Noche de luz… la luz de Su faz
Amombe’use mokõi historia opytava’ekue che akãme heta año aja ha ko’áĝa peve chembo’e umi lección aikotevẽva.
Peteĩha oiko aguerekóvo 6 años. Hermana Beverly Whitley ha’ékuri directora de música ore barrio-pe. Ko’áĝa ahechakuaa oimene ndoguerekói gueteri 40 año, ha katu imemby adolescentema ha umi primariagua mitãme ĝuara ojogua imadura ha isabiaitereiha. Idivertida, ha oretrata ha’eramoguáicha adultomimi, ha upéva oregustaiterei; Romomba’eguasu chupe ha roñeha’ã rocomplace chupe; Ndaha’éi rosapukaiva’erã, ha katu ropurahéiva’erã con gusto! Ha upéicha rojapo. Avei orembo’e peteĩ purahéi Himnario Adulto-pe ĝuarãgui ha he’i ha’e oikuaaha ore oremaduro rasa romemoriza haĝua umi ñe’ẽ hasýva. Ha’e o’explika umi ñe’ẽ signifikado ro’entende haĝuaicha. Orembo’e cada purahéi oguerekoha peteĩ mensaje especial ha’éva oréve ĝuarãite ha, ropensarõ umi ñe’ẽ rehe, rojuhuta upe mensaje ore rekovepe ĝuarã.
Upe Navidad-pe, añeha’ã a’aplika hermana Whitney orembo’eva’ekue a’aprende aja opaite umi estrofa “Noche de Luz” rehegua. Ajerure disculpa de antemano umi traductor-pe kóva ha’étagui complicado. Aguerekóvo seis año, apensa heta pe tercera estrofa ñe’ẽ rehe, ha katu nantendéi pe puntuación. Apurahei rangue (he’iháicha inglés-pe) “Tupã Ra’y, pe mborayhu potĩ resape”, térã, Jesús ha’e pe tesape ofluia mborayhu potĩgui, ha katu che antende Tupã Ra’y ohayhuha pe tesape potĩ, Ha’e ohayhuha opaichagua tesape potĩ. Apensávo hermana Whitley-cha, añeha’ã adescubri haĝua mba’éichapa ikatu che avei ahayhu pe tesape potĩ, Jesús ojapohaguéicha.
Pe historia mokõiha oiko aguerekorõ 9 año. Heta mitãicha upe edad-pe, aguereko clase de piano. Ndaha’éi chetalentosaitereíva, ha, oiméne chemokyre’ỹ haĝua, che obispo oporandu chéve ambopúnepa peteĩ canción de Navidad pe reunión Sacramental-pe víspera de Navidad-pe. Adecidi amboputaha “Noche de Luz”. Che mbo’ehára piano rehegua che pytyvõ ajeprepara haĝua. Che tuvakuéra cherendu ambopúvo oimene 100 vece piano vertical hũme ore sonatano-pe. Oĩ he’iva’ekue che ikatuha amemoriza pe purahéi ha ndaipurumo’ãi pe música, ha katu upéva hasyve cheve ĝuarã. Chenerviosaiterei amboputahaguére opavave pe barrio renondépe ha ndaikatúi amemoriza pe purahéi. Ha katu ou che akãme peteĩ plan. Agueraháta pe música chendie, ha katu amoĨ rangue piano renondépe, Amoĩta che rapypa’ũme. Upéicha ikatu amaña che póre ha amaña pe música rehe avei , ha ojuguáta amemoriza hague pe música. Pe plan oiko porã 20 segundo rupi; Amoĩ pe música che pollera navideña de tafeta ári ha añepyrũ ambopu, ha katu pe tela isỹiva ojapo primera estrofa-pe pe partitura osyryry ha ohopaite piano guýpe. Ajejopy vaipaite. Ndaikatúi ajagarra jeývo pe partitura ha che akã opyta nandi. Aisu’u hatã che raĩ ha añeha’ã ajapo porã ikatuháicha. Ha’e peteĩ desastre.
