9:41

Beeniłniih, Beeniłniih

2023 yihai, Alą́ąjį’Diyin ya Danahaztanigii Dahodisin

Tracy Y. Browning

Áłchíní Yázhí Nanitinjį́ ʼálą́ą́jį’ ya Danahaztanjį́ naaki goné’ákéédę́ę́ dasida.

Damógo, Niłchʼitsoh 3 táágo yookaalgo, 2023 yihai

Níłchʼitsʼósí yiziłʼígíí biyí ei Shighan binaago ałtso hoobá. Chił bilátah danizhon dóó tʼíís bitʼą́ą́ nizhonigo dadootłish yę́ę́ʼ ei ałtso daaghą́ą́, dóó nidahazdááz. Tʼíís bitʼáá bika yíshááhgo éí tʼóó dadizéí. Tsidi ʼádaninéé ʼadin, chił danizhǫ́ni dahalchin yę́ę́ʼádin, ałtso bił ʼádahazyooł nahalin. ʼAdahootʼééhʼígíí ei łá bee haʼííniiłį́, Łá tʼóó honishghą́ą́jį́ ʼádaatʼé. Naasgo hoołziihgo tʼááʼałtso baa dáádahodilzíísh nahalin, ałtso naahaijį́ ʼánahooziih. Baa hozhoni ʼádin naahalingo, tʼáá hoshchʼį́ Késhmish baahoziih.

Naashaadoo ei bénaashniihʼígíi holǫ́. Tʼíís, Chił, tsin, nizhoni halichinigii, dóó bił dáʼałką́nigii, naahaszan nizhoni halchin. Chił bitá hozhoni, didzé łichííʼigíí, késhmish biyiin éi bénaashniih. Baaʼakonisingo ei doo tʼáá shi teiya diiʼánishtʼééh da. Késhmish biyiin yinishtsą́ą́go shi jéí biih holǫ́. Hoghan dóó sodizin ba hoghandoo késhmish biyiin dadiitsą́.“nahasdzaan bikaago hozhǫ́ naahalįį”, Késhmishgo ʼádaatʼéʼígíí,“yaʼą́ą́shdę́e dóó nahasdzaan bikaa holǫ́nigii dahataał.” Díí ʼatʼoa bénashniih.

Doo tʼáásahi dííʼanishtʼééh da. Kwéʼé nahalziihgo, nahasdzan bikaago diné Diyin dayoodlaanigii ei háʼátʼíshį́į́ bééʼ haniih dooleeł hadeedizʼį́į́ʼ. Késhmish bééhaniih dooleeł danizin.

Késhmish ei altso naahai dóó ʼánííd há nahaiʼígíí bitah naniʼaah naahalin. Áníídi hánaahaiʼígíí biih yidaago ei diyingo hanéʼígíí niha holǫ́, “hoolʼaahgo Diyin nilį́nii, nahasdzaan ʼayiilaa ei ” David bikin tahdi, “tʼáá hoojobá hazą́di ei Christ bichʼį́ʼ, biłʼádishgo naaloosii yiida ʼachoshʼígíí bitsʼááłgo binííłtʼį́go ʼahosh.”¹ 2 Ádinííłʼį́į́go kʼad yoołkaadi diné dóó asdzání hoyanigii niiłį́go ʼádaa nitsííkeesgo sǫ́, tíís dootłizʼígíí niił´į́, “nidádíídłį́ʼigo baa nihił hozhǫ́ dóó Jesus Christ bichʼį́go yidaał, ei nahasdzaan beeʼádidíín nilį́.”³ ⁴ Nizhoni hoołchį́į́nigii łá yiiłchiingo daatsʼi “Diyin God hinaanii biyé bá díílyeeł”. “Ázhą́ą́ doo ʼóola dóó nizhóni halchinigii doo nihee holǫ́ da ndi, Diyin bichʼį́go yidaal dóó bikʼeh honiilʼį́.”⁵ ⁶ ⁷ Haishį́į́ nihitahgo ei ałchiní ʼáyoi ʼadayoo ní, “nihi daatsʼí kʼad dibé yaʼáhalyanigii daniidlí,” Diné Diyin ya nidaalʼá yiniłtsʼáa, “tʼáádoo nałdzih” haala ei Diyin haadi báá nidíídaałʼígíí éí nihił beehozin.⁸ ⁹ Díí nizhonigo hané ei niha ałchiní bee nanitin, tʼááʼáanii ʼátééh ʼátʼé. Áłchiní késhmish bee hozhonigii deiniłʼį́, ʼałʼą́ąʼátʼoa daalchį́į́, dadootłʼizh, inda daadisǫ́s, datsoi, dóó daalgai, díí Diyin Jesus Christ niha tʼį́hoozniihʼígíí bee béneilniih, éí naasgo iinaanii niha yoosbą́.

