Tł’ée’go Ndajiiyeeł
2020 Átsé Alą́ąjį’ Naat’áanii Késhmish Yá Dahodísin
Damǫ́ǫ, Niłch’itsoh 6, 2020
Hoo’a’gi ayóó hóozyeel hazlį́į́’, shį́ bii’ tł’éé’ hazlíí’. Wot’ááh doo siláhi da, sǫ’ naaznáá níjaa’ hahákaah, áádoo neeznádiinó, dóó honáasii’ dimíil yázhígo. Nda’niłkaadíi dóó dabidibé naakáidi bidi’díingo yik’ee bííh nidaach’ííh dóó yíndaanish yąąh niikáigo. T’ááła’í łahgi át’é—ndi ayóó yá’át’éehgo—ákwe’é dah yisk’idgi hodootł’izhgo naaldloosh bá kin si’ą́ kintah bitsíidi, naaki hinánii éiyá bii’ álchozh yee’ ałhíiłghah jíizkéego awéé’ bii’ ałchózhí yii’ sitį́įgi jinéł’į́, naaldloosh t’áá dikwíhígo ałch’į’ naazínii dabiinááł.
Díidí táa’go, éí doo yik’ínyáhi da bik’is doodáo bik’éí Bethlehemgi bii’ ałk’ínjikáo, lah, áłtsé, ła’ nizhóníi dóó ch’ikęęh t’ah hastįį bee haléehii Mary amá wolyé (daats’í éí ánii naagháh doodáo ts’áadah yiih níisą́ǫ jó íidáá’ bibe’áda’al’į́ bik’eh), éí ha’ólnóo dóó aa hanéehee’ oodląníi ayóó at’áo ałdó’ saa dadiyiníi biyi’ ńdahéesdzo. Naakíi, báhastįį Joseph wolyé, be’asdzáá ánii naagháii yiláago bináahai ndi, bee béého’dílzin, bí shį́į́ hastįį agháago nahasdzáagi awéé’ yidinóosełíí yinéel’ą́ǫ eíí doo biye’ dagóó ndi awéé’ yee’, hináo, Joseph ii’sizį́ k’ehgo bizhé’é silį́į́’. Tą́’íi, akéedi, dóó agháo ayóó ánóolnin, awéé’ bee yééji’ Jesus, éé’ níilkaadgo yik’ih sitį́ tł’óh chin bąąh ádiníi azhé’é ałhíyiyíiłjool.
Ła’ díí doo íits’a’gi bee baa’óodló, t’áá haz’ą́ baa nahane’í eíí awéé’ doo ła’ yizhchínii t’áá íídáá’ aláahgo baa ééhózin, éí aláago íidoolíłii baa ak’e’éshchį́, éí agháo t’áá iidáá’ bił nawódlí. Ts’ídá lá, éí baa ééhózin dóó ha’íí Bí nilį́į yee’ yá’ąąsh biyi’di bił hahóoyá a’dóó háiida ła’ bi’dichíhę́ędą́ą́’! Ataa’ áłtsé bá yizhchíinii1 ii’náazį́į binahasdzáán bii’dí, Bí áadi nihokáá’ dine’é biYisdá’iiníiłii dooléełgo bik’ih hodíinii’,2 “nahasdzáán niit’ą́ą́dę́ę́’ Dibé Yázhí seesyį́ nilíinii” biká bi’doozį́į́’.3 Náasdi, ndi t’ahdoo yiyíígóó, Bí Aha’deet’ą́ Sąní yii’ Jehóvah ayóó át’éii, Noah índa ba’áłchíní tó yiląąd yii’ ch’íini’eezh4 dóó Joseph índa haayáádoo dichin hazlíí’ yii’ ch’íini’eezh.5 Bí Jehóvah ayóó at’éii yee’ bee dawójíhíi “Ayóó’át’éego Kót’é Níinii, Diyin God Ayóó’ábóodziilii, Hool’áágóó aTaa’ Nilíinii, Hózhǫ́ǫ́jí Yinant’áii.”6 Bí yee’ Álfa áádóó Oméga, bee hodeezt’i’ii7 aa hojóoba’ ayóó at’éii bináhat’a’ yii’ éí náasjį’ “badahojoobá’íii éí hane’ yá’át’éehii bee bił dahashne’ doo; … bijéí daneezgaígíí hasht’éédadeeshdlííł, … daasnáanii éí béédahididoochiłígíí bee bił dahashne’ doo … áádóó bida’astł’óonii awáalyaadóó bá ąą dadidootį́įł…”8
