Umi Sueño pyharegua
Primera Presidencia Navidagua Devocional 2020-pe
Domingo, Diciembre 6, 2020-pe.
Upe jere ha’ékuri peteĩ ipy’aguapyvéva rehegua naturalésa ikatúva ome’ẽ: pyhare og̃uahẽpotávo primavera ñepyrũme. Yvága ipotĩ, mbyja osẽvo ñepyrũrã decena-re, upéi ciento-re ha ipahápe miles-re. Ñúme, umi pastor ojuhu pytu’u ára haku ha mba’apo honrado kane’õgui. Upe escena pastoral-pe, pe úniko elemento iñextráñova, ha katu upe jave avei iporãitereíva, oĩkuri peteĩ establo-pe, pe yvyty yképe hi’ag̃uivéva távagui oĩháme mokõi yvypóra ojayvýva peteĩ mitãmi ári oñenóva peteĩ pesebre-pe, pokã mymba rehevente ha’éva testigo upe maravilla-gui ohechava’ekue hikuái.
Umi mbohapy ndojuhúi’akue angirũ ni omog̃uahẽseva chupekuéra pe táva Belén-pe ha’ékuri, peteĩha, peteĩ sy virgen iporãva hérava Maria (oiméne oĩva hína kuri pe voi térã mediana adolescencia-pe, umi epokagua jepokuaa oĩrõkuri vigente), ipy’aguasu ha ijerovia ojehechakuaáva oporosorprende mba’evéicha ojehaíva umi escritura-pe. Mokõiha, iména, hérava José, itujave hembirekógui, ha katu, oiméne ha’e kuimba’e hekojojavéva yvy ári omongakuaa hag̃ua peteĩ mitã ndaha’éiva José ta’ýra físico, ha katu peteĩ mitã, hekove pahápe ha’étava José túva espiritual. Pe mbohapyha, pe ipaháva ha iporãvéva opavavégui: pe mitãmi hératava Jesús, oñenóva pañal-pe pe kapi’ipe ári ipotĩvéva peteĩ túva ojepy’apyetéva ikatúva ombyaty.
Peteĩ ironía upe escena itrankílo ha ojeikuaa’ỹva oñomíva ha’e ndaiporihague araka’eve peteĩ mitãmi onaseva’ekue ojeikuaavévagui, ojehaivéva ha oñeha’arõvévagui. Añetehápe, ¡pe mávapa ha mba’épa Ha’e kuaapy oñepyrũkuri yvága rréinope avave onase mboyve! Pe Túva Primogénito ramo1 mundo de los espiritus-pe, Ha’e oñehenói ha’e hag̃ua pe Salvador del mundo,2 oñepreordena ha’e hag̃ua pe “Cordero oñe’inmolava’ekue mundo ñepyrũmby guive.”3 Tardeve, ha katu Inasimiento mboyve, Ha’e ha’éta pe tuicha Jehová Antiguo Testamento-gua, oipytyvõtava Noé-pe osalva hag̃ua ifamíliape inundación árape4 ha ohechátava José-pe osalvarõ ifamíliape ñembyahýi árape.5 Ha’e ha’éta pe magistral Jehová umi Héra oinkluítava “Ojehecharamóva, Mbo’ehára Imombe’upyrãva, Tupã Imbaretéva, Padre Eterno, Py’aguapy Reruha.”6 Ha’e ha’étakuri pe Alfa ha Omega7pe tuicha plan de misericordia-pe ipahápe “oguerú[ta] marandu porã opavave umi ipy’amirîvape […]; [oja]ho’ita opa umi ikorasõ quebrantadovápe […], omomarandútava ñemosãso umi oñeñapytĩvape, ha oipe’ata ka’irãi rokẽ umi oĩva cautivo-pe.”8
Okumpli hag̃ua kóva, Ha’e opyrũta pe lagar redención total rehegua ha’eñomi, peteĩ kompañero terrenal’ỹre oipytyvõtava Chupe, ni peteĩ kompañero celestial ikatúva oipytyvõ. Ogueropu’akávo opa umi angaipa ha ñembyasy mortalida rehegua, Ha’e oguerútakuri pe salvación don oñeimo’ã’ỹva opa yvypóra familiakuérape, Adán guive mundo paha peve. Opa Ije’ói pukukue aja Ha’e ha’éta pe “[ñane] ánga Pastor ha Obispo,”9, pe Sumo Sacerdote guasu ñane profesiõ rehegua,”10 pe “opa tekojoja fuente” osyrymeméva.”11 Opa umi mortalida rembiapo ha remikotevẽ oñekumpliva’erã gueteri. Ha katu ko pyharépe nahániri. nahániri ko pyharépe. Upépe Ha’e ha’énte peteĩ mitãmi isy ohayhuetéva jyvápe, oñemo’ãva peteĩ túva ikyrỹi ha imbaretéva rehe.
