“Hágo, Diyin Baa Dawiiniih Doo”
2023 Táá’go Alą́ąjį’ Naat’áanii Késhmish Yá Dahodísingo Dahalne’
Damóó, Niłch’itsoh 3, 2023
Yá’át’ééh shik’is dóó shila, Késhmish baa naahoolziizh, áko Yisda’iiníílii bidizch’í nihił hózhǫǫgo bee delniih, nihi Yisda’iińíilii, Bóholníihii Jesus Christ.
T’áá ákwii oolkiłgo awéé’bidich’íígo baa hastį́. Nihi hastsóí ashkii’gíí bitsilí awéé’ tsídá ałtsé bilákeet’ééhgo haa yit’įįh.
Naalkidí
Éí daatsí biniinaah tsidá tł’éé’ ho’dizingo Bethlehem biighadi Yá’aashdę́ę́’ biłdahózhǫǫhgo dahoot’aal, naaki dimiil naaghai yaadą́ą́’. Diyin bá naal’a’í díí t’áá’aniiat’éii nidaniłkaadi koyidííniid:
“Jókon, ayóo a’t’éii hané nihaani’ą́, jó dine’é éí t’áá’at’e bá.
“Háálá dííjį́ David bikin tah haal’áhígi Yisdá’iiníiłii nihá yizhchį́, éí Christ Bóhólníihii nilį́.”1
Áko, shik’is dóó shila, “Hágo, há’aashjaahshį́į́h Diyin baa dawiiniih doo.”2
Lá’shį́į́h aadę́ę́’, Késhmish shá łago ádzaah lą’í nááhai doo wóshdę́ę́’. Ałchíní yázhí nishłíígo bénaashniih yéígo dichin dahaslį́į́’ dóó naanish ádaats’diid 1930 yaadą́ą́’. Béeso bidin hóyéé’. Diné bich’el’inígíí éí ílį́įnii at’é.
Shimá dóo shizhe’é nizhonigo Késhmish nihá’áyiilaah. T’áá niháháhaa nihi “Santa nahalingo” nanałah iłhaajeehígíí bąąh neiká nt’ę́ę́’. Bá bichį́ádoolníílígíí hazhó’o bá adeelííh dóó yiskąągo késhmishgo baadeenił. Ayóó yaah áhééh dahnizin, nihich’í nidahdilnííhgo hooghangóó nihił dahnidiilwó binahji ayóónihił dahózhǫ́.
Késhmish biyiin ayóó shił nizhóní. T’áá nina’ahai Sister Nelson dóó Shí Handels Mesáíyah yiniiłts’ąą’ dóó akéé wiit’aał łeh. MesáíyahHebrewjí bizaad bee éédahózinii shił nizhǫ́ní. Áyiłní éí “Diyin God Bóholnííhii Jehovah baa ha’niih.”3 Saad bee dahójit’aałígíí éi bidishchí dóo díí t’ááłahídi miil nááhai náásdi nihá’ajoo’aał doo:
Awéé’ niha yiishchį́,
Ayé nihaayilt’į́:
Dóó biwááshindoon éi biwosdi yee yooał doo:
Dóó bízhi’ éí bá’hózhǫǫnii dóó nanitinii,
Diyin Ayóó’í’t’ééhnii,
Holáágóó iiná nihiZhe’é,
Hózhǫ́ǫ́jí Yinant’á’í4
T’áá aniinaashą́ yaadą́ą́’ Diyin God dóó biYé Jesus Christ ayóó’áyóní’nii yéígó yisídlaad. Áádóó t’áá shí shił bee hoozįįd, Jesus Christ éí “ch’ikę́ę́h niłtólí” bimá Mary, bik’íhódiiniid. 5 Shił bee hoozin t’áá aniiéí Diyin God biYe 6dóó Diyin nilį́t’áá at’é bá hodeeyaah doo woshdę́ę́’.
Tóó baa nisókéés tsídá t’áá ałtsoní nahas’dzáan bikaagi áyiilaah---ATaa’ yinízinígíí yik’éhgo adahyiilaah. Jesus t’áá íidą́ą́’ Diyin nilį́ ndi nahasdzáan yikaaji nihá hadaayah dóó niháninánidlą́. Niná’níná’ídlą́ éí niheeiina hasdayiilá dóo iiná łahgo andiilnííłgo ayiilaah. Tsídá doo diné yíígha da.
Yisda’iiníílii nihá tihóoznii’ dadiniih dóó ii’honéésgai dóó bi’oolkąąh ał’ąą’at’éego7 ”áko t’áá Bí bił bee hozin doo atsį’ bikéhgo háít’áó nihi ká’adoolwoł.”8
Naaki nideeszííd bił hóozhishgo, iłhonéézgai bąąh ákónííziih dóó binahji áts’ąą doo bąąh áko niizííh. Shijéí biyidoo Hasda’iiníílii nigha tíhooniihígíí bá bąąh nisíkees. Jo baa nisíkéésgoháásh yít’áó diné t’áá’at’étíhooniihiit’áá’at’ébąąhági át’éiit’áá’at’éáchí’nahwii’nanígíít’áá’at’é bí’tíhooniihdiné t’áá’ałtso dahiná’ígíí bá!
