Késhmish Tʼsída Aláádi Einílá
2022 Áłtsé Naat’áanii Késhmish yá Dahodísin
Damoó, Níłch’itsoh Dį́į́góó yoołkááłgo, 2022 Yihahgo
“Ákódzaago diyingo nidaalʼaʼí yáʼąąshgóó nídaasdlį́įʼgo, nidaʼniłkaadii ádaʼahidooʼniid, Sołtįʼ, Béthlehemgóó diikah, áadi áhóótʼįįdígíí Bóhólníihii nihił ííshją́ą́ áyiilaaígíí dadíníilʼįįł.
“Áko tsxį́įłgo ákǫ́ǫ́ jíkaigo, Mary áádóó Jóseph índa awééʼ éí béégashii yiiʼ nídaʼalchoshígíí yiiʼ sitį́įgo bikʼíjíkai.”1
Díí´ tʼáá dikwíí saad Diyin yaltʼiʼí Luke yikʼéʼaashchííh Jesus Christ biʼdiizhchį́ yaadą́ą́ʼ éí kʼad eʼelyaaígíí nahasdzʼáan bikaagi ił hózhǫǫgo baanáʼa´dééh.
Tʼáá shikeyah Portugaldi áldo Nativity eʼelyaaígíí tʼáá áłkidą́ą́ʼ ninádeenił éí ayóógo biniinaa nihił danizhóní. Díí nativity eʼelyaaígíí tʼáá nahasdzʼáan bikaagi Késhmish nahaziizhgo ninádeeniił—hooghan goneʼ áłdo niná deeniłgo tʼáá áłkidą́ą́ʼ ákotʼé. Díí nativity eʼelyaaígíí biniyé tsé, chił, dóó binąągóó álah analííh éí ninádeelniiłgo nativity eélyaaígíí bee nizhónígo benéʼdę́ę́ʼ ninándeeniił.
Díí nativity eʼelyaaígíí éí tʼáá ałkidę́ę́ʼ baa nineekai tʼáá anitsíí´ yeedą́ą́ʼ nihima´ dóó nihizhéʼé bił dóó´ kʼad éí nihaʼałchí´ni´ bił baa ninéékai. Díí Nativity eʼelyaaígíí baa náhalziizhgo ayóó shił nizhóní áádi ákáhanaashwoʼ łeh.
Tsítsaaʼ biyí gone´ tʼáá atʼé naalglóoshii dóó diné béʼelyaahígíí biisíniil ntʼę́ę́ʼ, éí bee nativity bee andeelįįʼ ntʼę́ę́ʼ. Łada nihi kin dahsijaaʼígíí bee dah íílį́į́ʼ łeh. Tʼáá Késhmish naʼádeehgo aniidi alah beeʼałyaahígíí atah nánił. Alah beeʼałyaahígíí éí hoghan, naalgóóshii, kééʼdidléhé, dóó tóbeenáʼoobali, dóó dahnidaaskʼid tsin dóó dáʼkʼeh dóó chił naaskaadígíí. Tsésǫ́ éí tó dahnilį́ bee andeelį́į́ʼ. Łahda na’nízhoozh ałdó hólǫ́. Diyin bizaadę́ę́ʼ baa hané: Tsída aláádi éí dibé naakai, nidaʼniłkaadii dibé yaahʼádahalyah2 diyin naalʼaʼí aní, “Tʼáádoo nídaaldzidí háálá haneʼ yáʼátʼééhii tʼáá íiyisí ił hóshshóonii bee nihił hodeeshnih … diné tʼáá ałtso bá”;3 Mary dóó Joseph alį́į́ʼ daʼałchozhígíí yíígha doo naadzí.4 Áadóó diyin bizaad bisaadę́ę́ʼ hané, hastóí dahóyáanii bił dahoozhǫǫd, sǫ́ bikʼehgo Jesus yaadaaskai.5
Tʼáá ájiłtso ilhaajééhígíí akáʼanahjahgo nativity eʼelyaahígíí ninádeenił. Diwííshį́į́h yizkąągo, łahda damóo náʼadleehgo baa nideelnish, tʼáá atʼé hazhó báhaazʼąnidi ninádeenił.
Tʼáá hoolziizhgo nativity eʼelyaahígíí bee deelnííh łeh, Diyin yaltiʼí Matthew dóó Luke nizhónígo yaahda halnégo, áko yéígo niłdanilį́. Baa hané Mary bibeeʼoodlą́ dóó Joseph Galileegóó niaazh, Nazarethdę́ę́ʼ, Judea goné David bikin haalʼáʼígíí, Bethlehem wolyé6 áádóó aadi chʼééh danijahi´gíídi doo háʼaasʼąąʼ da.
Késhmish baa hoolziizh, dóó Jesus beʼíílyaahígíí alį́į́ʼ daʼałchozhígíí biihiltí, dóó baa yátí háítʼáó Jesus Christ nihee iina łahgo anáyíílaa7 dóó tʼáá Bí éí aláádi niheenílá tʼáá Bí tʼéí aláádi atʼé.
Sin éí niha nanhíínanígíí yeedá hatʼaałgo niłchʼíjí nihił dahózhǫ́:
“Mary ayóó beʼawééʼ yaah joobaʼ!
Awééʼ nił tólí dóó doo bąąh chin da!