Ñembyasyrã ambopu umi nota ndaha’éiva ha ajavy tuicha pe melodía-pe ha ajavy meme segunda estrofa aja avei. Arandúpe nambopúi pe tercera estrofa ha asẽ adispara pe pasillo-re che rova pytãmba reheve añeha’ãvo nacherasẽi haĝua. Che tuvakuéra he’i mbegue: “ ¿Mba’e piko oiko? Reikuaa porã ningo kuri” Naha’arõkuaái asẽ haĝua capilla-gui; Ndahechaséi ni nañe’ẽséi maavéva ndive; añeñandu humillada ha atĩ. Opávo pe reunión, che mbo’ehára Escuela Dominical-gua, hermana Heaton oñemboja cherehe. Añeha’ã akañy chugui, ha katu chejagarra che pógui. He’i rangue chéve ajapo porã hague, opavave oikuaáva ndaciertoiha, he’i chéve peteĩ mba’e chemandu’átava che rekove aja: “Sharon, noimportái mba’eichapa osẽkuri; Opavave ohechakuaa mbo’ýpa reñeha’ãkuri, ha rohayhu rembopukuaarõ piano térã nahánirirõ”.
Upéva ha’e añeteguaite. Ha katu ndahasýi aha’arõháicha. Añetehápe añeha’ã heta kuri, ha cherayhu hikuái nambopukuaairõ jepe piano. Apukavy, che’añua ha opaite oĩ porã sapy’a.
Ko’áĝa, Beverly Whitley ha Alma Heaton ndojapói mba’eve extraordinario. Ndohaíri mba’eve idiariokuérape; Maavéva ifamiliakuérape oikuaa upe historia. Ha’ekuéra ombo’énte hína kuri mitãnguéra opurahéi ha ontende haĝua pe evangelio. ¿Mba’e piko ikatu icensillove? Ha katu ndaha’éi upéicha. Peporandurõ chéve mba’éichapa peteĩ persona ohayhúva tesape potĩ, ha’e Beverly Whitley- icha; Ha’e Alma Heaton-cha. Cada una ohechakuaa pe “tesape potĩ” oĩva peteĩ mitãkuñame oñeha’ãva’ekue opa ikatúva ha ohayhu chupe upévare, pe resultado ndaha’éirõ jepe perfecto.
Ñande Ru Yvagagua upéicha avei. Ha’e manderecha, Ita’yrakuéra michĩva, ñañeha’ãva hína. Ñane ñeha’ãnguéra ndoguereko meméi éxito, ha katu Ha’e oikuaa ñañeha’ã heta hague, ha sapy’ánte jaisu’u ñane raĩ ha jahasa peteĩ sarambi rehe, ha Ha’e ñanderayhu upévare. Opa ñane música ipuvaíva, odesafináva ha ndojekuaáiva, Ha’e ombou Ita’ýra Unigénito-pe, ha’éva pe mborayhu potĩ resape. Jesucristo omoĩporãta cada nota jajavýva ha orredimíta opa umi matiz oĨ vaíva jaharõ Chupe ha jajerure chupe Ipytyvõ. Jesucristo nacimiento, expiación ha ñemano rupive, opavave ñande ikatu ”jake py’aguapy celestial-pe.”1
Avy’aiterei ko Navidad épokare japurahéi haĝua umi música oguerekóva peteĩ mensaje especial ñande Salvador del mundo-gui umi ikorasõ rasývape ĝuarã. Apromete peẽme upe hermana Whitley oprometeva’ekue Primaria-pe. Pepensarõ umi ñe’ẽ pepurahéiva ko temporada-pe, pejuhúta peteĩ mensaje divino oñediseñava especialmente peẽme ĝuarã penemopu’ãtava ha penemoangapyhýtava. Kóva ha’e peteĩ che ajuhúva chéve ĝuarã ko époka navideña-pe. Ajepy’apýkuri opa umi hénte noĝuahẽivape ore ayuda humanitaria rehe, ha mba’eicha sapy’ánte umi tetã ombohasy rome’ẽ pytyvõ ore hermano ha hermankuérape ohasa’asývape. Ha upéramo ko pyharevépe sociedad de socorro-pe, ajapysaka purahéi ropurahéiva rehe:
A todos los niños da tu bendicion,
Y haznos más dignos de tu gran mansión.2
Atestifika Tupã Ra’y ohayhuha pe tesape potĩ, Ha’e ha’e pe mborayhu resape potĩ. Jesucristo rérape, Amén.