Diyinjí Aa Hilyéii
Naat’áanii Russell M. Nelson Áyiilaa
Níłch’itsoh 6, 2020
Shik’is dóó shilah, díí hííłch’í nizóhnígo nihił hoolzizh. Nihiniłch’i’ dé’adaahdzaah, nizhónígo dah hoot’aal dóó saad bee hadáíídziid. Sister Craven nizhónígo nihijéí yideesnąąh yá’aashdę́ę́’ ajooba’ yaa hoolne’. Elder Nielson bizhe’é yaa hoolné, silaodí naaghaa táá’ binaahaago t’áá sahí Késhmish ná’ałleeh nt’ę́ę́’. Elder Holland nahadzáán yikaagi Yisda’iiníiłii bee iiná yaa hoolne’.
Ahéhee’ nihi dishní, shich’í adahoołaah, áhéhéé dah nosingo nihik’idhójidlí’ígíí baa dah hoołne’. Miil áneelą́ągo ádaa da hoolne’. T’áá kwííjí sodahdolzin, nihaa’ahalyá, dóó bik’ehgo yinaałígíí, dóó alaahda éí biYe’ Jesus Christ nihilah kaííyínilah.
Késhmish nizhónígo bee jilnįįh leh. Naahai yaadą́ą́’ Wendy dóó shí at’ééd yázhí Claire Crosby Késhmish sin yee hóótáál. “Light of the World“ bikaaniinil’ígíí baa hashne’.1
Naaki dimiil naahai yaadą́ą́’ Yisda’iiníiłii hodeesheel yee niyah diné yitahgóó dóó yá’át’ééhii yił niyah.2 Jesus Christ diné t’áá ałtso yik’idholídligo yiniyéh niyah, k’ad, dóó naasgóó ooch’ííłígíí ałdó.
Azhá sin, “Dóó Ííts’a’ída,“ bee dahwíít’aałgo nihił bee hózin Awéé’ Bethlehemdi yich’í dóó Calvarydi doo bee iiná ninití dah. Yá’aashdí bikíhódiiniid, biZhe’é diné bá Yisda’iiníiłii nilį́į́’ doo bit’óóniid. Diné bá nina’ídlahí diileeł bidooniid. “Nihibąąhági át’éii biniinaa hadił hąąh deeshchii’; doo ákwii ádeiit’įįdii biniinaa tízhdiilyaa“.3 Hool’áágóó iiná nihá ąą áyíílaah.4
T’áá aniiltsoh naadidííjah—azhá bee iiná nidaastí heeh, dóó k’ad éí bich’ąą dadinibaal. Áko náásgóó niilzeełgo niha bíighah lá. T’áá hoolzhizhgo yá’át’ééhii nihaa doodił.
Da’ baa nisokees daatsí, há’atį́į́h bininaa aadí bidizch’į́? T’áá bí béholnííhgo nahas’záán bikaagi bidich’į́. Bi’dichindí kéyah diyingo áyiilaa.
Bethlehemdi bi’dichį́. Hebrew bizaadjí, Bet lehem, éí “bááh bighan,“ wolyé. T’áá ákoneehii bízhi’ “bááh bee iináanii,“5 háálá “bááh bighaandę́ę́’“ ajitį́.
Naaldlooshii bighan goné ho’dizhchį́. Éi biniinaa “Diyin God Bidibé Yázhí,“6 jolyé, háálá Bííha’chinyah nahalzhizhgo, dibé yázhi bee ná’iiniih. Naasdeeskąądi éí “dibé yázhí nahalingo bídiyool yéełjį’ eedlóóz.“7 T’áá’ałah Dibé Yázhí dóó Dibé Yaa’ahalyaní nilį́ nt’ę́ę́’.
Bi’dichį́į’go Dibé Yaa’adahalyaní8 éí ałtsé awéé’ diyinii bididoo’chił bee bił dahoone’.9
“Yikáít’áahjį’ sǫ’ bits’ádi’nílíidgo haagháahii,“ bi’doo’niid10 dóó sǫ’ ániidí yá’ąąshdí hazlį́į́’.11
“Nihokáá’ dine’é bá adinídíín” bi’doo’nííd,12 nahasdzáán bikaa’gi chahałheel nahji’ silį́į́’, bee ééhozingo bi’dizhch’į́.13
Tó tsídá woyahdi níneląądi Jesus tó bee bidiilzįįd, áko dego nididoodaał áko yisdánihidoonił.14 Bits’ąądǫ́ǫ́’ nihi ałdó nididíiną’go át’é ach’į́nahwííná--- yíniił niidzin, doo nihidziil da, dóó baa nihiní, éí bił nididíínągo niłch’i’jí ayóó áníít’éii doo. Bee ajóóba’ binahji’ ákó dííniił.
Kéyah yiłtséégo dazígaidi ayóó dibáá’ hasin, éí binahji’ Yisda’iiníiłii yee na’nitin.