Tsídá Alaadi Hoo’áałii nihąąjooba’ éí doo nihił bee hózinda, Yisdałiiníílii átsíísjí dóó diyin k’éhjí nihá tíhoosniih.
Éí biniinaa awéé’ Bethlehemdi bidishchígíí hazhó’o baa áhwiiłyąą’ doo háálá nihá naaíísniih Gethsémanii dá’ák’ehgi dóó tsin ałná’azohdi ádó. Díí nąąishnííhígíí binahji’ t’áá ániiltso nihee iina łahgo ánáhdiilniił dóó bikéé’ dah didiidááł. Dóó tsídá aláádi nihá’áyiilaahígíí éí táá yiskąago nąądiizą́, áko t’áá’ ániiltso hool’áo iiná niháí diní’ą́.
T’áá Késhmish náhalzizhgo sin bee dahwiit’aał łeh,”Táá ałtso Yá’a’t’ééhgo Ni késhmish Doo.” Shik’is dóó shila, shijéí biyídę́ę́’ náíínisinígíí éí diitł’éé’ naaki bee nihich Díí éí dooná nisin da,násodisinígíí éí díí Késhmish nahalzizhgo.
Ałtsé, shi ná sodizin éí Yisda’iińíilii yéígó yinídlą́ą́’ doo. Jesus Christ éí t’áá ałkidą́ą́’ yá’ąąshdi neehósin. Nééhózin dóó nǫǫ’į́k’ad. Nił hózhǫ́ dóó nich’náwiináígíí yoo’į́. Háálá t’áá at’é yiijinyá áko bił bee hózin.
Nich’ínáwiinąągo nizhónígo naajooba’ dóó t’áá ákógi át’éiijí yinaałgo bił hózhǫ́ łeh.
Nihá sodizin t’áá ní Jesus Christ yídíídląąłéíDiyin God biYé, Diyin k’éhji bidziil háálá nihá niná’ídlá, áko t’áá doot’áá sáhíiiná ách’ínahwiinanígíí bich’í ant’éii doo. T’áá anii ninizingo, hádíníį́į́’ dóo daadilkał naniłtsingo9éí binahji niká’ádoolwoł, nidziil ánidoolííł, áko nidiidzį́.10
Ná sodizin, t’áá ní ná Yisda’nináídlą́’ígíí binahji t’áá ákwííjí ni’ííná łahgo ánandlééh doo, áko nitóli iiná, dóó yá’ąąhdę́ę̨́’ bik’éhgo t’áá ałtso bik’égo yinaał doo. Ná sodizin, áko t’áá a’łahji celestialjí nisinkéésgo nił hózhǫ́ doo.
Ná sodizin t’áá ní díí Késhmish náhalzizhgo hazhó’ó diyin dínísingo bee há’ádoolzizh. Jesus Christ nihá Nina’ídlahígíí hazhó’ó baa ííniłt’ą́ doo. Nahasdzáan bikąągi tsídá álááhgo áyóó’á’nó’ní. Tsídá t’áá Bí t’éíyá néehósin dóó niąąh dah haz’ą́ dóó yiniił bił bee hózin. Tsídá t’áá Jesus Christ t’éíyá nahasdzáan bikąągi ayóó biziil. Tsídá t’áá Bí t’éíyá náyinízin tsídá t’áá ałtso yá’át’ééhii ádííłeeł dóó diné dóó asdzaani yá’át’ééhii dííłeeł. T’áá Bí t’éíyá nihá biZhe’é nihá náyóókąąh.
Jesus Christ éí nihá Yisda’iiníílii nilį́. Isril biDiyinii nilį́ dóó Diyin God biYé nilį́. T’áá ałkidą́ą́’ Bí bik’íhódííniid.11 BiZhe’é bik’éhgo t’áá ałtso nahasdzáan yikáágí áyíílaah.12 Naaltsoos sani Jehovah biDiyinii nilį́ dóó Jesus Christ ałdó Jehovah nilį́i’’ nt’ę́ę́.13 T’áá ałkidą́ą́’ Bí Immanuel bikidhodííniid.14 Bí éi nizhónígo iiná nihá áyíílaa, dóó nihá BiZhe’é nihá yich’í yałtį́.1516 Biniinaa binhágha ninalyaahgo, bibee’adzilii t’áá háíshį́į́h oosdlą́’ígíí Diyin yaadoogaal binahjí hádiłt’ééhgo ádidoolniił.
Shik’is dóó shila. “hallelujah” diyin k’éhjí nihi Bóhólnííhii Diyin God Jehovah baa dahwiiníí’ doo. Díí k’ad Késhmish náhalzizhgo, hágo Bóhólnííhii Christ, baa dahwiinííh doo!
Diyin God hináo eíí shił bééhózin. Jesus lá Christ nilį́! Díí Bí biSodizin Bá hooghan. T’áá Bí bináhagha hanalyíhígíí bídahánishjí bik’ehgo baa nidahánish. Díí t’áá aníí át’éego baa hashne’ dóó Jesus Christ ayóó át’áo bízhi’, áamen.