Yvy tomog̃uahẽ Irréipe
Navida Devocional 2022 Primera Presidencia-gua
Domingo, Diciembre 4, 2022
Jaipe’a ñane korasõ jarresivi hag̃ua
Purahéi inspirado py’aguapy ha hakuvy omyanyhẽ ñane ánga.
Feliz Navida!
Ha’ékuri diciembre 1943-pe, ha múndo oĩkuri hína Segunda Guerra mundial mbytépe. Opavave ojepy’apy imborayhukuérare umi kósta mombyry rehe ha umi jepy’apy ogapegua oje’agrava pirapire ha tembi’u’ỹ rupi. Oñeñongatu porãgui umi ore rrekúrso familiar, osorprende che ru, Harold Hillam-pe, peteĩ mitã 9 áño orekóva torresivi upérõ peteĩ navidagua jopói milagróso, peteĩ tren juguete. Kóa ndaha’éikuri oimera’ẽichagua tren; ko tren omýi umi via rupi ijeheguínte. Natekotevẽi oñemyaña. Ojogua añetegua’ỹvaicha peteĩ jopói hechapyrãitéva ¡O, mba’éichaitépa Harold ohayhu upe tren!
Sa’i áño rire, Navida og̃uahẽ mbotávo, múndo osẽkuri ñorairõguasúgui. Upevére, situasiõ ekonómika St. Anthony’i, Idaho-pe nomehoráikuri, ha che ru familia-pe g̃uarã ivaive uvei. Harold túva hasykatuete ha haimete omano Ndaiporimo’ãi jopói avavépe ĝuarã upe Navida, jepe Harold ha iñermáno michĩvéva, Arnold.
Sa’i ára Navida mboyve, Harold ru oñemboja ha oporandu mbeguekatumi, “Harold, ikatúnepa reme’ẽ ne tren Arnold-pe ha’e oreko hag̃ua Navida jopói ko áñope?”
Ohendu porãikora’e itúvape? Pe itren ohayhuetéva? Kóva ha’e opa jerure apytégui jerureve.
Og̃uahẽ Navida pyhareve, ha Arnold osapukái vy’águi ohupytýre peteĩ tren Harold-cha.
Arnold pya’e ohechakuaa Harold noñembosaraivéimaha itren reheve. Ára ohasávo, Arnold ohechakuaa ijopói ohayhuetéva ndaha’eiha Harold tren-chagua añónte—ha’évoi Harold tren!. Arnold oikũmbývo sacrificio upe jopói ogueraháva, omomba’eve upe tren.
Chéve ĝuarã, ko familiagua ñemombe’u ijehegui ha’e peteĩ jopói, ha ndaha’éi chemomandu’águinte che túva ahayhuetéva ha iñermáno adorado-gui. Iñimportantevéva, chemomandu’a Tupã Ra’y ojehayhuetéva sacrificio ha mborayhu, Upe Inacimiento ñamomorãva.
Jesucristo ningo ha’eva’ekue ha ha’e ñande Navidagua jopói peteĩha ha akoiete g̃uarã. Atestifika ko añeteguágui: Ha’e onase, oiko ha omano ñanderehe, ha oikove gueteri!.
Jajehovasaite niko ha’ehaguére ñande umi jahupytýva ko jopói ñanembovy’áva. Navidagua purahéi ojehayhuetéva ñe’ẽme: “Pevy’áke! Jesús onase; mundogua Salvador! ha káda korasõ tojere tomog̃uahe Irréipe!”1
Elder Neal A. Maxwell ombo’e: “Opa mba’e Tupã ome’ẽvare ñandéve, ñaimeporãiteva’erãkuri jarresivi hag̃ua, ha katu nahániri. Ñande, jajehecháva autosufisiénte ha independiénte ramo, py’ỹi jajuhu nañandegustái jarresivi ha uvei, hasy jepeve. …
“[Upevére] umi Tupã jopói, ndaha’éiva ko’ã arapegua jopóicha, ijapyra’ỹ ha noñehundíri, oikóvo chugui peteĩ Navida meme, araka’eve opa’ỹva!”2
Upéicharõ mba’éicha ñamog̃uahẽ porã kóichagua jopói? Mba’éicha jaiporavo ára ha ára ñande Salvador jopói, Imborayhu, ha Iñexpiasiõ ijapyra’ỹva?