Ye’doolíiłgo díí Bí t’áá sáhí yii’ hadiiyá ak’eh nina’ídléh dóó t’áá bí t’éiyá, doo ła’ bits’íís hólóníi ła’jį’ biká éelwo da dóó doo ła’ yá’ąąshdę́ę́’ ndi. Ałtso ats’íís k’ehjí da’asdzííh dóó yiníił yił at’éego Bí doo bik’i’dootá’íi yee áhooł’a’ yisdáá’adááh yéiidini’ą́ Adamdoo dahazlí’ii nléí nihokáá’ bił nihoniyáajį’. Bí ni’níłdįįjį’jį’ dóó hool’áo, Bí “Na’niłkaadii éí nihii’ naazíinii yaa áhályáanii” nilį́,9 na’nitin woodláanii bihidiikaígíí yiniyé … yá aláahgo náá’iiłniihii” nilį́,10 tó níik’e háálį́į ałtso t’áá ákogi at’éii nilį́.”11 Díí ałtso ats’íís bii’ ádoonííł ńt’éé. Ndi doo tł’ée’go da. Doo díí tł’ée’go da. Kwii bí t’óó akwéé’ nilį́įgo bimá ayóó abó’nóo dah boołtééł, azhé’é ba’át’e’ ádiníi dóó bitse’íi bik’ih déez’į́į’.
Eíidí nda’niłkáadii nihokáá’ da’ayáhii yá yíkai, hastóí doo da’at’ínii dóó adá nidaalníshii. Aláadi naat’áanii nehéeskai, hastói dahóyą́níi ha’a’áádę́ę́’, bee ééhodoozįįł da’aláhíi ats’íís yee áda’iilaa dóó diné ayóó da’ at’į́į dóó yíndaashnishíi. Ałtso aláhii—ááníi ałtso da’aláhíi--diyin yá ndáal’a’í dahatáałgo yíkai “Diyin God aláadii bich’į’ ayóó at’é,”12 ła’ łą́ągo díí diyingo yáá dahaníihii awéé yázhí índa nahasdzáá yikáá’ niyá. Diyin yá ndáal’a’í ga’, ts’ídá, damíil yázhí náákaidáá’ díí bii’ alchozhí yá hasht’eh dahóolaa. Diyin yá náal’a’í Mary yaa niyáo ayóó anóolniníi yił ch’íini’ą́ ha’íí biká bik’ih hódiiníi’ii dóó bik’ih hódiiníi’iigo doolééł.13 Diyin yá náal’a’í Joseph yaa niyáo ha’íinilníigo díí ch’ę́ęh bił ahaadíit’ashii t’áá iidáá’ awéé’ ła’ yi’níiltsą́ą́d, bee ha’oodzí’ii éiyá yoodláago yich’į’ ńdii’na’go ye’íilaa.14 Azhchį́ bik’ijį’, diyin yá náal’a’í ánii naa’áásh ahidii’ázhii nóohchééł Herod áłchíní yázhí yi’niighą́’ii bąą (eíidi áłchíní yázhí áłtsé Christ yá ndabi’dizts’ééd), dóó diyin yá náal’a’í ahidii’ázhii háhgo Egyptdę́ę́’ nidóot’ash yił ní ndi doo Bethlehamgi doodáo Jerúsalemgi ndóonéeł da ndi nléí Nazarethdi ní.15 Áá hanéehee’, diyin yá ndáal’a’í yá’ąąsh biyi’di dine’é bits’íís dahólónii yiláago díí izhchį́ bikáii bił béédahózin dóó díí awéé’ ła yidoolíłii, la’éí “yínííł nihide át’éii áádóó yínííł nihá [ńdizhdooyééł], … nihibąąhági át’éii biniinaa hadił hąąh deeshchii’ [doo]; [dóó] ákwii ádeiit’įįdii biniinaa [tízhdidoonííł]; ach’į’ hózhǫ́ nihee hodooleeł biniyé nihá [atíhodi’doolnííł], índa hak’i nidzisk’ą́ dzizlį́’ígíí bee [nídadiidzih].”16
