Pe Evangelio py’aguapy rehegua
Ko époka navidéñape, opa pe mundo cristiano ocelebra Jesucristo nacimiento, pe “Príncipe de Paz”. Opavave javy’a anuncio ojapova’ekuére pe ángel upe nacimiento rehe:
“Ko árape onace kuri, David ciudad-pe, peteĩ Salvador, ha’eva CRISTO el Señor.…
“Ha oaparece sapy’a pe ángel ndive peteĩ multitud umi huestes celestiales, otupãitúva Tupãme he’ívo,
“Gloria a Dios en las alturas, y en la tierra paz, buena voluntad para con los hombres.”1
Peteĩ ejemplo porã mba’éichapa cristianokuéra omomorã pe Salvador-pe ha’e umi Charles Dickens ñe’ẽnguéra ohaiva’ekue ita’yrakuérape:
“Che ra’ykuéra pohayhuetéva, aĩ ansioso peẽ peikuaa haĝua algo Jesucristo Historia-gui. opavave ko mundo-pe oikuaava’erãgui Chugui. Araka’eve ndoikoiva’ekue, máva iguenovéva, ipy’aporã, idulce ha oñembyasyvéva opavave umi hénte ojapovaiva’ekue rehe.”
Upéva ha’ékuri Dickens introducción. ha kóva reheve ombopaha:
“Penemandu’áke! – Cristianismo ha’e Jajapo iporãva tapiaite – jepe umi ojapovaívape ñanderehe. Cristianismo ha’e jahayhu ñande rapichápe ñandejupéicha, ha jatrata opavavépe jaipotaháicha ñandetrata ñandéve. Cristiano ha’e ñane’amable, misricordioso ha jaiporiahuvereko, ha ñañongatu umi cualidades ñane korasõme, ha araka’eve jaje’alaba umívagui, ni ñane ñembo’e ni ñane mborayhu Tupã rehe, ha katu akoiete jahechauka jahayhuha Chupe ñañeha’ãvo humildemente jajapo porã opa mba’épe Jajaporõ upéva, ha nañanderesarái Ñandejára Jesucristo rekove ha rekombo’égui, ha jaheka ja’actua umíva rehe, ñaha’arõkuaa confiadamente Tupã operdonataha ñane angaipa ha jejavykuéra, ha ohejáta jaikove ha ñamano py’aguapýpe.”2
Ohaihaguéicha Dickens, “Ñandejára Jesucristo rekove ha…hekombo’ekuéra” ñandegueraha py’aguapýpe Apóstol Pablo ohenói ñande Salvador rekombo’ekuérape pe “evangelio de paz.”3
Escriturakuérape, upe ñe’ẽ paz/py’aguapy oguereko heta signifikádo diferente. Jesús he’ívo: “Py’aguapy peẽmeg̃uarã”, ojogua odescribiha pe py’aguapy he’ilája profeta Isaias: “Ha pe tekojoja efecto ha’éta py’aguapy; ha pe tekojoja resultado ha’éta pytu’u ha segurida tapiaite ĝuarã.”4 Pe Salvador okumpli upe profesía. Ha’e omyesakã: “Ko´ã mba´e ha´e peẽme peguereko haguã py´aguapy chepype.”5
Imomarandu pahápe, Ñandejára Jesucristo he’i Ijapostolkuérape: “Py’aguapy aheja peẽme, che py’aguapy ame’ẽ; ndaha’éi katu pe py’aguapy yvy arigua ome’ẽva, Upévare anítei pene korasõ oñemondýi ni peneangekóitei.”6
Uperiremi, Ivisita umi hekojojávape ko mundo pyahúpe, pe Salvador osita Isaias ñe’ẽnguéra: “Ha mayma nde ra’ykuéra oñemo’arandúta Ñandejára rupi; ha tuicháta nde ra’ykuéra py’aguapyva’erã.”7
Pe Salvador ombo’eva’ekue py’aguapy rehe peteĩ persona rekovépe ojeipuru avei peteĩ familia py’aguapýpe, peteĩ tetã ha opa yvóra py’aguapýpe.
