Atakin Raoi Bukin Te Kiritimati
I tangira te tai aio n te ririki ngkana ti ikotaki ngaira utu ao aika ti tangiriia ni kauringa bungiakin te Tia Kamaiu Iesu Kristo ao n anga te kakaitau ibukin Maiuna ao Ana karea ni Kamiua ae akeaa tiana. I rangi ni kukurei n taian kauring aika aki kona ni warekaki ibukin te tai ae onoti aio ao ni kona n namakina te kakukurei ao kantaningan taian Kiritimati man au bong n ataei, bwa ma ike e kamwaitoro i England ke n te kabuebue i Arabia.
Tao n aroia tabeman, te wiiki ae nako ao I kataia ni mwakuri iaon te taura ni Kiritimati, e bane au tai ni kakaea te wiki are e karika aki uran te wiki nikabane. Ngke e a kuneaki te wiki anne ao n oneaki mwiina, a manga bane n ura nikabane, ao iai te rau ao te kukurei imwiin te tokanikai ae e uarereke anne.
Teuana mamaten nanou ae I karaoia ngkana e a kaaan te Kiritimati bon te tekateka irarikin te kai ni Kiritimati, ma taian taura aika kamateaki, ao ni kaineta au taratara ae aki itiaki raoi ngkana I tara te kai ae e onrake n taura aika uarereke man mainaina. Man au taratara ae e mabubu, otan taian taura n tatabeua e ootanako ao n taonii otan taura ni katamaroa aika uraura. Tarakina e katika te nano. Ti aki toki ni katangii katangitang, ni katanoataa, “Joy to the world, the Lord is come!”1 ao bwa e na atongaki, “Arana bwa te Kamimi, Te Tia Reirei, te Atua ae Mwaaka, te Tama ae Akea Tokina, Uean te Raoi.”2
Ngkai taian taura a karika mabubun au taratara iaon te kai, I a kauringaki riki n ana mwakuri ae mai ieta ara Tia Kamaiu, are e nooraki raoin taai aika a rau. E taku, “Otan te aba Ngai: ane irai ao e na bon aki nakonako n te ro, ma e na karekea te ota ni kamaiu.”3 I iangoa te tairiki ae tabu are E bungiaki iai, ni kaonaki n te kakaitau ibukin ana bwaintangira te Tama ae te kimwareirei, te kantaninga, ao te tangira are kanakoa nakon te aonnaba inanon Natina ae te Rikitemanna.4
Taai ae aekan aikai ni iango ao n ururing a konaa naba ni burenibwai ibukira ibuakon te ienikuri ni katauraoi imwaain Bongin te Kiritimati. Ritembwa e uoti bootaki, ao kamataku, ikotaki ao bwaintangira. Ti rangi n tabetabe, ao n taai tabetai bwaai ake ti katabeira iai a kamauna te kimwareirei are e na riai n reke man te bong anne.
Ma ngaia are ana reirei Beretitenti Nelson e rang kakawakil: “Te kimwareirei are ti namakinna e aki irekereke ma te bwai are ti rinanona ni maiura ma man tii bwaai ni kabane ake ti kabotoi maiura iaona. “Ngkana e kaineti maiura iaon ana babaire ni kamaiu te Atua … ao Iesu Kristo ao Ana Euangkerio, ti kona n namakina te kimwareirei n aki tabe ma bwai aika a na riki—ke akea ae riki—inanon maiura. Te kimwareirei e roko mai Irouna ao ibukina bon Ngaia. Bon Ngaia ae e nako mai irouna te kimwareirei ni kabane.5
Aio te tai ae tamaroa ibukira ni kabotoa ara taratara iaona. Teraa ami kantaninga ibukin te Kiritimati aio? Baikara bwaai aika korakora tangirakiia iroum ao irouia aike ko tangiria ngkai kam bane ni bootaki ibukin te bong ae moan te tabu aio?
Inanon uoua ao te iteraana te wiiki, E nang roko Bongin te Kiritimati. Iangoia bwa tera are ko a tia ni kaaki iaon am karenta ibukin uoua ao te iterana te wiiki. Ko na namakina ae a nangi mwaiti bwaai aika kona karaoi ao a tuaai n tia moana ni karaoaki. E a onrake kanoan am babaire ibukin te bwai are ko na karaoia? Tao taian katei ao kairoro a karekea nakoim te korakai ae aki kantaningaaki ao n totokoiko man karekean ao iangoakin te kimwareirei ni bungiakin Kristo? Ko na kangaa ni bita kanoan am karenta n te Kiritimati aio ao ni bairea ae tamaroa riki ibukin are imwiina?
Ti na riai ni karaurau n aki katabeira ni kataakin karaoan aika mwaiti bwa ti kawa ni kabuaa noorakin te tai aio ao n aki kona n tauraoi n aron ae kanga ti katorobubua irarikin nneia maan n amwarake, n taromauria te Uea ae e a tibwa bungiaki, ao ni uoti ara bwaintangira Nakoina.