Jesus tó hahadleehdi azdzaani neineezt’ąą’:
“T’áá háiida díí tó yoodlą́’ígíí éí dibáá’ náádoodleeł,
“Nidi t’áá háiida tó baa níką́ągo yoodlą́’ígíí éí doo dibáá’ náádoodleeł da, áko tó haa deeshkáłígíí éí hayi’di tó t’áá bíni’dii háálíinii dooleeł, áko hooláágóó iiná doo ninít’i’ii biih yílį́į dooleeł.“15
Díí diyin bizaad dah sijaahígíí binahji’ Elder Mark E. Petersen bénashniih.16 Íídą́ą́’ naakidts’ąądah atah nilį́, áko tó wonanídi Holy Land wolyéhdí bił naash aash, éí tsídá akéédi tádííyah ákó bee iiná nąądiilyah.
Elder Petersen łood doo nahtsííhi’ yikéí tíhooniih ńt’ę́ę́’. Tł’éégo yikeii tíhooniih, chééh biká’anashwo’ ndi. T’áá’ałch’į́į́dígo ayą́ ałch’į́į́dígo tó yidlą́. Biiskání diné yich’į’ hadoodzih.
Abínígo azlį́į́’. Elder Petersen doo naaldzidgóó Gaililee be’ek’id bííghahgóó diné lą’ígo ałah silį́į́’. Yisda’iiníiłii dziłhą́ądi na’neeztą́ą́ yąąh Elder Petersen yee na’neeztą́ą́’. “Ts’ídá t’áá ákogi é’ét’éii yíká dichin áádóó dibáá’ danilíinii bik’idahojidlí,“17 Elder Petersen yi’yiłtágo shinák’eeshtó hazlį́į́’. Naatsoos ni’ niin’iłtsoosgo ání, “Da’ nił bééhózin t’áá yéígo dichin dóó dibáá’ jílį́į́go?” Shí éí shił bééhózin háálá, bí ákot’éii nt’ę́ę́’. “Ts’ídá t’áá ákogi é’é’téii jinízingo, índa Yisdá’iiníiłiigí át’áo jileeh,“ níígo na’neezt’ą́ą́’. Elder Petersen éí ákot’é. Éí bikéédóó bee iiná ba’ naadiilyá.18
Díí t’áá ákogi é’é’t’éii yíká dichin áádóó dibáá’ jinízingo éí Elder Petersen bee binániih jó éí Diyin Jesus Christ hasdeesį́į́’go ayiłní, áko éí nahajil łeh.
Díí yihai’ígíí Shí dóó Sister Nelson Késhmish ałtso niha’áłchíní bá ííyaah. Niłch’íts’osí yą́ądą́ą́’ Késhmishjį’ ałtso hadiilyaa. Shí adishní, “Jó yá’át’ééh! K’ad éíyá Yisdá’iiníiłii baa ntsiikees doo.
Jó k’ad Dikos Nitsaahii bikee tídahwííniih ndi tsídá Yisda’iiníiłii yéígo baa nisííkees doo dóó bee iiná nihá’ilyahígíí baa aheeníídzin doo.
“Haalá Diyin God nihokáá’ dine’é ayóó ájó’nóo bąą haYe’ t’ááłá’í há yizhchínígíí baazhníłtį́, áko t’áá háiida boodlą́ągo baa dzólíhígíí éí doo ádoodįįł da, nidi iiná doo ninít’i’ii bee hólǫ́ǫ dooleeł.”19
Áádóó Diyin God biYe’ ání, “índa t’áá háiida hiná áádóó shoodlą́ągo shaa dzólíhígíí éí ts’ídá doo dadootsaał da.“ 20 Dooládó’ nizhónígo nihiZhe’é dóó biYe’ niha’nilaah da lá!
Diyin God bich’į’ ahééhee nizin biYe’ Ayóó Ayínį́į́’nii baa aheenisin. Jesus Christ nihich’ąą’ ííyahígíí ałdó baa aheehnisin. Áłtsé níyáháadą́ą́’ doo lą’í diné bił béédahozin nt’ę́ę́’. Ndi Naaki Góne’ Náanádáhígíí, “Bóhólníihii yee ayóó át’éii yit’íní dooleeł, áádóó nihokáá’ dine’é t’áá ałtso t’áá ła’ bizhi’ee dahwiidoołtsééł.”21 Áadi índa “bídahólníihii bee Bóhólníihii, áádóó aláahgo naat’áanii danilíinii yiNanit’a’í jilį́į doo.“22
Yisda’iiníiłii bi’óhohnííh sheenilahígíí binahji’ nihik’idhojidlí t’áá anołtsoh shik’is dóó shilah. T’ah nit’ę́ę́’ na’ałchíní bich’į́ hózhǫ́ dóó Diyin binaa’ yidiits’á’ doo dóó bił bee hózin doo Diyin NihiZhe’é dóó biYe’ ayóó’ańhó’ní dóó nihiká’adoolwoł nizin. “Dóó k’ad, shí díí Jesus hanóhtá nihidishní jó bá yádaałti’í dóó ayiis’áádii yaa ńda’íizoh, áko Diyin God aZhé’é dóó ałdó’ Bóhólníihii Jesus Christ, dóó Diyin Ii’sizį́ nihaa déijidóobááł, jo’éí yáá dahalne’íi, dah nihił dóó nihíí’ ájool’áo hólǫ́ǫ doo.”23 Díí shił t’áá’aaníí, Jesus Christ bizhi’ binahjį’, amen.