Ñañemomombyry umi ventána morotĩmbáva ha karamélo vastón oñepintapyrévagui, ha ña’aprende umi Salvador seguidor ñepyrũ reko mirĩ ha sandália suélagui.
Pemog̃uahẽ Isantida
Hi’ag̃uívo Salvador ñegueronase, María ha José osẽkuri Belén guyryry pa’ũme, ha katu posadakuéra henyhẽte. Ndaipóri orekóva tenda chupekuéra g̃uarã?. Ndaipórichene piko avave ombopypytu’uva’erã chupekuéra?. María oikuaákuri pe jopói ogueraháva, ha katu avave ndoguerekói koty orresivi hag̃ua, orresivi hag̃ua Chupe.
Ndaikatúi jaikuaa mba’épa oñandúnera’e María ha José upérõ, ha katu akóinte aimo’ãva chupekuéra oguata tenondévo ohóvo mbarete kirirĩ ha jerovia reheve. Orresivívo pe ánhel invitasiõ “ani hag̃ua okyhyje”3ha ko’ág̃a oñembosako’ívo Jesús onase hag̃ua, ikatukuri oheja hikuái oimeháichagua ñeimepoirã ñera’arõ ha upéva rãngue katu oike peteĩ establo py’aguapy ha imirĩvape. Ha katu upe oiméneva oñeñandu tenda nandívaramo ndaha’emo’ãvéima. Ñandejára pya’e omyenyhẽtagui upéva santida reheve.
Lucas 2:7-pe he’iháicha, “Ha omoheñói imemby kuimba’e peteĩha, ha omonde mitã aópe, ha omoñeno peteĩ tymba karuhápe; ndaipórigui hendag̃uakuéra mbohupa rógape.”
Ñande Salvador, upe vida, esperanza, ha promesa rehegua don glorioso, oúkuri yvy ári.
Ikatúpa ñambosako’i tenda ñane korasõme jarresivi hag̃ua Cristo-pe, ha Isantida omyenyhẽ hag̃ua umi ñane renda nandíva? María ha José-icha, jajeroviakuaa Hese, umi mba’e ijetu’úva pa’ũme jepeve. Pe gía ha jepe umi milagro ojehúva ñande rekovépe ndouichéne umi ayvu mbytépe ni umi estadio ha escenario-pe, ha katu umi tenda kirirĩ jaikoha ha ñamba’apohápe, jahahápe jahekávo pytyvõ. Oimeraẽ tenda oĨháme ñane remikotevẽ, jahupytykuaa ñembohovái ñane ñembo’e kirirĩme.
Perresivi iñinvitasiõ ñemongu’erã
Nahechapyrãipa umi omog̃uahẽ ypyva’ekue Tupã Cordero-pe ha’ehague ovecharerekuarakuéra?
Pytũmby ojaho’i yvy umi ovecharerekua techaramóme oñembyatyrõguare hikuái tesape mimbi guýpe, yvága ha yvy ojochoka jave Salvador ñereronase evénto guasuetépe.
Ha pe ánhel he’i chupekuéra, …Any pekyhyje; péina ápe Che agueru peẽme mba’e porã pyahu vy’apavẽ rehegua. …
“Ko árape onaségui peẽme David távape, peteĩ Salvador, ha’éva Cristo pe Ñandejára.”4
Jarohory ko’ã pastor ijeroviarekóva nombo’aréiha iñemog̃uahẽ, sino katu ojapura hikuái ojotopa hag̃ua Irréindi. Chuguikuéra, ña’aprende ñemog̃uahẽ ha’eha ñemongu’e rehegua ñe’ẽ. Lucas he’i ñandéve umi pastor “pya’e oho, ha ojuhu … pe mitãme oñenovahína tymba karuhápe”.5
Heta vese, nañamoĝuahẽi umi ñane py’aremiandu mbegue ha kirirĩ oúva Ñandejáragui ndohoporãi rupi ñane calendario, ñane plan térã ñande horario reheve. Pe navida ñemombe’u ñanemomandu’a ha’eva’erãha umi pastor ijeroviarekóvaicha nombo’aréiva’ekue ojapo haĝua oñeikotevẽva omoĝuahẽ haĝua Irréipe.