Tiina aika Ataei, ao ngaira ni kabane, kam a rootaki n te tabeaianga? Kam katukia iaa am taratara? Tao n te ririki aei ko tuai kanakoi taian kaati n te Kiritimati ke ko katoka kaotakin baike ko bon kantaningaia ibukim. Mwiina ae e riki n am tai ke te mwane e na anai tabeua arom n taratara iaon te Tia Kamaiu ao n namakina kukurein Ana Kiritimati.
Kaaro aika mata ataei, ao ngaira ni kabane, e mena iia ami kantaninga? Tao n te ririki aei ko a tia ni katauraoa ae e bon tau n am Kiritimati ma bwaintangira aika karaoaki n te mweenga ao bwaai n tangira ni ibuobuoki bukina bwa te mwakuri ae baati ao kataakin karaoana e rang kangaanga—ao e aki riai— ao ane e na anai am tai tabeua are ko na kabanea iaon te Tia Kamaiu ao n namakina raun Ana Kiritimati.
Mwakurin te tembora n tain te Kiritimati e kona ni bongana. E kaetii ara iango te tembora, e karakaa kukureira, ao ni katiteuanaiia utu ikai ao ni iteran te roki are teuana. Iangoi mwakurin te tembora n onea mwiin riki teuana kakukurein te Kiritimati are e na aki kona ni buokiko ni kainanom ibukin te Kiritimatati ae rau. Otenanti aika tabu akanne—te rau ao mwaakan te nakoanibonga ake a taua ibukiia ake a kainanoi—a tii kona n reke man tii Ana Rikitemanna te Tama, te “Tiibutetei are kamateaki man moan karikan te aonnaba,”6 are ti bukamarua bungiakina ngkai.
Ngkai e a roko te Kiritimati, tia bane ni karaoa riki are manena ao ni kauarerekea karaoan are e aki manena. Ti a ukoukora karaoan ana mwakuri Iesu te I-Natareta—tabekia rake aika nanokawaki, kamaiuia aika uruaki nanoia, kawariia buure, kamwarakeia aika baki, kunikainiia aika akea karabaaia, ao taetae ibukiia aika aki mwannanoaki, aomata ake a kakeaki bonganaia, ao aika riribaaki.7
Nakoimi ngkami ake kam menan te kangaanga n te Kiritimati aio kam na kunea ana bwaintangira te Tia Kamaiu ibukin te tangira ae onoti ibukim. E mwaiti, n te tai aei, ake a mena inanon te kanganga ae korakora ni buan raoia ae tangiraki man te aoraki, n te ririki ni kara, ke te kabuanibwai ae karina n roko. E mwaiti ake a ururingaki ake a bua n taai aika a nako n te Kiritimati, ao aio are riki bwa te kauring ae kamaraki ibukimi. Tabeman a nanokawaki n aia rinerine aia koraki are a karaoia n te tai aio. Tabeman a maroaa, akea aia utu, a namakina te kangaanga, ke ibukin kangaanga riki tabeua a kaitara te Kiritimati ae e kaokoro n aron are a kakaraoia mai imwaina.
Kakoaua bwa iai te bwai n tangira n te tai aio ibukim Ukoukora te rau, am tai n tii ngkoe are ko kona ni kataua, n tataro ao n namakina te tangira n akoi mairoun Temanna are bungiakina e karekei kukurei nakoni maiura. Te berita bwa n te bong teuana, “Ao e na akea riki te mate, ao e na akea naba te nanokawaki, ma te tang, ma te maraki.”8 “Ane a na aki manga baki, ao a na aki manga taka. … Ao te Tibutetei ae i nanoaan te kaintokanuea E na riki ba aia Tia Kawakin-tibu, ao E na kairiia nakoni koburaken raan aika kamaiu: ao te Atua E na kaoi rannimataia ni kabane mai mataia.”9
Karekea am tai bwa ko na rau, ni ikeike, ni iango. Tara eta. Kabanea am iango iaon Ana bwaintangira ae korakora—te ataia bwa antai raoi ngkoe, ao te ataia bwa kataaki ikai a waekoa ni bua ao te kukurei ikai bon moanakin rokon te kukurei ae e na roko. Uringa “te kimwareirei ae ti namakinna e uarereke nakon karaoana ma aroaron maiura ao bwaai ni kabane are e na karaoaki ma tarakin raoi maiura.”
“Ao ngkai, I tuangkami bwa kam na ukoukora Iesu aio ake a korea rongorongona burabeti ma abotoro, bwa e aonga n ae ana akoi te Atua te Tama, ao te Uea naba ae Iesu Kristo, ao te Tamnei ae Raoiroi, are a kakoaua ibukiia, a na iai ao n tiku iroumin aki toki.”10 Bwa ti na taekina, “Eng, te Uea, ti kamaura are, Bungiaki n te ingabong ae kakukurei aei. … Oh, nakomai, ti na Taromauriia.”11
N aran Iesu Kristo, amen.