalaki ni Mosiah ug “mikunsad ingon sa usa ka panganod; ug siya namulong ingon uban sa usa ka tingog sa dugdog” (Mosiah 27:11). Nasayud na kamo sa tibuok istorya—ang paghinulsol ni Alma ug ang misunod nga pagpangalagad.

Ang pagkakita ba pagtuo na kang Alma? Wala Ngano man? Tungod kay si Alma wala pa makagamit sa iyang kabubut-on sa pagkat-on pinaagi sa pagtuon ug hugot nga pagtuo ug wala pa mag-ampo aron masayud sa kamatuoran. Ang pagkakita dili usa ka laktud ngadto sa hugot nga pagtuo o usa ka pagpamatuod, sama sa gipakita sa daghang mga ehemplo nga bag-o lang nakong gihisgutan. Si Alma mismo naghulagway kon giunsa niya pagkadawat sa iyang pagpamatuod, ug wala niya gipasabut nga tungod kini sa pagpakita sa usa ka anghel. Gani, wala maghisgot sa anghel bisan asa sa iyang pagpamatuod:

“Ug kini dili mao ang tanan. “Wala ba kamo magdahum nga ako nasayud niini nga mga butang sa akong kaugalingon? Tan-awa, ako magpamatuod nganha kaninyo nga ako nasayud nga kini nga mga butang diin ako namulong mga tinuod. Ug giunsa ninyo sa pagdahum nga ako nasayud sa ilang kasiguroan?

““Tan-awa, ako moingon nganha kaninyo nga sila gihimo nga mabutyag ngari kanako pinaagi sa Balaang Espiritu sa Dios. [Ang Kahayag.] “Tan-awa, ako nagpuasa ug nag-ampo sa daghan nga mga adlaw nga ako unta masayud niini nga mga butang sa akong kaugalingon. Ug karon ako nasayud sa akong kaugalingon nga sila mga tinuod; kay ang Ginoong Dios mihimo kanila nga makita ngari kanako pinaagi sa iyang Balaang Espiritu; ug kini mao ang espiritu sa pagpadayag revelation nga ania kanako” (Alma 5:45–46; emphasis gidugang).

Ang usa ka “pahigmata” o mubog panahon nga kausaban sa kinaiya moresulta gikan sa gawas pasulod, pinaagi sa lima ka mga balatian, apan kanunay nga dili molungtad, sama nilang Laman ug Lemuel. Ang malungtaron nga pagpamatuod mahimo lamang gikan sa sulod pagawas, samtang ang tawo magkat-on pinaagi sa pagtuon ug hugot nga pagtuo uban sa Espiritu Santo nga nagtanom sa ebanghelyo “sa ilang sulod nga mga bahin, ug [nagsulat] diha sa ilang kasingkasing” (Jeremias 31:33). Mao kana nganong ang mga Nephite, bisan kon sila nakakita nakadungog, ug mibati ug sa Manluluwas sa panahon sa Iyang pagbisita kanila, ingon man pagtagamtam ug pagsimhot sa pan nga milagruso Niyang gisangkap (tan-awa 3 Nephi 20:3–9), bisan pa niana, “[nag-ampo] alang niana diin sila labing nagtinguha; ug sila nagtinguha nga ang Espiritu Santo kinahanglan ihatag ngadto kanila” (3 Nephi 19:9).

Pipila ka tuig ang milabay, ang mosunod nga istorya gipakigbahin kanako sa usa ka senior nga misyonaryo. Kini nahitabo kaniya sa dihang batan-on pa siya niadtong mga 1960 ug nagpakita usab nga pinaagi lamang sa pagtuon ug pag-ampo nga ang Espiritu Santo naghatag kanato og usa ka saksi sa kamatuoran. Miingon Siya:

“Nag-inusara akong nagpuyo sa Provo, Utah, sa gamayng apartment duol sa sentro sa lungsod. Nagtrabaho ko isip salesman sa usa ka gamay nga tindahan sa mga furniture sa Provo, ug nahitabo kini atol sa taas nga tapos sa semana panahon sa Bag-ong Tuig.