Ko’ága, pehechakuaapa Lucas omoĩha peteĩ eleménto horýva Navida historia-pe, jarresiviChupe he’iseha ñakompartiChugui, omyesakãvo, “Ohechávo hikuái [Jesús-pe], omombe’u hikuái umi ñe’ẽ oje’eva’ekue chupekuéra ko mitã rehe”.7 Ko’ã ovecharerekua orresivi ko mensáhe yvágagui, oho pya’e, ha upepete oiko chuguikuéra yvagagua momaranduha, omomarandúvo hikuái “Pevy’áke! Jesús onase”, ha oinvita opavavépe “tomoĝuahẽ [i]Rréipe!”7
Tojerresivi Jerovia Hi’aréva reheve
Ko’áĝa ñamañami umi Reyes Magos rehe. Ha’ekuéra ojedestaka umi Jesucristo rekaha tuichavéva apytépe. Ha’ekuéra jesarekópe oha’arõ yvagagua jehechauka, ha oiko vove, oheja hikuái umi hoga, hembiapo, hogaygua, ha angirũ osegi hag̃ua pe mbyja ha ojuhu hag̃ua Irréipe.
Ndaha’éi umi pastor-cha, imba’ekuéra ha’ékuri peteĩ je’ói oho meméva—peteĩ ogueraháva tiémpo. Ha’ekuéra oheka ha ojerureva’erãkuri, ha oha’arõ ha oho, ha upéi ojapojey, ohecha peve hikuái upe mitã ra’y María, Isýndi. Ha’ekuéra oikuave’ẽ umi jopói hepyvéva ha oñesũ ha otupãitũ hikuái Chupe.8
Py’ỹi añeporandu jepi: Jarresivívo Cristo-pe, jahekápa Chupe jesarekópe ha jaheja toisãmbyhy ñande je’ói umi tenda ha tekove jaikuaa’ỹvape? Mba’éichapa Jahechaukakuaa ñande aguyje umi don ha tupãitũ ñaikuave’ẽva rupive?
Ojehovasapyre umi Omog̃uahẽva
Upéicha, upépe oĩ pe Navidagua ñemombe’u guasu.
Che hermanokuera pejehayhueteva, ojehovasapyre umi Omog̃uahẽva Jepe ahayhuete pe tren ome’ẽva’ekue chéve che ru ha hechapyraite umi jopói kyrỹi tiempo ha mba’e hepy rehegua ojapóva familia-kuéra opa múndo jerére, umi jopói hesa’yju ñambojojávo pe navidagua jopói añetéva: Jesucristo.
“Ha hatu, mba’erãpa pe kuimba’e oñeme’ẽvape peteĩ don ohupytýne, nomog̃uahẽiramoupe don?”9
Peconsiderami upe escritura ko añetegua resapépe: “Tupã ohayhuetereígui opa yvypórape, ome’ẽva’ekue Ta’ýra peteĩete, ani haguã omano umi hese ojeroviáva, ha katu oguereko hag̃ua vida eterna”.10
Aguerohoryete pe promésa oimeraẽva omog̃uahẽ añeteva Cristo-pe, jopói oñeme’ẽva’ekue upe pyhare marangatupe, oguerekóta tekove ijapyra’ỹva.
Upéicha jahecha ñane ñeha’ã ára ha áragua rupi ñamoĝuahẽ haĝua Cristo-pe, oikóta ñandehegui upe ñande proféta ojehayhuetéva, Presidente Russell M. Nelson, ñaneinvitákuri oiko hag̃ua ñandehegui “peteĩ pueblo ikatupyrýva, oĩva listo ha hekojojáva orresivihag̃ua Ñandejárape Ha’e ou jey vove, peteĩ pueblo oiporavómava Jesucristo-pe.”11
¡Mba’e hechapyrãitéva niko ñañe’imahina upe ára opavave oñodivepa ñamomarandu jeyrõ: “Pevy’áke! Jesús onase, múndo Salvador; ha káda korasõ [ha yvy ha peteĩteĩ ñande] tojere torresivi Irréipe!”12 Jesucristo rérape, Amén.