Cristo, Nos Salbador, A Nase
Deboshonal di Pasku 2023 di e Promé Presidensia
Djadumingu, 3 di desèmber 2023
Kerido rumannan, Bon Pasku!
Nos ta gradesido di por reuní ku nos kerido Promé Presidensia den e deboshonal di Pasku aki. Unda ku bo ta den e temporada di Pasku aki, ku bo por sinti e amor di Dios na e selebrashon di JesuCristo komo e kurason di Pasku.
Pasku ta un tempu di músika, holó, sabor, antisipashon i generosidat. Un tempu pa reuní, sea ku nos ta biba serka òf leu.
Hopi biaha Pasku ta bira Pasku ora nos trese goso di Pasku na otronan. Hopi famia ta buska Papa Pasku Hopi individuo ta iluminá e mundu ku e lus di JesuCristo.
Un rekuerdo di Pasku [ku mi ta] kordá ta un rekuerdo di Pasku renobá. Despues ku tempu, rekuerdonan di Pasku ta bira tradishonnan, kual por profundisá nos amor pa JesuCristo—e Lamchi di Dios, e Yu di e Tata Eterno, e Salbador di e mundu.1
Si bo tin rekuerdonan i tradishonnan faborito di Pasku faborito, bo por disfrutá di nan ku goso e temporada aki. Si ainda bo ta kreando bo tradishonnan di Pasku, ku nan por profundisá bo amor pa JesuCristo i bendishoná bo kada aña.
Permití mi kompartí tres tradishon di Pasku faborito di famia Gong?
Promé, kada aña, Hermana Gong i ami ta stima pa bolbe wak e dekorashonnan di Pasku ku ta konta e historia di nos famia.
Komo un pareha hóben kasá, Hermana Gong i ami tabata asistí na universidat na Inglatera. Nos tabata biba den un apartamento chikitu riba un presupuesto pèrta di studiante. Nos tabata konta kada depchi promé ku nos kumpra un palu di Pasku tur kanfuñá ku hasta Charlie Brown lo a tene piedat di dje.
Semper kreativo, Hermana Gong tabata usa pènchi di paña pa traha dekorashonnan di sòldánan Britániko pa nos palu di Pasku. El a duna kada un, un pèchi pretu di lana i un sonrisa.
Pa 43 aña, e pènchinan di e sòldánan Britániko a para komo guardian den nos palu di Pasku. Nan ta rekordá nos di nos promé Pasku kasá—leu for di kas—i kada Pasku ku a bin despues.
Nos yu su famia a traha e pènchinan aki di “figurin.” Nan ta representá mishoneronan di rònt mundu. Bo por mira nan sonrisanan? Trahe internashonal? Plaka di nòmber? A konta mi ku un a wòrdu trahá pa parse ami.
Nos dekorashonnan di Pasku ta renobá rekuerdonan kaluroso di amigunan i eksperiensianan den hopi lugá. E marcha felis i eklektiko di rekuerdonan di pasku kada aña ta pone nos tin un sonrisa.
E profeta Alma ta tèstifiká ku e tera moviendo den un forma regular ta indiká ku tin un Dios. Pasku ta marka un tempu spesífiko na e 365 i un kuart ku mundu ta sirkulá rondó di e solo. Komo e sirkulashon anual ta bin bèk na nos komo un temporada di Pasku tesorá kada aña, mi ta pensa riba loke e outor E. B. White a skirbi tokante di “The Ring of Time.”[E Renchi di Tempu]2
E ta sugirí ku ta solamente ku eksperensia nos por komprondé “ku realmente tempu no ta move den un sirkulo mes.” E renchi di tempu por mustra “perfektamente formá, sin kambio, predisibel, sin komienso ni fin.” Pero solamente ora nos ta hóben nos ta imaginá ku nos por hasi un sirkulo kompletu i terminá sin ta mas bieu ku ora nos a kuminsá.
P’ami, mi yegada na kada Pasku di un manera òf otro mesun kos i di un manera òf otro diferente ta mustra kon tempu (i espasio) por ta simultaniamente un liña rekto i un sirkulo. Kon un “kaminda stret i smal”3 i “un rònchi eterno”4 por ta deskripshonnan komplementario di un realidat di kombenio sentrá den un Cristo yu nasé na Bètlehèm.
Na e manera aki, p’ami, parti di e magia di Pasku ta pa ta un mucha i un adulto na mesun momentu. Nos ta deleitá komo un adulto den loke awor ta deleitá e mucha ku nos tabata un tempu. I nos ta deleitá ku un mucha ora nos ta krea i rekreá rekuerdonan i tradishonnan huntu.
Un di dos tradishon di Pasku di famia Gong ta pa desplegá nos pesebre—mustrando e nasimentu di e yu sagrado Cristo.
Bo no ta stima kon pesebrenan ta enfoká riba JesuCristo, invitando nos pa hasi mesun kos? Manera un misionero resien regresá a bisa, “Promé ku mi mishon, JesuCristo tabata parti di mi bida. Awor E ta mi bida.”
Pesebrenan ta bin den tur tamaño i konfigurashon imaginabel trahá di kada material imaginabel, di kada lugá imaginabel. Kada pesebre ta tèstifiká di JesuCristo i Su bendishon na kada nashon, rasa, lenga, i pueblo.
Nos ta stima ku Dios su yunan tur kaminda ta mustra e beibi Jesus, Maria, José, e sabionan, wardadónan di karné, i animalnan ku konfigurashon, karakterístikanan, i detayenan ku ta relashoná ku famia. E pesebrenan aki ta rekordá nos ku Dios ta stima tur Su yunan; nos por mira Dios Su amor den e karakterístikanan di nos nasementunan sea di unda nan ta bin.