Késhmishgo Bethlehemdi ei Diyin baa nitsiikess dóó Tʼáá nihí nihił beehozingo Diyin yidaʼíiníilii Jesus Christ béneilniih, áko nihi zaad, nihilá, nihikééʼbee hadiidzáágo “Adahwiiʼááhgo” Diyin bá siizį́į́hgo baa dahwiilné. Díí ʼatʼoa ei Diyin yisdáʼíiníilii béneilniih.¹⁰ Béédeilniihgo Yisdáʼiiníiłii baa nídiikah.

Diyin God ei béneilniih dooleełgo nihaʼáyiilaa,ʼáko Diyin ʼayoiʼáhonígii nihił beehozin dooleeł biniye. Nihi ałdo Diyin ʼayoi ániiníí doo. Diyin ya yaltʼí Moroni aní, bénalniih “yáʼátʼééh nilínii ei Christ bitsʼáádoo yitʼíʼgíí ʼátʼé.”¹¹ Nihi yisdaíiníilii ei tʼáádooléʼé tʼóóʼádaatʼéʼígíí, nidahachǫ́ǫ́ʼígíí, doo da dináʼígíí éí doo niha yilééh da. Jesus Christ ei yilyeeł yáʼátʼééhʼígíí dóó biniyé daholǫ́nigii. Niha yidooleeł.

Diyin íísiziinii, nihił beehozinigii, bohooʼááhʼígíí, nizhonigo nitsekess, tʼááʼáánii ʼátʼééh dóó niheeʼ odlaa.¹²
Diyin Íísizį́ nilį́nii Holy Ghost haayíłyééh.
Hoołʼáágo íínaaníí haayiłyééh.

Nátʼą́ą́ nídiitʼį́į́go ei háaniilą́di ei ałtsʼíí dóó nitsáá “yáʼátʼééh yiyeeł” nihaa yiłyá. Bááʼáko niizin, Diyin ei nihikáʼánalwogo béé háneelyį́į́h.

Azhą́ą́ doo hozhǫ́ nitsiikeesda ndi, nihi jéi tʼóó ałtsʼą́ą́ nilį́ nahalin ndi, Diyin ei doo nihee yoozná da, késhmishgo, dóó Tʼááʼáłáajį́. Diyin ání, shilá ei bikaa sóónił nihił ní.¹³ Diyin ʼáníínigii ei tʼááłáʼígíí ʼátʼé. Diyin bił ághaadiitʼą́ą́nigii yénałniih, dóó nihizhéʼé yił ághadíítʼáánigii. NihiTáá yaʼaashdi holǫ́nii bichʼį́ sodilzingo yidíítsá dóó yénaalniih. Ntsidiniigohgo sodizin ei doodago, tʼáá nihi jei biyidééʼ sodizin. President Russell M.Nelson nanitingo aní, Diyin nihiTaa ei diné dabodlaanigii bee iina łágo ʼátʼoa ʼádeiléʼ¹⁴ Haashį́į́ niilą́ą́go ei Diyin bichʼį́ ʼadáánáʼííyiką́go ei niháá neiyiiʼááh. Diyin Bizaad dóó Diyin ya yaltʼį́ ei yee nichʼį́ yaltʼį́. Díí bee Diyin baa niidiidaał, azhą́ą́ niha nizaad Diyin bitsáá niidzah niizin ndi dóó doo háda nahalin ndi. Diyin bił ʼaghaadíítʼą́ą́go “ tʼááʼálaaji bénałniihgo doo” díínííd. ʼako Diyin tʼááʼáłáajį́ nihił holǫ́ doo.¹⁵

President Spencer W.Kimball nanitingo ani, “Saad łá hadooʼį́į́go ei … Bééniłniih Haala Diyin bił ʼaghaadiitą́ą́go béneiniih doo. Damoogo diné tʼááʼáte ei sodizin bahooghan ałnaadakai áádi baah dóó tó nineidį́į́h ʼako Diyin yeedaalniih doo, dóó Diyin bibééhazʼą́ą́nii yikʼeh dahoołʼį́į́ dooleeł biniyé. Bénaalniih ei saad. Bénaalniih ei baa hane¹⁶

Béniiłniih Diyin God kʼehgo nisiikessʼígíí ei bikʼeh yáʼátʼééhgo į́į́nanigii niizin dooleeł. President Nelson ei ʼanihił ní bénaalniih nihił ní.

