Badadin ki Puri Kahani
Badadin se hamein komalta, khushi, aur prem ke ehsaas milte hai. Aur jaise sab maata-pita kahenge, ayse hi ehsaas har ek naye janme bachche ke janm par hota hai. Bilkul, Maseeh ka janm kisi anye ki tarah nahin tha. Woh khaas lamhe—Bethlehem tak ka safar, ek bhara hua inn, ek saadharan charni, ek naya sitara, aur dekhrekh karte devdut—Unke janam ki kahani ko yaadgaar banate hai. Par Uddhaarkarta ke janam ki kahani ki kyun hum Aatma ko mehsoos ko karte hai Badadin ke avsar ke daoraan uska thoda hi bhaag hai. Badadin ka samaro sirf kaise Ishu is duniya mein aaya ke baare mein nahin hai par yeh jaanne ke liye bhi ki Wohkaun hai—hamare Prabhu aur Uddhaarkarta, Ishu Maseeh—aur Woh kyun aaya.
Pradhaan Thomas S. Monson ne sikhlaya: “Kyunki Woh dharti par aaya, … hum apne jiwan mein anand aur khushiyaali aur shaanti paa [sakte] hai saal ke har din. … Kyunki Woh aaya, hamare maransheel jiwan ko arth mila hai.” 1
Pita ka Pehla-Janma
Yeh arth aur saaf ho jaata hai jab hum Badadin ke kahani ki puri tarah dekhte hai. Jaisa Pradhaan Gordon B. Hinckley ne samjhaya: “Koi Badadin nahin hota agar Easter nahin hota. Bethlehem ka nanha shishu Ishu ek aur shishu hota jo Bethsemane aur Calvary ke mukti dilane waale Maseeh ke bina aata, aur Punahsthaapna ke khushihaal maahol ki sachcha ke bina.” 2
Bethlehem mein Ishu ka janam kahani ka shuruaat nahin hai, aur Calvary uska ant nahin hai. Dharamshaastra sikhlaata hai ki Woh “shuru mein … Parmeshwar ke saath tha”3 Swarg ke maransheel jiwan se pehle ke Salaah waale sabha mein. Hum bhi wahan the, jahan hum Use Jehovah ke naam se jaante the, hamare Anant Pita ka Pehla-janma.4 Humne seekha ki Woh mukhye bhunika nibhaaega is duniya ka Banane waala aur Muktidaata ke rup mein. Hum anand mein chillaaye jab humne hamare Pita ke mahaan khushiyaali ke yojna ko apnaaya.5 Bhale hi kuch logon ne Parmeshwar ke yojna ka virodh kiya, hum unmein se hai jinhonne apna vishwaas Ishu Maseeh mein rakha. Humne khushi se maransheelta ke musibaton ko maana tha kyunki hamein saahas tha ki Ishu Pita ki ichcha puri karega—ki Unke zariye hamein uddhaar milega.
Parmeshwar ke Iklaute Priye Putra ka Janam
Yahan is dharti par, hamare pichle jiwan ka yaaddaash bhulne ke ek parde se dhaka hai. Is dharti par aane ka hamara lakshye tha seekhna ki kaise “vishwaas mein chale, na ki dekh kar hi.”6
Us vishwaas ko mazboot karne ke liye, Parmeshwar ne bhavishyevaktaaon ko bheja hai aur aane waale Maseeha ka vaada bataya. In mein se ek bhavishyevakta tha Nephi, jisne drishye mein ek ped dekha jo bahut sundar aur safed tha. Jab usne is sapne ka matlab janna chaha, use Nazareth shahar aur Mary, ek gor sundari dikhaya gaya. Jo devdut Nephi ke paas aaya, usne yeh bahut gaur karne waala sawaal pucha: “Kya tum Parmeshwar ke kripa ko jaante ho?” Dusre shabdon mein, “Kya tum samajhte ho ki kyun Parmeshwar Khud duniya mein aaya, kyun Woh sabhi badhanti se niche jhuka?” Nephi ka jawaab kuch asthir tha: “Mai jaanta hoon ki woh apne bachchon se prem karta hai; par, mai sabhi baaton ka matlab nahin jaanta.”