Alį́į́ʼ daʼałchozhí tłʼoh yiiʼ sitį́
Tsída ałtsé Késhmish hodíyingo jįʼ!
Tʼáá ałąą dineʼé dóó binąąhai laanaa dánizin
Biniiʼjí bikʼidiidiin!
Awééʼ bi ayóóʼátʼéii nahasdzʼáandi bee hádéébįįd!
Baahojóóbáʼago awééʼ bidiishchʼį́!
Ndaʼniłkaadii, sǫ́ bikéhgo jíkai.
Sǫ́ biyaadí bichʼí naadahjiishnííh,
Áadóó Hastóí dahhóyáanii dáhódisingo ntsidazdeesgoʼ
Bichʼí nąądahjiishnįįh!
Diyin yándaalʼáʼí awééʼ baadʼahójínííhgo dáhojitʼaał!
Awééʼ yázhí, nihi aláádi Naatʼaanii!
Azééʼ bee nádzííhii yiniił bideełní
Binaaʼ niłtólígo yee deesʼį́į́ʼ!
Aláádi nizhónídi diné yeenílá
Diyin yáaashdi bił kééwiitʼíí doo éíniha yiishbą́!”8
Hasdaʼiinííłii nihéiniláago kóní: “Díí bee haazdzííhígíí éí binahjiʼ sháʼíínilíígo nił hodéezyéél doo. Nahasdzáán bikáa’gi nihich’į’ nidahwii’náa doo, nidi chánah danohłį́, shí nihokáá’ bił nidahazt’i’ii bik’eh déshdlį́į́’.”9
“Haalá Diyin God nihokáá’ ayóóʼájóʼníigo biYe’ t’ááłá’í há yizhchínígíí baazhníłtį́, áko t’áá háiida boodláągo, doo ádoodįįł da, ndi iiná doo ninít’i’ii bee hólǫ́ǫ doołeeł.”10
Doo ladóʼ nihąʼnilá;
“Késhmish náhalziizhgo baa nsííkees dóó adííniiłígíínihikidhójídlí óashjaʼíílaa joakon bidiizhchí biniinaa, nihá nináʼídlah dóó naazdiijeehii éí hihá Hasdaʼiiníílii JesusChrist nihá ayíílaa.”11
Díígi atʼáó nihikidhójídlíígo baa nisískées, achʼí nahwiinąą ndi, hodéezyéél doo12 náágóó´nihoolóos doo, wíneelnádi dóó yiniił13 inahjí biniinaaígíí iina bee hílǫ́14 baa áhééhwiinidzin, azhá doo łáʼí nihee hólǫǫ da ndi, dóó yiniił niizingo nihikáhánalwoʼ15 dóó diné bikáh aneelwoʼgo azha tʼáá nihí doo łáʼí niheehólǫǫʼda akótʼáó nihikidahójódlí.
Jesus Christ binahjiʼ tʼóóʼáhayóígo nihikʼidhójídlííʼ doo. Aooʼ, biniinaa aweeʼ Jesus nativity eʼelyaahígíídi biih dooltʼééłgo biba Késhmish jí goné baa shił hózhǫ́ łeh. Tʼáá Bí éí tsída aláádi nheenílá, éí binahjí nihikidhójídlí, háálá nihinaał bee iina, binántin dóó nihá nááʼiisniih.
Náʼadiishkid: Da díí akidhójídlíʼígíí chooyiilʼį́į́ʼgo diné bee bikáh aneelwoʼ doo, áko ałdo dah hódisin doo, dóó nidaʼniłkaadii nahalin hané yáʼádáátʼééhii bee bił hooné áko yaaʼahééh daniizį́į́h.
Christ éí nihi Késhmish achʼí eʼelí dóó joobá dóó ayóóʼóóʼní nihʼa łahgo ééhdoołeeł, “Christ bee ayóóʼóʼóó´ni, éí hoolʼaago hólǫ́.”16 “Nihi niheeʼóóʼní éí łahda hólǫ́, łahda adin, ndi Christ bee ayóóʼóóʼní éí doo akótééʼ da.”17 Tʼáá ayoníhóní ninaháhááh dóó náágóó nihee iina ninitíjí.
Hazhóʼó Késhmish baa nisííkeesgo Christ aláájiʼ baa needaahgo dóó diné bikáh aneelwoʼgo dóó nizhónígo diné bá nijilʼá áko nizhónígo bibee ayóóʼóóʼníínii nihił bee hósin dooleeł.
Késhmish biniłchʼí bee hódiníílzingo, Christ biniłchʼí áłdo bee hódiníílzingo átʼéii lá. Tʼahnitééh nihi díí´ Késhmish nahalziizhgo Jesus Christ aláádi baa nisííkees doo, niheeʼadinnídiin binahjí diné bił bee dahozin doo, bikáh aneejahgo dóó diné bá neelʼágo doo ayóóʼóóʼní bee.
Niyáhígíí biniinaa nihee iina, biniyeeh hólǫ́ǫ́ʼ lá. Niyáhígíí biniinaa, laanaa niha hóló. Tʼáá shí yiniishdlą́ éí nahasdzʼáan yíHasdaʼiinííłii nilí, dóó tsída aláádi nihąąyilyáhígíí tʼáá Bí átʼí. Jesus Christ bízhi’ binahjį’, amen.