Mba’éichapa ñañesentráta Navidáre
Che avei ahayhu ko áño époka ñañembyatyhápe familia-kuéra ha ha umi jahayhúva ndive ñanemandu’a hağua ñande Salvador Jesucristo nacimiento-re ha ñame’ẽ gracia hekove ha Isacrificio expiatorio infinito-re. Ahayhu ahecha opa rupi hetaite ko temporada especial mandu’aha ha ikatu añandu gueteri umi chemitãramoguare Navida emoción ha anticipación, taha’e Inglaterra ro’ysãme térã Arabia akuetépe.
Ikatu, hetáicha, semana ohasávape alucha umi luz de Navida rehe, aluchávo ahecha hağua mávapa pe foko’i ojapóva opa upe kadéna ogue. Ipahápe ojejuhúvo ha oñemyengoviávo upe foko’i, hendypaite umi luz, ha oĩ pe alivio ha deleite oúva peteĩ triunfo michĩetévagui.
Peteĩ mba’e ajaposetéva hi’ağuivo Navida ha’e aguapy ore árbol de Navidad ykére, opa umi ambue tesape oguévare, ha aheja che che resa oñenubla amaña jave pe árbol-re henyhẽtéva umi tesape’i morotĩgui . Pe visión ijaraíva reheve, káda tesape mimbikue isarambi ha hesakãve ojehechaukávo umi jeguaka pytã overapáva. Pe efecto iporãiterei. Py’ỹi, roreko purahéi fondo-pe he’íva: “¡Pevy’a! Jesús onase!”1ha “hérata Admirable, Consejero, Dios fuerte, Padre eterno, Príncipe de paz.” 2
Umi che resa ohejávo tesapekuéra omýi pe fóko ryepy ha okára gotyo upe árbol-pe, peteĩ jeyve chemomandu’a ñande Salvador, misión divina-re oñe’enfokávaumi moménto omyi’ỹvape. Ha’e he’i, “Che ha’e yvóra resape; Chesegíva ndoikomo’ãi pytũmbýpe, ha oguerekóta tesape hekovépe.”3 Apensa upe noche santa Ha’e onase haguépe, henyhẽva gratitud, vy’a don, esperanza ha Túva mborayhúre oñemboúva yvy ári Ita’ýra Unigénito-pe.4
Ãichagua meditación pytu’u ha reflexión moménto ikatu nameméi jareko Navida mboyve. Diciembre ogueru fiesta ha concierto, ñembyaty ha regalo-kuéra. Umi horario henyhẽte ha, sapy’ánte, umi expectativa ñañemoĩva añetehápe oipe’a ko temporada vy’a ombotuicha rãngue.
Upéicharõ umi presidente Nelson mbo’epy ivital: “Pe vy’a ñañandúva sa’i oguereko relación umi mba’e ojehúvape ñande rekovépe, ha katu oguereko heta relación pe enfóke ñame’êvare ñande rekovépe. Ñasentra ramo ñande rekove Tupã plan de salvacion….ha Jesucrísto ha iñevangélio-pe, ikatu ñañandu góso, opa mba’e oikórô térâ oiko’ỹramo ñande rekovépe. Pe Vy’a ou Chugui, ha Hese rupive… Ha’e ningo ha’e opa vy’apavẽ fuente5
Kóva ha’e pe ocasión iporãvéva ñakonsidera hağua ñembo’e reheve, ñane enfóke. Mba’épa umi esperanza ko temporada navideña-pe ğuarã? Mba’épa umi pende potapy añete peẽ ha pende rayhuhakuérape ğuarã peñembyatývo upe ára isagradovévape?
Mokõi semana y media-pe, oğuahẽta Navida ára. Pehechami perekóva pene calendario-pe umi mokõi semana y media oğuahẽtavape ğuarã. Ikatu peñeñandu abrumado hetaiterei compromiso ha opa umi mba’e pejapova’erãre. Pene agenda-pa henyhẽte? Umi tradicion ha presion culturales-pa ogueru peẽme estrés tuichaite ha ndohejái pemoğuahẽ ha pehechauka vy’a Cristo onase haguére? Mba’éichapa ikatu pembovevýi pene calendario ko Navida-pe ha peplanifika porãve oútavape ğuarã?
Ñañangarekova’erã ani ñane rembiapo heta ha ñanekane’õ jajapóvo hetaiterei mba’e ha ani ñamokañy pe temporada fóko ha ndaikatúi ñañesŭ figurativamente pesebre renondépe, ja’adorávo pe Rey onase ramóvape ha jagueru chupe ñande regalo personal.
Sy imitãva, ha opavave ñande, ñaimépa abrumado? Moõ oĩ ñane enfóke? Ikatu ko áñope napeguerahaukái tarjeta de Navida, térã peheja oimehaichagua expectativa oúva medio-gui peguerekóva pendejehegui Pe costo taha’e tiempo térã pirapirépe oipe’áta pendehegui kapasida peñekonsentra hağua Salvador-re ha peñandu vy’a navidéño.