“Taas ang among holiday sa pagtapos sa semana. Huwebes, Disyembre 31, Bisperas sa Bag-ong Tuig kadto. Wala kami trabaho gikan sa Huwebes hangtud sa Dominggo, ug naa ra ko sa akong apartment walay bisan unsa nga mga plano sa pagsaulog. Nag-andam ko sa akong panihapon, naghulat nga maluto kini, ug gusto nga magbasa-bas. Kay walay mabasa diha sa apartment, miadto ko sa tapad nga apartment ug nangutana sa pipila ka batan-ong mga lalaki nga nagpuyo didto (mga estudyante sa BYU) kon aduna ba silay basahon—naglaum alang sa usa ka kopya sa Field & Stream, o butang nga sama niana. Miingon sila nga wala silay bisan unsa nga mga magasin, apan sila adunay usa ka basahon nga tingali ganahan kong mobasa. Gihatagan ko nila og kopya sa Basahon ni Mormon.

“Samtang nakadungog na ko sa Mormon nga Simbahan (kinsa may wala kadungog diha sa Utah?), dili ko pamilyar sa basahon. Nagpasalamat ako kanila ug gidala kini sa akong apartment. Atol sa panihapon nagpakli-pakli ko niini ug misugod sa pagbasa. Moangkon ko nga nagpakli-pakli ra ko sa pipila ka mga bahin, naningkamot nga makita ang dagan sa istorya. Dihay mga ngalan ug lugar nga wala pa gayud ko makadungog kaniadto, ug wala ko ma-interesado niini. Busa, human sa panihapon, akong gidala og balik ang basahon ug giuli kini uban sa usa ka “dili lang, salamat.”

“‘Nag-ampo ka ba mahitungod niini?’ usa ka batan-ong lalaki nangutana. ‘Mag-ampo bahin ini?’ Mitubag ko. ‘Gusto ra kong mobasa, dili butang nga kinahanglan kong mag-ampo.’ Nakapasugod kini og talagsaong panag-istoryahay kabahin sa sulod sa Basahon ni Mormon. Miingon sila nako nga kadto usa ka basahon sa kasulatan, usa ka basahon nga kon ako mag-ampo una ug dayon mobasa uban sa tinuod nga tinguha nga masayud kon kini tinuod o dili, nga ang Dios mopadayag sa kamatuoran niini ngari kanako pinaagi sa gahum sa Espiritu Santo.

“Gipadako ko nga Katoliko, ug bisan dili ko aktibo niadtong higayona, hugot nakong gihuptan ang akong pagkamiyembro sa Simbahang Katoliko tungod kay mao ra kini ang akong nahibaloan sukad. Ang bugtong pag-ampo nga akong nahimo sukad mao ang Pag-ampo sa Ginoo, ang Maghimaya ka Maria, ug ang pagbasa sa akong basahon sa misa—butang nga dugay na kaayo nakong wala mahimo. Ug karon ang pipila ka batan-ong mga lalaki naghangyo kanako sa pag-ampo sa usa ka Dios nga wala gayud ko kaila ug mangutana Kaniya kon tinuod ba o dili ang basahon. Nan, wala man gihapon koy laing buhaton, ug taas-taas man kini nga tapos sa semana. Gidala nako ang basahon sa balay, miabli og usa ka botelyang beer, midagkot og sigarilyo, ug miluhod ug mihangyo sa Dios sa pagsulti kanako kon tinuod ba kini nga basahon. Dayon misugod ko sa pagbasa: ‘Ako, si Nephi, natawo sa mga matarung nga ginikanan.’

“Ang mga ngalan ug lugar sama ra gihapon sa akong nabasahan mga duha ka oras pa lang ang milabay. Ang bugtong kalainan niining higayona mao nga dili na kaayo kusog ang akong pagbati nga dili motuo. Literal ako nga naa sa libro! Akong makita si Nephi; akong makita ang iyang igsoong mga lalaki, ug nakapasuko nako sa dihang ila siyang gidagmalan. Ganahan ko ni Nephi! Miabiba ko sa buotan nga mga tawo, ug nalooy ko sa mga dautang tawo. Nagbasa ko sulod sa daghang oras, ug dili ko makahunong sa pagbasa. Sa dihang sa katapusan mitan-aw ko sa akong relo, hapit na mag-alas singko sa buntag. Nanghinaut ko og Malipayong Bag-ong Tuig ug natulog.