Devdut ne tab kaha, “Jis kuwaari ko tum dekhte ho woh Parmeshwar ke Putra ki maata hai.” Nephi ne Mary ko apne haathon mein ek bachche ko pakde dekha, aur anand se devdut ne kaha, “Parmeshwar ke memne ko dekho, … haan yah Anant Pita ka Putra hai!” Achanak, ped ka matlab—aur Maseeh ka janam manane ka matlab—Nephi ko achchi tarah samajh mein aa gaya. Usne kaha, “Yeh Parmeshwar ka prem hai, jo manushye ke bachcho ke hridayon mein prawesh karta hai; isliye, woh sabhi anye wastuon se adhik praapt karne laayak hai.” “Haan,” devdut ne kaha, “sabse adhik aatma ko anandit karne waali cheez hai.” 7
Ab jaake, Nephi ke drishye se lagbhag 600 saal baad, woh intazaar kiya gaya, pehle se bhavishyevaani kiya gaya samay aa gaya hai. Ishu parde ke paar gaya aur duniya mein aaya ek maasoom shishu ban kar, par kisi aur shishu se alag. Parmeshwar ka Pehlajanma Putra aatma mein Unka Iklauta Priye Putra ban gaya shareer mein. Yeh bachcha, jo sabse vinamra paristhitiyon mein paeda hua, Apne kaandhon par Parmeshwar ke anant parivaar ka uddhaar le kar chalega! Sach mein, “sab saalo ke aashaaen aur dar” us raat “Bethlehem ke chote nagar mein” sama gaya. 8
Par yeh to acha hai, ki yeh kahani, yahi khatm nahi hota. Uddhaarkarta ka janam jitna chamatkaari tha, aur zyaada chamatkaar aane waale the.
Pita Ka Kaam
Hum Ishu ke bachpan ke baare mein bahut kam jaante hai. Hamein batlaaya gaya hai ki Woh “buddhi aur dheel dhol mein, aur Parmeshwar aur manushyon ke anugrah mein badhta gaya.” 9 12 ke umra tak, Woh chahata tha “[Apne] Pita ka kaam karta hoon.”10 Woh kaam tha duniya ko Pita ka “mahaan aur ashcharyejanak prem” Apne bachchon ko dikhana.11
“Kyunki Parmeshwar ne sansaar se aysa prem rakha, ki apna eklauta priye Putra de diya, … taaki Unke zariye se sansaar ko bachaaya jaaye.”12
Unka Pita ka kaam tha “[jaakar] achchaai karna.”13 Woh daya ka kaam tha—”rogiyon ko swasth karna, mritkon ko jilaana, langde ko chalana, andho ko aankh dena, aur behro ko sunne ki shakti dena.”14
Unke Pita ka kaam tha hamare vishwaas ke aankho ko kholna, hamare dhaarmik ehsaas ko jagana, aur hamare peeda, hamare ghamand, hamare rog, aur hamare paapon se changaai dena. “[Hamein hamare] kamzoriyon mein shakti dena” tha. Aur ise paane ke liye, Ishu ne apni ichcha se sabhi tarah ke peeda, virodh, takeefon, aur behkaawon ko saha.15
Unke Pita ka kaam tha hamein dharti ke lakshye ko pura karne mein madad karna—“hamein swarg ke laayak banana,” ki hum “[Unke] saath wahan jiye.”16 Anye shabdon mein, Unke Pita ka kaam tha—aur hai— “manushye ko amaramsheelta aur anant jiwan dilaana.”17
Ishu Maseeh ka Praeshchit
Akhri mein, Badadin ki kahani puri hoti hai jab Uddhaarkarta ke jiwan ka antim teen din ki charcha hoti hai. Us zaroori samay mein, Uddhaarkarta Gethsemane ke Bagiche se Calvary ke krus se Bagiche waale Kabra mein jaata hai. Jaisa Elder Jeffrey R. Holland ne sikhlaya, us chan ka “zor aur prabhaao” “lautega … samay ke shuruaat tak, aur aage badhega … pure anantta tak.”18