Pya’e ou umi pastor osimbolisávo pe imirĩvéva umi activida temporal apytépe, ha umi kuimba’e ha hembiapo imboriahuvévape. Upéi, ou umi Reyes Magos oriente-gui, osimbolisávo umi logro temporal ijyvatevéva ha umi kuimba’e ha hembiapo irrikovévape. Opa mba’e ári, literalmente opa mba’e ári, ou umi ánhel opurahéivo “Toñemomba’eguasu Tupã Yvágape,”12 peteĩ multitu upe hueste celestial rehegua omomorãva ko mitãmíme ouva’ekue ipahápe ko yvy ári. Añetehápe, umi ánhel omarka siglo aja pe tape upe pesebre gotyo. Ramoiteve peteĩ ánhel oúkuri Maria rendápe omombe’u hag̃ua chupe pe momarandu glorioso ojeiporavova’ekuegui ojapo hag̃ua ha pe máva ojeiporavova’ekue ha’e hag̃ua.13 Peteĩ ánhel oúkuri José-pe ombopy’aguasu hag̃ua chupe omenda hag̃ua upe mitãkuña ndie misteriosamente hyeguasúmava, tembiapoukapy ha’e pya’e iñe’endútava jeroviarekópe.14 Pe nasimiento rire, peteĩ ánhel he’i upe pareha imitãvape okañy hag̃ua upe ha’étavakuri umi mitãnguera jejuka Herodes ojapoukátava (umi mitã michĩva ha’eva’ekue umi mártir cristiano peteĩha Nuevo Testamento-gua.) ha upe ánhel-ete he’i upe paréhape araka’e ikatu ou jey Egipto-gui, opyta hag̃ua Nazaret mombyrýpe opyta rangue Belén térã Jerusalén-pe.15 Ojehechakuaaháicha, umi ánhel yvagagua oikuaa hetave umi yvypóragui mba’épa he’ise upe nasimiento ha mba’épa ha’e upe mitãmi misiõ, “[ogueraha hag̃ua] ñane mba’asykuéra ha [ohasa’asy] ñane ñembyasy, [ojeikutúta] ñande japyhara rehe [ha] oñeinupãta ñane rembiapovai rupi , ogueraháta Hi’ári ñande py’aguapy jehavira, ha Ijeikutu rupive ñañemonguera [hag̃ua].”16
Chéve g̃uarã personalmente, opa umi mba’e oikohague pyharekue, upe periodo ñane musculo-kuéra ojerrelaha ha ñamombytu’uha ñane kane’o, umi ñembo’e oje’ehápe, revelasiõ oñeha’arõ jave ha umi seres divino hi’aĝuivévaicha jepi. Ha peteĩ jave peteĩ arýpe, pyharekue ha’e umi mitã apena ikatuhápe omboty hesa ovy’aitereígui oikuaávo upe pyharevépe ha’etaha Navida. Hasýrõkuri jepe upe ára, ñande sueño pyharegua ikatu omoĩporã opa mba’e. Elder Parley P. Pratt ohai hagueicha peteĩ jave:
“Tupã orrevela heta moarandu iñimportánteva … sueño-kuéra rupive. … [Upérõ] umi nervio [oĩ] desencajado, ha opa pe humanida mortal oĩ kirirĩháme peteĩ [sueño trankílope, ha]…umi órgano espiritual… oñemongeta pe Deida ndive, anhelkuéra [ndie], ha umi yvypóra espíritu oñemoĩporãmba [ndie].”17
Ha ha’ékuri ko pyhare hechapyrãitévape añetehápe, “umi esperanza ha kyhyje opa ára rehegua”18 oñekumpli umi Belén sueño-pe.
Upe pyharépe [pe] Judea-gua yvágape
pe estrella mística ome’ẽ jave hesape,
peteĩ ciego [omýi] jave oke aja,
Ha osoña ohecha[ha].
Upe pyharépe ohendu vove pastor-kuéra upe son
umi hueste anhelical hi’ag̃uívagui,
peteĩ kuimba’e ohendu’ỹva oñemomýi pe sueño hechizo-pe,
Ha osoña ikatu[ha] ohendu.
Upe pyharépe pe establo-pe
oke aja [kyrirĩháme] pe Mitã ha isy,
peteĩ [kuimba’e] lisiado ombojere umi imiembro ojepokáva,
Osoñávo ikatu[ha] oguata.
Upe pyharépe upe mitãmi onaseramóva ári
ojaivy jave pe tierna María,
Peteĩ leproso iky’áva opukavy oke aja
Ha osoña ipotĩ[ha].
Upe pyharépe, ojekóvo isy pyti’a rehe,
upe Rey michĩmiva oñemo’ã porãkuri;
peteĩ kuña pekadóra ovy’a okévo,
Ha osoña ipura[ha].
Upe pyharépe oĩ aja pesebre-pe
upe Santifikádo, ou’akue osalva hag̃ua,
peteĩ kuimba’e oñemomýi ñemano sueño-pe,
Ha osoña ndaiporiha ñeñotỹha.19
Aheja peẽme, che regalo de Navida ramo, upe Belén-gua sueño. Ha péva ajapo pe mitãmi ojapóva opaite umi sueño-gui toiko realida, jepe Ñandejára Jesucristo rérape. Amén