“Nakamata ko sa mga 8:30 ug mikab-ut dayon sa basahon. Ug mao kana ang dagan sa nahabilin sa tapos sa semana. Sama ni Brother Parley P Pratt, wala koy gana nga mokaon, dili ko gusto dunay makadisturbo kanako. Akong gitangtang ang telepono ug nagbasa sa tibuok adlaw, nga mabalda lang sa panagsa nga pag-snack. Sama sa unang gabii, maamguhan na lang nako nga sayong buntag na, matulog og pipila ka oras, mopunit sa basahon, ug magpadayon sa gituyo nakong walay hunong nga pagbasa. Sa katapusan, mga alas singko sa buntag sa Lunes, nahuman nako ang basahon ug ako nakatulog—naluya.

“Sa hapit na ang Pasko nianang tuiga, nakabaligya ko og dakong carpet didto sa American Fork. Espesyal kadto nga matang sa carpet, ug ang akong boss gusto nga akoy modumala sa mga tigtaud sa carpet. Ang akong boss usa ka kanhi bishop sa dapit sa Provo ug nakigsulti kanako mahitungod sa Simbahan sa pipila ka mga okasyon, apan dili ko interesado. Maayo siya nga boss, apan dili ninyo gusto nga mapungot siya kay dali ra siyang maglagot. Mao kadto nga Lunes sa buntag, alas otso, nga ako unta nga idumala ang pag-instalar sa carpet. Miabut ang gitakdang oras, ug wala ko motunga; alas nuebe, dayon alas diyes.

“Sa katapusan, mga 10:30, ang akong agalon, suko kaayo, miadto sa akong apartment, misulod sa pultahan andam nga mangasaba kanako, nakakita nako nga naghigda sa sopa nga dunay Basahon ni Mormon sa akong dughan, ug miusab sa iyang hunahuna. Hilum niyang gisirado ang pultahan ug mibalik sa tindahan, masaligon nga mapatrabaho niya ang mga tigtaud sa carpet. Pag-abut og alas onse y medya nakamata ko (nga wala masayud sa pagbisita sa akong boss), mitan-aw sa relo, ug sa ikaduhang higayon sa mubo ra nga panahon mihimo og laing pag-ampo. Dali kong nag-ilis (nagtuo nga inig-abut nako tingali mawad-an na ko og trabaho), misakay sa akong sakyanan, ug mipasutoy ngadto sa trabahoan.

“Akong nakit-an ang akong boss ug miduol niya aron sa pagpangayo og pasaylo. Milingi siya; mipahiyom, ug nangutana, ‘Ganahan ka sa basahon?’ Nakaamgo sa unsay nahitabo, ang akong hunahuna mibalik ngadto sa milabayng tapos sa semana, ug uban sa mga mata nga puno sa luha akong gisulti ang bugtong butang nga mahimo nakong masulti: ‘Ang basahon tinuod. Ang Basahon ni Mormon pulong sa Dios.’ Dayon misugod ko sa paghilak, ug miduol siya ug migakos kanako. Nabunyagan ko isip miyembro sa Ang Simbahan ni Jesukristo sa mga Santos sa Ulahing mga Adlaw niadtong ika-22 sa Enero 1965.‘

Nahimamat ko kining buotang brother pipila ka dekada human sa iyang pagkakabig samtang siya ug ang iyang asawa nagserbisyo og misyon sa San Diego Mormon Battalion visitors’ center. Ang rason nga ganahan kaayo ko niini nga istorya mao ang kalainan sa iyang duha ka pagsulay sa pagbasa sa Basahon ni Mormon. Sa unang higayon nga misugod siya pagbasa, wala kadtoy tinuod nga katuyoan ug walay pag-ampo. Sa ikaduha nga pagsulay, uban sa tinguha ug sa pag-ampo, lahi na kaayo kadto nga kasinatian.