“Diyin God nihił holǫ́.” Dóó bá sołʼą́.”
Alíléé’ hádóóʼííh, dóó ní nizinigii łá bikʼehgo ʼáhodooniił.
“Ałkʼíhojódlí naajį́ hoonilééh…doo Hozhǫ́ holǫ́nigii béé sinizį́.¹⁷ ¹⁸

Keshmishgo ei Diyin Jesus Christ bidishchį́nigii baa hané, ʼako Jesus Christ dóó Diyin God ei baa nitsiikess, Aadoo Diyin God baʼałchiní ałdo baa nitsekess. Diyin báʼałchini danilį́ niizingo baʼałchiní baa nitsekess, Keshmish ei binaaji hozhǫ́ dóó nizhonigii bééneilniih.

Benaalniihgo Keshmishgo nihikis, nihighandoo, inda diné doo beehoniilzin da ndi baa nihił hozho.
Bénaalniih diné bá jileehgo ei ayooʼoʼoʼni bił nitʼį́.
Bénaalniih diné baa jiinobá dóó diné nihaa nidaakai bichʼį́ niháʼáhwiinitį́.
Bénaalniih nihighandoo diné ʼáhineikaigo, baa honiiníʼ dóó baa hozhǫ́go ʼáhineikai, baa hozhǫ́go Keshmish.

Da hoghango ei haadę́ę́shį́į́ Chiyan nideidį́į́ʼígíí ei bił danizhonigo indeełʼį́. Áádóó Łá hané ałdo yaadahalne. Keshmishgo bee hozhonigii ałdo dádaanił, łá báá hané daholǫ́. Łá nizaago beedahaniih. Łá ʼádahodzaaʼígíí yáʼátʼééh baa haniihgo ei niha yáʼátʼééh. Chʼiyaan łágo ʼatʼéʼígíí, ´Łá ʼáhodzaago hanéʼígíí, Łá késhmishgo bééhozhǫ́nigii ałdo baa hané dahalǫ́. Díi ʼádaatʼéʼígíí ei beedahaniih. Jį́į́nobágo ałdo nihi dził, áádóó béé neelniihgo béé nihikʼíhojodlį́ʼígíí ei baaʼahééh nizin. Késhmishgo ʼáyooʼoʼoníí nihił holeeh, niha hooʼaʼgo ei Jesus Christ baa hwillné. “Bénaalniih, bénaalniih, Kǫ́ǫ́ tsé bikáágo ei nihi yisdaʼíiníilii ei Christ,Diyin God biyé, yiniidlaago ei béé niłdziłgo doo.¹⁹ Béé naalniihgo, ałtso iihai bichʼį́ hoolziihgo, nihi ei tʼáá naas yidaał, ałtso ʼádoohai, áádóó ʼáníídígíí hánáádoo haiʼígíí bííh diidaał. Tʼáá hastoi dóó saanii dahayanigii ʼayitʼoa, áádóó nániłkaaʼígíí ʼatʼoa. Diyin beeʼadził ei bikʼehgo dahoonił´į́.²⁰

Naahasdzan bikaago, táá haish keedahatʼídi, beenaałniih, Christ hadiniʼį́į́go ei Diyin béé beehozinii ei niłbeehozingo Christ bikídiinaał. Háʼátʼish ałtsé ʼádishłííł nosin, diné yáʼátʼééh bidiiní, diné táałá nizingo baa nitsiikess. Bénaalniih, tʼááánii nihánínilá, nihee yoonéh da, dóó binaajį́ nihi dziłgo doo béneiniih dóó késhmishgo doo béé diyinah da dóó Tʼááʼáłaji béniełniih doo. ʼNaahasdzan bikaago “iłhozhǫ́ niha holǫ́go ʼáyoosin” dóó nihi jei biyídi bá hosííʼą́go íínííłzin éí niha naadzáago bá.²¹ Bééniłdziłgo naasgo yiidaał. Naahasdzan bee ʼádinidį́į́n nilį́, dóó Diyin God hinaanigii yiyé nilį́. Díí t’áá’aníí adíshní, Diyin bízhí binaajį́, Jesus Christ, amen.