Tuvakuéra imitãva, ha opavave ñande, moõ oĩ ñane enfóke? Ikatu ko áño peguereko peteĩ Navida simplificada hetave regalo casero ha obsequio de servicio-re, upe presión ha kósto ñañeha’ãvo jajogua tuichaitereigui —ha oñeikoteve’ỹva—, ha ohejátava peteĩ parte pende kapacida peñekonsentra hağua Salvador-re ha peñandu Ipy’aguapy navidéño.
Pe servicio templo-pe Navida aja ikatu especialmente isignificativo. Pe templo omyatyrõ ñane enfóke, omongakuaa ñande vy’a ha ombojoaju umi familia-kuéra ko’a ha ambue vélo lado gotyo. Pekonsidera peme’ẽ servicio templo-pe ambue actividad navideña rãngue ikatúva ndahi’útil upe Navida apacible perekosévape ğuarã. Umi ordenanza sagrada—py’aguapy ha sacerdocio poder ha’ekuéra oguerekóva opavave umi ovalorávape ğuarã—, ikatúnte ojehupyty Túva Ra’y Unigénito rupi, upe “Cordero oñeinmolava’ekue mundo ñepyrŭ guie”6inacimiento ñanemandu’ávare ko’áğa.
Hi’ağuivo ko Navida, jajapo hetave o’importávagui ha sa’ive o’importa’ỹvagui. Jajapo tembiapo Jesús de Nazaret ojapóva— ñamopu’ã umi oiko’asývape, ñamonguera umi ikorasõ oñekebrantáva, jaha jahecha umi oñenkarselávape, ñamongaru iñembyahýivape, ñamonde ijopívova ha ñañe’ẽ umi oñe’ẽ’ỹvare, umi marginado, oñembyesaráiva ha ojedespresiávare.7
Umi oĩvape ğuarã encrisis ko Navidápe, añembo’e pejuhu hağua upe Salvador obsequio de amor ha’éva peẽme ğuarãite. Heta oĩ, ko momento pa’ŭme operdévo umi ohayhúvape mba’asy rupi, vejez térã accidente vaígui. Heta oĩ imandu’áva umi pérdida ojehuva’ekue Navida ohasava’ekuépe, ha kóva ha’éta peteĩ aniversario hasýva peẽme ğuarã. Oĩ ombyasýva umi decisiones ojapyhyva’ekue umi ohayhúva. Ambue katu ha’eño, familia’ỹre, ohasáva confusión, térã oimeraẽva mba’ére ombohováitava peteĩ Navida iñambuéva áño ohasava’ekuégui.
Perovia oĩha peteĩ regalo particular peẽme ğuarã ko temporada-pe. Peheka umi momento tranquilo ha ha’eñóva ikatuhápe perreflexiona, peñembo’e ha peñandu pe amorosa bondad Upe Inacimiento ohupytykáva opáichagua vy’a opáichagua tekove ikatúvape. Pe promesa ha’e peteĩ ára, “opa tesay ha ndaiporimo’ãvéi ñemano, ha ndaiporimo’ãvéi jejahe’o, ha jerure’asy ha mba’e’asy”8 naiñembyahyvéima, ni ndahi’y’uhéimo’avéima. … Pe Tupã Ovecha ra’y, oĩva guapyha mbytépe, oñangarekóta hesekuéra, ha ogueraháta chupekuéra yvukuéra oikovéva gotyo, ha Tupã omokãta umi hesay.”9
Pejapyhy ára pepyta hağua, perrespira, peñemaravilla. Jeheka Peñekonsentra Ñandejára don tuichaitépe: peikuaávo mávapa añete peẽ ha pe entendimiento umi prueba-kuéra sapy’aite ğuarãnteha ha pe vy’a ko tekovépe ha’eha pe vy’a ñepyrŭnte oútava. Penemandu’a, “Pe vy’a ñañandúva ndoguerekói hetaiterei relación umi mba’e ojehúvare ñande rekovépe, ha katu oguereko heta relación pe enfóke jarekóva ñande rekovépe.
“Ha ko’ág̃a, che ha’ese peẽme peheka hag̃ua ko Jesús, profetakuéra ha apóstol-kuéra ohai haguégui, Tupã pe Túva grásia, ha avei Ñandejára Jesucristo, ha Espíritu Santo, ome’ẽva testimónio umívagui, toĩ ha topyta pendepype tapiaite peve.”10 Ikatuhaĝuáicha ja’e, “Heẽ, Ñandejára, rovy’a ne nacimiento rehe. Oh, eju, ja’adora Chupe.”11
Jesucristo rérape, Amén.