Un di tres tradishon faborito di famia Gong, ademas di lesa huntu e relatonan di skritura di e nasimentu di nos Salbador, ta pa lesa Charles Dickens su A Christmas Carol [Un Kanto di Pasku] na bos haltu komo famia.
Si mi bisti un sombré haltu i un shal, bo por imaginá mi, pa djis un momentu, komo Ebenezer Scrooge den Un Kanto di Pasku]?
Algun aña, nos famia ta lesa Un Kansion di Pasku di komienso te final. Nos ta drei nos chukulati kayente ku stafnan di mangel i hari na e referensia di “Norfol biffins” i “smoking bishop.” Nos ta tembla ora e spiritu di Jacob Marly ta zona su kadenanan. Nos ta sinti kontentu ora e spiritu di Pasku Pasado, Presente, i Futuro yuda Ebeneezer Scrooge bira un hende nobo.
Algun aña, nos famia ta lesa e vershon kòrtiku di Un Kansion di Pasku, hasí kòrtiku dor di nos ihá i yu pa pas den e atenshon kòrtiku di e miembronan di famia mas yòn.
I algun aña, ku sonrisa i bon humor, nos famia ta lesa e stiker di bumper Un Kansion di Pasku. E ta kontené dos frase: “Bah, farsante” i “Dios bendishoná nos tur hende.”
Charles Dickens a kuminsá skirbi A Christmas Carol na òktober i a terminal den komienso di desèmber 1843—un periodo di solamente seis siman. E promé kareda di 6 mil kopia a wòrdu publiká na London dia 19 di desèmber 1843. A bende tur promé ku bispu di Pasku.
Esnan dokumentando e historia tras di Un Kansion di Pasku ta splika ku Charles Dickens tabata skibi den un tempu kaminda e Inglatera Viktoriano tabata rekonsiderando e nifikashon di Pasku. Ki ròl e temporada di Pasku, e palu di Pasku, e saludo di Pasku, e reunion familiar di Pasku, e karchinan di Pasku, hasta e kansionnan di Pasku por hunga òf mester hunga den komunidat?
Den un tempu ku hopi a sinti inkieto, isolá, i nan so, Dickens su Un Kansion di Pasku a atendé e deseo profundo di amistat, amor, i balornan Kristian, djis manera Ebenezer Scrooge a haña pas i sanashon den su pasado, presente, i futuro.
E tempu ei manera awor, e berdadero nifikashon di Pasku ta trese nos serka di JesuCristo, nasé komo un beibi den un pesebre. JesuCristo sa di akuerdo ku e kurpa kon pa yuda nos ku [Su] entraña yená ku miserikòrdia. E tempu ei manera awor, Pasku ta selebrá kombenio di pertenesé, komunion, i komunidat den JesuCristo i un ku otro.
Awor laga mi hasi un otro pregunta estilo A Christmas Carol. Dikon, ora nos ta pensa riba Scrooge, nos ta pensa primordialmente riba un gruñon bieu ku ta reklamá, un hende ku ta burla di Pasku manera un gran, bon, farsante?
Dikon nos no ta rekonosé mas e Scrooge nobo? E Scrooge nobo, ku generosamente ta manda e kalakuna grandi komo un sorpresa di Pasku? E Scrooge nobo, ku ta rekonsiliá ku su subrino alegre, Freddie? E Scrooge nobo, ku ta oumentá Bon Cratchit su salario i ta kuida di Tiny Tim?
Laga e skeptikonan burla. E Scrooge nobo “a hasi tur kos, i infinitivamente mas.” El a bira mesun bon hòmber i bon amigu manera e mundu di antaño tabata konosé.
Pues dikon nos no ta kòrda e hòmber ei. [esta] Scrooge? Tin esnan ku ta rondó di nos, kisas nos mes, ku por ta un persona diferente si solamente nos por stòp di klasifiká òf stereotipifiká nan manera nan tabata antes?
Ningun persona i ningun famia ta perfekto. Kada un di nos tin nos problemanan i fayonan—kosnan ku nos lo ke hasi mihó. E Pasku aki, kisas nos por risibí—i ofresé—JesuCristo Su regalo presioso di kambio i arepentimentu, di pordoná i lubidá, pa duna e regalonan ei na otronan i nos mes.
Laga nos hasi pas ku e aña ku a kaba. Laga lòs di miedu i zonidonan emoshonal, e frikshonnan i molèsternan, ku ta yena nos bida. Ku nos por duna un i otro posibilidatnan nobo en bes di keda pegá den limitashonnan di pasado. Laga nos duna e Scrooge nobo den kada un di nos un oportunidat di kambio.
Nos Salbador a bin durante Pasku pa liberá e koutivonan—i no solamente esnan den prisòn. E por liberá nos for di e spiritu di nos pasado, i lòs e kadena di remordimentu di e pikánan di nos i otronan. E por redimí nos for di nos egoismo pa medio di renasementu den djE.
“Pasó pa boso un yu a nase … un Salbador, ku ta Cristo e Señor.”5
Pues Bon Pasku!
Ku bo tradishonnan i rekuerdonan di Pasku ta felis i briyante.
Ku nos por regosihá den JesuCristo, durante Pasku i kada dia.
Mi ta tèstifiká ku goso di djE den Su nòmber santu i sagrado, JesuCristo, amèn.