Pe Salvador ha Ijapostolkuéra ndoguerekóikuri peteĩ programa paz mundial-pe ĝuarã ndaha’éirõ pe tekojoja individual. Noñemoĩri hikuái Roma gobierno rehe, ni umi itirano local-kuéra régimen rehe. Opredika hikuái pe tekojoja individual ha ombo’e Tupã ta’yrakuéra ohayhuva’erãha ihayhu’ỹhakuérape8 ha “oikova’erã py’aguapýpe opavave yvypóra ndive.”9
Guerra ha ñorairõ ha’e aña resultado; py’aguapy ha’e tekojoja resultado. Umi evangelio jehovasa ha’e universal, ha avei ha’e upe fórmula py’aguapyrã: ñañongatu Tupã mandamientokuéra.
Presidente Howard W. Hunter ombo’e:
“Py’aguapy pe mundo oipotáva ha’e peteĩ tiempo opahápe umi ñorairõ; ha katu yvypóra nontendéi py’aguapy ha’eha peteĩ estado ko tekovépe oĝuahẽhápe peteĩ yvypóra Tupã termino ha condición-kuéra guýpe mante, ha ndaipóri ambuéicha…
“…Ñamañarõ yvypórare ha tape oseguíva ko mundo, jahecha conmoción ha confusión. Jajererõnte Tupãme, jajuhúta py’aguapy pe ánga inquieta-pe ĝuarã…
“Upe py’aguapy ñanemo’ã pe conmoción mundano-gui.”10
Revelación ko’aĝaguápe jalee: “Pe’aprende, porãve, ojapóva tembiapo ijojáva ohupytýta igalardon, heẽ, py’aguapy ko mundo-pe, ha vida eterna pe mundo oúvape.”11
Py’aguapy ha’e ñande Salvador promesa, ha py’aguapy ha’e ñane meta. Upe py’aguapy oñeprometéva ha’e pe sensación ñeimeporã ha serenida rehegua oúva ñañongatúvo Imandamientokuéra. Presidente Spencer W. Kimball he’i:
“Py’aguapy ha’e tekojoja yva. Ndaikatúi jajogua pirapire reheve ha ndaikatúi ñakambia ni ña’interkambia. Ñaganava’erã.”12 Japurahéi, “He’ẽ pe py’aguapy Evangelio ome’ẽva,”13 ha ambue himno guasúpe japurahei ko ñembo’e ipuporãva:
“Toĩ py’aguapy yvy ári
Ha toñepyrũ chendive.”14
Ndaikatúi jaguereko py’aguapy tetã apytépe ndajahupytýirõ peteĩ tekojoja general umi hentekuéra apytépe oformáva parte umí tetãgui. Segunda guerra mundial añokuéra hasýpe, élder Elder John A. Widtsoe ombo’e kóva:
“Únika forma ñamopu’ã haĝua peteĩ comunidad pacífica ha’e ñamopu’ãvo kuimba’e ha kuñaguéra ohayhúva ha ojapóva py’aguapy. Opavave persona, Cristo ha Itupao doctrina rupi oreko ipópe ko mundo py’aguapy.
“Upéva ojapo chehegui responsable ko mundo py’aguapy rehe, ha ojapo peteĩ teĩ peẽme responsable ko mundo py’aguapy rehe. Pe responsabilida ndaikatúi ñambohasa ambue persona-pe.”15
Oiméne treinta áño rire, ambue tupaogua Autoridad General, Eldred G. Smith, ombo’e upe añeteguaite:
“Cada persona oguerekórõ py’aguapy hi’ángape, upeicharõ oĩta py’aguapy familia-kuérape. Oĩrõ py’aguapy cada familia-pe, upeicharõ oĩta py’aguapy pe tetãme. Oĩrõ py’aguapy tetãnguérape, oĩ py’aguapy ko mundo-pe.
“Ani japurahéi reínte ‘Ndaiporirõ py’aguapy ko’ápe, chendive oñepyrũva’erã’, ha katu ja’e añetehápe. Taha’e upéva che meta— ha pene meta.”16
Ojapo 30 áño rupi, peteĩ historia navideña chegustavéva ojepublika. Deseret News-pe Omombe’u peteĩ mitãkuña’igui orekóva once áño ha mba’épa o’aprende ha’e ipy’arasyrupi ndorrecivihaguére peteĩ regalo ha’e oipotáva, ha ipy’aguapy o’aprendévo mba’épa he’ise upe jacelebráva umi regalo de Navidad reheve. Amombe’úta especialmente umi mitã ha mitãrusu oĩva ñande apytépe ĝuarã.
Peteĩ mitãkuña’i once áño orekóva oñelamenta ndorrecivihaguére pe muñeca pyahu ha’e oipotava’ekue heta ára aja.