Adunay usa lamang ka paagi aron masayud kon ang Basahon ni Mormon ug ang ebanghelyo tinuod, ug nagkinahanglan kini og labaw pa kay sa pagkakuryuso ug sobra sa lima ka mga balatian. Nagkinahanglan kini og kinasingkasing nga paggamit sa kabubut-on ug pagbuhat sa usa ka tinguha nga masayud:

““Ug kon kamo makadawat niini nga mga butang, ako moawhag kaninyo nga kamo mangutana sa Dios, ang Amahan sa Kahangturan, sa ngalan ni Kristo, kon kini nga mga butang dili ba tinuod; ug kon kamo mangutana sa kinasingkasing, uban sa tinuod nga katuyoan, nga may hugot nga pagtuo kang Kristo, siya mopakita sa kamatuoran niini nganha kaninyo, pinaagi sa gahum sa Espiritu Santo.

“Ug pinaagi sa gahum sa Espiritu Santo kamo mahimo nga masayud sa kamatuoran sa tanan nga mga butang” (Moroni 10:4–5).

Kana nga saad wala gamiti og mga termino nga “Siya tingali o “basin” o “malagmit.” Ang saad mao nga, “Siya mopakita sa kamatuoran niini nganha kaninyo pinaagi sa gahum sa Espiritu Santo.”

Laing makahuluganong baruganan nga atong nadiskubrihan niini nga istorya mao nga dili kinahanglang mabasa ninyo ang tibuok Basahon ni Mormon aron makakuha og usa ka pagsaksi. Alang sa tawo niini nga istorya, Siya nakatilaw sa kahayag sa unang pahina. Dili kinahanglan hutdon niya og kaon ang tibuok pizza una niya masayran nga kini lamian. Alang sa uban, mahimong maganahan na sila niini samtang ang kahayag mahimong mas lamian paglabay sa panahon. Ingon og mao kana ang gisulti ni Alma niini nga bersikulo: “Oo, kini misugod sa pagdan-ag sa akong salabutan, oo, kini misugod sa pagkaanindot ngari kanako” (Alma 32:28).

Ang Inyong Pagpamatuod Mas Lig-on Kay Sa Imong Gihunahuna

Sa atong pagsugod gihangyo ko kamo nga graduhan ang inyong pagpamatuod diha sa sukdanan sa hugot nga pagtuo. Hinaut nga inyong nadiskubrehan nga ang inyong pagpamatuod mas mausbawon pa kay sa inyong gihunahuna. Uban sa Espiritu Santo isip inyong magtutudlo, kamo nag-angkon og hingpit nga kasayuran sa daghang mga bunga sa ebanghelyo, ug bunga ngadto sa laing bunga, pagtulun-an ngadto sa laing pagtulun-an, ang inyong pagpamatuod nagkalig-on matag adlaw.

Imahe

Slide from a Powerpoint presentation given by Elder Lynn G. Robbins for May 3, 2015 CES Devotional.

Kon mas magkat-on ug magsunod sa ebanghelyo, mas dugang kahayag ang ilang madawat ug ang plano sa Amahan mas mahimong ebanghelyo sa kamatarunganon. Atong nakat-unan gikan sa atong kaugalingong mga kasinatian nga ang bunga sa kahoy sa kinabuhi, sa pagkatinuod, bililhon ug “hilabihan ka tam-is, labaw pa sa tanan nga [kita] sukad nakatilaw” ug nga kini mopuno sa atong mga kalag “sa tuman nga hingpit nga kalipay”(1 Nephi 8:11–12). Mas giganahan kita niini tungod sa mga panalangin, kalipay, ug kontrol nga gihatag niini kanato sa positibong mga resulta sa atong kinabuhi ug sa paglaum sa walay katapusan nga kalipay isip mahangturong mga pamilya.

Ako mopamatuod nga ako nasayud, ug ako nasayud nga ako nasayud, pinaagi sa Espiritu Santo, nga ang Basahon ni Mormon tinuod, kini pulong sa Dios. Kini tam-is ug bililhon nga tagamtamon. Akong gimahal ug gihambin ang kalami niini. Ako mosaksi nga si Jesukristo mao ang Anak sa Dios ug nga Siya gilansang sa krus ug nag-antus alang sa mga sala sa kalibutan. Siya ang atong Manluluwas ug nagpadayon sa pagdumala ug paggiya sa Iyang Simbahan ug gingharian dinhi sa yuta pinaagi sa buhing mga propeta ug apostoles. Ako mosaksi sa Iyang ngalan ug niining mga sagradong kamatuoran sa pangalan ni Jesukristo, amen.