Har ek manushye ki aatma ka chunaao Unke kandhe par dho kar, Ishu Gethsemane ka Bagicha lagbhag akela daakhil hua. Uske baad tha, puchtaach, kodhon ki maar, aur ant mein ek ati peedajanak maut krus par. Usi vinamrata aur aagyaakarita se jisse Usne shuruaat mein ghoshna kiya, “Yahan hoon mai, mujhe bhej,” 19 usne ab kaha, “He Pita, mai apni aatma tere haathon mein saumpta hoon.”20
Dharti karaah uthi, Unke doston ne shok manaya, aur andhkaar zameen par chaa gaya. Uddhaarkarta aatmaaon ke duniya mein chala gaya tha, jahan “sachche logon ke aatmaaon ki anginit jhund” —dhaarmik aatmaaen jo mar gaye the—Unke aane ka intazaar kar rahe the. Ek alag samaanta thi shuruaat mein jo hua tha, Parmeshwar ke putra aur putriyaan anandit ho kar chillaaye aur jhuk kar apne Muktidaata ka bhakti karne lage. 21
Sansaar ke Ujiyaale ka Punahsthaapna
Jald hi woh samay aaya ki Uddhaarkarta Apna shareer phir se paaye aur maut par Apna vijay paaye. Ek bahaar(spring) ke mausam ka din tha jab jald ek subha, saptaah ke pehle din, Mary Magdalene Unke kabra gayi aur use khaali paaya. Woh pehli thi Unke aawaaz ko sunne aur Unke pyaare chehre ko dekhne ke liye. Ishu baad mein Apne Chelon ko bhi dikha, unhe amantrit kiya Unke haath aur paer ko dekhne diya, “[Unko] chukar dekhne diya” 22 ki sach mein Wohi tha—ki Unke Muktidaata hi phir se ji utha tha!
Yeh hai woh “bade anand ka susamachaar” 23 jo hum Badadin par manate hai—sirf yeh nahin ki Maseeh paeda hua tha par yeh ki Woh hamare madhya mein jiya tha, Usne apna jiwan hamare liye diya, woh punarjiwit hua, aur akhri mein “woh kaam khatm kiya jo [Unke Pita ne Use] karne bheja tha.” 24 Hum anand manate hai kyunki is duniya ka avyavastha aur uthal-puthal shaant kiya jaa sake shuruaat se kiye vaade ke aadhaar par—ek vaada Ishu Maseeh ke Praeshchit dwara pura hua. Is kaaran, Badadin ki kahani puri nahin hai Easter ke kahani ke bina. Woh Uddhaarkarta ka praeshchit ka balidaan tha jise Bethlehem ka shaant raatri pavitra hua tha. Woh Uska mukti ka uphaar tha jiske kaaran hum anandit hokar chillaye the maransheel jiwan se pehle ke duniya mein—woh uphaar jo hamein rog se changaai deta, hamare andhepan ko dur karta, aur hamare sab aansu pochta hai.25
Jis ujiyaali ko hum Badadin par itna chahate hai Duniya ke Ujiyaale, Ishu Maseeh se aata hai. Jis kahani ko hum Badadin par pasand karte hai hamare Pita ke khushiyaali ki yojna ko batata hai, jo Maseeh ne mumkin kiya. Woh uphaar jo Badadin ko pavitra banata hai Unka hi apna jiwan hai, jo Usne diya taaki hum anant jiwan paaye. Aao hum is uphaar ko grahan kare aur Unke prem aur Unke susamachaar ko pure sansaar ke saath baate, khaaskar is saal ke ashcharyejanak mausam mein, yeh hai mera prarthna Ishu Maseeh ke pavitra naam se, amen.