Oñeha’ãvo oconsola haĝua chupe, isy he’i: “Ndetuichaléntoma rehuga haĝua umi mba’e reheve.” ”¿Añetehápe piko tuichaitereíma ocelebra haĝua pe Navida? Oñeporandu imembykuña. Itúva omohesakã chupe:
“Che rajymi rohayhuetéva. Oĩ hetaite ñembyasy ha vy’a jakakuaávo. Nahániri, che rajy, ndaha’éi ndetuichaitereiha recelebra haĝua Navida. Peteĩ mba’e iñimportantevéva ojehu hína nendéve. Rekakuaa hína ha reñeme’ẽma encuenta heta mba’e orekoha signifikádo iprofundo ha isignifikativovéva ikatúvagui rekomprende nemichĩrõguare. … Rehendúkuri ñame’ẽha regalos de Navidad umi pastores ha reyes magos ogueraha haguére regalokuéra Niño Jesús-pe, ha katu ehejami tamombe’u ndéve pe peteĩha regalo de Navidad añetévagui”.
Itúva uperõ otestifika pe mborayhu tuicha ñande Ru Yvagagua oguerekóva Ita’ýra ypykue rehe, “hekojojava’ekue heta problema ha rebelión rupive ha jepe oipytyvõva’ekue chupe ojapo haĝua ko mundo jaikohápe.” Omombe’u chupe mba’éichapa ñande Ru Yvagagua ome’ẽ ñandéve upe Ita’ýra, Ñandejára Jesucristo, ha’e haĝua ñande Salvador.
Omoñe’ẽ Mormón Kuatiañe’ẽme mba’éicha upe Ta’ýra “oguejytaha yvágagui yvyporakuéra ra’y apytépe; ha oikóta peteĩ tete yvyguiguápe… Ha péina ápe, haʼe ohasáta pyʼaraʼã, ha tete rasy, ñembyahýi, yʼuhéi, ha kaneʼõ, tuichavéva yvypóra ikatúvagui ohasa, omanoʼỹre; ha péina ápe, tuguy osẽta opa ipirekua rupi, tuichaitereíta ijehasaʼasy itavayguakuéra rekoñaña ha rembiapovaíre. Ha hérata Jesucristo, Tupã raʼy, Túva yvága ha yvypegua, ” (Mosiah 3:5, 7–8).
Ombotývo pe kuatiañe’ẽ pe túva omyesakã:
“Ñande Ru Yvagagua oikuaarõ jepe Ita’ýra Ohayhuetéva ohasataha umi mba’e rupive, Ha’e, Imborayhu ha arandu infinito-pe, ome’ẽ chupe ko mundo-pe. Ha pe mokõiha parte upe regalo hechapyrãvape ha’e Cristo, pe Ta’ýra, oikuaávo avei opa umi mba’e, oñeme’ẽ voluntariamente ikatuhaĝuáicha jahupyty vida eterna.”
Áño tardeve, upe mitãkuña’i okakuaava’ekue ha oiko chugui peteĩ mitãkuña, ohai:
“Upéva ha’ékuri peteĩha Navida pyhare chemandu’áva ndahaihague ake che muñeca de Navidad pyahu reheve che almohada ári. Ha katu aguereko algo iporãvéva. Che korasõme oĩ peteĩ py’aguapy pyahu ha emocionante. Ajuhúkuri peteĩ regalo ndojegastamo’ãi ni nokañymo’ãiva, peteĩ aguerekokuaáva tapiaite ĝuarã, jepe che eda, ha katu peteĩ, añangarekova’erãre Tupã pytyvõ reheve… Ha añembo’e…algún dia aguereko haĝua membykuéra teéva, ha upéramo aikuaapa haĝua upe Regalo de Amor.”17
Ambopaha presidente Russell M. Nelson rekombo’e reheve ome’ẽva’ekue áño pasado Primera Presidencia Navidagua Devocional-pe: “Jesucristo ha’e pe Tupã don trascendente, pe Túva don opavave Ita’yrakuérape ĝuarã.”18
“Peichaite ohayhu Tupã ko mundope ome’ẽva’ekue jepeve Ita Unigénito, opavave ojeroviáva Hese ani haĝua oñehundi, ha katu toguereko vida eterna.”19
Añembo’e upe verdad eterna toforma parte opaite jajapóvagui ko temporada navidéñape, Jesucristo rérape. Amén.