Shí doo shágo, éí doo ládó’ da eíí díí ałtso tł’éé’ biyi’ áhoot’įįd, áko nihe’íina’ bidóh ch’ééh deekáigo daneejéé’ dóó ndánhiiłná dadíiyiłgo, sodizin bee ha’íidzihgo, íishją́ ił’ádaal’į́ ndawółí dóó diyin dine’é ayígóó nidáakai shį́į́ łíh. Dóó naháahgo, tł’ée’go áłchíní ch’ééh bináá’ ałch’į’ ádeilééh eíí yídanéedlįnii yiską́ą abínígo yaa ákodaníziníi Késhmish biyi’ ą́ą kódaadzaa ndahálin dadoolééł. Aoo’, ákondi yoołkáałjį’ ndahóntł’ah, tł’ée’go ndayiiyéełgo t’áá áłtsoní hasht’e daat’į́įh. T’áa Elder Parley P. Pratt łah nayíizoh:
“Diyin God íishją́ t’óó ahayóí yína’níłtin … na’iigééł yiniyá. … [Áko] ats’óos [hasht’e] dadit’éeh, dóó ał’ąą dine’é t’áá íits’a’í dánjah doo íits’a’góó [da’ałwosh, dóó] … ii’sizį́į nabíił’ná … Diyin yił yádaałti’, … Diyin yá ndáal’a’í, dóó dine’é bits’íís hadáałt’éí.”17
Dóó díí tł’éé’ éí át’é aaníí ákwe’é yáah hwíinzin, “ałtso ńdaahai bidaasíh dóó bińdahadzid”18 yee’ Bethlehem bínda’iigéeł yii’gi ałhíikai.
Eíí tł’ée’go Judeago k’os dabiyi’
Sǫ’ haayáii bee i’díiłdiin,
Hastįį doo oo’íi ałwoshgo hidés’náá’,
Dóó oo’íigo yaa nayíigeeł.
Eíí tł’ée’go nda’niłkeedíi sin deidiizts’ą́ą́’
Ahánóo diyin bá ndáal’a’í dadée’aahgo,
Hastįį doo adíits’a’íi sitíigi hidées’náá’,
Dóó adíits’a’go yaa nayíiyeeł.
Eíí tł’ée’go béégashii-sizíi góne’
Awéé’ dóó biMá [t’áá yáłti’í] ałwosh,
Ła’ bich’į́’ anáhóoti’ bits’íís k’ídeisdǫǫd,
Dóó hastįį yaa nayíiyeeł [naaghá silíi’go].
Eíí tł’ée’go Awéé’ ánii-yizhchíi bik’íh
Mary yaa yizídgo náás kódzaa,
Ła’ bilóód yasgi át’éii ałwoshgo ch’deeldlo’,
Dóó askii chin bąą ádingo yaa nayiigééł.
Eíí tł’ée’go biMá biyidgi
Aláadi naat’áanii yázhí dah yoołtééł,
Kin yęęh sizí ła’ bił hózhóo ałwosh,
Dóó asdzáá niłtólí silíi’go yaa nayiigééł.
Eíí tł’éé’ biyi’ tł’oh yikáá sitį́
Diyin ályáii, éí yidá’doolóos yiká niyá,
Hastįį ła’ ałwosh yii’ haa yóołgo,
Dóó łee’ii’níił ádingo yaa nayiigééł.19
Késhmish ashłeehgo Bethlehem biyi’dóó na’iigeeł nihaa nishnííł. Awéé’ éí na’iigeeł t’áá ałtso t’áá aaníí íílééh, Jesus Christ Bízhi’ Binahjį’ áshlééh, áamen.